Ka Nupepa Kuokoa, Volume LVI, Number 43, 25 October 1918 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, HONOLULU, T.H., POALIMA, OKATOBA 25, 1918

 

HE MOOLELO NO

TAZANA

-: A I OLE :-

Ka Hiena o na Ululaau Anbano o na Kapakai o Aferika

 

“Eia ka wai la, aole nae au e haawi aku ana ia oe. O ka’u hoi ia e olelo aku ana ia oe, e ae mai oe me a’u kela kaikamahine opio i kekahi manawa, aohe nae ou wahi mea a maliu mai,o oe wale no kau e nana, nolaila e hoka oe e pono ai. elike me kau i hoohoka mai ai ia’u.”

            “Uwoki!” i hoomanawanui mai ai o Kelekona i ke ka mailio ana, iloko no o kona kulana nawaliwali. “Ua oi aka kou ino imua o na holoholona i hapala wale mai ai o@ i ka inoa maikai o ke kaikamahine opio a’u e manaoio ne na halawai oia me ka make. Ke mihi loa nei au no ko’u hoola ana aku ia oe, eia ka o ka ino ka mea e pana’iia mai ana no ia maikai a’u i hana aku ai. Aole loa oe e keia kanaka i kupono e ola!”

            “Eia mai ko wai i kauoha ae nei ia’u e lawe mai,” o ka wala ae la no ia o Nikola i ke kiaha, a inu ae la ahiki i ke koe iki ana o ka wai iloko o ke kiaha, a o ke koena kiola aku la iwaho, o ke kaha mai la no ia hele, me ka nana h@ ole aku ia Kelekona.

            No kela hoohoka ana aku a Nikola ia Kelekona, ua noke okoa ae la ke kanaka. Pelekane i ka uwe, me ka oni ana i @a ia nei, aole nae ia he mea e loaa aku ai ka wai iaia, a ua o Kelekona e i okoa iho la no iaia, ua oi aku kona hauoli, e kik@@ koke mai ua lima o ka make maluna ona, i pau ai kona ike ana i na auwe a ka pilikia ame ka poino.

            Ma kekahi la ae, hooholo iho la o Nikola e haalele i kona hoa e waiho malie pela ahiki i kona make ana aku, a e hele oia ma ke kukulu akau malia o loaa aku kekahi poe kanaka ma kekahi wahi o ka pau no ia o kona pilikia, aole e hiki iaia ke noho hou aku, e lohe i ka noke mai o Kelekona i ke noi iaia e kokua aku; nolaila me kela manao paa iloko @ Nikola e hele no ka akau, kii aku’la oia i ka ihe a Kelekona o ke kaha aku la no ia hele me kona nana hou ole mai no ka hoa o ka hoomanawanui ana i na inea a ka make me ka poino.

            Ua ala mai no kekahi manao iloko o Nikola e pepehi mua aku oia ia Kelekona mamua o kona haalele ana iho, i kela wahi, o ka mea wale no nana i kaohi mai i ka hooko ana aku ia manao, o ia kona noonoo ana iho, he hana ku i ke aloha ole ka pepehi ana, no ka mea e hoopau koke ia ae ana na auwe iloko o kela kanaka, nolaila he oi aku no ka pono o ka waiho malie ana aku iaia pela, e noke ai i ka uwe a i ke kuwo no kona mau chaeha.

            Ma kela hele ana aku a Nikola, hoea aku la oia i kahi i ku ai o ka hale o Tazana, a komo mai la ka manao hauoli iloko ona, no ka hoomaopopo ana iho, ua kokoke oia ma kahi i nohoia e na kanaka, a e loaa ana ka poe na lakou@e haawi mai i na kokua ana iaia. Ina paha i loaa aku he wahi mahu’i iloko ona. o ka ona nona ua hale nei, aia oia ma kahi he mau mile helu wale no ka mamao mai iaia aku, ina aole loa oia e ae ana e hoaumoe kona poo maloko o kona mau paia. no kona ike ole nae nolaila ua hoohala oia he mau la maloko o kela hale, me ka hopohopo ole i kona hoopoinoia mai e na holoholona ahiu.

            I ka ike ana o Nikola i kona mehameha i ka noho hookahi ma kela wahi, hoomau aku la no oia i ka hele ana no ka akau ma ka lihi aekai.

            Aia hoi ma kahi hoomoana o ka Haku Tenikona ame kona mau hoa, ke hoolala la lakou e kukulu i mau-hale paa no lakou, oiai ua ma’u maoli kela kakali ana o ka hoea aku o na hoopakele, aole he hooko iki ia o ia manao. O kela manaolana mua o lakou no ka loaa o Jene Pota ma, i kekahi mokuahi i ka moana, ua pau loa ia mai ko lakou noonoo aku, i kau a mea o ka loihi o kela noho ana o lakou, me ka hoea ole aku he mokuahi.

            No ka Poropeka Pota nae, ua ku a hehena maoli oia, a i kela ame keia la, e kamailio mau ae ana oia, ua kokoke e hoea mai kekahi mokuahi e kii mai ia lakou, a i kekahi manawa hoi. e kamailio mai ana oia, no ke kaaahi, a he nui kana mau olelo olohewa, o ka mea i loaa ole na noonoo maikai.

            “Ina aole au i kamaaina loa i keia elemakule, ina ua kapa koke aku au iaia, ua opulepule,” wahi a ka Haku Tenikona, ia Miss Ikaika, i kekahi la.

            “Aole au i nana aku iaia ma ke ano he mea opulepule, aka o ke kaumaha ame ke aloha no kana kaikamahine, ka mea nana i hoano-e i ka noonoo, a pela oia i kamailio mai ai i na olelo olalau. Mai ko’u wa liilii mai ahiki i ke kanaka makua ana. ua ike au aole loa he mea nui e ae iloko o ka noonoo o ka poropeka o kana kaikamahine wale no. Ua nui kona kaumaha me ka ehaeha o ka noonoo, koe wale no, aole ona manaoio i na manao koho wale, aia no a ikemak, alaila oia manaoio. a o ia ka’u e olelo aku nei ia oe, aia no ka manao iloko ona, ke ola nei no kana kaikamahine.”

            “Malia paha o kau mau mea e hoakaka mai nei e Miss @kaika ka pololei, aka nae aole e hiki ia oe ke koho mai i kona ano ma nehinei aku la. Ua hele aku au i ka hahi holoholona no kekahi mau hora, a ia’u e huli hoi mai ana. ua ike mai la au iaia, e hoi ana mamua aku o’u, e hele ana no hoi me ka awiwi loa, a e pe’a ana kona mau lima malalo ne o kona kuka puapuamoa; ua onou ia iho no hoi ka papale a o ka nalowale iho no koe o na maka. a ilalo wale no kona mau maka kahi i nana ai, o ka’u koho aku nae, me he mea la aole ona nana ia mea he make, ina no ka halawai ma me ia.

            “Ia’u i ike mai ai i kona hele mamua, kahea mai  au iaia me ka leo nui: ‘E hele ana oe ihea e ka Poropeka Po@a? “E hele ana au i ke taona e ka Haku Tenikona i ka holoholo, a no ka ike ana i ka lunaleka, i ke kumu e loaa oie mai nei he leka ia kakou no keia manawa loihi. He mau pule keia, aole he hoea mai o ka’u mau leka. O ka Jene hana paha ia e kakau mai nei i kona makuakane, aia no nae i ka haleleka kahi i waiho ai, e ike ana ka lunaleka, e waiho aku ana au i na kumu hoohalahala i na poo o ka oihana lek ma Wakinekona.’

            “Ia’u nae i hoakaka pono aku ai iaia, he wahi ko kakou e noho nei i hiki ole e loaa mai na leka, akahi no a hoi pono mai kona noonoo maikai, a hoike okoa mai la i kona manao kaumaha, a ma ka’u koho maoli aku no, aia iloko ona ka manao hopohopo, aole i palekana o Jene mai ka poino mai.”

            “Owau ka mea makemake ole ke hoomanao ae no Jene. oia nae aole e hiki ke uumi iho oiai e kau mau mai ana na hoomanao-ana imua o ko’u noonoo nona, ame kona mau hea. heaha aku nei la ko lakou hopena?” i pane aku ai no hoi o Miss Ikaika.

            “E kau aku i ko kakou mau manaolana, no na mea e hoohauoliia ai ko kakou manao, a e hoopoina hoi i na mea mai@@i ole apau, he mea ia e hoomamaia mai ai ko kakou noho ana ma keia wahi. Ua kukulu mai oe e Miss Ikaika i kekahi haawina a’o maikai loa imua o makou, oiai nae o oe @@ mea nui o na poino ma kekahi ano ke nana aku, aole nae oe i nana ia mea, aka ua hoike mau mai oe i kou ano hauoli, me he mea la, aole he pilikia ma ko kakou noho ana ma keia aina kanaka ole.”

            “He mea oiaoi, mawaho ae o ka Poropeka Pota, owau hookahi wale no ka mea i loaa ke aloha kuhohonu no Jene, me he mea la, o ko’u hoahanau ponoi loa ia, a ka makuahine hookahi,” alaila kulu okoa iho la na waimaka o Miss Ikaika.

            Iloko o kela mau la lehulehu o ka hoohala ana o ka Haku Tenikona me Miss Ikaika ma kela aina ululaau, ua nana @ku oia maluna o kela kaikamahine, ma ke ano a hoopihaia kona puuwai me na ano maemae wale no, a o ka mea wale no nana i hookomo aku i na manao hopohopo iloko ona no ka hoea mai i ka hookoia ana o kona makemake, o ia no ke kamailio mua ana aku a Mr. Kolu iaia, oia hoi o Nikola, ua hooplau ua kanaka nei me keia kaikamahine, o kana nae e ha’oha’o mau ana, aole he wahi mea a hoopukapuka iki ae @ Miss Ikaika e pili ana no Mr. Kolu, aka nae i wahi nona e ike ai i ka mea oiaio, hooninau okoa mai la oia i ka i ana mai:

            “Ina paha no ka halawai i’o o ko kakou mau hoa me ka @oino, manao au e lilo ana ko Mr. Kolu make ana i mea nou e komohia ai iloko o ke kanikau ana.”

            “He mea oiaio, ua nana aku au ia Mr. Kolu ma ke ano oia kekahi o ko’u mau hoaloha maikai loa, oiai no nae h@ manawa pokole wale no ko’u o ka hookamaaina ana me ia.’

            “Alaila aole anei oe i hoopalau me kela kanaka?” i ninau aku ai ka Haku Tenikona.

            “Aole loa he mea o ia ano i hooholoia e a’u, a aole no koho ko’u noonoo e lawe mai iaia a oi aku mamua o ke an@ hoaloha wale no.”

            “Hele mai la ka makemake a nui iloko o ka Haku Teniko na e hoike okoa mai i ka ukana nui a kona puuwai e hiipo mau ana, eia nae aole he puka mai o ka olelo mai kona mau lehelehe aku, a ke noke wale la no oia i ke kunu, ahik ka hoolalau ana aku o kana kamailio ana, he manaolana kona aole i loihi na la a lakou e hoomau aku ai i ka hana o ka paa no ia o ko lakou hale hou.

            Oiai no nae ka Haku Tenikona me Miss Ikaika e noke ana i ke kamailio, ia wa i ike like aku ai laua i kekahi mea i ka maaloalo mawaena o na laau liilii, a no ka manao o ka Haku Tenikona he kanaka ahiu paha kela, lalau iho la oia i kana pu panapana, a paa ae la iloko o kon lima. eia nae ua kahea e mai la ua kanaka nei i kona inoa, akahi no a loaa mai ka ike. eia ka he kamaaina no kela, aole hoi he malihini.

            Ua hiki ole loa ke hoomaopopoia aku ka helehelena o kela kanaka, no ka mea ua hele kona lauoho a loloa, pela hoi ka umiumi, a he ili holoholona hoi koua kapa e komo ana. o ua kanaka nei oia no o Nikola, ua pololei loa mai kana hele ana ahiki i ka hoea ana i kahi i noho ai o kekahi poe oluolu o ka mokuahi ka Lede Alika.

            Ma kela hoea ana aku o Nikola imua o ka Haku Tenikona ame Miss Ikaika, a haawi ke aloha lululima, o ka ninau mua loa a ka Haku Tenikona i waiho mai ai imua ona o ia no na mea e pili ana ia Jene Pota ame kekahi poe e iho, a o ia ka Nikola i pane aku ai:

            “Ua pau loa lakou i ka make. Mamua o ka pae ana mai o ko makou waapa i ka aina, ua make na luina ekolu. No Jene Pota hoi. ua @awe aihue ia oia @ kekahi holoholona ahiu, oiai au e waiho ana i ka ma’i. a no Kelekona hoi, ua make oia i ka ma’i @va. he mau la mahope mai o ka nalowale ana o Jene, a koe hookahi wale mai la no au, no ka lawe ana mai a hoike aku ia oukou i keia lono kaumaha i piha me ka ehaeha. Eia no kakou apau iluna o ka aina hookahi. he mau mile wale no ke kaawale o kekahi mai kekahi mai. a o ia ka’u e mihi nei, ina no paha i heleia mai e makou e huli. ina aole e halawai ko’u mau hoa me ka make.”

            Ke nauki loa mai nei paha oe e ka makamaka heluhelu no ka hopena i kau aku maluna o Jene Pota. He mea oiaio hoi ia. e hoihoi aku ana ka mea kakau moolelo ia oe imua ona.

            Pehea la ka loihi o ka waiho malie ana o Jene Pota iloko o kona keena pouli maloko o ke kulanakauhale hahiko o Opa, aole he mea i maopopo iki iaia. No kekahi mau la o kona noho ana maloko o ka rumi pouli, ua loohia oia i ka ma’i @va, eia nae i ke auhee ana aku o ka @va, ua hoi mahe mai la ka ikaika o kona kino.

            E lawe mau ia mai ana no na meaai iaia e kekahi wahine, me ke kauoha mau ana mai iaia nei e ala iluna, e hoole aku ana no oia, me ka luliluli ana aku o kona poo, ame ke kuhikuhi ana aku no hoi i ka nawaliwali o kona kino.

            I ka hala ana nae o kekahi mau la lehulehu, mahope iho o ka pii malie ana ae o ka ikaika o kona kon, akahi no a hiki i ua o Jene Pota ke ku iluna. me ka paa ana i ka paia e hoohelehele ai maloko o ka rumi, a ke hakilo mau mai la hoi ka wahine nana e kiai ana iaia i kona ano.

            I ka hookokoke ana mai o ka la e waiho ia aku ai o Jene Pota i mohai na ke akua, komo mai la he hookahi wahine @loko o kona keena paahao, o ka mua loa keia o kona ike ana mai i kela wahine, a e ukali aku ana hoi mahope ona he poe lehulehu.

            Ua lawelawe mai la kela poe i kekahi mau mea hoomana. iloko nae o ka noonoo o Jene Pota, koho wale mai la no oia e hoopakeleia ana kona ola, no ka nmea ua poholo mai oia iloko o ka lima o kekahi lahui kanaka. i loaa ka hoomanao ana aia he akua. a aia hoi he kanaka, o ka pololei nae o ia manao koho ona ame ka ole, na keia mua aku e hoike mai.

            I ka pau ana o na hana hoomana a kela poe, kauohaia mai la keia e hahai aku ia lakou. a no kona manao. e hookuu lanakila ia ana paha oia, aole ona wahi mea a hookololohe iho. aka he hookahi ka hele like ana aku me kela poe, ma na alanui kikeekee e komo ana iloko o kekahi rumi, a oili aku la ma kekahi rumi, me kona manaoio, he poe kauwa keia na ke akua. a he poe hoi keia i piha me na manao aloha a lokomaikai.

            I ka wa nae a ua o Jene i ike aku ai i ke ku mai o kekah kuahu pohaku maloko o kekahi keena nui, a e waiho ma ana ke koko ua maloo iluna o ka papahele, akahi no a komo mai na manao kanalua iloko ona. no ka hana a keia lahu kanaka i manao ai nona, a i ka manawa i hele mai ai kekahi poe e nakii i kona mau lima mahope o kona kua. akahi no a pili mai ka mea oiaio loa iloko ona. e moliaia aku ana ona mua o ke akua o kela lahui kanaka, a aole hoi he manao ana i koe no ka pakele o kona ola, a o ia kana o ka mihi ana iho, ua oi loa aku kona make ana iloko o ka ululaau, i ka wa e kaualakoia ana oia e na kanaka ahiu, mamua o keia make aku me ka mainoino loa.

            I ka paa ana o na wawae ame na lima o Jene Pota i ka nakiiia me ke kaula. hapai okoa ia aku la oia a waiho iluna o ke kuahu, i kela manawa, ua auhee aku ka manaolana mai iaia mai, he hookahi wale no mea i koe, o ia ka hoea mai o kona hopena.

            Elike no me na mea i hanaia aku maluna o Tazana, o ia ka hoomoe ia iluna o ke kuahu, pela no kela i hanaia aku ai maluna o Jene Pota, aia hoi na kane ame na wahine, ke noke la i ka haa. a ke noke la i ke olioli, i ka pule, a ke ku la hoi ka wahine kahuna ma ka aoao o ke kaikamahine opio. me ke kamailio ana i kana pule, i hele a paanaau. a i kela ame keia manawa. e hookuu iho ana oia i kana pahi, @ kokoke ma ka puuwai o Jene, aole nae he hoomaopopo ae @ Jene i kela mau mea. oiai ke hiamoe la kona mau maka. me ke kakali wale mai no o ka hookauia aku o ka make weliweli maluna ona.

            No ka loihi loa nae o kona waiho malie ana, me ka pepehi @le ia aku. kaakaa okoa ae la ka maka o ua o Jene Pota, a iaia i ike mai ai i ka iho ana iho o ka pahi a ka wahine kahuna, upo’i koke iho la i kona mau maka, a waiho maule aku la. i kau a mea o ka piha me ka maka’u, aia no hoi na kane ame na wahine, ke noke la i ke olioli, a ke haa la hoi kekahi poe, he mau hana hoolealea keia imua o ko lakou akua.

            Ma kela haalele ana aku a Tazana i kona lahui kanaka, aole ona wa e hoomaha ai, e hele mau ana i ke ao ame ka po. he uuku loa kona wahi manawa e hiamoe ai a e hoomaha ai paha, no ka mea ke kau mau la kona noonoo maluna o Jena Pota. me ka hopohopo mau o kona noonoo, e hiki ana paha iaia ke hoopakele ae i kona ola aole paha.

            Ua maopopo loa i ua o Tazana, ma o na hoakaka la a ka mapu i hoi aku ai a hoike imua o kona puulu, aole loa he wahine keokeo e ae i lilo aku la malalo o ka malu o kela ahui kanaka hihiu. o Jene Pota no ia, a ma ke ano no hoi i hoakakaia mai ai o ka lahui kanaka, na lakou e lawe ana ia kaikamahine nei, ua maopopo loa iaia, o kela no ka lahui kanaka hookahi ana i ike ai ma ke kulanakauhale kahiko o Opa. laia e nana aku la i ka hiona e halawai mai ana mo Jene Pota, he hiona ia i ku i ka menemene ame ka ma naonao, oiai iluna oia o ke kuahu kahi i waihoia ai, a ma @a una pomaikai wale no i hoopakeleia mai ai kona ola mai ka ake mai, a ina no kona hoea hou i kela kulanakau @ale i ka wa pono, aole loa ona kanalua no ka hiki iaiai ke hoopakele ae i ke ola o ke kaikamahine hookahi ana i aloha ai.

            O kela wahi loihi e hele ai iloko o ka mahina hookahi, he @ule wale no ia ia Tazana. no ka mea aole oia i hele ma kela ala loihi a lakou i hele mai ai me na kanaka Wazari @ka ua oki pololei aku oia maloko o ka ululaau, ma ke @lahele pololei e hoea koke ai i ke kulanakauhale o kela lahui, a iloko o ia hoomanawanui ana, me he mea la he ma kahiki okoa i ka noonoo o Tazana, hoea aku la oia no ua @ulanakauhale nei.

            Ua hele a kupono ka la i ka lolo ma kekahi la, hoea aku a oia iluna pono o ua kulanakauhale nei, ma kela wahi n@ @ohopo iloko ona, no ka hiki iaiai ke hoopakele ia Jene ana i oili mai ai me na waiwai gula, aia hoi na manao ho-Pota iloko o ka wa pono. me kona hoohiki ana iho. ina u’a lohi loa kona hoea ana mai, a ua make mua hoi o Jene Pota, alaila e hoao ana oia e luku aku i kela lahui kanak, ahiki i ka noenoe ana, mamuli o ka hewa a lakou i hana aku ai maluna o Jene Pota.

            Elike me ka maalea o ka alopeka ame ka palamimo o ka popoki, pela iho la ua o Tazana i komo aku ai maloko o kela alahele mua no ana i hele ai me kona poe kanaka, a iloko o ka manawa pokole, hoea aku la oia ma kekahi wahi e kokoke ana i ke keena nui e malamaia ai na hana mohai, a lohe aku la oia i ka haluku oloko o ua keena nei, a lolie ou aku la no hoi oia i ka leo o ka wahine kahuna, i ka namunamu, nolaila hoomanao mai la keia, ke hoomakaukauia mai @a na hana mohai no kana mea i aloha ai.

            O kona wahi e hoea aku ai noloko o ke keena mohai. he mea pohihihi loa ia, nolaila holo ae la oia ma kekahi aoao. a komo mai la maloko no o kela keena pouli ana i wehewehe ai i na pohaku a pau i ka hemo, a i loaa ai kona lanakila iaia, o kela o keia, komo ana oia iloko o ka rumi pouli. o ka mea apiki nae, ua paa no ka puka i ke paniia, a ua oloke’aia mai hoi i ka pauku laau nui mawaho mai. O ka hooikaika ana e wawahi i kela puka, aole ia he hana maalahi. o kahi wale no e hoea ai oia no ke keena e malamaia ana o na hana mohai, o ia kona hoi hou ana a ma kekahi aoao mai o ka pa, ma kela wahi mua loa no o kona koma ana mai. a paa ai i ka hopuia e kela lahui kanaka puhuluhulu.

            Me ka hoohakalia hou ole aku, oili hou mai la oia iwaho. a hoomaka aku la e holo elike me ka mama apau i loaa iaia, he hookahi wale no noonoo iloko o kona poo, e hiki iaia ke hoopakele i ke kaikamahine opio mai ka make mai, ina aole oia i lohi loa.

            I kona hoea ana aku ma kela wahi mua no ana i lohe mai ai i ka haa ame ke olioli o na kanaka, ku ino la oia a nana mai la i kekahi aoao o ka pa i hiolo ma kahi he iwakalua kapuai ke kaawale mai iaia aku, a ke lohe aku la no oia i ka haluku mai o na kanaka maloko o ke keena nui, i ku ai o ke kuahu, a ua aneane maoli oia e lele aku me ka pa pohaku, eia nae he hana naaupo wale no ia, e pomaikai ole ai oia ma kekahi ano.

            Me kela manao paa nae, e hoao oia e mauna aku i kona ola no ka pono o ke kaikamahine opio, holo hou mai la ola hope. a loaa he pohaku palahalaha, hoopaa iho la ma kekahi piko o ke kaula, a i ka paa ana, ia wa i nou aku ai ola me kona ikaika apau i ka pohaku, a haule aku la ma kekahi aoao o ka pa pohaku. Huki mai la oia i ke kaula hiki i ka @aa ana o ka pohaku ma kekahi wahi, manao ae la kona @iki ke hele ma kela aoao, ma ka pinana ana ma kela kaula a kau ma kekahi aoao o ka pa: he oiaio ma ka hoomanawa@ui ana. hoea aku la oia maluna o ka pa pohaku, a nana aku la ioloko o kekahi keena nui, aole he ke kanaka ia @ka nae ke lohe la no oia i ka haluku mai o ke keena mohai @a kekahi aoao aku.

MOKUNA XXV.

Hoopakele o Tazana ia Jena Pota

 

            Ke lohe aku la ua o Tazana i ka leo o @a ka wahine kahuna e olioli ana, pau aku la kona lohe ana i ka halulu, @ hoomanao mai la keia, ua kokoke loa mai i ka manawa e pephiia ai ka mea i alanaia kona ola i mohai na ke kua. a he manawa paha kela no ke anaina ka@@ka e makaikai la i ka mohai, a iloko o kona mau mana@ pihoihoi. hoomaka aku la oia e holo pololei no kahi o ka eo o ka wahine kahuna ana e lohe aku la.

            O kahi o ka laki, ma kela holo ana aku a Tazana. ua pololei loa oia a hoea maluna pono ae o ke keena nui e hoopuniia ana e na kahuna ame ka lehulehu o keia lahui kanaka, a e waiho mai ana hoi ke kino o Jene Pota ihuia o ke kuahu, me ka hauhoa ia o na lima me na wawae i ke kaula.

            I ka wa i ike aku ai o Tazana i kela hiona, he keu aku @ kona piha me ka menemene loa, o oiai oia e hoomaha @na, a e kakali ana o ka loaa he wa kupono nona e hoopakele ai i ke kaikamahine opio, ike aku la oia i ka pahi a ka wahine kahuna, i ka hulali. e pii ana kona lima iluna, a e iho mai ana a pili ka pahi ma ka umauma o Jene Pota. iloko o kela wa, i ku ae ai o Tazana iluna. ulupuni mai la oia me ka inaina, a me ka leo nui o ka mapu, e kuwo @na me he liona la i hele a hulili na maka i ka huliu. ua kahea ae la oia, e wawalo hele ana kona leo iloko o kela keena nui. a iloko o ia manawa hookahi, ua kaili aku la ka wahine kahuna i kana pahi, a leha mai la hoi kana nana ana no kahi a Tazana e ku aku ana maluna pono ae ona ame kona lahui kanaka.

            Ua hele na mea apau a piha me ka maka’u, no ka wahine kahuna keia hoopoina loa aku la oia i ka mea e waiho mai ana i moliai, aia wale no kona mau maka maluna o Tazana kahi i nana aku ai me ka maka’u.

            He oiaio ma ka manawa a kela wahine kahuna i hooholo @i e hoopakele i ke ola o Tazana, aole loa he wahi manao @loko ona, e haalele mai keia kanak i ke kulanakauhale o Opa, aka e lawe mai oia i ua kanaka nei i kane nana, oiai ua hoohihi maoli no kona manao iaia. Ma kela manawa a ua wahine kahuna nei i hoopaa aku ai ia Tazana maloko o ke keena pouli, a huli hoi mai imua o kona lahui kanaka. @a haku oia i kekahi moolelo hoopunipuni ma ke ano e olelo aku i kela poe kanaka. na ke akua maoli no i hoouna mai i keia kanaka ili keokeo ma ke ano he hoopakele no lakou, a e noho pu oia me kona lahui kanak ma ka honua nei, ua maopopo loa i kela wahine kahuna, e puni ana kona lahui, a ua koho iho no hoi oia, aole no he mea a keia kanaka e @oole mai ai. aka e lawe aku ana oia iaia nei i wahine nana, a noho pu lakou ma ke kulanakauhale o Opa.

            I kela hele hou ana mai nae e nana, aole o Tazana maloko o ka rumi pouli, a kaua no e ka makamaka heluhelu i @ mua ai ma kekahi mau helu ae nei i hala. i kona pakele @ mailoko mai olaila, a ike ua nalowale oia me ka ma@ ole, ua hookahaha loa ia aku kona manao.

            I kela manawa a Tazana i kahea ae ai me ka leo nui m@ ka olelo a na mapu, ua lele koke iho la oia a ku ana @ o kela rumi nui. a hoomaka koke aku la no e luku i na k@ huna e ku ana ma kela ame keia aoao o ke kuahu. a @ nana aku la no o La iaia me ka weliweli, no ka mea na @ pu kona poe kahuna, me he mau hipa la. e haehaeia ana e @ lima o ka liona, a oiai oia e ku ana me ka haalulu. aia @ aole e hiki i kekahi mea maloko o ua keena nei ke h@hoa mai ia Tazana, a iloko o na minuke helu wale no @ @ia ke paa la ia Jene Pota iloko o kona mau lima. a huli m@ a imua o ka wahine kahuna a i mai la me ka leo kuoo m@ ka olelo a na mapu:

            “E ku ae oe e La ma kekahi aoao, i hele aku ai au me ka@ @kana makamae. No kou hoopakele mua ana i kou ola @ole au e hoopilikia wale aku ana ia oe i kei manawa, ak@ @ae i hoao oe e hana mai i kekahi mea maluna o’u e pepe@ @o auanei au ia oe, elike me ia au e ike ae la i keia poe e al@ mokaki mai nei.”

            Ua hookaawale ae la ka wahine kahuna iaia iho. mai kal@ @ Tazana e hele mai ana no ka puka o kela keena. aka @ @ ninau aku la oia i ka i ana aku ia Tazana: “Owai ke@ wahine au e hii nei?”

            “Owau hookahi wale no ka mea kuleana iaia,” i pane aku @i o Tazana, me ka nana hou ole aku, a no kela pane. @ @we okoa iho la ka wahine kahuna, no ke poho o kona mau @anaolana, a hina iho la ilalo o ka papahele, me kona hoopilikia ole mai ia Tazana. o ka manawa nae ia i holo mai ai @e puulu o na kanaka huluhulu, no ka hookolo ana mahope @ Tazana ame ke kaikamahine opio. a e pepehi aku ia laua @ elua. ina no ka loaa aku ia lakou.

            I ua poe kanaka nei i alualu mai ai mahope o Tazana no ke keena malalo o ka honua, ua hookahaha loa ia aku @ lakou manao. i ko lakou ike ole mai i ka lakou pio. a oiai @ae ua kamaaina lakou. aole wahi e pakele ai o Tazana @oke nui ae la ua peo nei i ka akaka. me ka holo ana aku @ kekahi poe o lakou ma ka puka hookahi wale no e hem@ mai ai, no ke kiai ana.

            Nolaila ma kela hooki ana a kela lahui puhuluhulu. i k@ @akou alualu ana mai ia Tazana, ua maalahi maoli kona @lahele. e hoopakele la ia Jena Pota malalo o ka honu. oiai hoi kela poe kanaka e noke la no i ke kamailio. a i ka hakil@ @ kona oili hou mai. Ua kiai mua no lakou ma kela wahi ma ka manawa mua i paapio ai o Tazana, eia nae, aole @ mea i loaa ia lakou. ahiki i keia ioli hou ana aku o ua kanaka kupaianaha nei, a hooholo nui hou iho la ina aole e hoea koke aku ana kela kanaka me ke kaikamahine opio. alaila e @oouna hou i kanaklima poe kanaka, no ka huli ana. i ka mea nana i hehi ke kapu o ko lakou akua, a i hoolilo hoi i ko @akou mana i mea ole.

            Ma kela holo pololei ana aku a Tazana nolalo o kela hale. @a maopopo mua iaia kana mea e hana ai, aole i emo iho ia holo ana aku, kono ana maloko o kela rumi i hoopaahaoia ai oia, he hana maalahi wale no ka wehewehe ana ae i na pohaku. a oili aku la oia mawaho o ka pa pohaku, me kona pani hou ana mai i ka puka a paa me na pohaku. o kona hoomaka aku la no ia e pii ma ke alahele e hoea aku ai no@una o ke keena i waihoia ai na waiwai gula.

            Oiai maloko o kela keena, koho hou iho la kona manao, e hoea hou mai oia iloko o kekahi manawa kupono, no ke kii ana mai no i na waiwai gula. i oi aku ka nui, imua o ka mea i loaa kahiko iaia, e waiho mai la i kanuia iloko o ka lepo.

            Ua maopopo ia Tazana, aole oia i hookoloia mai e kela poe kanaka. nolaila ua pau mai la kona hopohopo no ka poino. a ma ia wahi aku. me ka malie wale no oia e hele la. @hiki i ka hoea ana i ka puka e hoea loa ai iwaho. ma kahi mamao mai ke kulanakauhale aku. a iaia i huli mai ai ihope a nana i ke kulanakauhale, aia hoi he kaualima poe kanka hihiu ana o ka ike ana mai, e holo ana i ke kula oneanea. me he mea la ma ka ia nei koho aku, e hookolo ana lakou mahope o ka lakou pio.

            O kona hoomau aku i ka hele a kaawale loa mai kela poe kanaka mai, a o kona hoomau i ka noho ana malaila a ke@oonoo. aka nae iaia i alawa iho ai ma ka helehelena o Jene Pota. aia no ua kaikamahine nei ke waiho maule la, hooholo iho la oia i kona mano. he mea maikai ole kona noho malie ma kela wahi. oioi ka enemi mahope o laua, a mamua hoi o ko laua alo, ua oi aku no ka pono o ka mauna ana aku ia @aua iho, ma ka hoomau ana i ka hele imua. oiai aia no kela poe kanaka ihope ma kahi he mile ka mamao mai iaia aku.

            O ka iho ana aku nae a hoea ilalo o ka aina palahalaha ma kela pali nihinihi aole no ia he hana maalahi. oiai o Jene Pota e waiho la iloko o ke kulana maule. nolaila hauhoa ae la oia ia Jene a paa ma kona kua, me kana kaula. iawa i hoomaka aku ai oia e iho ahiki i ka hoea ana ilalo me ka maalahi, a oiai aia laua nei ma kekahi aoao o ke kulanakauhale. a ala hoi na kanaka he kanalima ma kekahi aoao, aole laua nei i ikeia mai e lakou.

            He kula oneanea wale aku no kela e waiho mai la imua o kona alo, aka nae aole no oia i hopo iho ina no kona ikeia mai e na kanaka he kanalima, nolaila ma ka aloalo ana iwaena o na kumulaau kakaikahi, ua hoea aku la o Tazana me kana waiwai makamae, ma kahi he hookahi milke ka mamao mai ua poe kanaka nei aku. a he lohe ana kana i ka uwa o ua poe kanaka nei, i nana mai ka hana ihope, e noke nui aku ana i ke alualu iaia.

            Mamuli nae o ka pekepeke o na wawae o keia lahui kanaka, aole he mama o ka lakou holo ana, nolaila ua hoomau aku la no o Tazana i ka hele ana me kona mau kikoo wawae @oloa. a i kekahi wahi, e holo okoa ana oia. aia ka pono o ke kaawale loa aku mai kela poe kanaka mai. ma ia hana ana nae, ua oi loa aku kona mamao imua, a ke lohe la no hoi oia i ka pana o ka umauma o Jene Pota, ka mea nana i hoolana loa mai i kona manao, aia no ke ola iloko o ke kaikamahine opio.

            Ma ka hoomanawanui ana, ua hoea aku la laua nei iluna o ka piko palahalaha o ke kuahiwi. kahi a ua o Tazana i manao ai, malaila oia e noke mai ai i ka hailuku i kona poe enemi ahiki i ka pau ana i ka holo.

            He oiaio. i ka manawa o ua poe kanaka nei i hoonahoa mai ai e pii noluna o ka piko o ke kuahiwi, ua noke aku la o Tazana i ka hailuku i ka pohaku, he mama hoi ia o na wawae o ua lahui kapaka nei i ka holo, oi kali aku o Tazana. aole o lakou hoi hou mai, o kana mea e ike la ke huli hoi pololei la kona mau enemi no ke kulanakauhale o Opa. a manao ae la ka palekana. no ke koena aku o ka laua huakai hele a hoea i kona home ponoi.

            I ka loaa ana o ka maha kupono ia Tazana, haalele aku la oia i ka piko o ke kuahiwi. a ia hoea ana mai i kahi e ulu paapu ana na kumulaau nunui, o kona hele mai la no ia maluna o na kumulaau. a he manawa pokole. aia oia ma kahi mamao loa me Jene Pota, a ma kekahi wahi maikai e hiki pono ai iaia ke nana aku i ka piko o ke kuahiwi, hookuu iho ia oia ia Jene ilalo maluna o ka mauu nolunolu. aole nae he pohala mai o ua kaikamahine nei, ke waiho maule la no oia, me ka mau no nae o ka hanu iloko ona.

            Hele aku la oia i ke kahawai. a lawe mai la i ka wai, me ka hoomau-u ana iho i na maka ame na lima o Jene Pota. aole he wahi mea a mohala ae na maka, a i ole hoi pono mai la hoi ka noonoo, ke mau la no kona waiho maule ana. ua lilo kela i mea hookaumaha loa aku i kona noonoo, nolaila hapai hou ae la oia ia Jene iloko o kona mau lima. a hoomaka aku la e hele no ke kukulu komohana, kahi e kupono ana i kona hale ma ka aekai.

(Aole i pau.)