Ka Nupepa Kuokoa, Volume LVI, Number 40, 4 October 1918 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, HONOLULU @ @ POALIMA, OKATOBA 4, 1918

HE MOOLELO NO KA

Makaikui Nikola

__________

KA WELI IWAENA O KA POE HAKIHAKI KANA WAI O NU IOKA, A O KA ILIO HANU MEHEU O KE KULUAUMOE.

__________

 

“I ka wa e pau ai ka hana ma keia la, e kahea aku oe i kela kanaka opio e komo mai maloko o kou keena nei, a e hoike aku iaia, i ka nui o kou kaumaha no ka hoouna ana ae ia’u, e hele mai e kamailio me ia, a e hoakaka pu aku oe imua ona, aole he wahi hoohuoi iki i kau aku maluna ona, a e lawelawe aku oia i kana mau hana apau me ka hopohopo ole.”

“E hooko au ana au i kela mau mea apua au e hoakaka mai nei e Nikola.”

“I ko olua kamailio pu ana me Karikona, e ninau aku iaia, ina paha ua hoohuoi oia i kekahi mea maloko nei, nana i aihue i na dala au i ha’oha’o ai. He kanalua loa nae ko’u no ka hoike mai o kela kanaka opio i ka mea oiaio, aole no nae he hewa o ka hoao ana.”

“Aole paha he mea maikai na’u ka niele ana aku iaia no kana mea i hoohuoi ai. Ina ua kamailio aku o Mr. Karikona ia eo e Nikola, no kana mea i hoohuoi ai, alaila aole no ia he kanaka e ae, aka o kona kokoolua no e hana like nei he kokua helu dala. \O Kamaki Karane ka inoa o keia kanaka, he elima makahiki kona kahiko mamua o Karikona.

“Ua hilinai anei oe, aole i hawahawa na lima o Kamaki Karane ma keia hewa aihue?”

“Aole loa o’u wahi kanalua iki no kona hoopono, a oia ke kanaka mua loa nana i hoike mai ia’u i ka nalowalo ana o kela huina dala mai ka banako aku ma kahi o ka umi-kumamaha haneri kaukani dala.”

“Aole au i makemake a hoakaka mai oe ia’u i ke ano o ka laweia ana o kela huina dala, he hana hiki wale no ia ia’u ke huli aku ahiki i ka loaa ana. O ka mea nui wale no, o ia ka lilo ana o na dala o ka banako nei, e hoomana wanui no hoi oe, mai lilo kela mau dala i mea nau e minamina loa ai, no ka mea pela wale no e oili mai ai ka mea oiaoi loa, a e wi ai hoi ka niho o ke kolohe.”

“Ua pono kena e Nikola, a elike no hoi me ia a’u i hooia mua aku nei ia oe, e hooko no au ma kau mau mea apua e kauoha mai ai ia’u.”

“Ke makemake nei au e ninau aku ia oe, heaha kau mau mea i ike no Kamaki Karane “

“Mai kona noho hana ana mai maloko nei o keia banako ahiki i kaia manawa, aole au i ike ua loli ae kona mau ano E hele mau mai ana oia I ka hana, a hoi pololei no I kona home, me ka Jauna ole me na hoaloha lehulehu, a he kanaka no oia i like me Karikona, aole i mare wahine.”

“E oluolu oe e kuhikuhi mai ia’u i kahu i noho ai o keia wahine o Balana Moana?”

Nanao iho la ka peresidena o ka banako maloko o ka pa keke o kona puliki, a haawi mai la he apana pepa, i kakauia ai ka inoa o ka wahine opio, a mahope o ke kiloh, ana iho o ka makaikiu i ka pepa inoa, ninau mai la:

“Ua maopopo no anei ia oe, aia no ke kaikunane o keia wahine ke noho pu nei me ia?”

“Ae, he noho pu no laua a elua i kahi hookahi, a he wahine hou ae no kekahi, ka mea a laua e kahea mau aku ana he makuahine, eia nae ke nana aku, he like wale no ka opiopio o kela poe apua, e kohu ole ai ke kapa ana aku iaia he makuahine.

                                                                    MOKUNA XII.

Ma kela wahi o na kamailio mawaena o ka peresidena @ ka banako ame ka Makaikiu Nikola, hoi pololei aku la ka makaikiu no kona keena oihana, a ma ka hora ewalu o kela ahiahi, oiai oia e nanea ana maloko o kona home, hoea ma la kekahi o kana mau kiu, a mahope o na olelo hikimau @ ka hoolauna ia laua iho no ko laua kulana o ke ola kino. kamailio mai ai o Peke:

“Ua holopono na mea apau i ka hanaia. Ua hoomoeia k@uwea kelepona mai ka hale i hoolimalimaia e Kale Peka ahiki i ka pau ana mai o na kuea ekolu, alaila komo aku l@iloko o kekahi hale. i like no ke kiekie me ka hale i noh@ ai o Kale Peka. Ua loaa ia’u he rumi hoolimalima, ai@maloko o kakahi hale,

 mawaena o kela mau wahi a elua hooku’iia ai ka uwea kelepona, ua hookomo hoi i kelepona

maloko o kela rumi, me ka hoohui ana aku i uwea kelepona  hou, a

loaa ke kelepona o Kale Peka, Heaha hou ae ia hana au i makemake ai ia’u e Niokla?”

“O ka’u no ia i koho ai, ua holopono kau mau hana apa@ e Peke, a owai ka inoa ka mea @ona ka hale ma kahi kaa wale mai ko Kale Peka aku, a i hookomoia aku ai hoi k@ uwea kalepona ilaila?”

“O ka inoa o ka mea nana i hoolimalima he mau rumi, ma ka hale maluna loa oia o Miss Miriama Kapena, he kaika mahine hanai me kona kaikunane kekahi e noho pu la m@ ia ma kela hale. O ka inoa o ke keikikane oia o Hale Mo ana, a o ka inoa hoi o kona kaikuahine o Balana Moana, a ma na mea i loaa mai ia’u. mahope o ka ninaninau ana, a@ na makahiki o Hale Moana, ma kahi o ka iwakaua-kuma malima, he kanaka uhauha, a no kona @@i@uahine hoi oia kekahi o na wahine u’i, me ka hele mau maloko o na hale kuai e kuai ai i na lole nana wale no.”

“O oe wale mai la no ka hoi e Peke ,eia kou kokoolua ihea?”

“Aia kau la no oia ke hoomakakiu mai la i ka poe kolohe.’

“Aia a pau kou ai ana e Peke, alaila lawe aku oe e hoike ike ia’u i ka rumi au o ka hoolimalima ana aku nei, a malok@ o kela rumi au e hoaumoe ai no keia po mua loa, no ka nana ana i ka hana a kela poe kolohe.”

“Ua pua mau mai nei au i ka ai, a ina paha ua makaukau oe, alaila i keia manawa no au e lawe koke aku ai ia oe noloko o kela rumi.”

“E hele i’o aku kaua, ua makaukau mau no au i na manawa apau, aia hoi kaua a hoea aku no kela rumi, alaila haalele mai oe ia’u, a hele aku e huli ia Kena, a olelo ak@ iaia, e waiho mai i kana hana ia oe, a e hookolo aku oia mahope o ka meheu o kekahi kanaka opio o Kimo Karkona ka inoa, he mea helu dala noloko o ka hale banako , a elike me kana i hookolo ai ia Kale Peka, pela no oia e hana aku ai no keia kanaka hou.” o ka haalele iho la no ia o ua mau makaikiu nei no ka rumi i hookomoia aku ai o ka kelepona.

O kela rumi a ka Makaikiu Nikola i hoea aku ai, he rumi ia i hoolako ole ia me na lako hiamoe. koe wale no kekahi pakaukau, me elua mau noho a Peke o ka lawe ana a hookomo maloko olaila, a ua hookomoia hoi ke kelepona, o ke ano e waiho ai maluna o ke pakaukau, me kekahi hao hoopaa, e kau niau ai ka mea hoolohe ma ka pepeiao, ina no i ka wa e @@moe ai, a e ala ai paha.

I ka ike ana o ka Makaikiu Nikola i na mea a Peke i hoolako ai maloko o ka rumi. ua lilo no ia i mea maikai

i kona @@@@ @@@ aole he hoi ana aku e hiamoe, aka iluna no oia o @@ @@@@@ e hiamoe ‘ai.

Ua lawa aku no ka makaikiu he mau meaai nana, he nu @@ @@ @@@ maloko o ka pakeke o kona kuka, a iaia maloko @ @@ @@@ @@@ aku la oia i ka ipukukui, noho i@o la iluna @ @@@@@@ @@@ loihi, kau ae la no hoi i ka hao hoopaa o ka @he hoolohe o ke kelepona ma kona mau pepeiao, a hoomaka aku la e heluhelu i ka nupepa o kela ahiahi.

I wahi e maopopo ai iaia ka manawa o kona hoomaka ana e hoomakakiu i ka puulu o ka poe kolohe, unuhi ae la i kana uwaki, o ka hora eiwa ia o ka po, ua ahiahi loa kela manawa. nolaila aole oia e lohe ana i kekahi mea ahiki i ka hala ana o na hora elua, e ekolu paha mahope mai.

He hapaha hora no paha keia noho ana iho a ka makaikiu lohe aku la oia I ka weheia ana aku o ka ohe hoolohe ma kekahi aoao o ke kelepona, a poha mai la he leo no kekahi wahine, i ke kahea ana mai maloko o ke kelepona, “Halo! Halo! Halo!”

Aole he pane i loaa koke mai i kela manawa, aka nae@i ka hala ana o kekahi mau sekona, ia wa i halo mai ai kekahi mea a lohe aku la o Nikola i ka leo o ke kanaka i kamaaina loa iaia oia o Kale Peka i ka ninau  ana mai: “Heaha keia mea au i makemake ai e Miriama?”

“I hookani wale aku la no hoi au i ke kelepona ia oe, no ka nana ana ina paha ua holopono na mea apua, “ i pa@@ mai ai ka wahine ma kekahi aoao mai.

Heaha auanei ka pilikia me ke kelepona, ua ike no hoi oe ua holopono, eia nae hookani mai no oe elike me keia au e ninau mai nei. Mai hookani hou mai oe ia’u . he ahiahi loa keia manawa; e kakali, oe a hoi na kanaka e hiamoe, o ka wa kupono ia a kaua e kamailio pu ai.”

“Aohe pilikia o ko’u kahea ana aku la ia oe, mai huhu mai oe elike me ka bea. Pehea, ua maopopo loa no anei ia oe, ua nalo ka uwea kelepona, e hiki ole ai I kekahi poe ke ike mai.”

“Aole, au hopohopo ana no ia mea. Owai ka poe me oe maloko o ka hle i keia manawa?”

“Owai hou ae auanei ia poe ma keia wahi, owau hookahi wale no? Ke makemake loa nei au e hele mai oe i ne@ nei, a i ole owau paha ke hele aku ilaila , no ke kamailio pu ana me oe.”

“Mai hana naaupo mai oe e Miriama. Aole kaua e pono e ikeia mai e noho pu ana, a e kamailio pu ana paha. ahiki i ka holopono loa ana o keia hana nui a’u i hoolala ai no ko kaua pomaikai. Ke holopono ka’u mau hoolala ana apau, o ko kaua haalele no ia i keia wahi, a holo no na aina mamao, me ka hoopau loa ana i keia hana. no ka mea ua hele au a kau ka weli, me he mea la ke hamama okoa mai nei na pani puka o ka halepaahao no ka hookipa ana aku ia’u.

“Ua ike no ka hoi oe i ka maka’u . paakiki wale iho no ma keia ano hana. Heaha no hoi kou kumu hoopau ole i keia wa, no ka mea ua nui maoli no kau mau dala i loaa, e ake hou ole aku ai oe i kekahi huina dala mahuahua e komo mai iloko o kou pakeke, eia ka auanei, o ka hana ana aku ia, e komo ai oe ikolo o ka poino.”

“Ina hoi ha ua nui ka’u mau dala, aole au e hooikaika ma keia hana hou, ua aneane au e lilo i kanaka ilihune, no ka mea he iwakalua kaukani dala wale no a’u i koe, ua pau ao ka nui i ka uhauha ia e oe.”

“Ua lawa iho la no kena mau dala nau, malia o na dala @o kena o ka pono, kauka’i hou aku auanei oe e loaa nui mai o kou komohia aku no ia iloko o ka poino.”

“Ua lawa iho la no kena mau dala @au, malia o na dala @o kena o ka pono, kauka’i hou aku auanei oe e loaa nui mai, o kou komohia aku no ia iloko o ka poino.”

“@a like pu keia mau kaukani dala he iwakalua me kahi hunahuna wai liilii iloko o kekahi pakekewai nui, aole loa au e haalele ia Nu Ioka nei, ahiki i ka loaa ana ia’u he elua haneri me kanalima kaukani dala, a ina no e oi aku ana mamua o kela huina, he laki loa ia mailuna mai; a ina no ka holopono o keia hana hope a’u i hoolala ai e lawa ana kaua i ke dala, e noho aku ai ahiki i ko kaua mau la hope.”

“Pehea ka loihi, alaila hoea mai i ka hookoia ana o na mea e pili ana i keia hana hou au e Kale Peka?”

“Aole paha e hiki ana ia’u ke pane aku i kena ninau au e Miriama, aka ina he hookahi mahina i koe mai keia manawa aku, ia wa e hiki ai ke loaa aku ka haina oiaio loa. Eia o Balana Moana ihea?”

“Ua hala aku nei i ka nana keaka , me Mr Karikona.”

“Peaha la, manao no anei oe e noi ae ana o Mr Karikona a Balana e lilo aku i wahine nana i keia po?”

Ma kahi nae o ka pane ana mai o Miriama i kela ninau @oke mai la oia i ka akaaka, a nona hoi ka aka, he hookahi ka akaaka pu ana me Kale Peka mloko o ke kelephona, me ka hookahaha loa ia mai o ka manao o ka makaikiu i ke kumu @oke o kela mau mea i ka akaaka oiai he wai mea ano ole wale no kela o ke noi mai o kekahi e lilo aku ka wahine op’o wahine ma@e nana.

“O kou akaaka koke mai nei no ka hoi ia e Miriama, aole @e i pane mai nei i ka’u ninau.”

“I ku no paha ka pane aku i ko’u maopopo aka nae ma ko’u koho wale no aole he loihi o ka manawa e kakali aku @i, o ke noi mai no ia o kela kanaka opio ia Balana i wahine @ana oiai ua aloha maoli no oia i ke kaikamahine a kaua”.

“Aohe a kaua hoohewahewa ana no ia mea, a i hoi ma@ @ Hale ea, kamailio aku oe, e hookani mai ia’u.”

“Ua ike no oe e Kale, aole he hele hookahi o Hale, aka he @okoolua mau kona e hele ai i na manawa apau, a a a hoi @ona kokoolua, ia wa au e kamailio aku ai iaia, e hookani aku ia oe.”

“O ko’u manao maoli ia aia a oia hookahi wale no, alai@@ @amailio mai ma ke kelepona, a ina he poe e ae kekahi, ao@e e kamailio mai.”

Ma kela wahi o na kamailio ana mawaena o Kale Peka @@e Miriama, lohe aku la ka makaikiu i ke kauia ana aku o ka ohe hoolohe o ke kelepona, a pua mai la ke kamailio @na o kela mau mea, nolailia hoomau hou aku la no ka @akaikiu i kana heluhelu ana i ka nupepa.

Ua hoohauoli loa ia mai ka Makaikiu Nikola, no ka holo @ono o kana mau mea apau i hoolala ai a eia hoi oia ma @e ala@ele pololei e wi ai ka niho o ka poe kolohe. O kana @ea wale no i kaumaha loa ai aole he lihi launa aku i kahi @ maopopo ai iaia, na hana a keia poe maluna o Karikona. wahi e lili aku ai kela kanaka opio he pio na lakou.

He mea maikai ole loa keia i ka noonoo o ka makaikiu me ka i wale ana iho no iloko ona, e hala ana he mau mahina loihi ana e kakali aku ai mamua o ka maopopo ana o @a hana a kela puu@u i hoolala ai e pahele aku I ke kanaka @poi o ka hale banako, a ke uluhua la oia, i ka hele mau mai maloko o kela rumi, e hoolohe ai i na kamailio mawa@na @ Kale Peka ame Miriama, ahiki i ka mapopo maoli ana @ kekahi mea iaia.

He elua hora pana kela o ke kakali hoomanawanui ana o ka makaikiu ma ia hope mai, puiwa ana no oia i ke kahea ana o kekahi mea maloko o ke kelopona. “Halo! Eia oe ihea e Kale Peka?” He leo malihini loa keia, akahi no ka makaikiu a lohe, aka hoomanao mai la no nae oia o kela no kekahi o ka puulu o Peka  ma.

He mau sekona ia kakali ana aku o k@ makaikiu, lohe @ku la oia i ka lalauia ana mai o ka ohe hoolohe, a halo ana no o Kale Peka mai kekahi aoao mai o ke kelepona. “O oe anei keia e Hale Moana?”

“Ae, owau keia olelo mai nei o Miriama ia’u e hookani koke aku ia oe i ko’u wa e hoi mai ai; heaha keia hana nui au i makemake ai ia’u?”

“He makemake wale no ko’u e ninau aku, pehea, kau mau hana?”

“Heaha auanei, ua holopono na mea apau,” i pane mai ai o Hale Moana ma ke ano hoohuhu. “Heaha no hoi kou ano e Peka, manao anei oe he u’a loa au, @ hiki ole ai ai’u ke hooko i ka’u mahele o keia hana niu a e hoike mau aku ia oe i na minuke elima? Aohe o’u manawa e hoolalau wale ai no oiai ke makaukau nei au e hele aku i ka holoholo!”

“Pela i’o ka hoi, a ihea kau holoholo o keia po?”

“Heaha auanei kau ninau no ka’u wahi e hele aku ai? E hele ana au e hui pu me Kimo, ma ka maua wahi i hooholo mua ai.”

“Auhea oe e Hale ke makemake nei au e hoom@opopo pono oe i ke ano o keia hana, a mai hoao iki oe e pulapu mai ia’u ma kekahi ano.”

“O keaha auanei ko’u pulapu ia oe, pela wale no e hei ai ka i’a iloko o ka upena, ua ike no oe, aole o Mr Karikona he holona, aka oia kekahi o na kanaka opio makaala loa.”

“Ma ia whi la, ua kuhihewa loa oe e Hale. no ka mea ma ko’u ike, aole he kanaka hupo e ae i like aku me Karikona. Ina he nui kona makaala, aole oia e ae mai ana e huki hele ia oia me he pipi Pake la, mamuli o ka’u mau hoolala ana no kona poino.”

“Alaila i keia po anei oia e noi mai ai i kuu kaikuahine i wahine na@?”

“Aole i maopopo ia u ia mea, o ka’u wale no i maopopo, o ia ka loaa ana mai o na haneri dala he umi-kumamaha mai aia mai i keia wa a e lawe hou mai ana no oia he mau kaukani mamua o ka pau ana o keia pule nolaila e ike mai oe e Hale, o kela kekahi o na kanaka hupo haalele loa, i ka puni wale mai no i ka pulapuia aku.”

“E akahele oe e Kale Peka, mai noke mau aku oe i ke koi iaia i dala o holopono ole auanei ka kaua papahana.”

“Ua ike au i ka’u mea e hana nei, aole au hopohopo ana no ia mea.”

“Heaha hoi ka mea e hopohopo ole ai no ka mea ina e lawe mai ana o Karikona i na dala mailoko mai o ka banako, aole e nele ana ka huliia mai o na buke o ka banako, o ka loaa pono no ia o kela kanaka opio, a he hookahi ko kakou poino like na.”

“He opiopio loa oe e Hale, ma keia hana, no’u iho, ua hele a oo ka lolo, a ua maopopo mua ka’u mau mea apau e hana ai, me ka hiki ole i kekahi mea ke hoohoka mai ia’u.

 

“Aole no keia hana a kaua ua maopopo ae la ia, aka ina e loaa ana he manawa ia oe e Hale ma ke kakahikaka o ka la apopo alaila e hele aku oe e hooponopono no kela hana mau a’u i hoike aku ai, o ia hoi e hui pu aku oe me Paleka a e ninau aku iaia. pehea la ke holopono @ai nei paha ka@a mahele hana? He hana hiki wale no hoi paha kela ia’u. koe wale no, eia ka makaikiu Pelekane ke hoomakakiu mau mai nei. ma ka’u mau wahi apau e hele ai. a me he mea la @ua loaa aku ka ike iaia, no keia kelepona i hanaia me ka malu loa, a ua ike au i ka inoa o kela makaikiu, he mea oia i kamaaina ia’u ame kau mau hana.”

“I loaa auanei ka ike ia oe iawai? Owau hoi ka mea nana i hoonaauao mua aku ia oe pela iho la i hookaakaaia ai ko mau maka, ina aole au i hoonaauao mua aku, penei, he pio oe iloko o ka lima o kela makaikiu.”

“Aohe a kaua kamailio ana nona i keia wa, e ku ana oia i kahi o ka hoka, Ihea oe e hele aku ai e hui pu me Karikona?”

“Maloko o ka hale Inurama Doni oia e loaa aku ai ia’u ikoko a ka hapalua hora mai keia manawa aku, nolaila e awiwi au, o hala auanei ka wa pono, no ka mea aole au i komo i ko’u lole.”

 “Heaha no kau nana nui i ka lole. me he mea la ka hoi e hele aku ana oe i kekahi aha hulahula, i kou hao mai a paihi o ka loaa wale mai no o na pomaikai nui ia kakou. maliala ka nana.”

“Ua ike no oe, aole he mea maalahi ka pulapu ana aku ia Karikona, nolaila. he hana nui ke komo ana mai i ko’u lole, e hei ai ka i’a iloko o ka upena.”

“E hana aku e Hale elike me kau i ike ai he pono, e pehea ka loihi au e noho ai ma kela hale inurama?”

“He mea hiki ole ia’u ke hoike aku i keia manawa, malia paha e loihi loa ana au, i ka paani wahi pepa hahau. ma ke keena maluna.”

Alaila e hoowalewale aku ana ka paha oe ia Karikona ahiki i kona komo pu ana aku me oe e piliwaiwai ea?”

“Ua hoao mau au iaia, e paani pu mai me a’u. aole ona manawa i ae iki mai ai, koe wale no ka noho mai nana i ka makou paani ana.”

“Ina pela. e hoea aku ana au ma ka Hale Inurma Doni. no ka nana hou ana aku i ka helehelena o keia kanaka opio. a ina  oe e ike mai ana ia’u. mai noho oe a hoao e nana mai ia’u, a e kamailio mai paha. e noho oe me he mea la. aole loa oe i kamaaina mua ia’u.”

“Ina o kou makemake ia e Kale Peka ea. ua pono, e hana aku elike me kau mea i ike ai he pono, a na’u no hoi ia e hooko aku i ka’u mahele o ka hana.  O ke aloha no kou, a hui hou aku kaua i ka wa pono.” alaila lohe aku la o Nikola i ke kau like ana ae o ua mau kanaka nei i na ohe hoolohe o ke kelepona.

Ua nui maoli kela mau mea a ka makaikiu i lohe aku ai@ a ua loaa pu mai hoi ka ike iaia. aole e hoohanaia ana kela kelepona no kekahi manawa loihi ma kela po,  nolaila waiho aku la oia i ka ohe hoolohe, a hoomakaukau iho la no kona hele aku i ka holoholo.

O kahi a Nikola i makemake ai e hele aku i ka holoholo no ka Hale Inurama Doni no ia, no kona makemake e ike i kela kanaka opio i kapaia ma ka inoa o Hale Moana. @ wahi nae e ike ole ia mai ai oia e ka poe i kamaaina mua i kona ano, he mea pono e hoano-e oia i kona helehelena. a oiai ua hemahema oia me na makaukau e hiki ai ke hoano-e ae iaia iho noho hou iho la ua o Nikola ilalo e noonoo ai i kana mea pono e hana aku ai.

Ua pau loa na halekuai i ka paa i kela manawa o ka po  a oiai aole he wahi e loaa mai ai na mea hoano-e i kona helehelena. hooholo okoa iho la no oia e hele aku me kela ano mau no ona no ka hale inu rama, a e kauka’i aku no na haawina pomaikai, no ka holopono o kana mau mea i ake ai e ike ma kela po. 

Ua maopopo no i ua o Nikola aia kona kokua ma kekahi wahi kokoke kahi i hakilo ai, a oiai he makemake wale no kona e ike i ka helehelena o Hale Moana. He haua maalahi kona hele ana aku noloko o ka hale murama, a olili koke mai no iwaho, e manao mai ai kela noe, ma ke ano ulia wale no kona hoea ana aku ilalo. aole hoi no ka hakilo ana i ka lakou mau hana.

Ua a@eane e hapalua ae o ka hora umi-kumaimalua, komo ana ka Makaikiu Nikola iloko o ka hale inurama, a o ke kanaka mua loa i halawai mai me ka ike a kona mau maka, oia no o Kale Peka, e ku ana ma kahi kuai waiona, e hi-o aku ana kona kino imua. me he mea la e kakali ana o ka laweia mai o kona kiaha bia. Ua hoano-e o Kale Peka iaia iho, a he kanaka okoa loa ke nanaia aku, eia nae i na maka hiaa o ka makaikiu ua ahuwale kona mau ano apau imua ona@.

Ua komo iho o Kale Peka he umiumi ku-i keo@eo. he lauoho no hoi, a e paa ana he kookoo ma kekahi lima, e hoike mai ana, he kanaka elemakule oia i nui kona mau makahiki. I ke komo ana aku o Nikola iloko. alawa mai la ka nana ana a ua o Kale Peka iaia nei, aole na@ he hoomaopopo mai o kona enemi ino loa iaia, aka mau aku la no ka huli iloko o kahi a ka bakipa e ku mai ana. me ka lalau ana aku no hoi i kona kiaha bia nui i haawiia mai ai iaia e inu.

Alaalawa ae la ka nana ana a ka makaikiu ma o a maanei. aole ona ike aku i na kanaka opio ana i makemake ai e ike, a noonoo iho la oia, aole paha laua i hoea mai i kela manawa. a ma kahi o kona hele ana mai no ke kuai ana i mea @@u @ona, hoi aku la oia a noho ma kekahi pakaukau uuku ma ke kihi o ka rumi. noho iho la malaila e kakali ai.

He nupepa kekahi e waiho ana iluna o ke pakaukau. lalau aku la i ka nupepa. me ka paa ana mai maluna o kona alo. ma ke ano nae e hiki ai no iaia ke ike aku i ke komo ae o na kanaka, a hemo aku paha iwaho.

No na @@@uke ehiku paha kela noho ana iho a ka Makaikiu Nikola. hemo ana no ka puka o ka hale inurama, a komo a@@ no he elua mau kanaka opio. O ke kanaka mua o laua, ua ike koke aku la ka makaikiu o Kimo Karikona no ia. a o ke kanaka hoi mahope aku ona. i like no ka opiopio me ko Karikona. ua koho koke aku la oia o Hale Moana kona inoa.

@@ kanaka opio u’i keia, me ka pa@@palu o kona helehele@a ko@u wahine, a nawai ole no oia e k@@@@hewa i ka leo e kamailio pu ana me Kale Peka, he leo no kekahi wahine opio. i ke kohu wahine maoli no o keia kanaka.

“E haawi mai oe i mau kiaha bia no maua, “ i lohe aku ai o Nikola i ke kamailio ana ae o Hale Moana i ka @akipa, me kela leo no ana i lo@e ai maloko o ke kelepona. E inu bia like ana kaua e Karikona i keia manawa, heaha a@anei ka pilikia, aole keia he niea make, au e noke mau nei i ka hoole. “E wiki oe i na kiaha bia o maua, ua hele k@’u waha a wainui, a ua maloohaha hoi ko’u puu.”

“I hookahi no au kiaha bia e haawi mai no ia ne @a i kiaha waimomona kau e haawi mai ia’u.” i pane ae ai o Karikona, oiai aole no oia he mea maa i ka i@@ ana i na wai ikaika.

“Mai hoolohe mai oe i ka ia nei paakiki, ho mai i elua mau kiaha bia no maua.” alaila kulo@ aku la o Hale Moana i@@a a kamailio aku la i ka bakipa me k@ leo hawanawana, @@a nae ua hiki loa i ka makaikiu ke homaopopo aku m@ ke ano o kona mau lehelehe e @@@au aku ana oia. ina @@ p@@ kekahi e piliwaiwai ana ma ka hale maluna.

Kunokunou mai la ke poo o ka bakipa, a kau ae la i kona lima iluna, me ke kuhikuhi ana ae i na manamanalima, o ia hoi he elima ka nui o ka poe e piliawwai ana maluna, a o ia ka Hale o ka huli hou ana mai imua o Karikona, a kamailio mai la:

“E pii aku ana au i ke keena maluna e paa@i liilii ai no kekahi mau min@ke, a o oe pu kekahi e Kimo e hele mai me a’u, a i hookahi ko kaua hoi like ana aku i keia po.”

“Aole au e ae aku ana I kou manao, maanei no kaua e hoi aku ai, ua lawa ko’u ae ana aku i kau mau hana no ka wa ae nei i hala.”

“Ina no paha aole ou makemake, alaila e hele ana no au e hoopukapuka i ka’u mau dala, i wahi e nui hou mai ai.”

“Pehea, e hele pu mai ana anei oe me a’u a i ole, e paakiki ana no paha oe e hele i ka piliwaiwai?”

“Mai paakiki oe e Karikona, e hele like ae no hoi kaua la no kekahi mau minuke pokole. o ko kaua h@i like aku no hoi ia. heaha ka pilikia e loaa ana ia oe ma ia mea?”

“Ina pela, e hele i’o aku kaua, no kekahi manawa pokole wale no.”

“Ua ike au i ke k@@@ o kou ake loa e hoi, no kou noonoo niu loa, i kuu kaikuahine ia Balana. ua hiki no nae, o @e kekahi kauaka laki loa ke loaa ia oe kela wahine huapala. a ma ou la paha, e pau ai ko’u hele ana i ka piliwaiwai. i kela manawa nae. ua kokoke loa aku la ka elemakule a ka makaikiu i ike ai o Kale Peka ma ka laua nei wahi e ku ana. a no ka pa ana aku o Hale Moana, i ke kookoo o ua elemakule

hoomeamea nei, ua hooho ae la oia me ka i ana:

“Auwe, @eaha keia pilikia ou?”

“Aohe he pilikia, i hoopa wale aku la no hoi au ia oe, no ka pololei ole o kahi i omo@ ia ai o kau pine i ka leia –i e ae mai oe na’u e hana aku a pono.” alaila lalau aku la o Kale Peka i ka leia i me he mea la e hoomponpono ana i ke pine. o ka ka makaikiu mea @ae e ike aku la. ke kamailio la ua elemakule nai ia Hale Moana i kekahi mea.

“Ke ole au e kuhihewa, ua loaa aku ka ike i kela elemakule no’u, a o ia kana e kamailio la ia Hale Moana.” i nal@ wale iho ai no o Nikola iloko ona. “Pehea @@, e hoike aku ana paha o Hale Moana i kana mea i lohe mai la ia Kimo Karikona?”

Aole he manao iki iloko o kela mau kanaka e hoike ia Kimo Karikona i kekahi mea e pili ana i ka makaikiu, @ lilo auanei ia i kumu e puiwa ai ke kanaka opio. a hooko ole ia hoi ka laua nei mau mea i kukakuka mua ai. Ua piha paha ka minuke hookahi o kela hoolalau wale ana no a ke kanaka elemakule, ma ka hana ana i ka leia-i o Hale Moana. ia wa i huli pololei mai ai ka Hale Moana nana ana ma kahi e noho aku ana o Nikola, a no ka manawa mua loa i ike aku ai ka makaikiu i na maka poniponi uliuli o kela kanaka opio a ua kohu wahine i’o no ma na ano apau, ina paha he lole wahine kona e komo ana, e kuhihewa okoa aku ana no ka makaikiu iaia he wahine opio.

Ma kela manawa a ke kanaka opio i nana mai ai i ka makaikiu, o ka wa ia i oili aku ai o Kale Peka iwa@@, a i ka nana ana aku o Nikola, ma kahi o ka puka, ike aku la @ia i kekahi mea i ka maalo ana ae, a hoomanao koke iho la oia, o kana kiu kela o ka Makaikiu Peke, nolaila aole a@@ hopohopo ana no ka hookolo aku o kona kanaka mahope o kela elemakule, a ka piha maalea maoli.

Oiai no nae o Nikola e noho ana, a e kakali ana o kona ike aku i ka hana a Hale Moana me Karikona malok@ @ kela keena, hele pololei mai la o Hale Moana, no kana wa@ e noho aku ana, a me ka hoopepe ole iho, a hopohopo ih@ paha elike me ke ano o ka poe malihini, kamailio mai la iaia nei i ka ninau ana mai:

“Pehea oe e ka malihini?” Ke ole au e kuhihewa, @ keia ka manawa mua loa a’u i ike ai maloko nei o keia wa@@. He mea maa maloko o keia wahi@ka hookipa ana i na malihini, pela au i hele mai la e ninau aku ia oe, heaha kau mea inu i makemake ai?”

“Me ka mahalo no kau mau olelo e ka malihini, aka aole au i makemake i kekahi mea inu.” alaila huli ae la oia ia Kimo Karikona. a i aku la: “O ke aloha ahiahi no kau e Mr. Karikona. eia ka e halawai ana kaua maloko nei o keia wahi?” me ka haawi ana aku o ka makaikiu i kona lim@ imua o Mr. Karikona.

Hook@oo wale ae la no o Kimo Karikona. me ka h@@ pololei ana i kona kino. lalau mai la no hoi i ka lima o ka makaikiu. a pane mai la: “Ae, o ke aloha ahiahi no kou, a manao au o ke kumu o kou hoea ana mai nei no keia wahi, mamuli mai no ia o’u!”

“Ua kuhihewa loa oe e Mr. Karikona. I ko’u hele ana mai nei i ka holoholo no ke taona nei i keia po, a hoea wale mai nei no keia wahi, aole loa au i manao mua. e halawai pu ana kaua. Aole au i ha’oha ‘o i ka lohe ana aku nei i kau mau olelo. ia oe o ka ike ana mai la ia’u. a ua maopopo @@ka manao ia oe o ka’u mea e kamailio aku nei.”

“Pehea auanei e nele ai ko’u maopopo, oiai o kekahi hana nui loa ia i ko’u noonoo.”

“E waiho aku ana no au nau e koho i kau mea i manao ai he pono e Mr. Karikona  Oiai ua manao oe, he mea po@@ i kekahi mea ke makaala loa ia oe, ua ulu mai la ka manao iloko o’u, e hoike aku ia Mr. Holo no keia mea. @ ka @@@ oiaio no ea, owa@ ponoi ka mea nana i a’o aku ia Mr Holo i keia la. e lawe i kona poe kanaka mai ko lakou homakakiu ana ia oe e Mr. Karikona.”

“O oe i’o anei ka mea nana i a’o aku iaia e haan pela? Ua ha’oha’o no au i ko’u ike ole i kekahi poe ana i hoonoho ai. Ma kahi e kokoke ana ia’u i keia la iho nei.”

“Ina he manao kanalua kekahi no ka oiaio o ka’u mau mea e kamailio aku nei ia oe, alaila e ninau okoa aku ia Mr. Holo, e lohe no oe i na mea apau.”

“Ea. pehea olua e na keo@imana i kamaaina ai kekahi i kekahi?” i kahama@a mai ai o Hale Moana i ka laua nei kamailio ana. “E manao ana au la—“ me kona hooki ana iho, aole i puka pono mai ke koena aku o kana mea i makemake ai e kamailio mai, a pahola ae la ka minoaka ma na papalina o ka makiku.

“Manao anei oe e Mr. Moana. ua holopono ka Kale Peka misiona i hele mai nei i keia wahi, elike me ia ana o ka hawanawana ana aku nei ia oe?” wahi a ka Makikiu Nikola, me ka hookahaha loa ia aku o ka manao o Hale Moana. no ka maopopo ana o kona inoa i keia kanaka. a ma ia wahi i komo koke mai ai o Kimo Karikona. me ka pane ana ae: “E ae mai olua e na keonimana e hookama@@ aku au ia olua.

“O keia ko’u hoaloha e Mr. Nikola a’u i kamailio aku ai ia oe i keia la o Hale Moana kona inoa, a e Mr. Moana o Mr. Nikola keia?” a mahope iho o ka lululima ana ae @ ua mau keonima@a nei, noho iho la o Hale Moana i al@ a roke ae la i ka akaaka, ak@ nae ke ike aku la ka ma a@kiu he akaaka hoolalau wale no kela. oiai aole he @@@ maop@@@ akaaaka ai kekahi mea, aka @@e, elike me ke ano o k@ poe i maa i ke kolohe. aole he mea hiki ole ia @kou ke @@@@ no ka pulapu ana aku i kekahi poe.

(Aole i pau.)