Ka Nupepa Kuokoa, Volume LVI, Number 23, 7 June 1918 — PA-HU KE KAPUAHI A EHA HE KEPANI KUKE. [ARTICLE]

PA-HU KE KAPUAHI A EHA HE KEPANI KUKE.

Mawaho ae nei o ka home o T. H. Gibson, ke kumupoo o ke Kula Liliuokalani, ma Kaimuki, i pa-hu ae ai ke kapnahi kuke, ma ka hapalua o ka hora elima, o ke ahiahi o ka Poakolu nei, a o ka hopena i ikeia, o ia no ka nahaha ana 6 kela kapuahi, me ka loaa hoi o na palapu maluna o ke Kepani kuke. Aole i maopopo iki ke kumu oke pahu ana ae o kela kapuahi, aka ma na kohokoho wale aua nae, me he mea la, mai ka lauahn mai no ia a kela Kepani kuke, i kau ai maluna o ke kapuahi, eia nae, he l|ana no kekahi poe i ka lakou kapuahi pela, aole he mau poino i loaa mai. Ma ka olelo a Mr. Gibson ,aole i ho-a iki ia kela kapuahi no kekahi manawa ae nei i hala, a ma kekahi manawu o kela la, ua hookomo ke Kepani kuke i ka lanahu iloko o ke kapuahi, a ma ka hora elima, ua hoomaka aku la oia e ho-a i ke ahi, a oiai no oia e kulou iho ana maluna o ke kapuahi, o ka manawa ia i hoomaka ae ai e pa-hu, me ka lele liilii ana o na apaapana i o a ia nei, me ka lele ana mai o kekahi mau apana o ke kapuahi a pa ma ka helehelena o kela Kepani, a loaa iaia ka poino. I ka manawa i lohe aku ai o Mr. Gibson i ke pa-hu ana o ke kapuahi, ua holo koke mai la oia noloko o ka halekuke, a ike aku la i ka waiho mai o kana kuke iluna o ka papahele, a e ka- [ he ana hoi ke koko, nolaila ua hoike I koke mai la Oia i ka lohe i ka halema'i o na ulia poino, a lawo loa ia mai kela I Kepani i ka halewai. i He l£cpani kela oka noho hana ana aku malalo o Mr. Gibsou no hookahi I mahina wale no, a ma ka manawa i ni- | nauia aku ai iaia, ina paha ua ike oia i ke kumu o ke pa-hu ana o ke kapuahi, ua hoole loa ae oia, me ka olelo ana aole he mea i maopopo iaia, no ka hookomo ana o kekahi enemi he kukaepele pu malokd o ke kapuahi, a o kahi o kona hemahema, o ia no kona nana mua ole ana i ke kapuahi.