Ka Nupepa Kuokoa, Volume LVI, Number 21, 24 Mei 1918 — UA PAU KE KUNANA WALE ANA [ARTICLE]

UA PAU KE KUNANA WALE ANA

Aole he manawa e ae i konoia mai ai kakou e lawelawe aku i kekahi mau hana no kakou e pono ai elike me keia; ua nui maoli ka manawa i noho nanea wale ai, ā i kunana wale aku ai, oiai eia ka pilikia ame ka poino mamua o ko kakou mau ipuka liale, aka hē wa keia e lawelawe ai i kekahi hana e loaa mai'ai na kokua ana, ina no ia he mea uuku loa, ua nui ia mamua o ka nele o ka loaa ana mai o kekahi mea e pono ai.

He mea hauoli no makou, ka lohe ana mai, eia na kanaka o kekahi mau kuaaina ke hoomaka mai nei 1 ka mahiai i keia manawa, oiai no nae he hana no ia i kamaaina i na kanaka, i hoopala'lehaftfcnae no kekahi wa ae nei i hala, o ka pilikia ka mea nana e a'o mai ia kakou, ua hoea mai i ka manawa e ku .ae ai iluna a maloeloe, a lalau aku i na makaukau o ka oihana mahiai, i ka wa pono auanei, e hoopakfcle ana lakou i ko lakou māu ohana iho, a e hoopakele pu aku ana hoi i ka poe i lilo ko lakou noonoo ma, kekahi mau hana e ae.

He nui a lehulehu wale na kanaka ma keia kulanakauhale i hoolilo i ka oihana lawai'a i hana na lakou; no ke kokua ana aku i wahi e loaa nui ai ka i'a i na kanaka, ua hooholo mai nei ka ahaolelo kuikawa i kekahi kanawai e hoonoa ana i ka lawai'a ana me nā hina'i uwea, nolaila he hana maalahi loa keia e loaa nui mai ai na i'a, ke hoomanawanui na kanaka ma kela hana, a e loaa nui ana no hoi ke dala ia lakou, me ka lako ma na mea pili i ko lakou noho ana.

Ua pau ke kauka'i ana i na hana poolā, me ka manao he pono nui kekahi ma ia hana, oiai ke kakaikahi loa mai nei ke kipa ana o na moku ma Honolulu nei, aka e e loaa na hana paa, a 0 ka oi loa aku no nae, o ka hoi ana ma na kuaaina e komo kino aku ai ma ka oihana a mahiai' paha. He puikaika no paha ke ano o ke ola ana i ka manawa mua loa, mahope aku nae o ka hala ana o kekahi manawa, e ohi mai ana no i na pomaikai, ke lawelaweia kela mau hana, me ka manao hoomanawanui. Eia n'a mahikd ke waiho hamama mau mai nei i kēla ame keia manawa, i makaukau e hookipa aku 1 ka poe makemake hana apau, ina i lilo ka noho ana ma keia Wilanakauhale, i hana pilikia, ma o ka noho hoaa, mai maka'u i ka hoi ana ma na mahiko, malaila ka hale loaa wale, malaila na mea apau e pono ai ka noho ana, he hookahi mea nui, o ke kaawale aku o ka pilikia, a oiuolu hoi ka manao me ka hauoli pu. O ka poe e noho nei ma kekafti mau hana no lakou e pono ai ,aole no he hewa o ke au ana o ka noonoo ma kekahi niau hana e ae e loaa mai ai na pomaikai, e laa paha me ka hoolilo ana i kekahi mau dala ma ha hina'i i*\yea a mau hana ano like, malia e haawi pu aku ana ia i hana, na kekahi poe o kakou, a hoopakeleia ae ;hoi he heluna nui o ko kakou poe e noho wale, mai <nei mai na kulana kupilikii mai. ,