Ka Nupepa Kuokoa, Volume LVI, Number 39, 27 Kepakemapa 1918 — NA HUNAHUNA MEAHOU O KILAUEA, KAUAI. [ARTICLE]

NA HUNAHUNA MEAHOU O KILAUEA, KAUAI.

Ma ka la 15 o keia mahina i hookipa maikai ia aku ai kou mea kakau e ka Lunakanawai Wm. Huddy o keia wahi, ame kana keiki Jim Huddy, ma ka home o kana keiki, ma na kuka'i kamailio ana me ka maikai, ma ko'u aoao ka malihini, a pela me na kamaaina, ua ai a lawa i na ono i hoomakaukauia, o ia keia, na i'o moa palupalu i hui pu ia me ka laiki loloa ame ka i 'o puaa i huiia, i'a maka, opihi, kamano, laiki, a he nui wale aku, kau mai la no hoi kahi pola kope mahope, he maona mai hoi kau! Oiai ua nohoalii pono iho la o Keoni Bulu ma kona wahi, ua hoohala hou ia ka ma na olelo hookaau, a hoonanea, ahiki i ka hookuu ana me ka maikai. O keia Wm. Huddy oia kekahi kupa a kamaaina kahiko o keia wahi, inai kahiko loa mai, ua nui a lehulehu na keikikane, na kaikamahine a pela wale aku, a ua loaa iaia i keia manawa e ola nei, ka moopuna kualua. Nolaila maluna ae o na mea apau, ke haawi aku nei keia makapeni i ko'u hoomaikai nui palena ole ia olua, 110 ko olua hookipa maikai ana aku ia 'u, ame na mea e oluolu ai ma ke kino, i haawi ia mai e ko olua lokomaikai. Na ko ka'kou Makua ma ka lani e hooloilii i kou mau la, kau poe keiki, na moopuna, ame na ohana like ole i piha ai kou noho ana, a nana no e kiai, e malama, iloko o ke apo o Kona aloha puni ole, malalo o Kana malu. Ma ka la 17 mai, ua hele hou aku la no maua me ko 'u kokoolua, Mrs. A. A'malu, ka inaua hana maamau no o ka holoholo kaa otomobile, haalele i kauliale hapalua hora umi, no na home hookuonoond ma Kapaa ka pahu hopu, ke hoonanea wale la 110 ua wahi kaaka piha eu nei, i ke sukuauku a kahi otomobile, puehu liilii ka lehu o kapuahi, i kau a mea o ka holo o ko maua wahi kaa. Oiai maua e holo heihei aua, i ole e pulu i na kulu pakaua o Kulanihakoi, e nee mai ana mamua o maua, eia ka mea apiki, ua kaa ke eo ma ko maua aoao, ua hala ae la no ka ua ina ka moana ,a hoomanao ae la au i keia wahi mele: Auhea wale oe ke kualau, . E ka ua nu hele ma ka moaua'. He maikai no na alanui o keia wahi, hiki aku la i Moloaa, he maikai no keia wahi ke nana aku, uliuli niaikai ka ma'ka ke ike aku, oiai ua paa keia wahi i ka laiki, aohe no he nui loa o na kauhale ma keia wahi. Hoea aku la i Anahola, he u'i okoa no hoi keia wahi, a ka maka ke nana nku, i ka ulu maikai o ka laiki, aine na hua meaai li'ke ole, kuhikuhi mai la ko 'u hoa ia 'u i ka puu o Kalalea e ku mai aua, ame ka ulukukul o Pilaa, e ulu ana mauka a o ke alanui. Hiki aku la i Kealia, ike aku la i ka hale wiliiio ma' keia wahi, e wili ana no hoi, he nui na hale .like ole 'ma keia wahi, hpomau aku Ia no ko | maua holo ana, ahiki i Kapaa hoomaha I iki he umi minuke, no ka hoohainu wai | ana i kahi moku lele o maua, ame na wahi ohua oueki pu kekahi, oiai ua | hele mai la ka puu a maloohaha, i ka loihi maoli o keia hele ana āku, he nui i ua hale kuai, hale noho, a pela wale aku ma keia wahi. I Haalele ia Kapaa, pii aku la mauka 0 ia wahi, no ka ike ana i na home hookuouoouo o keia wahi, he nui ka nani ame ka u'i ke nana aku, ma o a maanei o ke alanui, ua ulu ke ko a kekahi poe, a ke oki nei ke ko a kokahi poe. Ke hooikaika 'kino nei na mea apau no ko lakou pono iho, me ke kokua pu | mai o ka hui mahi'ko ma kekahi mau j mea e pono ai, he maikai ke alanui i ka wa malie, aka ke hoi mai ka ua, he nui ka ino, hoea aku la maua i ka home hookuonoono o ko'u hoa, S. A. Amalu, | hora ekahi. E uoho mai ana kana aliiwaliiue, na kei'ki ame ka laua moopuna, oiai ua h i mua aku lakou, ma ia wahi e noho ai, ! hoomaha iki iho la a kuu ka nae, oiai hoi o Hanale e kulapa ana i o a ianei, ! e ake aua no e hui kino me Keoni Bulu, | kana punalua, hoopiha iho la i ka lua o ' ka inaina, i na mea i hoomakaukau ia mai e kaimaaina. He nui no na e'ka aina o ko'u kokoo- ' lua ma keia wahi he 48 eka, ua paa wa- ! Ie no i ke ko ,a e oki ana paha ka la- ! kou ko i keia mahina ae ke loaa he manawa, mai ka hale kukui aku ahiki i j keia home hoekuonoono, he 21 mile. . Haalele i ka home hora eha me ka hapa, he pakika he pahee wale no ia hoi ana mai a maua, kuhikuhi hou mai ! i a ko'u hoa ia'u ia puu kaulana o keia wahi o Nouuou, he uuku wale no keia wahi puu, o ka inoa nae ka i kaulana apuni o Hawaii nei. I Hora 6 hiki hou iko makou home, ka hale kukui ku He mau la mauu iki keia o Kilauea uei, e aho hoi ia, aohe e maloo loa na wahi lau uala, 1 ka wela a ka la, oiai ua loaa mai la i kou mea kakau nei maā Kanahena, Maui mai, ka home a ke aloha i noho ai, īio na makahi'ki loihi, he mau lau uala momona, anoano pu ,anoano ipu haole, anoano ipu ala, no ka hoolaha ana aku ma keia wahi. Ua huli hoi mai la i keia la o Chas. K. Akana, ame kona ohana, kekahi o na kiai o keia "hale kukui nani ku kilakila, no na pule eha o kona" hoomaha i ana, iloko oke ola kino maikai. I Me ka Lunahooponopono ko'u mahalo nui, ame na keiki oniu hua kepau o kou papapa'i ko'u adieu. Owau mau no, PETER KAMANO, BR. Kilauea L. Station, Kauai.