Ka Nupepa Kuokoa, Volume LVI, Number 47, 22 November 1918 — NOI NA LIMAHANA E HOOPIIIA KA UKUHANA. [ARTICLE]

NOI NA LIMAHANA E HOOPIIIA KA UKUHANA.

I kulike ai me na lono i hoea mai i keia kulanakauhale, aia na 'Kepani limahana o ka mahiko o Meßryde ipe na manao uilani no ka hoomahuahuaia ae o ko lakou ukuhana, o ke kumu, mamuli mai no ia o ka pipii o na mea kuai iloko o keia manawa.

Ua hoounaia aku he mau leka lehulehu i na ahahui o na kanaka opio iwaena o na Kepani, ma na wahi apau, e hoeueu aku ana ia lakou e komo like mai ma kela manao, e koi aku i na mahiko e hōopii hou ae i ko lakou ukuhana. Malalo o kela manao noi no ka hoo mahuahua ana i ka ukuhana o na Kepani limahana o na mahiko, e hoakaka ana ia, aole he kahua e ae i kukuluia ai k-ela koi, malalo wale no ia o ka pii o ke ano o ke ola ana i keia manawa, me ka manaoio o kela poe Kepajii, ua hookahuaia ka lakou koi malalo o kekahi kumu maikai loa. Ua olelo ae na lunanui o ka ahahui o Jka poe-kanu ko, aole he.mau noi hoopii ukuhana i waihoia aku imua o lakou i keia manawa, .aka nae, me he mea. la, aia a loheia ka manao o na Kepani ma na wahi apau, o ka manawa iho la ia e waiho maoli ia aku ai kela koi. Ua lokahi na nupepa Kepani apau o kela kulanakauhale, ma kela manao hoomahuahua ukuhana o na Kepani e noho hana nei ma na mahiko, me ko lakou manaoio, lie hana kupono maoH no ma ka «oao o na niahiko, ka hoopii hou ana ae i ka uku o n& limahana, ina he makee ko lakou, no ka hoomauia aku o ke kulana holomua o ka oihana kauu ko ma Hawaii nei. W. S. S.