Ka Nupepa Kuokoa, Volume LVI, Number 38, 20 September 1918 — KE KOHO BALOKA WAE MOHO [ARTICLE]

KE KOHO BALOKA WAE MOHO

Ua nui na manawa a keia pepa i hoakaka āku ai maluna o ke koho baloka wae moho o kakou, no i;a luna oihana o ke Teritore ame kalana o na wa ae nei>i hala, a oiai nae, uā hoea hou mai kakou i ke. koho baloka wae moho, no ka elele lahui i Wakinekona, a no na hoa o ko kakou ahaolelo kuloko, ua konoia mai makou e hoonaauao hou aku i ke ano o keia koho baloka e hoea mai ana. E hoomanaoia, o keia koho baloka, he koho baloka ia no ka wae ana ae o kela ame keia aoao kalaiaina iho i mau moho nana, maiwaena mai o na moho lehulehh e alualu ana no kekahi kulana oihana, ma ke koho'ana o na Demokarata i ka lakou mau moho elike ka nui me na kulana oihana i a pela no hoi me na Repubalika, a o na moho e loaa ana ia lakou ka heluna baloka kiekie no na kulana i hoakaka maopopo ia ka nui, o na moho iho la ia a kela ame keia aoao, a o ka nui iho, ua pau lakou i ka haule, e kuleana ole ai ke holo hou aku ma ke koho baloka laula iloko o ka mahina o Novemaba. O ke ano maoli i makemakeia ai ma keia koho ljaloka wae moho, o ia no ke koho ana o na Demokarata i na moho Demokarata, pela hoi na Repubalika e koho ai no i na moho Repubalika; 'aka aole nae pela ke ano o ke koho ana a kekahi mahele nui o na makaainana, e lilo ana na Repubalika i poe koho i na moho Demokarata, a pela no h'oi na Demokarata e koho mai ai i na moho Repubalika, aia ka pono o ka loaa o ka lanakila, a waiho aku na moho o na aoao a elua, na ka lehulehu e koho mai, no ka-lanakila hope loā, e komo aku ai iloko o na wahi i makemakeia ai lakou e hana i na kana- : wai- # i Ke imi mai nei kekahi poe moho iko lakou ikaika iloko o na aoao kalaiaina a elua, o kekahi paani ana no ia o na hana kalaiaina ma na wahi apuni ka hom» nei, ma na koho baloka o keia ano, ma keia hana nae, ke makemake nei ke Kuokoa e hoomaopopo pono na mana koho i ka lakou koho ana, ma ka nana ana i ke kupono o na moho, aole hoi ma ke ano»aoao kalaiaina.