Ka Nupepa Kuokoa, Volume LVI, Number 41, 11 October 1918 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

 

UA HOEA MAI ANEI KA WA AU E HAWAII LAHUI E MIHI AI?

Imua ou e Hawaii lahui aloha, ano, eia hou au imua o kou alo, aole loa no ku’u iini a makemake kakau ponoi iho, uka, mamuli no ia o ko Owau Mau Loa makemake ponoi. Penei e maopopo ai: Ma ka po o ka la 4. O ka malama aku la I hala, loaa iho la ia ‘u keia moeuhane, penei; “Ike aku nei an I ke Kapena o ke Kilohana e paa ana he apana I okiia mai ka nupape mai, a olelo mai nei ia’u penei: ‘E Mahuka, eia he wahi mea heluhelu maikai.  Aia a pau kau heluhelu ana, alaila waiho iho no hoi oe maanei.’ Ae aku nei au. Huli ae nei oia a kauoha aku nei he poe leoe opio, penei: ‘Ina e hele mai o Mahuka a makemake I kahi mea, ha wai aku iaia.’

O keia ae la ka leo kahoahoa oluolu am eke aloha o Owau Mau Loa ia’u, e hoolalelale mai ana ia’u e ala au, a e kalaku hou aku I Kaua Eaunelio ame ka mihi lahui imua ou e Hawaii holoe koa, ka lahui hoi nona na hoopomaikai ana e kakali ahonui mai la o ko kakou aoao, a heaha ka’u I hana ai, nie kuu ike maopopo no I ka hana I makemakeia na’u e hookoaku?

Ua houlolohi iho au me ko’o I ana iho iloko o ko’u naau iho, e noho ae hoi au e nana, I ka hiki ana I ua kanaka opio naauao o ka lahui Hawaii I ka mea hiki ia lakou ke hana, a aia hoi ma ka po Poaono aku nei, la 21, he kanaka nawaliwali au me ka ma’ilolo, a oi loa aku ka lima akau, aole loa e hiki ke hana I kahi mea, a ma ka Poakahi nei au I huli hoiaku ai imua o ka’u muu leialoha a nui ko lakou pihoihoi.

O ka’u kkauoha mau loa e kahea aku ia Lunakahiko C. Ed. Miller e hele mai e kaulima ia’u, pau ia, a I huaale hua, inau inu (Chamberlain ame ka laau hamo Euealyptus), a ma ke ahiahi Poakolu, ua hoola piha mai ke Akua ia’u, elike me mamua.  Mahalo!

Nolaila, e Hawaii lahui e, ina oe e oluolu e heluhelu I keia mau mea oiaio, e ike pono ana oe nou iho.  O ka elua keia o na ehaeha a’u I auamo ai mai ia Owau Mau Loa mai, no ko’u ulolohi I ke kala ku mau ana aku I ka mihi lahui imua ou: ke ki hookah wale iho no nana e mokala ae I na hipuu apau, e hauhili nei ma ua alahele holomua ou e Hawaii lahui, ma na ano apau.  E ike uou iho I keia la.  Auhea ka naauao o ke kalaiaina o na kalaiaina mawaena ponoi ou? Aole loa!

O ka uinau mihi laui pili ia kakou a’u e hapai hou aku nei imua ou e Hawaii lahui I keia la, a ma keia mua aku, o ke pookela loa ia o na niuau o na ninau e pono ai I ua papa o na kulana like o ko kakaou lahui e lawe koke ai a noonoo: oiai ko kakou wahi heluua lahui o 22,000 e kamau iki ana no ; a he hana kalaipina kiekie lo aka hoopanee hou ana aku, oiai ka wa kupono loa eia ua hiku ano, penei:

 

Eia kakaou me ka mana koho balota ame na kumu hokupono apau e pono e loaa piha I ke kanaka Amerika no kona imi ana I na mea apau e loaa ai iaia ke ola kino hoopilikia ole ia elike me ia a ke kumukanawai o Amerika I haawi laelae mai ai.  Ua loaa anei! Aole loa!

Huli hoi kakou a nana I na Iapana amen a keiki o ka aina pua o Kina, penei ka mea e ikeia nei:  Kakaikahi ka poe me na pono koho balota, me ke puikaika loa ke komo ana mai iloko o Hawaii nei, a he holomua loa ko lahou imi waiwai ana, a he ulu nui ko lakou lahui, a he uuku na make.  O keia ka mea oiaio a kakou e ike mau aku nei, me ka hiku ole loa e hoopaapaaia.

E ninau mai pahu auanei kekahi, ao he hoi I miki lahui keia poe lahui elike me kau e koi mai nei, eia nae, nui ko lakou holomua.  Pololei loa kela; a ao he no au I ike I ko lakou kee, o ko kakaou no ka’u I ike, no ka mea nou au i hoounaia mei nei e paipai, e hoeueu, e hooliuliu, oiai iea kokau la ua ku haiki, ano la, ina he aloha kakou ia kokau ame ke koena o ko kakou lahui i aloha nui ia; eia ka wa pono, ua hoea mai.

Ano, ke uonoi nei ka’u leo pule ia oe ka mea mahaloia ka Elele a ka Lahui Hawaii, Hou. J. K. Kalanianaole, ka Hon. John C. Lane ame ka Meia J.J. Fern, o ke Kalana am eke Kulanakauhale o Honolulu nei, e oluolu mai e lawe aku a e kaana me ke akahele loa ina he mea hiki I ko oukou hanohano e hoomakaia na hooliuliu ma o oukou la, ma kea no o oukou ke komite kuwaena a he komite mana piha ma na ano apau, e pili ana I keia hana.  O ko ka lahui Hawaii mihi holookoa ana keia. 

He mea oiaio, mai keia komite aku na hoolala ana ma na ano apau e pili ana i ke kauhaua miki me ke koho ana I na komite ma na wahi like ole, me ka Manawa e kookoia ai elike me ka mea e aponoia ana.  O ka manao ui wale no o ka akoakoa o ka lahui ma na wahi apau I kauohaia ai no ia hana he mihi lahui, a ke hana kakou ia haua, o ke loa hou ia o Hawii lahui.  O ka holomua ia o Hawaii lahui ma na alahele apua, a o ka hoinoia o Hwaii lahui ame Hawaii aina, ua hiki mai ia I ka hora a Owau Mau Loa e lawe aku ai mailuna aku o Hawaii lahui no ka manawa elike me ka oui o koua lokomaikai.

E ola o Hawaii lahui i ke Akua.

J.M.M

 

KAHEA HALAWAI NO NA AHAHUI MOKOPUNI O KA HOOMANA NAAUAO O HAWAII

            E malamaia ana ka halawai a ka Ahahui o na Mokupuni o Maui ame Oahu nei o ka Hoomana Naauao o Hawaii, penei:

            Maui i huiia, Molokai ame Lanai, ma ka Poakolu, Okatoba 18,1918, me ka luakini o Kekupaianaha o ka Malamalama, Kaunakakai, Molokai.

            Oahu, ma ka Poalima, Okatoba 23, 1918, ma ka luakini o Kealaula o ka Malamalama, Koula, Honolulu.

            Ua makemakeia kela ame keia ahahui o na Ekalesia ma na Mokupuni I hoikeia ae nei maluna, e koho i ko oukou mau elele, a hoouna ae ma na wahi i hoikeia ae nei maluna, me ko lakou mau makaukau, pela hoi me na lala kumau o ua mau ahahui la.

            E hana I ka oukou mau hoike pili i na hana o ko oukou mau ahahui e hoomaka ana mai ka mahina mai o Aperila 1, a pan ma ka la 30 o Sept., 1918.

            Ua loaa no ka mana I kela ame keia Ahahui Mokupuni ke ahewa i kela ame keia ahahui apana, ke ku-e i keia, kauoha, pela hoi me na lala I kuleana I keia ahahui.

ROGERS KEKUEWA, Kakauolelo o ka Ahahui Euanelio Pae aina o ka Hoomana Naauao o Hawaii.

 

KUU KAIKUNANE ALOHA UA HALA.

            Mr. Lunahooponopono o ke Kuokoa; Aloha nui: E oluolu mai kou ahonui e hookomo iho ma kahi kaawale o kau nupepa I ka’u ukana luuluu nona ke poo e kau ae la maluna, i ike mai ai kuu mau pokii, na makua, na kupuna amen a hoaloha o kuu kaikunane aloha, Charlie Kaluapihana Kino, ua hala, ua moe a kau a hooilo aku la ma ka ia 18 o Sepatemaba, i hala iho la.

            Ua hanauia kuu kaikunane main a puhaka mai o S.W. Kino ame Kalama, ma ka la 19 o Sepetemaba, 1886, ma Napoopoo, S. Kona, Hawaii; nolaila, I kona haalele ana mai la i keia ola ana, ua piha iaia na makahiki ho 32 a oi.  I kona wa I hanauia mai ai, ua lawe hanaiia oia e ke kaikuaana o kona makua hine, oia o Kaanoalii Bent, a ma Honolulu nei oia I hoohala ai I kona mau la kamalii, a i ka make ana o kona makua hine hanai, ua hoi aku la oia i ke alo o ko makou mau makua, a hoonaauaoia oia ma ke kula aupuni ma Napoopoo, kona aina hanau.

            Mahope o ka make aua o ko makou makuahine, ua hoi mai la oia me a’u, kona kaikuahine, a noho maua ma Honolulu nei.  He kela moku kaha hana ia mau la, a haalele aku oia ia hana a hoi ae a noho hana me ka hui a Schaefer, a malaila oia i lawelawe hana ai no ke kahi mau makahiki loihi.  I keia wa i ala mai ai ke kaua mawaena o ko ka kou aina makua ame Kelemania, a i ka wa I makemakeia ai i mau koa, malalo hoi o ke kuahaua a ke aupuni makua ua heluia kuu kaikunane iwaeno o ka poe I waeia, a ma ka la 4 o Iulai, ua komo aku la oia iloko o ka Puali A, 1 ^st Hawaiian Infantry, e noho kapena ia ana e Capt. Luther K. Evans.  Oiai oia e lawelawe ana i ka oihana koa, ua no ho oia me ka hooko pono ana I na rula o ia oihana, e hoolohe ana I na kauoha a kona mau aliikoa; e hele ana I ka paikau i ka po am eke ao, a iloko iho la oia o ka oihana o kona aina a kau mai la maluna ona ka ma’i, a no na la pokole wale no me ko’u moeuhane mua ole, ua hoea mai la ke lono I ko’u home o Kunane Charlie Kino ua hala.

            Me ka puuwai mokumokuahua i ke aloha kaikunane, i hui aku ai au me kona kapena no ka hooponopono ana no ke kino wailuna, a ua kaa aku kekahi hapa o kona mau hoolilo i ka oihana koa, a o kekahi, nana no i auamo oiai ua pau na koa i ke komo iloko o ka hoopaa ola ana me ke aupuni, nolaila aole he mau ko’iko’i i kau mai maluna o ka ohana.

            I kona haalele ana mai la i keia ola ana, ua waiho iho oia mahope nei i ko makou papa aloha, e noho mai la i ka La’i o Kona; ko makou mau loa, William Kino, e noho mai la i ka Ua Kanilehua o Hilo; ko’u mau poki’i e noho mai la I ka aina hanau ame Mrs. Charlie Au, ia Mrs. Machado ame ka ohana nui, mai na keiki a i na moopuna, e uwe paiauma aku nona.  Aloha wale!

            E Kona kai opua i ka la’i, ua pau kou hoohialaai ana me ia.  E ka pali kapu o Keoua, ua pau kou kiei a ha-lo ana iho maluna o kuu kaikunane. E ke kai po’i i ka pueone o Kealakekua, ua pau kou hoopulu ana i kona mau papalina aloha, a e ka wai o Haliilua, auhea kou hookena ana mai I ka makewai o Charlie?

            He mea oiaio, ua puni kuu kino I ke aloha no kuu kaikunane, ua hele a malule i ka eha lima ole, aka, ke halo aku nei I kuu mau maka I ka Makua Lani, ka mea nana i hana mai I ke kanaka e ku i kona ano, a Nana hoi na olelo hoolana e waiho nei mahope nei:  “E hele mai oukou apau Io’u nei, e ka poe luhi ame ka poe kaumaha, a Na’u oukou e hoomama aku.
  Nolaila, e kuu papa aloha, kuu kaikunane ame kuu mau pokii, ame ka ojana holookoa, oiai ua laweia aku la ka kakaou mea aloha, ua loaa no ia kakou na manaolana, he wa no e hui hou ai kakou me ia, hui ana hoi aole e kaawale hou.

            Nolaila, i ka hooki ana i keia kanaenae aloha no kuu kaikunane, e ae oluolu mai, e Mr. Lunahooponopono, e panai aku i ko’u hoomaikai ame ko ka ohana holookoa, i ka poe i laulima pu mai me makou I ka auamo ana I na luuluu, ma ka hoohiwahiwa ana i kona kino wailua me na pua aala. I ka Hui Pukaua, ma ka hui ana mai e kiai i ke kino wailua, a i ke Company A, 1 ^st Hawaiian Infantry, ma ke komo pu ana mai e hoohanohano I kona huakai hoolewa.

            Me oe, e Mr. Lunahooponopono ko makou welina aloha, a i na keiki no hoi o kou papap’i.

            Me ke aloha luuluu,

            Mrs. L. Makekau

            Kapahulu Road, Honolulu, Sept. 30, ’18.

 

GENEVA, Oct. 6 – O ka hoike maopopo o ko Kelemania nawaliwali ma kona mau koa ame ka hiki ole I ka alikikaua nui ke paa i kona mau lainu pale apau ua hoakakaia maloko o ka hoike I hoea mai I Suitalana nei mai la na Kelemania ia Alsace Luna a ke hookaawale la I kona pualikoa ame na makaainana pu apau malaila.  Ua lilo ke kupono o ka hana ma ka hooikaika ana i ka laina a na Paleni amen a Belgians i hana, e hooawaliwaliia ai na laina ma Alsace e maopopo loa ai ka hana I hoolailaia no ka haawipio ana aku I ka okana aiua maloko o Alsace Luna ma ke komohana ae o ka Muliwai Rine.  O na kanaka apau maloko o na kulanakauhale o Mulhausen, Allkirk ame kekahi mau kuianakauhale e ae ua kauohaia mai la lakou e na Kelemania e hookaawale.

 

HE HOALOHALOHA NO KUU POKII ALOHA WAHINEHOOKAE.

            E ka Lunahooponopono o ka hiwahiwa a ka lahui, aloha oe: --E oluolu mai kou ahonui e hookomo iho ma kekahi wahi kaawale o ka hiwahiwa a ka la hui, no ka’u puolo waimaka e kau ae la maluna no kuu pokii aloha hele loa, a nana hoi ia e lawe aku, i ike mai ai na makua, ka ohana, e noho ana ma ka hikina a ka la ma Kumukahi, a ka welona a ka la i Lehua.

            Ma ka la 3 o Sepatemaba nei i loaa mai ai ia’u ka lohe mai ko’u makua mai ma ke kino, ua haalele mai ko makou pokii aloha i keia ao mauleule, a imi aku la ia Papalauahi, e kilohi ana I ka nani o kela ao ma o.  Auwe, luuluu wale!

            E ka makou mau lei aloha e noho ana me ka uanea, eia ka makua leo ole mai ia kakou, ua haalele mai ia kakou, me ko kakou ike ole i kona kino wailuna; aloha no.

            O Maui no kona one hanau, a mamuli o kona mare aua i ko makou muli loa, Esther Kanamu Wahinehookae, pela oia i noho ai me makou no ma makahiki loihi.

            Ma ka makahiki 1912 i haalele mai ai ko makou pokii i keia ola ana, a waiho iho la i ke kane, ka laua hele hookah mahope nei, na noho ia e makou me ke aloha me ko makou pokii kane, a peia no hoi me ka makou lei aloha he keiki.

            Ma ka moolelo o ko makou pokii aloha, he ku i ke aloha kana mau hana, i ka wa i haalele mai ai kaua wahine iaia, ua kauoha mai la oia i kana kane, ina oia e make, aole oia e haalele i k ona mau makua, he mea oiaio no ia, ua malama kana kane a pokii aloha hei o makou, i na makua o makou no na makahiki elima, ua nohoia e lakou iloko o ke apo o ke aloha, me kona uhu oe ae e hoi me kona ohana.

            I ka makahiki 1917 i ka malama o Augate i pauaho mai ai ko makou papa, a ia mahina no I pauaho mai ai ka makou keiki Joseph Wahinehookae, Jr., nolaila ua koe iho ko makou mama ame makou pu, ua nohoia iloko o ke aloha.

            Ua hoomanawapui no kona noho ana iloko o keia ao me ka loaa no a na ehaeha ma koua kino, aole i ka maikai pono o kona mau lala.

            No ia mau haawina i loaa i ko makou pokii aloha ua hookuu ia mai oia mai ke koa mai e ke kauka, nolaila ua loihi no ka hoomailo ana o ka pilikia malu na o kona kino.

            E ka la welawela o Keei e, na pua kona maale hou ana ma kou mau kuahiwi.  E ka ua mao ole o Alanapo, ua pau kou hoopuluelo ana i ke kino o ko makou pokii aloha.  E Kolomona e, ka hoa pili o ko makou pokii he keiki, i pili ia e olua ka luna o Alanapo ame ka luna o Mahioni, aloha ia wahi a ko makou pokii a hele ai.

            E ke one wela o Keomo e, amen a pahoehoe wela o ia wahi, ua pau kona hehi hou aua ma la mau wahi; aloha no!  E ka uluniu o Kipu e, ame na pali pohaku o Moinui, ua pau ko oukou pulama ana aku i kona kino, no ka mea, ua hoi no ke kino i ka lepe, a o ka, uhane hoi no ia me ka mea nana i hana mai.  Walohia wale ke hoomanao ae.

            E na makalae o Pole ma e, ua pau ko oukou hoopulu hou ana i ka helehelena o kuu pokii aloha.  E Napoopoo kahi o ka uluwehi o ke kaoua, ua pau ko Joe maalo hou aua ma kou mau ipuka.  E Kealakekua e, ua pau ko Joe hehi hou ana I kou mau aeone.

            E ka la kolili o ka uka o Hanoaunau e, ia uka a ka pokii o makou e hele ai e imi I kahi e loaa mai ai kahi pono, a pela no hoi me ke kula loa o Kealakekua, aia ilaila ko makou pokii e hele ai no ka imi no I kahi e lona mai ai kuu pokii hoomanawanui I na inea o ka aina e! E na ale hanupanupa o Alanuihaha e, ua pau kona holoholo ana maluna o kou ili lahilahi, no ka wa mau loa.

            E ko makou mama aloha Kalua, ka mama hoi o ko makou pokii hele loa, ke haawi aku nei au i ko’u aloha waimaka pu me oe, nani ka lokomaikai o ka Makua ma ka lani, ka hoihoi ana mai i kau keiki, a imua o kou alo, ame kona mau kaikuahine, a waiho kona kino, a pela hoi ka malama ia ana e ua Honoapiilaui.

            E Honokokau e, kahi a kuu pokii e maalo ae ai ma ia mau makalae, ua pau kona maalo hou ana malai’a.  E Punalau i ka wai lana malie e, kahi haule ole i kuu pokii ame ka lei a makou ka hele ana e kiloi upena, ua pau ka pehi ana o ko oukou mau aie i kona helehelena.  E ka home nani o Nakalele e, ua pau kona hoaumoe hou ana ma kou poli aloha, e na makalae o ia mau wahi, ua pau ko Joe hele hou ana malaila, au pau, ua hala i kea la hoi ole mai.  Koa e la ka olelo a ka Buke Nui, o ke ka naka I hanauia, ua hapa kona mau la, a ua piha i na ehaeha he nui.

            Nelaila, ua hoi no ko kino o ko makou pokii aloha i kahi mau o na mea apau, a o ka uhane ua hoi no ia me ka mea nana I hana mai.

            Ke haawi aku nei au, kona hanaumua ma ke kino, i ke ole i kona hana hope i ka’u hoomaikai he nui, i na Honopiilani, ka mea nana i malama i ke kino wailuna o ko makou pokii aloha, e pela hoi me ka mama, na kaikuahine, ka ohana apau I akoakoa mai.

            Me ka Lunahooponopono ko’u aloha,

Ame na keiki oniu huakepau ko’u mahalo.

            Owau me ke aloha no kuu pokii hele loa,

            MRS. E.C.A. KAAHANUI.

            Kainalu, Molokai, Sept. 12, 1918.

 

HE HOOMANAO LA HANAU BEBE NA MR. AME MRS. MARY POAHA

            E ka Lunahooponopono o ke Kuokoa, Aloha oe: -- E oluolu ma kou ahonui e hookomo iho ma kekahi wahi kaawale o ka moku lawe meahou a ka lehulehu, no keia poomanai e kau ae la maluna, a nana hoi ia e uwiia ae ma na kihi eha o ka welelau o ka honua.

            Ma ka la 21 o Sepatemaba i hoomanao no ka laua bebe ma Mapulehu, Pukoo.

            Ma ke ahiahi o ka Poaona o keia la ae la maluna, i ikeia ua hoea mai la o Mrs. Mary Poaha ma ko maua home nei ma Kainalu, no ke kii ana mai no ia i kou mea kakau nei, e nauwe I kahi o ka paina i hoomakaukau ia elike me na mea i hooakakaia maluna.

            Oiai ma ke ahiahi o ka Poalima, ua hoea mai la ko’u hoahanau, Alice Kaulili, a hoike mai la ia’u noko maua konoia ana mai e keia mau makua i piha me ka oluolu ame ka lokomaikai, eia nae, aole i lilo keia lohe i mea na’u e hooiaio ai.

            Eia nae i ka hiki una mai i ka wa o ke kii, aole mea hiki una mai i ka wa o ke kii, aole mea hiki ke hana ae, hookahi wale no mea o ka huli aku a noi i ka makua ma ke kino, i ka loaa ana mai no o ka ae ma ka ka oluolu, ka hele iho la no ia, oiai ua hiki mai la no keia makuahine me na lio.

            I ka makukau ana ua kau aku la maluna o na lio, ua mau kupueu hololio nei o ke ahiahi, haawi i ke aloha, o ka wehe akua la no ia o na lio holo peki o Mapulehu, he nanea wale uo ia a noho ana i kauhale o ka hoia ekolu paha ia o ke ahiahi, ua nalo iho ka imu puaa, a e noho mai ana ko’u hoahunau oiai ua hele mua aku oia, Nolaila, na hoi aku la hoonanea me na kamaaina, ua pai mai la no ko maua aunty, Mrs. Mary Poaha, ua lawa ka noho ana e hele e holo lio mamua o ka noho wale, iho uo I kauhale, oiai aole e mo’a koke ana ka puaa ahiki i ke ahiahi ana.

            Oiai e hele ana nohoi ko maua Uncle James Poaha me kekahi o kona hoa, nolaila ua kau aku la laua ma ke kaa, a owau hoi me ko’u hoahanau, maluna o na lio, ia makou e hele nei, ua hiki aku la makou I ka luakini Kakolika mahope mai, ua ku mai la ko laua kaa, a kamailio mai la o Makakakoa ke kokoolua o James Poaha, e kau pu ana, “e na malihini, o keia wahi o kahawai  keia, ma keia wahi i haule wale ai ka puolo a kekahi wahine, a mai Hawaii mai ka poe na lakou ka i lawe a malama i keia puolo,” pau ia, na olelo hou mai no kamaaina, aia iluna o kela wahi la e kau mai la aia ilaila o Molokai nui a Hina, aia a ike i kela wahi, alaila, o ka ike ia ia Molokai nei, oiai hoi na lio e lele wale ana no i o a ianei, ke koaniani mai nei ka pa ana o ka makani o ke ahiahi.

            Nolaila ua hoomau aku la no ka hele ana, a na kaikamahine hololio o ke ano ahiahi, a hui hou aku la me ia makuahine, Mrs. Aleong, ua hoolauna mai la oia i kona mau koa Mrs. Keakamai ame kona kokolua ua loaa he mau kuka’i olelo hoohauoli ana mawaena o makou a wehe aku la na kaikamahine hololio o ke ano ahuaui.

            Ma keia wahi, ua pau aku la ka ike ana i na kamaaina, ma na kualono o keia aina, aohe a maua hana, hookahi wale no hana o ka nana ma o a maanei e ike ana I na ulukiawe, o ko maua hele ia ahiki i ke kikee e ikeia aku ai o Kamalo, ua huli hoi mai la, oiai ke kilihune ae nei ka ua liilii mamua pono o na kamahele.

            Ke lawe la o Lehua i kana o ka la, aia hoi ko maua mau lio ke lawe haaheo la i ke kula  o Malama, ke kipu malie la no hoi na kamahele i ke kaula kaohi, i ka hookuu ana iho ua hui mai la ua kamaaina ma ke alahele, ka pane a ko maua uncle, pai aku, o ke oki mai la no ia o na lio, ke polehulehu aku la i keia manawa, kaohi aku i ka puka pa, lele no hoi mailuna iho o na lio, pa kahea a na kamaaina, o ka hoi aku la no ia, hoonanea liilii, oiai ua makaukau na mea apau iluna o ke pakau kau, e kale wale ia ana no i ka puaa o ka mo’a mai, he hapalua hora mahope mai, ua mo’a mai la ka puaa, oiai kekahi hapa e hana ana, a o kekahi hoi e hauoli ana no, nolaila i ka makaukau ana ua kona ia mai la na mea apau e nauwe ma ke pakaukau o o ka hora ewalu paha ia o ke ahiahi, i ka hookuene ana o na mea apau, na ike aku la kou mea kakau nei i na ono like ole a ka puu e moni ai, o ia hoi ka limu eleele, inamona ua ku’iia a maikai, a ua hanaia no kohu kukui maoli, amaama hou, meano, waimomona, uala kalua, puaa no hoi ua hele a pili papaa, ka poi kaohi puu o Molokai iloko o keia mau mea apau I hanaia, ua maikai a maemae na mea i hoomakaukauia, ke ai la, oiai ua haehae maoli no na hololio o ke kupulau, nolaila ua huhu loa o Hanale ia Keoni Bulu, I ka noho malie mai, aka i ka oai ana mai o Keoni Bulu, ua hehe wale iho la no ke kolohe, he wahi kanaka ikaika ole loa no keia, he keke niho wale iho no.

            Nolaila i ka maona ana o na mea apau, ua hoihoi ia aku la na mea apau, a hoola’I wale iho la no me ka maikai.  I kela wa nae ua kani mai ia kahi pila ukulele a kahi keiki Molokai, e hoohaehae ana I ke ao naulu, ia manawa ua hiki mai ia wahi makuahine o’u o ka Waihapai o Waialua, ia manawa, e hoolaielale ana I na keiki olohe hula o Mapulehu, e hooholo ka uwila o ka mikini, nolaila ua ike na kaikamahine o Kona kaiopua i na mikini kui’lua o Mapulehu, ke hele la a hu ka aka, ua hauoli ia me ka maikai apau ka hora eiwa o ia po, ua hoi aku kou mea kakau nei e hookuu mai ia maua, e hoi, no ka mea ke pa ae nei ka makani aloha Kaimalu e kono mai ana ia’u e hoi, oiai u alawa ka hauoli ana,

Hapalua hora eiwa ua haalele aku la maua ame James Poaha ame kekahi o kana keiki, a hoihoi mai la ia maua no Kainalu nui, Ia’u i hiki mai ai e lipilana no koi papa me ka maikai.

            Ke haawi me au i ko’u mahalo i ka, la o ka bebe, peia hoi a makua ka ohana apau I akoakoa mai, a pela no hoi au e haawi nei i ko’u mahalo i ko’u makua ma ke kino no ka hookuu i kou mea kakau e hele elike me ke kono.

            Me ka Lunahooponopono ko’u mahalo nui.  Owau no me ka haahaa, MRS. EMILY KAAHANUI. Kainalu, Molokai.

 

HE HOOMAIKAI NUI.

            E Mrs. Lunahooponopono o Ke Kuokoa, Aloha kaua:-- E oluolu mai oe ina he wahi keenai kaawale kekahio ka Hiwahiwa a ka Lahui, e hookomo iho I ke poomanano e kau ae la maluna, oiai me ka Poalua, Sepatemba, la 17, kakahiaka nui, ua loaa mei la ka lono hookaumaha noonoo I ka mea non ka inoa malalo iho nei, o Miss Annie Ahia Kauamu, u hala I ke ala hoi ole mai.

            Ua haalele iho oia he mau makua, he mau kaikunane a ke mau pokii, e u a a kanikau kumakena ana nona, ame kanui ohana a lehulehu wale iloko o ia haawina hookahi.

            Oiai hoi, o’kou mea kakau pu kekahi I hiki kino aku, a komo pu aku iloko o ia haawina o ke kaumaha, e hookahe ana I na waimaka o ke aloha no ka mea I haalele mai’i keia ola ana.

            Ma ka Poakolu ae, hora 1pm, i homoeia aku ai ka mea I hala no kahi mau o na mea apau, oiai, o ka hopena iho la ia, e hoomakaukau ana ka lehulehu no ko lakou huli hoi no ko lakou mau wahi iho, oiai hoi o kou mea kakauopu kekahi ma ia manao huli hoi, ua aua hou mai la ka makuakane J. K. Kapoi e hooaumoe hou ia po Poakolu, a ao ae Poaha, ua ae ia aku ia noi me ka maikai.

            Oiai hoi, he nui makou mai Kaupo nei aku i liele ai i Kipahulu, no keia pilikia, ua lokahi like makou me na manao maikai, malia he mea ia e hoomama iki ae ai i na manao kaumaha o na makua i hooneleia i ka lei aloha he kaikamahine.

            Ma ka Poalua ae hoike mai la ka makuakane nona ka home a makou e noho an penei: “O oukou apau loa e kuu ohana mai Kaupo mai, i keia la mawaena o ka hora 8 ame 9 am, e hiki mai ana elua kaa otomobile no ke kii ana mai ia oukou e holo makaikai aku ana oukou e ike ia Hana Ua Lanihaahaa.”

            He mea oiaio ua hiki i’o mai na kaa, ua hookaawaleia na lede he ka okoa, a he kaa okoa no hoi ko na keinomana.  O ka inoa o na lede oia keia: Mrs. H. C. Smith, Mrs. Rebecca Piimauna, Mrs. E.K. Gibson, Mrs. Hookano Keiki ame Mrs. Louisiana J. Keawe.  Ka inoa o na keonimana o ia keia:  Chas. Smith, J.K. Kamai, Josepth Keawe, J. M. Kanuha, Bob Pupuhi Jr., elua mau keiki liilii ame ka mea e kakau nei i keia.

            Aole he mau ulia i ikeia me keia hua ka’i a na kamahele mai ka holo ana a huli hoi wale ana mai: na na hoolilo uku kaa ua lawe ae ka makuakane J.K. Kapoi i ke ko’iko’i o keia ninau, naa ka poho o kona lima.  He mau lilo me he la aia paha ma kahi o $15, a i ole o $10.

            Nolaila, mamuli ae la o keia hana aloha a ka makua ia makou, a makou pakahi, a o makou huuia e poina ole ai i kana mau hana aloha, oiai no hoi, ua haawi mai oia me ka puuwai hamama i hui pu ia me ka naau maeame o ke ano Kristiano oiaio i keia kokua nui ma kopa aoao.

            Aole o ia wale, ua haawi pu, mai oia ia makou i na mea e oluolu ai ke kino, me he la he poe alii paha makou.  Ua ai, ua lawa i na mea nui ia olua ame ka lehulehu o ko olua ohana ma ka home.  Ua lilo ka olua pulania ana ia makou i haawina poina ole na makou e hoomanao mau ai.

            Nolaila oluolu e lawe aku i ka makou mau homaikai, a o ke Akua ka makua ma ka lani, Nana no e haawi mai I na hoomaikai oi ae.

            Ke noi pu nei makou i ka makou leo pule i ka Makua Lani, Nana no e hoo piha mai i ko olua waihona waiwai a hu, Amene.

            Ke haawi pu aku nei makou i ka hoomaikai a nui i ka Lunahooponopono ahonui me na keiki limahei o kou papapa’i me ka mahalo nui.

            Owao no me ka oiaio,

L.A. KANAE, Komite.

Kaupo, Sept. 23, 191.

HE KOKUA I NA MEAPAAHANA HOOWALIAI

            Ina e ike oe i ka opihapiha me ke kaamaha o ka opu mahope iho o ka ai ana, e maopopo ana no ia oe, ua nui loa kau mea i ai ai, e pono ai e lawe i hookahi Huaale a Chamberlain, i mea e kokua aku ai ka hoowali ana I ka ai.  Eia ke kuaiia nei e ka poe kuai laau lapau apau, o Benson Smith & Co., Ltd., na akena no Hawaii. –Hoolaha.