Ka Nupepa Kuokoa, Volume LVI, Number 25, 21 June 1918 — KEKAHI KUMU HOLOMUA O KA FEA [ARTICLE]

KEKAHI KUMU HOLOMUA O KA FEA

Aia he mau kumu lehulehu no ka 4iolomua o ka hoikeike fea Teritore i malamaia i keia makahiki mawaho ae 'nei o Kapiolani Paka, iloko o ka pule aku la i hala, aka nae ke manaoio nei l&ia pepa, e lokahi mai ana kekahi heluna nui o kona poe heluhelu; o kekahi kumu o fca holomua, mamuli no ia o ka hookapuia ana o ka waiona ma keia mokupuni. Iloko o na la ehiku i malamaia ai ka hoikeike fea,'aole he ]).oe ona ikeia ma ke kahua hoikeike, ma na alanui paha, a» he fnau ulia poino hoi, mainuli mai o ka waiona; aka he hookahi mea i ikeia, 0 ia no ka lilo ana o ke kahua hoikeike. i wahi na lehulehii e hele ai; oiai nae ina no e noa ana k« waiona, aole e hiki ana i kekahi poe he nui ke hele 1 ka makaikai i na hana hoikeike, mamuli mai o ka nele i ke dala, ka nele i na aahu ole, ame ka lilo i ka ona; nolaiJa he hoike oiaio loā keia, no kekahi kuniu o ka holomua o ka fea i ( keia makahiki. a he kumu hooiaio hoi, no ka lilo o ka hookapuia ana o ka waiona i kumu e holomua ai na hana apau e hapaiia ae ana, me ka nana ole ia o ke ano o ka hana. I keia la, aole e hiki i kekahi mea maloko nei o keia kulanakauhale ke olelo niai, ua lilo ka hookapuia ana o ka waiona ma keia mokupuni, i kumu e hokomoia aku ai kona ohana iloko o ka poino, koe wale no paha ka poe iloko o ka oihana kuai waiona, oiai nae ua hamama mau na alahele kupono apau no lakou e 'wehe ae ai i mau oihana hoii na lakou; alea no ka poe i hoopilikia maoli ia aku, i ka wa e noa ana ka waiona, o lakou ka poe i loaa na pomaikai nui i keia wa; a kakou e hoomaikai ai. no ka hoea ana mai o ka hoopakele no ka poe ilihune.