Ka Nupepa Kuokoa, Volume LVI, Number 36, 6 September 1918 — NA RULA NO KA HOOHANA ANA IA "MAKALEI." [ARTICLE]

NA RULA NO KA HOOHANA ANA IA "MAKALEI."

O keia iho malalo na rula ame na loina paa mau o ka malama ana ame hoohana ana ia "Makalei," ka panepoo o na hinai lawai'a maunu ole o keia au hou e nee nei. Loina O na kukuna i hanaia a kauia maluna o ka puka komo a i hoopi'oia a kohu opuu elike me ka peehi, ua like ia me na kukuna o ka la e pii ae ana i ka wehewehena kaiao o ke kakahiakanui, a ua like loa me ka peehi lima kona ano, e peehi mai ana a e kahea mai ana i na i'a a i na mea kino e ae apau e ala, e ku, a e hele mai. Ka Nanaina o ka Hinai Makalei imua o na I'a e noho ana ma na ko'a o ke kai hohonu. Ua like ka puka o ka hinai makalei me ka puka, waha o kekahi lua, kekahi ana, ma ka aoao o kekahi kipapali o ke kai hohonu. I ko lakou hookokoke ana ma ka aoao o Hinai Makalei, piha lakou me ka hauoli; i ko lakou maalo ana mamua pono o ke alo, a kilohi ae lakou i na kukuna laalaau nani o Makalei, piha loa lakou me ka hauoli nui loa a hoonanea liilii lakou malalo pono me ka eehia. Iloko o ia wa, ua loli ae la ka pi'o papale kapu e paa ana i na welelau o na kukuna la, a like ae la me kekahi mau laalaau e hoomalumalu iho ana ia lakou, a ua manao iho la lakou aia no lakou maloko o ka malumalu o ka lua o ko lakou home maamau, ua oi ae no nae ka nani o Makalei, ko lakou home hou. I ka manao ana o kekahi o lakou e puka iwaho ua komo loa kekahi iloko o ka hinai, oiai ua like o hope o ka hinai ia manawa me ka puka o kekahi ana, a holo awiwi aku la me ka manao e puka loa iwaho, eia nae ua kuhihewa ia manao ana, no ka mea, ua palulu mai na uwea iaia, a o ke kino eepa ia o Makalei, a ua hiki ole iaia ke pelu hope mai ma kahi ana i komo kuhihewa ai. I kona holoke ana i o a ianei, ua lilo ia i kumu e pioloke ai na i'a e ae a hahai aku iaia. Pakali, oia kekahi o na lawai'a kaulana o ke au kahiko, a oia ka maunu helu ekahi, ka mole kahi i kukuluia ai o Makalei, ka panepoo o na hinai hooluuluu apau i huliia me ka noeau. Ia lilo kela i'a e holoke ana maloko o Hinai Makalei i kumu na ka nui i'a e ae e hahai ai iaia elike paha me ka weke, kumu, panuhunuhu, e pau loa ana ke kumu i'a holookoa i ka noho iloko o Makalei. Nolaila, ua lilo kela i'a holoke i pakali nana e kii aku, a kono aku paha ina i'a oia ohana like. Mamuli o keia loina ua kapu ka hookomo ana i na maunu iloko o na hinai makalei, elike me ka kekahi poe e hana kuhihewa nei. O ka maunu hookomo iloko o ka hinai makalei, he kumu ia nana e kono aku ina puhi niho e hookokoke mai malaila, a e kipaku ana ia i na i'a maikai apau e noho ana i ke ko'a, a nele ka loaa mau ana o na i'a maikai i ka mea lawai'a hinai. Pai ana ia Makalei i kela ame keia manawa, na rula o ka pakali ana ame ke ano o ka hoohana ana i mau loa ai ka loaa mau ana o ka i'a i ka mea lawai'a Makalei no ka wa pau ole. Rula 1. I kou pai ana mai ia Makalei i kela ame keia manawa e loaa ana na i'a, ina he kaau, alaila e waiho a e hooholo i elua kauna iloko o ka hinai, a hooluu hou aku, pela i na wa apau. Ina malalo mai ka loaa alaila e hoomau no i ka waiho ana i mau i'a kupono iloko i maunu pakali, pela e hana ai i na wa apau. Rula 2. I kinohi, e pai ana oe ia Makalei, aole no e komo awiwi aua ua i'a, aia a hala he mau la a kamaaina. pono iho na i'a ia. Makalei, alaila hoohihi. No ka hikiwawe e hoao e loaa na oopu a i 'a kai paha ,e hookomo iloko a hooluuluu aku, aole oe e nele ana, e loaa koke ana na i'a i kela ame keia manawa kupono. Rula 3. No na kai hohonu uliuli, he 24 hora ka loihi e waiho ai, alaila pai }' mai. No na kai papa'u ,iua wa no apau e ike ai ua nui na i'a maloko. Rula 4. E malama pono i na hanai, e holoi a palaki i na limu ame na lepo one, pela me ka pahouohono ana i ua | laau hakihaki, pela e mau ai kona mai- j kai a malama mai ia oe me na i'a i na ' la apau apuni ka makahiki, aole aua ' niea maka 'u, aole la kapu iaia, aole inakani Kona nana e hooweliweli aku iaia,' e hoomaha ana na upena kuwaina; no Makalei no nae, aole ona la hoomaha,: he hana maikai kana ina la apaii. j Kula 5.' E hoomau ia Makalei ma ke kuuna hookahi, mai hoolele wale, aole ho mea loaa ma ia hoohana ana. Na ka i 'a no e hele mai ia Makalei, a na . i 'a uo e pakali hou aku a hoonui i ka ! laki. I j Rula 6. E hoopaa ika hinai makalei ' me ke kaula i hoopaaia me kekahi he- ; lenma kaumaha kupono, i ole e lilo, a olokaaia e ke kai, a nalowale. J Rula 7. E hoomakaukau a hoolehuiehu aku i na makalei ,no ka .mea, oia ku hana e holomua ai ,a e hiki hou mai ana kona wa e hoohauaia ai i papalima- j ia iho ai kona waiwai. He hookahi ha- I paumi wale no keia ,oia ka Makalei e hooikaika n«i nou, a he eiwa hapa-umi ( aku i koe, aole e loaa ana ia oe, aia , wale oo a loaa ka holopono ma ka ninau īnua, alaila loaa hou. j (Aole i pau.) D. M. KUPIHEA. rsr. 8. s. AMSTEKDAM, Sept, 4.—No ka maka'n ua hoonee aku ka puali Kenerala Kelemania i kona keena oihann niai Spa, Belgium aku, a i Vervicres, ma ka akau iki aku. 4---.«... ... _