Ka Nupepa Kuokoa, Volume LVI, Number 23, 7 June 1918 — Nuhou Kuwaho [ARTICLE]

Nuhou Kuwaho

PARIS, Mei 31.—Ua make ke Kenerala Pierre de Valliers o ka pualikoa Palani iloko o ka wa e kaua ana ma ka Poalua. Ua pa mai oia i kekahi apana poka a make kokie no ia manawa. PARIS, Mei 30.—Ua hoakakaia ae maanei ko ke Kuhina Nui Palani Clemeneeau pakele ana ma ka apua mai paa i ka hopuia e na Kelemania. E makaikjai ana ka oia i ke kahua- kaua a o kon£ haalele ana aku no ia i kekahi kahua ahuwale he mau minuke pokole mamua o ka lilo ana aku o ia wahi i na koa Kelemania. LONDON, Mei 31.—Koikoi ka make o na koii'Pelekane ilokb o ke kaua hoee nui a na Kelemania no ka mahina o Mei i hoolahaia ae e ke keena kaua i keia la. He 166,802 koa Pelekane i poino. He 20,518 i maJte. O ke koena aku oia ka poe i hoehaia a i lilo aku i mau paahao. ATLANTIC PORT, lune I.—Halawai he mokuluu Kelemania me kona hopena mawaho mai o ke kapaleai o Irelani ma na la mua o Mei iaia i hoao niai ai e topido i kekahi moku lawekoa. I ka" mokuluu ka i hoao mai ai e topido ua hiki &e nae iaia ke kaawale mai ke< alahele aku o ka moku lawe koa. Ua hookuiia aku ia a piholo iho la i ka hohonu. ' t WASHINGTON, June 2.—He pualikoa Polani o 15,Q00 kanaka, ua hoolilo ia lakou apau i mau koa malalo o Amerika, e lawe ana ia i kekahi wahi me. na pualikoa a na Aupuni Huiia ma ke kahua kaua o ka hapa komohana i ka la apopo. ' LONDON, lune 2—Lehulehu ua halema'i a ka Ahahui Ke'A Ulaula Pelekane i hoopa-huia e' na Kelemania maluna na mokulele ma ka po Poalima, i ka manawa a na Kelemawia i ike ai i ke konane o ka malarfialama o ka mahina. Ua lehulehu na ola i make a i hoehaia. O keia no na halema'i like i hoopoinoia ai e na Kelomania ma ka la 19 o Mei. WASHINGTON, lune 3.—110k0 o kekahi kaua hahana loa i hakakaia ma ka lewa ma iaehinei riiawaena o eha mau mokulele Amerika ame eono mau mokulele Kelemania, hookahi mokulele o ka enemi i a ia e ke alii a hookahi mokulele Amerika i haule mahope akm o na laina o na Kelemania. WASIIINGTON, lune 4.—Ua loaa mai he lono i ke keena atpuni mai Europa mai he 146 poe i make i na kanaka lelo i ka lewa a na Aupuni Huiia ma kekahi manawa aku nei i hala a he 150 i hoehaia maloko o ke kulanakauhale o Cologne. Ua hoopihoihoi ia na kanaka o ke kulanakauhale rtie ka maka'u nui i ka wa i hoohnuleia iho ai o na poka pa-hu me he mau pakaua la e na kanaka a na Aupuni Huiia mai ka lewa iho maluna iho o lakou. - , .» PARIS, lune 4. —Ua hoomaka hou ift. mai ke ki ana o ka pu kuniahi pilikua hoolele i ka polea ma kahi mamao loa ma ka po nei. NICE, lulai 4. —O na Amerika mua o na pualikoa i hoonohoia akū ai e kaua pu me na Palani a i hoehaia ma na ka* ua i hala koke aku nei ua hoea mai ia* nei, a ke malamaia nei maloko o ki halema'i Amerika i kukuluia ai maanei. MARNE, lune 4.—0 na pu mikini ame ka poe ki pu i hoea mai ai ma na kapa o ka Muliwai Marne ma ka la 31 o Mei ua komo koke aku i ke kaua ma ka hoopakele ana i ke Chateau Thierry a na Kelemania e hooweliweli mai ana no ka lele kauo ia mai ia manawa.