Ka Nupepa Kuokoa, Volume LVI, Number 26, 28 Iune 1918 — AHEWAIA O OWANA NO KA HEWA OHUMU. [ARTICLE]

AHEWAIA O OWANA NO KA HEWA OHUMU.

I Mahope iho o ka hooloheia ana o ka hihia ohumu a ke aupuni e ku-e aua ia Mrs. Owana Belliveau ame .Tames M. Kealoha, nia ka hana ana i ka palapala kauoha hooilina apulii, i wahi :e holo ai ka waiwai o ka Moiwahine Liliuokalani, i ka poe i kuleana ole i kela waiwai, no 'kekahi mau la ae uei i hala, i hoopuka mai ai ke kiure hookolokolo oloko o ka alia a ka Lunakanawai Kaapuni Heen i ka olelo hooholo ma ka Poakahi aku la i hala, e ahewa ana i na mea i hoopiiia no ka pili i ka hewa, i hoopiiia ae ai laua. Ua hooikaika na loio o na mea i hoopiiia, ma na ano apau, inuia o na kiure, e.hookuiiia mai ko laua'mau haku, mai kela hihia mai, eia nae, mahope iho o ke komo ana aku o ka hihia iloko o ka lima o na kiure, ua piha okoa ka hora hookahi me ka hapa, ia wa i puka mai ai ka lakou olelo hooholo, e ahewa ana i na mea i hoopiiia. Ma ke kumu hoopii ekahi, e pili ana i ka hewa ohumuhumu me kekahi mea okoa aku, e hana i palapala kauoha apuka, ua hoopuka mai kela kiure i ka olelo hooholo no ka pili o ka hewa ia Mrs. Owana Belliveau. No James M. Kealoha hoi, ua like no pela ka olelo hooholo a na kiure ma ke kumu ekahi, o ia ka pili o ka hewa o'humu ia Mr. Kealoha, aka mawaho ae nae o kela kumu hoopii, ua hoopuka hou mai ke kiure i ka olelo hooholo, no ka o Mr. Kealoha i ka hewa ohumu me kekahi mea e aku, e hoike wahahee. O ka hoopa'i ma ka hihia o keia ano, ina nei no ka hoopaahaoia, he unii makahiki ka loihi o ka manawa e noho ai maloko o ka halepaahao, aole e oi aku mmua o kela manawa; a ina hoi no ka hoopa'i dala, alaila aole e oi aku i ka huina o hookahi kaukani dala, elik e nae me ka mea a ka aha e hooholo ana. Mahope iho o ke ahewaia ana o na mea i h«opiiia, ua hooikaika ko laua ,

| niau loio e noi aku i ka aha, e hookauia I mai i hoopa'i oluolu, a e noi pu ia aku | ana no hoi ka aha, e lioolohe hou ia kela ! hihia, a ina e hooleia mai ana, alaila he hookahi no hana i koe, o ia ka ho'ohalahala loa ana i ka olelo a na kiure iloko o ka aha kiekie. Ma ka hoakaka a ka Loio Anilrews, ka loio o Mrs. Owana Belliveau, anle i pili aku ka hewa ohumu i kona haku hana, no ka mea iwaena o n'ā hoike apau i ninaniuauia iloko o ka aha, aole he hookahi o lakou i hiki ke olelo maopopo mai, no ko lakou ike i ka hewa ohumuhumu i hanaia e na mea i hoopiiia. No Sam Kamakaia hoi, kekahi o na hoike i kakauinoa maluna o ka palapala kauoha hooilina apuhi i hbnaia, ua huli oia ma ka aoao o ke aupuni, a hoike okoa mai la i na mea i hanaia, a no ia kumu, ua hookuuia oia mai na umii mai a ke kanawai. Ke hoomanao nei no ko ke Kuokoa poe i ka moolelo o na hana apau i pili aku i ka hopuia ana o Mrs. Owana Belliveaii; o ia ka owili pu ia ana aku o Mr. .Tames M. Kealoha; pela pu hoi me Samuel K. Kamakaia, me ke kohoia ana o ko lakou mau loio, no ke kupale ana ia lakou imua o na aha hookolokolo, ma na mea e pili ana i ke apuhi ana i kekahi palapala kauoha hooilina, i oleloia ae, o ka palapala kauoha hooilina hope loa ia a ka Moiwahine Liliuokalani i make, a i kiolaia mai ai e ka Lunakanawai Kaapuni Ashford. w. s. s. MILWAUKEE, Wisconsin, lune B.— Ma ka hoikeike fea mokuaina i malamaia maanei i nehinei, ua kuai hooliloia aku o Svlia Johanna, he pipi bulu Holstein keiki o eono wale no mahina no ka makuahine o ka pipi keiki, he no ka makuahine oka pipi keiki, he $53,000 he makahiki wale no i hala ae nei. ; — W. S. S. KIKAKO, lune 22.—Ua kaa ke eo o ka heihei kaa ia Louis Vhevrolet i nehinei, me ka lilo ana o ka makana o $30,000'iaia, ua holo ia ka hookahi haoeri mile iloko o kanalima-kumamalima minuke me iwakalua-kumamalima sekona.