Ka Nupepa Kuokoa, Volume LVI, Number 45, 8 Nowemapa 1918 — O KUU MOOPUNA UA MOE I MAKIKI. [ARTICLE]

O KUU MOOPUNA UA MOE I MAKIKI.

E oluolu niai hoi oe e ke kapena kaulana o ka moku haluna aha'i meahou o ke ao nei, e hookomo aku hoi oe i ka'u wahi haawe pohaku (laimana kaumaha luuluu, ma kekahi rumi oneki kaawale kupono o ka milimili punahele a ka lahui, iio ka papaaina hoohialaai o na meaai ono loa mai ka oili puka ana a ka la ma Ha'eha'e, a ka moe ana a ka la kolii i ke kai o Lehua.

Ma ka li'ula o ke ahiahi Poaha o ka la 24 o Okatoba, i aui aku la, he 35 minuke i hala ae o ka hora 5 o ke ahiahi, i hoea mai ai ka lono kelepona hoolele hauli mai ke keena poo ae o ka papa ola ma ka aoao hema kikowaena o Honolulu nei, a holo ae la ka uwila a loaa ka pahu lohe o ka Hon. W. J» Coelho, ma ke komohana akau, a holo mama hou ae la keia lono hoopuiwa noonoo i ka pahu kelepona o ka lunanui 0 ke keena mahiai o Amerika ma Makiki, aoao hikina hema, a laweia mai la e ka mama ahonui no hapakolu mile keia pali loihi i piiia mai ai a loaa au. Auwe no hoi e! Ua loli hlkiwawe ae la au he mau tona pohaku ke kaumaha o keia lono hoolele hauli, no kuu moopuna i ka Home Leahi ua hala, a aia i ka hale hoomaemae kino lepo mawaena o Alanui Papu me Nuuanu. Ua po ka la, aole hiki e hele e ike hopeT iaia, oiai ua kapu ka po no puakala, ua paa na puka i ka laka ia; a oiai he mau malihini maua na ke kai 1 lawe mai a ike ia Makiki, he aina aloha, a hoomanao ae la au i ka oleio a kuu Haku aloha nui: He lua ko na alopeka, he wahi noho ko na manu o ka lewa, aka, o ke keiki a ke kanaka, aohe wahi e hoomoe ai o kona poo, oiai, aohe o maua lepo hooilina ma keia aina malihini aloha.

j He mamao loa na pali aloha o Honomanu i ka waikau mai o Keanae i ka ipua o ka ohi'a, 140 mile ko maua kaawale loa me kuu Alapai aloha, moe a j ao ae Poalima, la 25, ua huli aku la au i lepo hooilina ponoi nona, a ma ka lokomaikai o na hoaloha o keia aina ma- : lihini i loaa mai ai ko'u wahi kupono , ma ka pa ilina o Makiki, a moe aku la ke poo o kuu moopuna aloha i ka la o lalo e moe ana oe la hoolono o ka leo o ka hea mai. Auwe, pomaikai ke kanaka . i malama i kona aahu i ole oia e hele kohana a ike ia mai kona olohelohe ana.

Ke haawi ae nei au i ka'u mau hoomaikai nui ana i na keonimana o na keena poo aupuni o ke Teritore ame ke aupuni o ke Teritore ame ke aupuni kalana no ko lakou mau kokua aloha ana mai ia'u ma kekahi mau mea. Ke hoomaikai nei au i ko'u aupuni kalana no ke kokua aloha ana i kona mau makaainaua ma ka lawe ana ae i na hoolilo apāu, a o ka lepo hoi ka'u a moe aku la me Niolopua no ka wa, mau loa. Kuu lei pua kookoolau o Maui, aloha nui kakou apau, ua poina au ia oe, ua haalele ka wi, o kona ua pa-i ka la. Aloha ka ohana o Maui i ka ike ole ana.! Aloha ka moopuna i ka rumi haiki, Aloha o Makiki i ka lepo hooili, Aloha o Maui i ka hale o ka la, Aloha Honomanu na pali alo lua, Aloha Kalaloa kuu home ehukai, Aole oe e ike hou ana ia Alapai. Aloha ke one i kamaaina iaia, Aloha ka lae i 'e hee ana i ka nalu, Aloha ka makua i ka ike ole ana, Aloha oukou; aloha hoi au; Aloha o Alapai, ua moe i Makiki, Aloha Halii au ana i ke kai. Aloha na pali Koolau o Maui, i Aloha ka Waikau i ka pua ohia, Aloha Kapapa'i i ke ala au kai, Aloha Claudine i ka Ho hehi ale, Aloha Kahului i ke kai holuholu, Aloha ka au malihini ana o ke kai. Aloha Waialee home hoopololei, Aloha Leahi ka home akepau, Aloha ka uwila aha'iolelo, Aloha ka nupepa i ke kipa kauhale. Ua ai au a ua maona 5 ke aloha o kuu maapuna, ina ke aloha la he ai liliha, o ia ua ike au. Elua wale iho no maua me ke aikane a kuu moopuna i kona huaka'i hoolewa mai ke alanui Papu aku ft hoea i ka pa iliua o Makiki ,a ia 'u hoi i kona kupunakane kona mau hoopomaikai hope loa a moe aku la i ka la olalo e. Ke hooki nei au. i keia, na ka Makua mana loa e hoopomaikai nui loa mai ia kakou apau, me ka holomua loa o ke ao nei i ike ole ia kona lua apuni. Aloha nui oukou apau loa. Amene. Owau no, I. K. K. KAPUNIHANA. Makiki, Honolulu, Oct. 28, 1918. W.B. 8. TOKIO, Oct. 29. —Ua lilo pio aku i na pualikoa Pelekane ma ka hapa akau loa o Rusia, a e kaua pu ana me ka | hui pu me na Kukini ku-e i na Bolshevrki, ke kulanakauhale ano nui o Yologda, he kulanakauliaile ekolu haneri mile ka mamao ma ka hikina ae o ke kulanakauhale o Petrograd, ke kapitaila mua o Rusia. Oka pualikoa Bolsheviki nana ia kulanakauliale i paa mamua ua kauaia mai lakou ahiki i ke | auhee ana no ka hema. Ua hoea aku la i ke o Omsk ka pualikoa Pelekaue nui maloko o Siberia malalo o ke alakai ana a ka LukanelaKenerala Knox, ua hoikeia mai ka haalele ana iho o ia pualikoa a nee aku la no ke komohana noloko o ka okana aina o ka Mauna Urala. Ua manaoia e koonei poe e hui koke aku ana ia pualikoa me ka pualikoa PeTekane i loaa ka lanakila ma Vovogda. WASHINGTON, Oet. 22,—Ma kei» la i hoolahaia ae ai e ke keena puuku o ke aupuni kekahi hoaie dala hou o $700.000,000 ia Italia a he hoaie paku 'i hou ia Palani o $100,000,000.