Ka Nupepa Kuokoa, Volume LVI, Number 47, 22 Nowemapa 1918 — HAULE KA HOOPII AUHAU ALANUI A LIKANA. [ARTICLE]

HAULE KA HOOPII AUHAU ALANUI A LIKANA.

Ma ka hoopii hoohalahala a L. L. McCan<lless o ka hookomo ana aku iloko o ka aha kiekie o ke Teritōre, e ku-e ana i ke kanawai auhau alanōi, mamuli o kona koiia ana aku e ul<u mai 1 ka huina o $391.83, no na hana hou o ke alanui Beritania, ua haawf mai ka ,aha kiekie i ka olelo hooholo ma ka Poalua.aku la i hala, e olelo ana, ua pololei ke koi ana a ke kanawai, a ua haule wale hoi kela hoopii a Mr. McCandless. I kulike ai me ka manao o ke kanaauhau alanui, ua 'kauia ko Mr. McCandless mahele o ka auhau.e uku ai ma kahi o ka $301.83; ua hoole nae oia i ka uku ana i kela mau dala, no ia kumu, ua lawe ae ka Puuku Conklirig o'ke Kulanakauhale a Kalana o Honolulu nei i ka mana o ka hoako ana aku i ke kanawai, ma o ka hoolaha ana e kuaiia ka aina o McCandlesg, i kauia aku ai ka auhau i uku 'ole ia. 'N kela hana ma ka aoao o ka puuku i liookomo okoa aku ai >o Mr. McCandless i ka hoopii iloko o ka aha kaapuni, o ka olelo hooholo a kela aha, o ia no ke kakoo ana mai i.na kumu apau ma ka aoao o ka puuku"#ke -kulanakauhale, aole nae malaila wale iho la no pau ka hoopii ana a McCandless, aka hookomo loa aku la oia i ka hobpn iloko o ka aha kiekie, a o ka hopena i ikeia, o ia no •kona haule ana, e koiia ai oia e uku, elike me ia i waiho mua ia aku ai iaia. He ona o Mr. McCandless no 72.5 kapuai o kekahi aina ma ke alaoui Beritania, o ka mahele i kakiia mai maluna ona, no ka uku ana i ka auhau alanui, he $391.83. Ua hoole oia i ka uku ana i keia auhau, malalo o ke kumu ua ku-e kela hana i ke kanawai, a ua maua ole. "O ke kau ana i ka auhau o kela ano, wahi ana, ua ku-e ia i ka hoololi elima 0 ke kumukanawai, o ia hoi e hoonele ana i ka ona aina i ke kuleana e hoopakeleia e ke kanawai, a ua ku ole hoi kela kau ana i ka auhau i.ka mana, oiai ua waihoia mai na ku-e ana, e ka poe i 01 aku mamua o kanaono pakeneka.^ Ma ka manao nae o ka olelo hooholo a ka aha kiekie, e hoole ana ia i ke ku-e o ke kanawai auhau alanui i ke kumukanawai, a o na kumu hoohalahala apau, ma ka aoao o McCandless, ua hoole wale ia no ia, a kakooia ke kanawai auhau alanui, no kona ku i ka mana.