Ka Nupepa Kuokoa, Volume LVI, Number 18, 3 May 1918 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

HE MOOLELO NO

TAZANA

-: A I OLE :-

Ka Hiena o na Ululaau Anoano

o na kapakai o Aferika

___________

O ka hele holoholo hoi ia Jene ahiki i kona manao ana  e hoi mai no ka hale, ua ike mai la oia no manawa mamao aku no nae, nolaila awiwi loa mai kana hele ana, me ka manao e oili ana oia ma kekahi aoao, mamua o ka ai ana ae o ke ahi., ma kekahi aoao o ke alanui ua poho wale nae ia manaolana, no ka mea ua oi aku nee awiwi @ a ke ahi mamua on a, a iaia i ike ai i kona ku i kahi o ka pilikia, a e waiho mai ana hoi ka uluaau, me ke kaawale @ mai ka loaa ana aku i ke ahiam ia wa oia i hele pololei aku ai ilaila. a pela iho la o Mr. Kelekona ma i ike aku ai i @ o Jene Pota, ma kela manawa hookahi no hoi a ke kanaka malihini i holo mai ai no ka hoopakele ana i ke kaikamahine opio.

  Imua nae o ke komo ana aku o ua o Jene Pota iloko o kaululaau, ua hoololi hou ae la oia i kona manao, o kona palekana wale no, o ia ka holo ana ma ke lanui e moe ana i ka hema, a ma ia alani oia e holo ai a hoea i ke kulanakauhale. Ua hoao mua no oia e hele ma ia alanui, a no kona ike i ka hookokekoke loa ae o ke ahi malaila, pela oia i holo ai i ka uluhau. i keia manawa nae, o kana wale no e noonoo ana, in a no kona awiwi, e puka ana no oia ma kekahi aoao, mamua o ka @ea ana mai o ke ahi, a alai ae i ke alanui.

  Laia nae i hoao mai ai e holo me ka mama apau i loaa iaia, ike aku la oia i ka hui ana ae o ka ahi, ma ka aoao akau ame ka aoao hema i kahi hookahi ,a o ke alanui ana i manao ai malaila oia e palekana ai, he ahi wale no kana e ike aku la, aole he hana hou ae ma kona aoao o ke ku maile wale no i kahi hookahi.

   Me na manao koa apau i loko on a, kukuli iho la oia iluna pono o ke alanui a pule aku la i ke Akua e haawi mai iaia i ka manao koa, e halawai pu me ka make, a e hoopakele ae hoi i kona makuakane ame kona mau hoaloha mailoko mai o ka noi ana e hoopakele ae iaia mai ka make mai, no ka mea aole he manaolana nona.

   " EJene, e Jene Pota, eia oe ihea?" i loha aku ai ua kaikamahine nei i ke kahea ana mai o kakahi mea i kona inoa, he leo malihini loa nae iaia, mai ka leo mai o ka poe apau i kamaaina iaia.

  "Eia au maanei!" i pane aku ai no hoi ua o Jene Pota. "Eia a iwaena nei o ke alanui kahi i ku ai."

  Ia huli ana aku a ua o Jene Pota nana ma kahi o ka leo o ke kahea ana mai iaia mailoko mai o ka ululaau, ike aku la oia i kekai kino kanaka e lele ana mai kekahi lala laau a i kekahi. o ka manawa nae ia a ka uwaihi i punohu ae ai mamua on a. a pau aku la kona ike ana i kela kanaka, o kana mea nae no i hoomaopopo, o ia kona hapaiia ana ae mai kona wahi e ku ana a lewa oia iluna, o kana e hoomapopo la, o ia ka hu o ka makani, me ka pa o kona helehelna i ka lau o na laau.

  Iaia nae ikaakaa ae ai o koan mau maka. ike iho la oia eia ka oia iluna o kahi kiekie, a aia hoi ka honua ilalo loa, a ke laweia la oia e kahi kanaka me ka mama maoli.

  Mai kakahi kumulaau a kau aku ana iluna o kakahi. ua o Jene Pota e laweia la, aole nae he wahi maka'u iki loko on a, o kana wale no o ka hoomano ana mai iloko o ia mau minuka, o ia no kela manawa ana e noho ana ma Aferika, kela manawa mua loa o kona leweia ana maluna o na laau. e ke kanaka hookahi nana i a'o mai iaia ia mea he aloha.

  O ka noonoo nui wale no iloko o ua Jene Pota iloko o kela mau minuke o ka pihoihoi, ino no hoi o kela kanaka nana oia i lawe mua maluna o na kumulaau, he keu aku a ka mea hauoli; aka hea mea pohihi loa ,aole e hiki i kela kanaka ahiu ke hoea mai no Amerika.

  Alawa iki mai la nae ua o Jene Pota, me ka hakilo ana mai i ka helehelena o keia mea nana e hapai nei iaia maluna o na kumullau, a o ia kana o ka hooho ana ae:

  "O oe no anei keia ?" wahi ana.  "Aole, he noonoo uluahewa wale no keia i loko o'u."

  Ua nui loa ko Jene Pota leo iaia i kamalilio ae ai i kela mau huaolelo, no ka mea i ka wa ipa aku ai ma na pepeiao o kona hoopakele, ua lamalama ae la na maka o ua kanaka nei, i kau a mea o ka olioli, a pane iho la :

  "Ae, owau no kaia o Tazana ona Mapu, kela kanaka ahiu o na uluaua o Aferika.  Ua hookahaha loa ia aku paha kou manao no keia hoea ana mai nei o'u, no ka hoopakele ana ia oe mai ka make mai, aka i oili mai la au mailoko mai o ka hihipe'a o na ululaau, no ke kii ana mai ia oe, i kokoolua no'u. Pehea no la hoi oe i holo malu mai ai, a haalele hookahi ae ia'u iloko o ke anu me ke ko'eko'e.

  "Aole au i holo malu mai ia oe mai," i pane ae ai o Jene Pota me ka leo malie, me ka piha nae i ka hauoli. "Mamuli o ko'u koi paakiki ana i noho ai makou e kali ia oe no kookahipule. a no ko lakou paakiki loa no pele au i i ae aku ai i ko lakou manao e haalele ikela aina, me ke kaumaha no nae o ko'u manao no ka ike hou ole ana ia oe."

  "Ua mamao loa kela ahi a Jene Pota me kona kokoolua e hele la, mai kahi aku o ke ahi, nolaila hoi iho la laua noloalo o ka honua, a hookuu iho la no hoi ke kanaka loihi ia Jene Pota ilalo o ka honua, a u haele like aku la ka poino, eia laua ma kahi kaawale loa mai ke ahi mai.

  O kahi nae o ka laki, ua huli ka pa ana a ka makani, nolaila ua pakele ka hale o Jene Pota ma, ina paha no ka hoomau o ka nee ana mai o ke ahi in a aohe he ahilono, aole nae pela, aia ke ahi ke nee la n okekahi alahele okoa.

  Oiai laua nei e hoi malie ana no kahi e ku mai ana ka hale, ua ninau aku la o Jene Pota:  "Ua kakali au ia oe no kekahi mau la loihi, heaha ke kumu o kou huli hoi hou oli ana ae e ike i'u?"

  "O ko'u ake nui no ia, aole nae e hiki, oiai ua hoopakele mai au i ka Lukanela Anola, mai ka mana mai o na kanaka Paele. a ua nui kona poino. me ka malama makaala wale no e pono ai. pela iho la i hiki ole ai ia'u ke haalele hookahi aku iaia."

  "O nani ka pololei o ka'u mea i koho mua ai! O ka'u no ia e paakiki ana i ko'u mau hoa, ua noho oe e kokua i ka Lukanela Anola, aole nae he wahi mea a hooheia mai, o ka lakou i olelo ae ai, ua hui pu aku oe me na kanaka Paele, a o lakou ka kou puulu ponoi."

  Noke ae la ua kanaka nei i ka akaaka, a pane mai la:  "No ia mau olelo a kela poe, ua manaoio aku anei oe ia lakou"

  " Aole loa he hookahi o ka lakou mau olelo e kamailio mai ai nou. a'u i manaoio. Owai kou inoa a'u e kapa aku ai, no ka mea ua malihini loa au i kou inoa"

   "Owau keia ka mea i kapaia o Tazana o na Mapu, a owau hookahi wale no ke kanaka ili keokeo maloko o ka ululaau, o ka halawai pu ana me oe ame kou mau hoaloha, a owau no ka on a nona ka hale a oukou i noho ai"

  "Alaila o oe ka mea a'u i kakau ai i kekahi leka, a wiho maluna o ke paikaukau maloko o ka hale, mamua o ko makou haalele ana aku ia Aferike?"

  "Ae, owau no ua kanaka la, a ma ka'u mea i hoomaopopo, ua nana aku oe he elua mau kanaka kaokao loa ma kela wahi, elike me kau i kakau ai maloko o kau leka."

  "No ko'u maopopo ole, ke kumu a'u i noonoo ai pela, oiai i ko'u hoao ana e kamailio aku ia oe, ma ka olelo. Beritania, aole he hiki ia kaua ke kamailio pu, nolaila manao a la la au, he kanaka okoa o Tazana; oiai he ike oia i ke kakau i ka olelo beritania."

  "He moolelo loihi ko'u uiha ai oe ke hoolohe mai, o ka oiaio no ea, owau ponoi no ka mea nana i kakau i ka pepa hoolaha mawaho o ka hale, a i kakau hoi maluna o ko leka o ka waiho ana maluna o ke pakaukau, o ka mea apiki nae, aole he hiki ia'u ke kamailio. Ia maua nae i noho aku ai me ka Lukanela Anola mahope, ua'a'o mai la oia ia'u i ke kamailio ana, o ka mea kupaianaha nae ma ka olelo Palani oia i a'o mai ai, aole hoi ma ka olelo Beritania.

  Ma kela wahi o ka laua kamailio ana, hoea aku la laua nei i ka hale, a ia wa i pane aku ai o Tazana ia Jene Pota:  "E kau ae kaua maluna o kuu kaa, a huli aku i kou makuakane, ame kou mau hoaloha e ae, manao au, aole no lakou i mamao loa aku, aka aia no paha ma kekahi wahi kupono, kahi i kakali mai ai me ka nana ana i ke kulana o ke ahi."

  Kau aku la laua nei maluna o ke kaa, me ka noho pu ana maluna o ka noho hookahi, a oiai ke kaa e holo ana,, ia manawa i hookamailio hou mai ai o Tazana:

  "Ia oe i waiho ae ai i kau leka, e kakau ana ia Tazana, e hoakaka ana oe maloko olaila, ua o Jene Pota i ka mea pololei maoli.

  "Ua hele huli mai au ia oe a hoe i Bolatimoa, elike me kau kauoha ia'u maloko o kau leka ia Tazana, ia'u nae i hoea ai no ko olua hale, hoikeia mai la ka lohe ia'u, ua hala mai oe no keia wahi, a ma ko lakou manao, ua mare oe i ke kane, no ka mea ua haalele aku kekahi kanaka o kenela ka inoa ia Bolatimoa, a hele mai no ka mare ana ia oe.  O ka mea iaio maoli anei ia?"

  "Aole au i mare i keia manawa, aka nae ua hooholoia e mare aku au i kela kanaka."

  "Ua aloha no auei oe i kela kanaka ia Mr. Kenela?"

  "Aole loa he wahi aloha iloko o'u iaia."

  "Ole ae la hoi kou aloha ana i kela kanaka, a pehea, he wahi aloha anei kou ia'u?"

  Palulu ae la o Jene Pota i kona mau lima a elua ma na maka, a pane aku la: "Aole e hiki ia'u ke hoike aku ia eo, no ka mea, ua paa ka manao o kuu makuakane e hoomare ia'u me kekahi kanaka okoa."

  "E hoike mai oe i ka mea oiaio loa: Pehea la oe i ae ai e mare aku me kekahi kanaka me kou ike no aole oe i aloha aku iaia?"

  "Ua noho aie kuu makuakane i kekahi mau kala ia Mr kenela, pela iho la i konoia mai ia au e hooko aku i ka makemake o kuu makuakane, no ka hoopakele ana ae iaia mai ka hilahila mai e kau aku ana maluna o kona inoa."

  I kela manawa i ala koke mai ai na hoomanao ana iloko o Tazana, no kela leka ana i heluhelu ai i kakauia e Jene Pota, aia maloko olaila ka inoa o Robaka Kenela, no ka manawa mua loa nae, akahi no ahiki iaia ke hoomapopo i ka nanao o kela leka.

  "Ina aole i nalowale ka waiwai a ko makukane o ka holo ana ae e huli, ma kela huakai i halawai ai oukou me na popilikia he nui, e ae ana no anei oe e mare me keia kanaka?"

  "Ina i loaa i'o ka waiwai i kuu makuakane, alaila ua hiki loa ia'u ke koi aku iaia, a ia Mr. Kenela hoi, e hookuu loa mai ia'u."

  "Heaha auanei, o ka hooko wale aku no, oiai aole ka waiwai ma ko maua aoao, e uku aku ai i na dala a kela kanaka o ka aieia ana."

  Ua hoea aku la ke kaa o Tazana ma kahi inoino o ke alanui, ke akuaku la ko laua kaa i o a ia nei, aia hoi ke ahi ke hookokoe ae la i kahi o ke alanui, nolaila ua noho hamau iho la o Tazana, aole he kamailio mai, o kekahi kumu o kona kamailio ole mai, no kona piha mai la i ka hoonaukiuki ia Mr. Kenela.

  I ka hale hope ana aku nae o kahi inoino, a hoea aku la laua i kahi maikai o ke alanui, ia wa i hooniele hou mai ai o Tazana:  "Pehea in a o koi aku ana au i kela kanaka e haalele oia i kana koi maluna ou?"

  " He hana paakiki loa paha ia, ma ka aoao o kela kanaka, no ka mea uaua makemake oia ia'u i wahine nana, in a paha na ka mea okoa aku, alaila he wahi manaolana iki paha no kona ae mai."

  "Ke hoomanao la anei oe, i kou laweia ana e ka mapu me ka manao e lilo oe i wahine nana? Ua ae mai kela mapu e hookuu ia oe, pehea hoi keia kanaka, aole anei he hana liiki wale no oia?" alaila pii mai la ka lia maeele iloko o Jene Pota no keia pane a Tazana, no ka mea he hookahi wale no kumu e kaawale mai ai oia mai ia Mr. Kenela mai, o ia ka hookauia aku o ka make maluna o kela kanaka.

  "Aole keia o ka ululaau o Aferika a kaua e kamailio nei," wahi a Jene Pota. "Ua pau kou noho ana elike me na kauaka hihiu, aka he keonimana i'o paha ko'u au e ike mai la, aka maloko nae o kuu puuwai, he o ia mau no ko'u ano hooholona.

  No kekahi mau minuke, ua noho hamau loa o Jene Pota aohe kamailio mai, pela no hoi me Tazana, aka i ka hala ana mai nae o kekahi mau kapuai lehulehu o ke alanui, ia wa i hooninau hou ae ai ua o Tazana:

  "Auhea oe e Jene Pota, in a oe e kaawale loa mau ana mai kela kanka mai au i aloha ole ai, e ae ana anei oe e are mai me a'u?"

    "Aole o Jene Pota i pane aku no keia ninau a Tazana, aka e noho malie loa la ua kaikamahine nei, me ka hoala ana mai i na noonoo like ole no kana mea e hana mai ai. Heaha kana mea i ike no keia kanaka malihini e nono pu la ma kona aoao?

Owai kona inoa, owai hoi kona mau makua?

  "He kanaka keia o ke ano ahiu, i nele i ka inoa, ka home ame na kulana, e loaa ana anei iaia ka noho hauoli ana me keia kanaka? E noho anei oia me ka oluolu o ka noonoo me kekahi kanaka i hoolilo ialuna o na kumulaau i home nona, a i hoolilo i na holoholona ahiu i hoa hakaka iloko o na la apau o kona ola ana, me ke aku-ku i kana niau meaai me kona mau niho, oiai na holoholona e nana mai ana, me ke kauka'i mai e loaa he manawa no lakou e komo pu mai ai e ai like?

  No kela noho hamau loa o Jene Pota me ka pane ole ae i kela ninau mua a Tazana, ia mawa i pane hou mai ai ua hiena la oloko o na ululaau o Aferika: "Aole oe i pane mai nei i ka'u ninau, mamuli anei o kou manao ana, o ka mea au e pane mai ai, e hoehaeha mai ana ia ia'u?"

"O ke kumu no ea, aole he maopopo o ka'u  pane e haawai aku ai," wahi a Jene Pota me ke kulou ana iho o kona poo ilalo.

"Aole he mohala maikai iki o ko'u noonoo."

  "Ina pela alaila aole anei ou aloha ia'u?" wahi a Tazana me ka leo haalulu.

  "Mai noke loa mai oe ika niele ia'u. He oi aku kou haouli, o oe wale iho no, mamua okaou kauka'i ana mai maluna o'u. Ua ike au, aole e loaa ana ka hauoli ia oe, ke hoi mai a noho pu me ko makou pohai, oiai he okoa loa ko makou noho ana, mai kela ano nohona kuokoa a oluolu i loaa ia oe maloko o na ululaau; a ma kekahi olelo ana ae hoi, e lilo ana kou noho ana i mea kupono ole ia'u."

"Ma keia mau mea au e kamailio mai nei, me he mea la, ua hiki ia'u e hoomapopo aku i ka mea oiao maoli, nolaila aole no au e hookikina wale aku ana ia oe, a e koi aku paha a ae mai oe e lilo i wahine na'u; he oi ae ko'u makee, e loaa ia oe ka nohona hauoli ana, mamua o ke kaa ana ma ko;u aoao ka hauoli, a maluna hoi ou ka ehaeha. Akahi au a maopopo, aole e loaa ia oe ka haouoli me kekahi kanaka mapu."

       Aia kekahi ano ma ka leo o Tazana o ka hoopuka ana mai i kela mau olelo, e hoike okoa mai ana i ka maikai ole maoli o kona noonoo, a o ia ka Jene Pota o ka awiwi ana mai o ka pane ana:

  "O, mai kamailio mai oe i kena mau olelo, no ka mea aole maoli ia o ke kumu oiaio," a o ka mea nana i kaohi mai i ka hoomau ana aku o Jene Pota i kana kamailio ana, oia no ka hoea ana aku o ko laua kaa ma kekahi uakee o ke alanui, aia hoi malaila ke kaa o Mr. Kelekona ma kahi i ku ai. a e kakalimai ana o ka hoea aku o ua kaikamahine nei me kona hoopakele.

 

MOKUNA XXVIII.

 

KAOHIA KA MARE E TAZANA.

  O kela ike ana mai o na hoahele o Jene Pota, ua hooho like mai ia lakou i na manao hauoli o ka halawai hou ana me ia me ke ola, a ia ku ana iho o ke kaa o Tazana ma ka aoao o ke kaa o Mr. Kelekona, ia wa i lele koke mai ai ka Poropeka Ptoa iwaho, a puili aku la kana kaikamahine iloko on a, a mamuli o ka makee nui o kela poe no ka palekana o ke kaikamahine opio, aia wale no ko lakou noonoo maluna o Jene Pota, me ka hoopoina ana i ke kanaka malihini nana i hoopakele i ua kaikamahine nei, iaia e noho hoola'i aku la maluna o kona kaa.

  O Mr. Kelekona no ka mea mua loa o ka huli ana mai a ike aku la i ke kanaka malihini, alaila lele aku la mailuna aku o kona kaa, me ka haawi ana aku i kona lima, a pane aku la:

  "Ua aie nui loa makou ia oe e ka malihini maikai, a o ia ka'u e olelo ae nei, he hana paakiki lea na makou ka pana'i ana aku i kekahi hana kupono loa ma kou aoao no keia hoopakele ana au i ke kaikamahine opio nei.

    "Ke hoomanao nei au i kou kahea ana mai ia'u, mai ia'u ma ko'u inoa pololei, a no'u nei la aole i maopopo ia'u kou inoa, koe wale no, me he mea la, ua ike au i kou helehelena ma kekahi wahi; a me he mea la, ma kekahi ano i kaokoa loa mai keia a kaua e lialawai pu nei."

  Lalau mai la o Tazana i ka lima o Mr. Kelekona, me ka minoaka ma kona helehelena, a pane mai la; "Ua pololei loa kau mau mea i kamailio mai nei e pili ana ia'u, e Mr. Kelekona," wahi a Tazana ma ka olelo Palani. "E noi aku ana au e huikala mai oe ia'u, no ke kamailio ole ana aku ia oe ma ka olelo Enelani; aka ke hooikaika nei au e hiki ia'u, ma ka pane ana aku nae, he keu a ka hemahema."

  "Alaila, e oluolu anei oe e hoike mai i kou inoa oiaio?" wahi a Mr. Kelekona i ninau aku ai ia Tazana ma ka olelo Palani.

  "Owau keia, ka mea i kapaia, o Tazana o na Mapu," a no kela pane, i kuemi mai ai o Mr. Kelekona ihope me ka piha kahaha.

  "Akahi no a hopauia ae ko'u pohihihi no ka'u wahi i ike mua ai ia oe," me ka hopu hou ana mai o Mr. Kelekona i ka lima O Tazana; a no ka lohe maopopo ana mai hoi o ka Poropeka Pota ame Mr. Pilipo i ka laua nei mau olelo, olaua pu kekahi i hele mai a hui pu me Tazana, me ka haawi ana mai no hoi i na mahalo ana i ko lakou hoopakele, me ka hoike okoa ana mai, i ko laua hauoli o ka ike hou ana iaia, a kamailio hoi he alo a he alo.

  Oiai ua hala aku ka poino, a ua nohoalii mai hoi ka maluhia, ua kono mai la o Mr. Kelekona ia Tazana, e huli hoi like aku lakou no ka home o Jene Pota, no ko lakou hookipa ana aku i keia malihini, a e hana mai i kekahi mau hana, e hoike okoa mai ai i ka nui oko lakou, oiai maloko o ka ululaau ma Aferika.

  E nanea ana no nae lakou maloko o ke keena hookipa, e niele mai ana hoi o Mr. Kelekona ia Tazana, i kona moolelo, ia wa i lohaia aku ai ke kapalulu mai o kekahi kaa otomobile, a o Mr. Pilipo ka i hele ku ma ka puka aniani e kiei ai; holo pololei loa mai la kela kaa ahiki i ke ku ana ma kahi o na kaa otomobile elua e ku ana mawaho o ka hale, a o ia ka ua o Pilipo i hooho ae ai:

  "Oia hookahi wale no nae paha ea?" i ninau mai ai hoi ka Polopeka Pota, no ka mea ua maopopo iaia ka Mr. Kelekona huaka'i i ke kulanakauhele i kela la, no ke kii ana no ia i palapala mare, me ka lawe pu ana mai i kekahi kahunapule.

  "Ae, he kokoolua kona e hele pu mai nei, manao au o ke kahunapule. paha, oiai he kuka kona o ka poe kahunapule," i pane ae hoi o Mr. Pilipo; a no kela pane, uapii ae la ka haikea ma ka helehelena o Jene Pota, no ka mea, aole loa on a makemake, e hoea mai i ka manawa e kaa aku ai oia malalo o ke kanaka ana i aloha ole ai.

  O Mr. Kelekona kekahi mea i hele mai la a kupilikii kahi manao, a me ka hoomanawanui wale no oia e uumi la i kona mau noonoo maikai ole; iwaena nae o na mea apau e noho ana maloko kela keena hookipa, o Tazana hookahi ka mea o lakou i noho me ka nanea, oiai aole he maopopo iaia o ke ano o ka misiona a na kanaka elua i hoohoia ae ai e hele mai ana no ke komo ana aku iloko o ka hale.

  E hoola'i aua no nae lakou, komo ana no o Mr. Kenela iloko, a me ka hooka'ulua ole iho, pane mai la: "He keu aku a ko'u hopohopo, ua poino la oukou, a eia wale no a i kuu ike ana mai nei i ke kaa o Mr. Kelekona, akahi no a hoomamaia mai ko'u noonoo. O ko'u huli hoi mai nei hoi ia ma ke alanui ma ka aoao hema o ke kulanakauhale ahiki i ka iho ana ae o ke ahi ma kela alanui, nolaila ua hiki ole ia'u ke hoomau mai i ka holo ana. a huli hoi hou aku la au ihope o ke kulanakauhale, a hole ae la ma ka aoao hikina, a loaa keia alanui, o ko'u awiwi mai nei no ia, eia ka aole he poino i loaa ia oukou."

  I ka hoomaopopo aku, me he mea la, aole he hookahi iwaena o ka poe e noho ana maloko o ke keena hookipa i hoolohe aku i kela mau olelo ma ke ano hoihoi: aka no Tazana nae, aia wale no kona mau maka maluna o Mr. Kenela, o ia no oe o kona wa e haka pono ana maluna o kekahi liona ahiu maloko o ka ululaau.

  No ka hoolauna ana aku nae ia Tazana imua o Mr. Kenela, pane mai la o Jene Pota: "E Mr. Kenela, ke hoolauna aku nei au ia oe imua o Mr. Tazana, kekahi o ko makou mau hoaloha kahiko," alaila huli ae la o Mr. Kenela ma kahi a Tazana e noho mai ana, me ka haawi ana aku i kona lima, aole nae o Tazana, i hopu mai, aka ku ae la oia iluna, a haawi mai la i kana kunou ana imua o keia kanaka malihini, elike me ka rula a ka Lukanela Anola i a'o aku ai iaia, o ke ano iho la ia o ke aloha ana a na keonimana Palani.

  "O ka Rev. touse keia e Mr. Pota," alaila huli ae la ua o Mr. Kenela ihope, i kahi a ke kahunapule e ku aku ana. a i aku la: "O miss Pota keia e Mr. Touse."

  Haawi ae la ke kahunapule i kana kunou ana imua o Jene Pota. alaila hoolauna aku la o Mr. Kenela iaia imua o ka lehulehu apau maloko o kela keena, a ia laua i noho iho ai ilalo. i hoomaka koke mai ai no ua o Mr. Kenela e kamailio:

  "Aole he manawa hou aku no ka hoohakalia ana, aka e hooko koke ia ka mare i keia manawa e Miss Pota, no ka mea ua hoea mai la ke kahunapule, a mahope iho o ko kaua mareia ana, e holo koke aku kaua no ke kulanakauhale, a ma ke kaaahi e haalele iho ana i ke kulanakauhale ma ka hora umi-kumamalua o keia po, e kau aku ai kaua, ma ka kaua huakai makaikai no kekahi mau pule, mamua o ko kaua huli hoi hou ana mai."

  Akahi no a loaa aku ia Tazana ka ike, o ke ano ka kela o ke kulana haka-nu o ka poe oloko, alaila leha iki aku la ka nana ana ia Jene Pota, aia no ua kaikamahine nei ke noho malie mai la kana nana ana ia Jene Pota, aia no ua kaikamahine nei ka noho maile mai la, aohe wahi mea a pane ae, a i ole hoi ia, hoike mai la hoi kona helehelena i ka hoihoi, aka aia ke kaumaha ame ka hoihoi, aka aia ke kaumaha ame ka hoihoi ole ke halii la maluna ona.

  Aia na mea apau maloko o kela rumi, ke kau pono la ko laknu mau maka maluna o Jene Pota, me ke kakali ana aku, heaha ana la kana pane, a ia wa i aea ae ai kona poo iluna. a owaka ae la hoi kona waha, me ka Hoopuka ana mai i kem mau olelo:

  "Aole anei hoi e hiki ke hoopanee hou ia aku keia mare no kekahi mau la, no ka mea, ua hele au a piha me na noonoo maikai ole. Ua nui na mea i loaa ia'u i keia la, e hiki ole ai ke hookoia ka mare, o ka poe apau i aneane e halawai me ka poino, elike me ia i halawai mai ai me a'u he mau hora wale ae nei no i hala, aole loa lakou e ae ana, e hooiloa ia ae ko lakou kaumaha. ma ka ae ana aku e hookoia kekahi hana, elike me ia au e koi mai nei."

  No kela pane a Jene Pota. ua hoike ae la ka poe maloko o kela keena i ko lakou manao apono, aole nae ma ke kamailio aua ae, aka ma ko lakou mau ano ke nana aku, a ua lilo hoi ia i mea e hoopiiia aku ai ka huhu o ua kanaka nei a kamailio mai la:

  "Ua nui a lehulehu kau mau manawa o ka hoopaneenee ana i keia mare, a ua ae mau aku au ia mau manao ou, aka no keia manawa, aole loa e hiki hou ia'u ke kakali," wahi a ua o Mr. Kenela me ka piha okalakala maoli. Ua ae maoli mai no oe imua o'u a imua o kou makuakane nei, e mare mai me a'u, nolaila aole au e ae aku ana, e lilo i mea pauaka wale ia e eo, Ua maopopo ia kakou apau, o keia ko kaua la e mareia ai, a me ia maopopo, i holo aku ai au i ke kulanakauhale i keia la e kii ai i palapala ae mare a eia hoi ke kahunapule maanei nei i keia manawa; aole he hoopanee hou ana aku, a ua nui na hoike no ko kaua mareia ana," alaila ku ae la oia iluna, me ka hele ana mai no kahi a Jene e noho aku ana, me ka manao e alakai mai i ua kaikamahine nei no kahi a ke kahunapule e noho ana, aka mamua o ka paa ana aku o Mr. Kenela i ka lima o Jene Pota, ua paa e aku la kona poohiwi i ka hopuia, e Tazana, a lalau ae la hoi kekahi lima i ke kania i o kenela, alaila ka'ika'iia ae la oia iluna a laweia aku lu nowaho o ka lani o ka hale.

  Ua hoopiha loa ia aku na mea apau maloko o kela keena me na manao kahaha. no ka hana a Tazana, aole nae e hiki i kekahi o lakou e pane ae he hookahi huaolelo, a i ole, ake'aka'a mai paha, o ka Jene Pota mea nae e ike la, o ia no ke kau mai o ke alina, maluna pono ae o ke ku'emaka hema o Tazana, ka mea hoi ana i ike mua ai, ma kela mawa a ua o Tazana e hakaka pu ana me Takota, kela mapu nui, nana i lawe iaia moloko o ka ululaau.

  Ke ike la o Jene Pota, aia ka manao pepehikanaka iloko o Tazana, aole he mea e na ai kona inaina. aia wale no a he make no Mr. Kenela, nolaila haalele aku laoea i kona wahi e noho ana, me ka manao e hele mai e hoomalielie ia Tazana, aole no kona minamina ia Mr. Kenela, aka no kona ike, e kau mai ana na kanawai o ka aina maluna o Tazana, in a no ka make i'o o Mr. Kenela.

  Mamua nae o ka hoea ana aku o Jene Pota no kahi a Tazana e paa la ia Mr. Kenela iluna o ka papahele, ua hoea mua aku la o Mr. Kelekona. ma ka aoao o Tazana. a kauoha aku la iaia e hookuu i kela kanaka o poino auanei kona ola aole nae he wahi mea a maliu ia mai, aka he hookahi no pale ana ae a kona lima hema, uwoki oe ia kelekona e kikihi ana a hina aku la ilalo me ka noke ana iho i ka lomilomi i kona aoao, i kau a mea o ka eha.

  Me ka nana ole aku nae i kela hana a Tazana maluna o Mr. Kelekona, hele okoa aku la no o Jene Pota a paa iho la ma ka lima o Tazana, kau aku la hoi kana nana ana maluna o na maka o ua kanaka pilikua nei, a pane ae la me ka leo hoomalielie:

  "No ko'u pono e Tazana, e ae mai oe e hookuu ae i keia kanaka." alaila hookuu ae la o Tazana i ka paa ana o kona puuwai i aloha ai, a ninau ma l: "Ua makemake no anei oe e ola keia kanaka?" wahi ana me ke kahaha.

  "Aole o'u makemake e make oia me kou lima e kuu hoaloha." i pane ae ai o Jene Pota. me ke koa a maka'u ole i keia kanaka ana i ike pono ai i ke pookela o kona ikaika

  "Aole o'u makemake e lilo oe i mea pepehikanaka."

  Wehe loa ae la o Tazana i kona lima. mai ka paa ana ia Mr. Kenela a me kela moe malie no o ua kanaka nei ilalo. oiai ua hele maoli a paa kona hanu, ia wa i poha iho ai ka lea nui o Tazana maluna pono o kona pepiao i ka i ana iho manawa aole loa oe e hoopilikia holu aku i keia wahine opio ua lohe aku la anei oe e keia kanaka? ke makemake nei au e hookuu aku oe iaia me ka maikai mailoko mai o kana aelike i hana ai. no ka lilo aku i wahine nau o keia wale no kou kumu e ola ai. a in a aole pela. alaila e make oe ia'u e pono ai!"

  "Iloko o ka piha maka'u me ka weliweli nana ae la na maka o Mr. Kenela iluna i ke kanaka pilikua a kunou ae la kona poo, e hoike ae ana i kona ae alaila ninau hou iho la no ua o Tazana:

  "E ae ana anei oe e ku a hele mai keia hale aku iloko o keia mawa me kou hoopilikia hou ole mai ia Jene Pota?" alaila kunou hou mai la no ua o Mr. Kenela. o kona ala ae la no ia iluna me ka piha haalulu, a elike me ka iole i maka'u i ka popoki pela iho la ua kanaka nei iho aku ai nolalo o ke alapii a hoi pololei aku la noluna o kona kaa otomaobile a nona hoi ka hele. hahai wale aku no ka ke kahunapule mahope on a. me ka lawelawe ole ia ana o kekahi hana e pili na i ka mare a Mr. Kenela i manao kuhihewa ai, o hookoia ana ia ma kela eia ka aole.

  I kela hala ana aku hoi o Mr. Kenela me ke kaunapule, ia wa i huli ae ai o Tazana ia Jene Pota a pane aku la: "E ae ana anei oe e haawai mai i mau minuke no'u e kamailio ai me oe?"

  Kunou mai la kona poo, e hoike mai ana i kona ae, a oili aku la iwaho me ka hele ana aku no kekahi wahi keena uuku mawaho o ka lanai. he wahi kupono ana i manao ai ka laua mau mea e kamailio ana, a oiai ua hala aku la oia nolaila. aole oia i lohe mai i na kamailio maloko o ke keena hookipa mawena o kona makuakane ame Tazana.

  E anehe aku an nae o Tazana e puka aku nowaho o ka lanai o ka hale, ua pane e aku la ka Poropeka Pota iaia, i ka i ana aku:

  "Mamua o kou haalele ana mai i keia keena. ke makemake nei au ike, hehea ke kuleana i loaa ia oe e komo hokai wale mai mawaena o ka'u kaikamahine ame Mr. Kenela? Ua haawi aku au i ka'u hoohiki a mare ia o Mr. Kenela me ka'u kaikamahine a me ka nana ole ina paha ua hoihoi a hoihoi ole ia kela mare, he mea pono nae e hookoia ka'u hoohiki."

  "O ke kuleana wale no i loaa iau e Mr. Pota e komo hokai ai, i ka mare i hoolalaia mawaena o kela kanaka ame kau kaikamahine, o ia no ka nele loa o ke aloha iloko o kau kaikamahine no kela kanaka. Ma kekahi olelo ana ae ea, aole i makemake kau kaikamahine e mare aku me kela kanaka nolaila ua lawa ia, no kekahi mea e hoopakele ae ai iaia, mai ke kaa ana aku malalo o ka malu o kekahi kanaka ana i hoowahawaha ai."

  "Aole i maopopo iki ia oe e Tazana ka mea au i hana aku ai, a ke kanalua loa nei au. no ka ae hou mai o kela kanaka e mare me Jene Pota ka'u kaikamahine."

  "He oi loa aku ia o ka pono, oiai ua maopopo no iaia aole he makemake maoli o kau kaikamahine e mare aku me ia koe wale no ua paa ka manao o Jene Pota e hoopakele ae ia oe mai kekahi kulana kupilikii mai i haouhoa la aku ai oe a paa malalo o kela kanaka; aka e hoolana i kou manao e Mr. Pota, no ka mea ua hiki loa ia oe ke hoihoi aku i na dala apa au i aie aku ai ia Mr. Kenela."

  "ke pohihihi loa nei au i keia mea au e kamailio mai nei a ke kauoha aku nei hoi ia oe e hoakaka mai ia ka manao o kau mau olelo!"

  "O ka manao o ka'u mea i kamailio aku nei no ka hiki ia oe ke uku aku i kou aie ea, o ia no ka loaa ana o ko pau dla i nalowale ai."

(Aole i pau.)