Ka Nupepa Kuokoa, Volume LVI, Number 24, 14 June 1918 — E KUAIIA ANA NA MEA HOIKEIKE NO KE KE'A ULAULA. [ARTICLE]

E KUAIIA ANA NA MEA HOIKEIKE NO KE KE'A ULAULA.

Mawaho ae eei o ke kahua hoikeike fea, ma ka la apopo, ka la hope loa o ka fea, e kuai kudalaia aku ana he heluna nui o na mea hoikeike 1 ke akea, a o na loaa apāu ma kela kuai ana, e hoolilo ia aku ana no ka waihona o ke Ke'a Ulaula. Ua haawi makana okoa ae kekahi poe he mau puaa, he pipi, ame kekahi mau mea hoikeike lehulehu e ae, no ka pono o ke Ke'a Ulaula, a oiai ma ke dala wale no i makemakeia ai e komo aku i ka waihona o ke Ke'a Ulaula, nolaila e waihoia aku ana kela mau waiwai ma ke kuai kudala ia i ke akea. Ke upuia aku nei e kudala pu ia mai ana na lako meaai, e laa ka uala, ke kapiki ame na meaai e ae, 'oiai he mau mea hiki ole lakou ke hoihoi hou ia aku i na wahi i hoounaia mai ai. Iwaena o na mea o kuai kudala ia aku ana, he pakaukau kekahi i hanaia mailoko mai o ka laau o Inia ame ka alani* i J hanaia hoi me ka maiau loa, a o ka loaa j ma kela kuai ana, no ka waihona ia o ke Ke 'a Uiaula. W. v Ma keia Poakolu ae, ka la 18 o lune nei, e weheia ae ai ka halawai a ka Ahahui Euanelio o ka Paeaina maloko o ka Luakini o Kawaiahao. No ko na kuaaina poe e manao ana e hele mai i kela aha, e uku ana lakou i ka uku piha no ka moku, aole hoi he uku hapa elike me ka maa i'na makahiki nei i hala.