Ka Nupepa Kuokoa, Volume LVI, Number 21, 24 May 1918 — Page 5

Ka Nupepa Kuokoa

KE KILOHAN A POOKELA NO KA LAHUI HAWAII.

Ka Hiena o na Ululaau Anoano o na Kapakai o Aferika

            Aole loa au ae i kou manao e Nikola," i lohe aku ai o @ ika pane ana mai o ka leo wahine maloko mai.  @ ka nui o kau mau hooweliweli ana mai ia'u, e ae @ e hooko i kou manao lapuwale.  Ke nonoi aku nei au @ e Nikola, e haalele koke mai i kuu rumi nei, a mai @ e hele hou mai elike me keia e hoopilikia ia'u."  @ la hoi.  Aole au e komo aku ana iloko e hoopilikia @ e ike ana oe i ko mihi, au e olelo iho ai, he oi ae @ o kou maliu ana mai i ka'u koi.  Mai manao oe i ko @ana mai ia'u i keia manawa, he kumu ia e ko ole ai @ makemake, o ka'uu hoohune iho la no ia ahiki i ke kaa o ka lanakila ma ko'u aoao.  Ina he makee kou i kou @ ame ka hilahila e kau mai ana maluna ou ame kau-@ i pau pono aku na olelo a Nikola Rokofa o ke kamailio a aku. ua puoho e mai la ka wahine opio me ka pane ana mau:

            "Aole loaa e Nikola," i pane hou mai ai ka leo maloko mai. ke emi hope mai la no ia o Nikola Rokofa, me ke kunou @ aku ai, me ke pani ana aku, i ka puka a paa.  a ku maile iho la no hoi o Rokofa mawaho, me he mea la, e hoo@ ana i na mea e kamailioia ana maloko, aia hoi ka minoaka ma kona mau papalina.

            Ke lohe aku la o Tazana i ka leo o ka wahine maloko. e @ ha ana i a Paulo e haalele koke iho oia ialoko o kela @. o hoike aku auanei oia i ka lohe i kana kane, e hele mai a hopu i keia kanaka a ke komohewa, aka he leo akaaka @henehene kana o ka lohe ana aku mai ia Paulo mai, me ka pane ana aku :

            "I ko ka manawa e hoike aku ai imua o ko kane no'u nei, e lilo ana oia he paahao na ke kapena o keia moku, no ka m@a ua loaa mua aku ka lohe i kela aliimoku, eia oe ke hookapa nei i kekahi kanaka mawaho ae o kau kane maloko o kou rumi."

            "He mea ole kena mau olelo au, ua hiki loa ia'u ke hoopaa aku i na pohihihi o ka'u kane."

            "O kau paha ia e manao nei, a e hiki i'o ana i ko kane ke manaoio mai i kau mau olelo, aka no ke kapena nae o keia moku. a no na kanaka kakau nupepa, aole loa lakou e manaoio mai ana, o ka lakou e manao iho ai, he nuhou ano nui loa keia. e laki ai ka nupepa i ke kuaiia ma na wahi apau o ka honua nei.

            "Aia ko mau hoaloha ke noho nanea mai la. a i ka wa auanei e oili ae ai ka nupepa me kekahi meahou, no ke ano o kau hana maluna nei o ka moku, e lilo ana ia meahou i mea ano nui i ko lakou noonoo. i ka wa e heluhelu iho ai, oiai e ai ana i ko lakou aina kakahiaka. O ka mea e hooi loa ia aku ai o na manao hialaai o ko mau hoaloha no ke ano o kau hana, o ia no kou hookipa ana mai i ke kauwa a kou kaikuanane, i hoa nanea nou, pehea la ia i kou manao?"

            "O oe kekahi o na kanaka lapuwale loa e Paulo." wahi a ka wahine o ka pane ana mai, me ka maka'u ole. "O oe kekahi o na kanaka hohewale, a i kuu wa auanei e hawanawana aku ai i kekahi inoa ma ko mau pepeiao, ia wa e ike iho ai oe. i ka hewa loa o kou hoao ana mai e hooweliweli ia'u. a e hoao mai hoi, e koi ia'u e hoike aku i ka mea a ko haku i makemake mai ai e loaa aku," alaila meha iho la oloko o ka rumi. a Tazana e koho aku la, ua hawanawana mai la kela wahine ma na pepeiao i ka inoa ana i makemake ai e lohe kela kanaka.

            He hookahi noonoo iloko o Tazana i kela manawa, o ia no ka lawelaweia o ke karaima pepehikanaka maloko o kela rumi. nolaila aole oia i hoonui hana wale, ma ke kahea ana aka e weheia mai ka puka, aka ua hoopili okoa aku la no oia i kona poohiwi i ka puka. a he uina ana, aia hoi, ua hamama ae la ke pani puka, a komo ana no o Tazana iloko, me ke kaualako pu ana aku ia Rokofa mahope ona.

            Aia hoi maluna o kekahi punee haahaa, e moe mai ana ke kino o kekahi wahine opio, a ke lele iho la o Paulo malu@ona. me ka paa o kekahi lima i ke kaniai, a ke hooikaika mau la no hoi kela wahine. e kaawale aku ka lima, o ke kanaka puuwai eleele mai ka paa ana i kona ai.

            He hookahi no pa'i ana a Tazana maluna o ke kua o @. uwoki oe i ua kanaka nei. e wikiwiki ana i ka hoo@u i ka paa ana i ke kaniai o ka wahine opio. a ike iho la o Tazana. o kela no ka wahine ana i ike ai ma kela auwina @ e nana pono mai ana iaia.

            "Heaha ke ano o ka mea a'u e ike nei?" i hule ae ai o Tazana. a ninau ae la ia Nikola Rokofa. eia nae aohe he @ai pane ana aku :

            "E kaomi aku oe i ke ki uwila ma ka aoao o kou rumi, no @ kahea ana aku i na aliimoku e hele mai a hoopaa aku i @ mau kanaka ino i ka hao hoopaa lawehala. ua lawa @ kana a keia mau kanaka, e hiki hou ole ai ke hookuukuu @ ole ia laua e hele lanakila maluna nei o keia moku."

            "Aole, aole!" i pane wikiwiki mai ai ka wahine opio, me ke ala ana ae a noho pono iluna. me ka hoomau hou ana mai i kana kamailio ana : "Manao au no'u no ka hewa, i ka @naukiuki wale ana aku nei no i keia mau kanaka, a ke @ noi aku nei au i kou oluolu. maanei nei iho la no pau @ hana." a no ke kui'o o ka nonoi ana mai a ka wahine @ ma Tazana. ua hoopau wale ae la no oia i kela manao @ aka nae iloko on a. aia kekahi hana ano pohihihi, e pono e hoikeia aku ka lohe i na kanaka o ke aupuni. e pili ana @ hana a keia mau kanaka lapuwale nui wale.

            "Alaila, o kou makemake maoli anei, aole au e lawelawe @ i kekahi hana no ka uku pono ana aku i keia mau kana@?" i ninau aku ai o Tazana i ka wahine opio.

            "Ae. o ko'u manao maoli no ia. ke oluolu mai nae oe."

            "Alaila ua makemake no anei oe, e hoomau aku keia mau @ i ka hoopilikia ana ia oe?"

            Ua hiki ole i ka wahine opio ke pane mai i kela ninau, a @ kona noho mumule loa. ua pahola ae la ka minoaka ma @ @lina o Nikola. me ka loaa koke ana aku hoi o ka @ ia Tazana. he hookahi kumu nui o ka hiki ole i kela wahine ke pane mai iaia, mamuli no ia o kon maka'u me @ hopohopo i keia mau kanaka elua.

            "He nani hoi ia. aole ou ae mai, e waiho aku i keia mau kanaka malalo o ka malu o na aliimoku ahiki i ke ku ana aku o ka moku i ka aina, ia wa e lawe maoli ae ana no au i ka mana iloko o ko'u lima, a hana aku i ka mea a'u i ike ai. ua kupono no laua nei.

            "E lohe olua e keia mau kanaka lapuwale, mai keia manawa aku, e hoopau loa olua i na hoopilikia ana i keia wahine opio, a iloko o ke koena aku i koe o na la a'u e noho ai maluna nei o keia moku, e makaala loa aku ana au i ka olua mau hana, a in a e loaa pono aku ana kekahi o olua e hoopilikia ana iaia, alaila owau ponoi no auanei ka mea nana e haawi aku i ka hoopa'i kupono loa maluna o olua, me ko'u nana ole ae i na aliimoku, a i ole ia i na kanaka paha o ke aupuni.

            "E ku koke olua a hele mai keia rumi aku." me ka hopu ana aku o Tazana i ka ai o ke kuka o Nikola, a huli ino aku la iwaho, me ke kikiwi hele ana aku o ua kanaka nei, a hookui aku la i ka paehumu o ka moku, pela no hoi i lalauia aku ai ka ai o ke kuka o Paulo, a he hookahi no ia ka ana, he walawala ia a hooku'i aku la me kona kokoolua.

            I ka hala ana aku hoi o kela mau kanaka, ia wa i kamailio hou akuai o Tazana i ka wahine opio i ka i ana aku :

            "Ina e hoao hou mai ana kela mau kanaka e hoopilikia ia oe, alaila o ka'u e kauoha aku nei i kou oluolu, mai huna oe ia mea, aka e hoike ae ia'u, e haawi no auanei au i ka'u mau kokua ana no kou pono, i na manwa apau."

            Ke kaumaha loa nei au, no kou hookauwaia ana no ko'u pono, no ka mea mamuli o ia hana, ua hoolilo aku oe i kela mau kanaka i mau enemi ino loa nou, aole loa e moe ko laua mau maka, ahiki i ko laua hookau ana mai i na hoopilikia ana maluna ou ; nolaila e pono oe e makaala loa ia oe iho, o lilo auanei oe i pio na keia mau kolohe nui wale."

            "E huikala mai oe ia'u, no ko'u hoike mua ole ana aku nei i ko'u inoa ia oe, ke kamailio malihini wale nei no kaua, o ko'u inoa oia no o Tazana."

            "Auhea oe e Mr. Tazana, mai manao iho oe, o ko'u ae ole ana i kou manao, e kahea i na aliimoku, ua nele au me na manao hoomaikai he nui, no kau mau hana hoopakele, aole loa pela. aka ua noho aie au ia oe, e lilo ai ia aie i mea nui loa na'u e noonoo mau ai. O ke aloha no kou," me ka haawi ana mai i kona lima ia Tazana, a hopu aku la no hoi o Tazana i ka lima no ke aloha ana, o kona hemo mai la no ia, a hele holoholo aku la iluna o ka oneki.

            Ua hoopohihihi nui ia mai ko Tazana noonoo, no kona halawai ana me kekahi mau mea elua maluna o kela moku, oia ke kauna ame keia wahine opio. aole o laua makemake iki e waihoia aku kela mau kanaka ino malalo o ka malu o na aliimoku ; a mamua o kona hoi ana e hiamoe ma kela po, e noonoo nui ana oia no kela wahine opio u'i, ana o ka halawai malihini ana.

            He hookahi mea i maopopo iaia, ua mare kela wahine opio i ke kane, ua hooiaio loa ia mai ia mea, ma o ke komolima ma kona manamanalima, a o kana i mihi iho ai, o ia no ka loaa ole ana iaia o ka inoa o kela wahine opio.

            Aole i halawai hou o Tazana me na kanaka ino elua, aole no hoi me ka wahine opio ma ia hope mai ; aka ma ka auwina la nae o ka la hope loa o ka moku ma ka moana, oiai o Tazana e hele mai ana no kahi o kona noho, ua halawai mai la oia he alo a he alo me ka wahine opio ana i hoopakele ai mai ia Nikola ma mai.

            I ka wa i ike mai ai o ka wahine opio i kona hoopakele, ua minoaka iho la oia a kaa e mai la ma kona aoaoa ke kamailio ana :

            "Ke hilinai nei au, aole kuu hoopakele i ha'oha'o no ko kaua halawai ole ana i kela mau la aku nei, mahope iho o na mea au i ike ai maloko o ko'u rumi. Ua hoopilikia loa ia mai ko'u noonoo no ia hana. a ua piha no hoi au me ka hilahila, akahi no a loaa ia'u ka manawa e haalele aku ai i ko'u rumi, a hele mai la i ka holoholo, eia ka e halawai pu ana kaua."

            "He mea oiaio, aole e hiki i kekahi mea ke koho aku i ke ano o ka hipa, i ka manawa a ka liona e lele aku ai maluna on a," i pane aku ai o Tazana ma ke ano nanenane o kana mau olelo. "Ua ike mua au i ka hana a kela mau kanaka, he hookahi la, mamua ae o ko laua hoopilikia ana mai ia oe, ke ole nae au e kuhihewa, maloko no ia o ke keena puhipaka. I ka maopopo ana o ko laua ano ia'u, ame ka laua mau hana lapuwale, ua loaa pu mai la no hoi ia'u ka hoomaopopo ana, o ka mea a laua i makemake ai e hoopilikia aku. aole ia i like aku me ko laua mau ano ino. O na kanaka o keia ano, o na manao lapuwale wale no ka iloko o laua, e kue mau ana i na ano maikai a oiaio iloko o kapoe apau a laua i hoolilo aku ai i mau enemi ino loa no laua."

            "E lawe aku i ka'u mau mahalo kiekie ana no ke ano o kau mea i manao ai no kela mau kanaka ame ke ano o ko laua hoopilikia ana mai ia'u," wahi a ka wahine opio, me ka minoaka ana mai. "Ua lohe mua au i na mea e pili ana i kela paani pepa hahau maloko o ke keena puhipaka ; ua hoike mai kuu kane i ka moolelo piha o ka hana hoopilikia i hookauia aku maluna on a, a o kana i mahalo mai ai, o ia no ke koa, ka maka'u ole ame ka ikaika o Tazana, eia ka o oe ka mea ana i akena mai ai, a ua noho aie loa oia, no ka hana au i hoopakele ae ai iaia, mai ka hoohilahilaia, e keia mau kanaka ino."

            "He pomaikai nui keia i loaa ia'u i ka ike ana, eia ka o ke Kauna De Kode, o kau kane ia."

            "Ae, o ka'u kane ia, o owau ke Kaunawahine De Kode."

            "Ina pela ea, ua uku pono ia mai au e ka madame, mamuli o ka loaa ana ae la o keia ike ia'u, ua lawelawe aku au i ka hana hoopakele i ka wahine a ke Kauna De Kode."

            "Ua ili iho maluna o'u ke ko'iko'i o ka noho aie ana malalo ou, e hiki ole ai ia'u ke uku aku, a o ia ka'u e nonoi aku nei ia oe, mai hoomahuahua mai oe i ko'u aie, ma o ka paku'i hou ana iho i kau mau hana kokua a hoopakele ia'u ame ka'u kane mai keia mau kanaka ino mai," alaila minoaka hou mai la ke kaunawahine, ka mea hoi nana i hoopiha loa mai i ka puuwai o Tazana me ka hauoli, a olelo okoa iho la oia, ua lawa na hiona oluolu a waipahe o kela wahine e hoikeike aku ana imua ona, i wahi e hooi aku ai oia i ka lawelawe ana i na hana e kaulana ai kona inoa.

            Ma ke koena aku o kela la, aole i halawai hou me ka lede opio, a ma ka manawa i ku aku ai o ko lakou moku i ka uwapo, aole no he manawa e hiki ai iaia ke hui hou me ua wahine opio la, mamuli o ka awiwi o kela ame keia e hoea koke aku iluna o ka uwapo, aka aia nae kekahi hiona maluna o ka helehelena o ke Kaunawahine De Kode i hiki ole iaia ke hoopoina.

            O ka mea nui loa iloko o ko Tazana noonoo, o ia no ke ano kupaianaha o kona halawai ana he alo a he alo me kela wahine opio, pela hoi ko laua kamailio ana, o ka mea kupaianaha oi aku nae, o ia ko laua hookaawale koke ia ana, me ka maopopo ole, o ka hoea mai o kekahi manawa hou aku e hoohalawai pu ia ai laua elike ae la me keia, me ka nalu wale ana iho no iloko on a, e ike hou aku ana paha oia i kela lede opio, aole paha.

 

MOKUNA III.

 

ULU-PAIA NA MAKAI E TAZANA.

 

            I ka haalele ana iho hoi o Tazana i ka oneki o ka mokuahi noluna o ka uwapo, ua huli hoi pololei aku la oia no ka home o kona hoaloha, ka Lukanela Anola, no ka mea eia oia ma Parisa i kela manawa ; ua apo mai la kona hoaloha me ka piha makee no kela halawai hou ana o laua.

            Ua hoohalaia kekahi manawa e laua nei ma ke kamailio ana, me ka hoike ana aku no hoi o Tazana ma ke ano nui, no kana huakai i Amerika, a i ka hala ana o kekahi manawa, ia wa i kamailio mai ai ka Lukanela Anola i ka i ana mai :

            "O oe kekahi o na kanaka ano e loa a'u i ike ai e Tazana. o ka manao ana, aole ou kuleana e koi aku ai i na waiwai ame ka inoa oiaio e pono e kapaia aku maluna ou ; a e ku aku hoi oe imua o ke ao holookoa, a hooiaio aku, aia iloko ou kahi i holo ai o ke koko o kekahi mau makaainana kiekie loa o Enelani, e haaheo ai kou aina no kekahi kanaka opio koa a maka'u ole elike me kou ano e kuu hoaloha.

            "Ua paa kou manao mai kahiko loa mai, he makuahine mapu kou, a ua manaoio paha kekahi poe i ka oiaio o kau hoike, aka nae, aole loa o'u kanalua no ko Miss Pota ike ana i ka mea oiaio, aole loa he wahi koko o ka mapu maloko o kou kino.

            "No'u iho, i kinohi o ko'u ike ana ia oe, maloko o ka hihipe'a o na ululaau o Aferika. aole loa he manaoio iloko o'u, he wahi lihi kuleana iki kekahi o ka mapu ia oe. Ia oe e haehaeku ana i ka i'o o na holoholona ahiu me kou mau niho. e ai ana hoi i ka i'o holoholona me ka hoomo'a ole ia, elike me ke ano o na holoholona, aole loa o'u manaoio, he hapa mapu oe, a ano e ae paha, aka he kanaka maoli oe i kulike loa me ko'u ano nei, ma ke kino ame ka noonoo. Oiai nae, aole he hooiaio i hoomaopopoia, e kue ana i kau moolelo i kamailio mai ai nou iho, ua maopopo loa ia'u, ua kuhihewa loa oe, i kou manao ana, o Kala kou makuahine ponoi.

            "Ua pau nae kela, a eia ka mea oiaio loa i pili aku ia oe. Ma kela buke hoomanao i kakauia e kou makuakane, e hoakaka ana i ke ano o ko laua ola ana me kou makuahine iloko o ka hoomanawanui i na inea ame na popilikia, iloko o kela aina pouli o Aferika, e hoike ana hoi i kou hanauia ana, ame ka hooiaio no na kaha o kou mau manamanalima ponoi, i hapala ma kekahi o na aoao o kela buke hoomanao, o oe ke keiki ponoi a ka Haku Keoni Kelekona o Enelani, a o oe ka i kuleana i kona mau waiwai apau, i kona inoa, ame ke kulana iwaena o ka pohai o ka poe hanohano a waiwai o ka aina, o ka mea nae nana i hookahaha loa mai i ko'u noonoo, o ia no kou makemake ole ana e koi aku i kou mau pono i kuleana ai oe, aka e noho no oe pela, me ka nele i ka inoa, kekulana ame ka waiwai."

            "No ka mea e pili ana i ka inoa, aole loa he inoa e ae a'u e haaheo ai, o kela inoa wale no o Tazana," wahi a Tazana, me ka minoaka ana aku imua o kona hoaloha.

            "No na mea e pili ana i ko'u kulana nele, ua konoia mai au, ua lawa ko'u noho ana aku, me ke kauka'i maluna o kau mau kokua ana mai, aka e pono e loaa kekahi hana na'u e lawelawe ai, iloaa mai ai ia'u ke dala, a pono ko'u noho ana."

            "Auhea oe e Tazana, ua hoike mua aku au ia oe, he waiwai ko'u e lawa ai no na kanaka he iwakalua, a o ka mea a'u i kamailio aku nei no kou kulana nele, aole loa ia, no ke kauoha ana aku ia oe e hele e huli i kekahi hana, aole loa. O ko'u mau waiwai apau, ka'u mau dala he nui. ua hiki loa ia'u ke haawi aku ia oe i ka hapalua o ia mau waiwai nou e hana aku ai oe elike me kou makemake.

            "Ina no au e haawi aku ana i na mea apau i loaa ia'u i keia hora, aole loa ia i hiki aku i ka hapaumi, o na mea au i hana mai ai no'u e kuu Tazana. Aole loa ia i lawa no ka uku ana aku, no kou hoopakele ana mai i kuu ola mai ka make mai. Aole loa au i hoopoina no kau hana koa loa i hiki ole i kekahi kino kanaka ke ku aku a paio no ko'u pono, ke kau okoa mai nei imua o ka'u mau hoomanao ana, kela hana pookela loa au o ka hoopakele ana ae ia'u, oiai au e paa ana he pio na kekahi lahui ai kanaka, a i makaukau loa hoi, e hookomoia aku iloko o ka lakou mau ipuhao.

            "Aole loa au i hoopoina i kou mauna ana i kou ola no ko'u pono, oiai au e waiho ana iloko o ke kulana kupilikii, mamuli o na hana hoomainoino a na paele ; ua lawelawe mai oe i na mea apau no'u e pono ai e noho pu ana me a'u, e hana mai ana no ko'u pono, oiai no nae aia kekahi manao nui iloko o kou puuwai, no kekahi kaikamahine opio, nana i hookomo aku i ke aloha iloko ou nona, ua pale ae oe i kou mau makemake ponoi, a ua molia mai hoi ia oe iho, no ka pono o kekahi mea i malihini loa imua ou.

            "Ia kaua i hoi mai ai a komo maloko o ka home o kou mau makua, ka home hoi nana i pulama ia oe iloko o kou mau la hehe iloko o ka poli aloha o kou makuahine, a loaa ia kaua ka ike. ua haalele ae o Miss Pota i kela aina, akahi no au a ike aku i ka nui ame ke ko'iko'i o ke kaumaha i kau aku maluna ou. oiai nae, owau ke kumu o ka hiki hou ole ana ia oe ke ike hou aku iaia.

            "Heaha ia mea he dala, he waiwai, ke hookukuia ae me kau mau mea apau i hana mai ai no'u? Aole a'u uku kupono e haawi aku ai ia oe e Tazana kuu hoaloha, o ko'u waiho wale aku no ia'u iho malalo o kou mau kapuai wawae, a hooiaio aku imua ou me na manao kuio mailoko mai o kuu puuwai e lilo au i hoaloha. i kokua a i hoopakele nou, elike me kou lilo ana i hoopakele no'u. He leo mana ko'u, he waiwai ame ka dala, eia me a'u, hakalia wale no i kou hoike mai i kau mau mea apau i makemake ai, ua loaa iaia i ka manawa pokole, me ka nui ole o ka hana."

            Noke okoa ae la o Tazana i ka akaaka, a i aku la: "Mai lilo ka ninau dala ame ka waiwai i mea na kaua e hoopaapaa ai. He mea oiaio o ke dala, ka mea e loaa ai na makemake apau o ke kanaka, ke mahalo nei au no kou hoike ana mai i ko'u kuleana pu iloko o kou mau waiwai; aka nae aole no ia he mea e hoomanaia mai ai o ko'u manao, aia wale no a loaa ia'u kekahi mea e hana ai. I hoike no kou lilo ana i hoaloha oiaio loa no'u, e huli aku oe i kekahi hana na'u e lawelawe ai, in a o ka noho wale iho no ka'u hana. e ai ana, a e hauoli ana, malalo o kou mau hoolilo, e hoopokoleia mai ana na la o ko'u ola ana, oiai ua maa au i ka lawelawe ana i na ano hana like ole apau. elike me ko na holoholona ano maloko o na ululaau.

            "No na mea e pili ana i na waiwai o kuu makuakane, ke manao nei au, aia ia iloko o na lima maikai, a i ike i ka hoohana ana i ka waiwai me ke kupono. Aole au i makemake, e ili aku na ahewa ana maluna o Mr. Kelekona, no kona kaili ana aku ia mu waiwai mai ia'u aku. O ka mea oiaio loa, ua manaoio maoli no oia, ka mea i kuleana i na waiwai o ka Haku Keoni Kelekona, a ua pono ke lawe ae oia i ke kulana o kuu makuakane, oiai ua hoonaauaoia oia, ua maa hoi i ka noho ana o ka pohai o ka poe hanohano a kiekie, e hiipoi mau ai oia i ke kulana keonimana, mamua o kekahi kauka, i hanauia iloko o ka pouli o Aferika, a i kamaaina hoi i na ano apau o na holoholona ahiu, a he ano holoholona paha ko'u ano ke nanaia mai.

            "Ua ike no oe e kuu hoaloha, he mea au i hoomalamala ole ia, a i loaa ole hoi ka hoonaauaoia ma na ano apau i pili aku i ke ola ana o ke kanaka. Ina e ulupuni ana au i ka huhu. e hoauhee koke ia aku ana ke ano kanaka mai a'u aku, a e hoi mai auanei ko'u ano holoholona ahiu ; a o ke kanaka o keia ano, he mea oia i kupono ole, e huikau pu aku me ka poe hanohano.

            "Eia hou keia, in a e hoike ae ana au i ke akea, owau ka mea i kuleana i na waiwai ame na dala apau e paaia nei e Mr. Kelekona, alaila ua pili kekahi hewa ko'iko'i loa ia'u, ma ke kaili ana mai i ka waiwai, ka hanohano ame ke kulana e loaa aku ana i ka wahine hookahi a'u i aloha ai, ma o kona mare ana aku me Mr. Kelekona, no ka mea ua hooholoia e hoohuiia aku ana laua iloko o ka berita mare a e ike mai oe e kuu hoaloha maikai i kekahi kumu nui e hiki ole ai ia'u ke ae aku i kou mau manao.

            "He mea liilii loa ka inoa ia'u," i hoomau hou aku ai no o Tazana i ke kamailio ana, me ke kakali ole i kekahi pane mai ka Lukanela Anola mai. "Ua hanaiia au e ka holoholona, ua maa i na ano apau o na holoholona, nolaila heaha iho la ka pomaikai e loaa ia'u, ma ka hoao ana aku e ku maluna o ke kahua i malihini ia'u? He oi loa aku ko'u hauoli, i ka wa e kamailioia ae ai o Kala ko'u makuahine, mamua o kela lede nana i hanau mai ia'u. Ua nana mau aku au ia Kala oia kekahi o na makuahine oluolu a makee me ka piha aloha ia'u, a me he mea la, me kona waiu ponoi i hanai mai ai oia ia'u, mahope iho o ka make ana aku o ko'u makuahine ponoi ; a no ko'u pono. ua ku aku oia a paio me ka ikaika apau i loaa i kona mau @, maluna o ka poe apau e hoopilikia mai ana ia'u.

            "Ma ko'u aoao, ua aloha aku au iaia elike me ke keiki i kona makuahine ponoi. Aole au i ike i ka nui o ko'u aloha, ahiki i ka wa a ka pua a ke kanaka Paele i kaili ae ai i ke ola mailoko ae on a. akahi no au a ike i ka piha maoli o kuu naau me ka ehaeha. He opiopio loa au i ka wa i make aku ai o Kala, a no ka hiki ole ia'u ke uumi iho i ko'u aloha nona ua lele okoa aku la au maluna o kona kino, a kuwo me ka leo nui, ka haawina hoi i loaa i na keiki apau no ko lakou mau makuahine. Imua ou e kuu hoaloha, e nana aku ana oe iaia me ka piha i ka hoowahawaha no ka pupuka haalele o kona helehelena, aka ia'u me he mea la, oia kekahi o na mapu u'i loa, o ke aloha iloko o'u ka mea nana i hoololi ae i ka pupuka o kona helehelena, a hana aku la au iaia me he wahine u'i la. Mamuli o keia mea oiaio, ua oi aku kuu hauoli. e noho mau au ma ke ano he keiki na Kala, aole hoi na kekahi Iede Pelekane."

            "Aole a'u mau hoahewa wale ana aku maluna ou e Tazana no ka nui o kou aloha a piha makee no Kala ; aka nae e hoea mai ana no he manawa ma keia hope aku. elike me ka nui o ka hoomalamalamaia e komo aku ana iloko ou, e hauoli loa ana oe, e koi aku i kou mau kuleana ma o kou mau maku la. E hoomanao oe i keia mea a'u e kamailio aku nei, a e kau aku ka kaua mau upu ana. aole he hana paakiki ka hoololi ana ae i na manao o ke kanaka elike me kana mau mea apau e ike aku ana.

            "E hoomanao hou oe e kuu Tazana aloha, @a he elua mau kino kanaka oia ka Polopeka Pota ame Mr. Pilipo i hoea maloko o kela hale, a i nana i na ano o na iwi kanaka i loaa aku ia lakou, a ua hoike ae laua malalo o ka hoohiki, o na iwi liilii maluna o ka ahamaka, he mau iwi ia no kekahi mapu bebe, aole hoi o ka bebe a ka Haku Kelekona ame ka Lede Kelekona. He mau kanaka oo kela. a i loaa aku na ike kuhohonu ia laua no na mea e pili ana i ke kanaka ame ka holoholona, no laila aole he kanalua ana ma na ano apau e pili ana i kou ano oiaio.

            "Ua komohia aku anei kekahi noonoo iloko ou, in a no ka loaa aku he wahi mahu'i iloko o Miss Pota, aole o Mr. Kelekona, ka mea i kuleana maoli i ka inoa ame ka waiwai o kou makuakane, aka o oe ka mea kuleana ia mau mea. e konoia mai ana kela kaikamahine, e uhaki i kana aelike hoopalau me Mr. Kelekona? Ua noonoo anei oe i keia ninau ano nui?"

            Luliluli ae la ke poo o Tazana, a pane aku la : "Aole oe i ike i ke ano o kela kaikamahine. Aole he mea nana e hooi aku i ka pipili o ka noonoo o ua kaikamahine nei no Mr. Kelekona, koe wale no a oili ae kekahi mau pilikia maluna o ka mea ana i ae aku ai e lawe mai i kane nana. Ua puka mai oia mailoko mai o kekahi ohana ma ka hema o Amerika, a o ka poe apau o ka hema, ua kaulana loa lakou no ko lakou kupaa."

            Ma kela wahi o ka laua mau kamailio ana, haalele like iho la ua mau hoaloha nei ialoko o ke keena hookipa. a hele aku la no ka rumi aina, no ka ai ana i ko laua aina kakahiaka, a pau ae la no hoi ka hoala hou ia ana mai o ka noonoo ana i ko Tazana kuleana i kona mau waiwai ponoi.

            No na pule elua mahope mai. ua hoohala o Tazana i kona manawa, ma ka hele ana e ike i kekahi mau hoaloha. ana i hookamaaina ai, iloko o kela manawa pokole ana o ka hoea mua ana aku no Parisa. I ka manawa ae, e hoohala ana oia i kekahi manawa nui o ka la, ma ka hele ana maloko o ka hale hoahu buke, a maloko o na hale i huahuia ai  na kii nunui. Iloko o keia mau hele ana a Tazana maloko o ka hale waiho buke, e heluhelu ana oia maloko o na buke like ole. o ka mea kupaianaha, ua loaa nui mai ka ike iaia ma ka heluhelu ana i na buke, mamua o kekahi kanaka, i hoohala he mau makahiki maloko o kekahi kula.

            Ma na ahiahi hoi, no ka haawi ana i kona noonoo imua wa e hoomaha ai, oloko o na hale keaka kaua wahi e hele ai e hoonanea, a e ike aku i na hana e hoohauoli ia mai ai oia.

            Elike no me kana e ike aku ai i kona mau hoa e puhi nui ana i ke kikalika, e hoohalike aku ana oia me lakou. a elike no me ka inu nui o kela poe i ka waina. he hookahi no ka ia nei hoohalike ana aku, aole no kona makemake maoli, aka no kaua manao o kekahi kela o na hana, i maa iwaena o ka poe o ke ae malamalama.

            He ola ano hou keia e loaa nei ia Tazana. eia nae aia mau no iloko on a ke kaumaha, a no ka hoopoina ana ae ia kaumaha. no ka hoauhee ana aku hoi i kona mau noonoo maikai ole, no kekahi mea nui ana i ike ai, aole ia e hoea mai ana i ka hookoia ana o kona iini. nolaila ua hoolilo nui oia i kona manawa ma ka heluhelu ana i na ano buke apau e loaa aku ana iaia, me ka manaoio, e loaa mai kekahi mau mea ano hou e pomaikai nui ai kona ola ana aku.

            Ma kekahi ahiahi nae a Tazana i hele ai maloko o kekahi haleleka, a iaia e nanea ana i ka nana i kekahi wahine Rukini e hulahula ana, me ka nui hoi o kona olioli i ke ano o ka hulahula ana, ia wa i ike aku ai oia i ka nana pono mai o kekahi mea iaia, i hoomaopopo pono hou aku nae kona hana. ua nalowale aku la ua mea la ma kekahi wahi puka nuku, ma ka aoao o ka halekeaka. a pau aku la no kona noonoo hou ana.

            Ke hoomanao la no nae ua o Tazana, ua ike mua no oia i ka mea o ka nana pono ana mai iaia, ua poina loa nae oia i kana wahi i ike mua ai. Ma kekahi mau ahiahi e ae no ana i hele ai i kela halekeaka, o kana hoomanao wale no, he poe kekahi e hakilo pono mai ana iaia, aole no nae on a noonoo aku, mamuli o kona hoomaopopo ana iho. aole on a mau enemi ma Parisa.

            I ka manawa i pau ai na hana keaka ma kela po, ua palaka loa ko Tazana noonoo no kela kanaka o ka nana pono ana mai iaia, o ka mea oiaio nae, maloko no ua kanaka nei o ka halekeaka, a ma kekahi aoao kona hemo ana aku a nalowale aku iloko o ka pouli, a oili aku la no hoi o Tazana ma ka puka nui e hemo aluka ai na kanaka iwaho o ka halekeaka.

            He mau manawa lehulehu ka hookolo mau ia ana o Tazana i na manawa apau ana e hele ai no na halekeaka ma na po mamu aku, eia nae e hele pu mau ana oia me ka Lukanela Anola, o keia wale no kona po o ka hele hookahi ana, no ka paa ana o kona hoaloha ma kekahi hana okoa.

            Ma kela hoea ana aku o Tazana nowaho o ke alanui, ua huli ae la no oia hele ma ke alanui e moe pololei ana i kahi i ku ai o ka hale o kona hoaloha. aia hoi ke kiu ke hakilo mai la iaia nei. ma kahi pouliuli, a i ka wa i maopopo ai ka hele hookahi o Tazana, ame kana alanui hoi e hele ana, o kona wa ia i haalele aku ai i kona wahi i pee ai, a hoomaka aku la e holo me ka mama.

            Ua papa mau mai ka Lukanela Anola. aole e hele hookahi o Tazana ma kela alanui, mamuli o ka mehameha. me ka pouliuli pu, no ka mea he nui na hana karaima i lawelawe mau ia ma kela alanui a o kahi no o ka palekana, o ia kahi hele nui ia e na kanaka, aia wale no a he kokoolua. a he nui paha, alaila hopohopo ole ka hele ana ma kela wahi pouliuli.

            I ko Tazana manao nae, o kela kana wahi makemake loa e hele, no ka like me na wahi pouliuli oloko o na ululaau o Aferika.

            Ua ma'u no kela hele ana a Tazana me ka loaa ole o kekahi pilikia iaia, a i ka wa i hala hope mai ai o kekahi mau kuea elua, ia wa i lohe aku ai oia i ka leo kapalihi o kekahi wahine. mai ka hale ekolu mai o kekahi hale ma ke kihi o ka ekolu o na kuea, e kahea ana i na kokua ame na hoopakele ana aku iaia.

            No kela leo uwe kapalili, e kahea ana i na kokua, aole i kakali hou iho o Tazana, aka hoomaka aku la oia e holo no kahi o ka hale, i oili mai ai ka leo kapalili, elike me ka mama apau i loaa iaia. a iloko o ka manawa pokole loa, ku ana keia iluna o ka papahele ekolu. a ke lohe aku la no oia i ka haluku mai oloko o kekahi rumi, i kunihi ke panipuka.

            Komo aku la o Tazana iloko, aia hoi maluna o kekahi pakaukau e a ana he ipukukui, a na kona malamalama i alakai aku i ka ike a kona mau maka. no kekahi poe kanaka he eono ko lakou nui e noho mai ana, a e paa ana hoi he wahine ma kona ai, a e pupue wale ana no ma kekahi pou, me ke kahea ana mai i ka wa i ike ae ai i ke ku o Tazana:

            "E kokua mai oe ia'u e ka malihini, eia keia poe kanaka ke hoao nei e pepehi ia'u a make. Ea, e haawi mai i kau mau hoopakele ana ae ia'u, mailoko mai o na lima o keia poe kanaka okipuu."

            No kela leo uwalo o ka wahine huli pono aku la ka Tazana nana ana ma kahi o na kanaka eono e nonoho mai ana, aia ma ko lakou mau helehelena pakahi apau, e hoike okoa mai ana, he poe lakou i hookauwa ia lakou iho malalo o na hana karaima ekaeka loa : a o kana mea e haohao la, aole he hoao o kela poe kanaka e holo i wahi no lakou e pakele ai.

(Aole i pau)