Ka Nupepa Kuokoa, Volume LVI, Number 25, 21 Iune 1918 — MAI HOOHEMAHEMA I KA HOONAAUAO ANA [ARTICLE]

MAI HOOHEMAHEMA I KA HOONAAUAO ANA

I Oka hoonaauao ana ina keiki a kakou ma kekalii mau lala kiekie o ka ike ame ka naauao, nialoko o na kula kiekie. he hana puikaika no ia i ka hapanui o na makua, oiai aole kakou he poe lako a nui o ke elala, elike me na haole ame kekahi mau lahui e ae, e hoouna nei i ka. lakou mau keiki e hoonaauaoia m'a na kula o Amerika Huipuia. No keia nele ma ko kakou aoao, i ka wa'no e pau ai ka hoonaauaoia ana o na keiki a kakou maloko o na kula aupuni, a ma na kula paha o Kamehameha ame Sana Lui, o ka hele aku la no ia e imi i na hana no lakou e pono ai, me ka hoea ole aku i na ike kiekie a na keiki i makemake ai, e lilo ai ia mau ike, i mau mea kokua nui mai, ma ka hapai.ana ae ia lakou a lilo i poe kanaka ko'iko'i a kaulana iloko nei o ka aina. Eia ma Honolulu nei he kula kiekie ma ka inoa ke Kula Kiekie o Hawaii ma Manoa, i makaukau e hookipa aku i na keiki a na makua i nele me ke dala, no ka hoonaauao ana ia lakou ma na kula kiekie o Amerika. He kula keia aole he uku no ka hoonaauao ana, no ka mea o ke aupuni o Amenka ka mea nana e uku nei i na hoolilo o keia kula, ma o kekahi haawina elala i hookaawaleia e ka ahaolelo lahui, o na hoolilo wale no ma ka aoao o ke keiki, o ia na buke, kona mau pono aahu. ame kona mau lilo ieaahele; nolaila he pono nui keia, a na makua Hawaii e hoohemahema ole ai, ina aia ria manao makee iloko o lakou e loaa ana na ike kiekie i ka lakou mau keiki, i oi ae i na ike e a'oia t\ei maloko o kekahi mau kula nui o kakou.. O ka naauao ame na ike kuhohonu ma kekahi mau oihana iloko nei oka aina, ona ko : lu hoopii iho la ia nana e hapai ae i na keiki Hawaii a noho poo ma kekahi mau oihana ano nui, ka mea i hiki ole i na Hawaii e loaa, mamuli mai o ka nele i ka naauaō ame ka ike. Ua hala aku la nae ka wa oka hoopalaleha ana, aka e hoouna i na keiki akamai ma keia kula. e puka mai auanei lakou, he poe kanaka naauao.e haaheo ai o Hawaii nei ma o lakou la.