Ka Nupepa Kuokoa, Volume LVI, Number 37, 13 September 1918 — KA NINAU POI [ARTICLE]

KA NINAU POI

No kekahi manawa loihi, hiahope iho o ke ko- ] hoia ana o kekahi komite kuikawa, e ke komisina kuloko o 11 a meaai, no ka huli ame ka noii pono ana aku i na kulana oiaio maoli e pili ana i ka oihana kanu kalo ame kuai poi, akahi no kela komite a hoea mai i ka hoomaopopoia ana o ka lakou hana, ma ka halawai kukakukai o ka malamaia ana ma ka Poalua nei me ka poe kanu kalo a kakou e kau aku ai i na manaolana, e hoea mai ana i ka wa e ikeia ae ai, na mea oiaio, ke kaki wale mai nei ka poe kanu kalo ame kuai' poi a oi aku mamua o ke kupono; a e hoea mai ana hoi i ka wa e loaa ai ia kakou ka poi me ke kumukuai kupono, i like ole me ia e kuaiia nei i keia manawa. He elua mau pilikia maopopo loa e halawai nei me ka poe ai poi o.na la aku nei i hala, o ka mua, 0 ia no ka liilii loa o ka poi, a o ka lua, o ia ka hehee, e pono e hoopauia keia mau pilikia e keia komite a e ke kolnisina meaai Teritore paha, ka hookikina ana aku i ka -poe kanu kalo a kuai poi, e kuai i ka poi, ma kekahi kumukuai kupono, a' ina aole pela, e lawe maoli mai i ke kuai ana aku i ka poi i ka lehulehu, a keia pepa e manaoio loa nei, ua papalua a papakolu aku ka pomaikai e loaa nei; 1 ka poe iloko o keia oihana kanu kalo a kuai poi, iloko o keia wa o ke kaua, e kikoo aku ai ke komite I iloko o na mea oiaio a keia poe e pulapu nei i ka lehulehu. Ina ua manao kekahi poe kanaka Hawaii, ua aeia ka hana ana i ke suaipa no lakou iho, a o ke kuai ana aku iwaho ka mea i papaia, he manao kuhihewa loa kela, o ka mea oiaio loa. ma ke kanawai hookapu waiona i hooholoia mai nei e ka ahaolelo 110 Hawaii nei, ua kapu loa ka hana ana, ke kuai ana, ka hookomo ana mai, a hoouna ana aku i kahi e, i na ano waiona āpau loa, e komo pu ana ke suaipa iloko olaila, o ka mea e loaa aku ana e hana ana i ke suaipa, aole oia e pakele ae, mai ke kau ana aku o ka hoopa'i maluna ona, 110laila, e hoopau loa e na Hawaii i ka hana ana i ke suaipa, he oi aku ka nele ana mamua o ka noho ana aku i ka halepaahao no na mahina loihi!