Ka Nupepa Kuokoa, Volume LVI, Number 17, 26 ʻApelila 1918 — E HOOLOHE I KEIA! [ARTICLE]

E HOOLOHE I KEIA!

Ua nui ka manawa i haawiia 'aku ai no ka poe apau i kupono i ka oihana koa ma Hawaii nei, e waiho ae ai ia lakou imua o na luna oihana i loaa ka mana, no ka nana ana mai ia lakoii; a i keia manawa, ke lalau mai nei na lima kakau-ha o ke kanawai, a kikoo aku i ka poe hoopohala ame ka poe e hoao maoli ana, e apuhi a e pulapu aku i ke aupuni ; a makou e a'o ikaika aku nei i na Hawaii apau he mau pepa ko lakou i aponoia mai no ka oihana koa, e hele pu mau me ia mau pepa, i ole ai lakou e paa i ka hopuia, aoka poe i nele i na pepa, he hana naauao ka hele koke ana ae i keia manawa e ike i ke poo o ke keena wae koa, a koi aku e haawiia mai, na makaukau apau, 1 wahi e paa ole aku ai i ka hopuia, inalalo o kekahi o na kanawai e hiki ole ai ke pakele ae, mai ke kau ana aku ō ka hoopa'i ko'iko'i maluna o lakou. lle mea makehewa wale no i kekahi ka hoao ana e pulapu aku i ke aupuni, ma ka holopee ana, a ma ka hoike hoopunipuni ana, no ka mea ua loaa aku na ike ame na makaukau i ka poe na lakou e hooko mai nei i ke kanawai, e hiki ole ai e pakele ka poe kolohe. Eia maloko o ka halepaahao i keia mau la e noho mai nei kekahi poe i ahewaia no ke kolohe, ame ka pulapu i ke aupiini, ma ka hoohemahema wale ana i ko iakou hooko ana ae i na mea apau i kauohaia ai lakou e hana, ma ko lakou ano he poe i waeia; he poe hoi kekahi i hoopihapiha ole i ko lakou mau pepa ninau, he hana pono loa ma ko lakou aoao, ka hele ana ae e hoike ia lakou imua o na luna oihana 0 ke keena wae koa, mamua o ke kakali ana na ke kanawai e kikoo aku ia lakou. Ma na wahi apau e hele ai, ina no ia ma na wahi hana, a hele holoholo paha, mai poina iki i ka paa ana i na pepa, i haawiia mai e ka papa o na kauka, e hoike ana no ke kauia ana ma na papa like ole o ka poe i waeia, oiai, he nui a lehulehu wale ka poe 1 haawiia aku ai ka mana, no ka hopuhopu ana i na kanaka opio mawaena o ka. iwakalua-kumamakahi a ke kanakolu-kumamakahi makahiki.