Ka Nupepa Kuokoa, Volume LVI, Number 14, 5 April 1918 — HE HOALOHALOHA NO D. K. WHITE [ARTICLE]

HE HOALOHALOHA NO D. K. WHITE

Mr. Lunahooponopono:—ii oluolu oe e hoike ae i keia mau manao maluna ac. O makou o na hoahanau o Kahikuonalani, ka Ahahui Kula Sabati ame ka Ahahui C. E. ame ka Papa Kahu Waiwai o ka Ekalesia o Ewa, ma o ko makou mau komite la, ke komo pu aku nei makou me ka wahine kane make, ame ka ohana, ma ke kanikau pu anā me na waiinaka o ke kaumaha ame ka luuluu, no ko makou hoa hana pu iloko o ka Haku lesu i haalele mai i keia ola ana, ma ka hora 7 o ka la :?0 o Maraki, 1918, oia hoi o Mr. D. K. White. Nolaila, ua ili iho maluna o makou kona mau hoahanau i hana pu ai, kana mau hauinana Kula Sabati i alo pu ai i makani Moae o Ewa nei, iau pu ai i na hana mai Kawaiahao a ka makani Kaiaulu o Waianae, a hala loa aku i k » Ehukai o Puaena, Waialua, a no kona poniia ana i kahu no Lanai, pela oia i kaawale aku ai mai Ewa aku nei, kona home i hoopunāna ai i na hanā a ka Uhane. Nolaila ke nonoi ae, nei ka makou leo l»ule i ke Akua Mana Loa Nana no e hoomaha mai i na kaumaha ame na luuluu o ka wahine kane make ame ka ohana auie makou pu hoi kekahi, a Nana no e kau iho i na pomaikai inaluna iho o kakou apau loa; Ameiie, O makou iho no me ke aloha, liEV. WM. KAMAU, * Komite Ekalenia; T. K. HALUALANI, Komite Kula Sabat.i; MISS SARAH MAEMAE, v Komite C. E.: B. MAHI, Komite Papa Kahu Waiwai: P. K. kapanookalani, Lunahoomalu o ke komite. Pearl City, Mar. 31, 1918.