Ka Nupepa Kuokoa, Volume LVI, Number 14, 5 ʻApelila 1918 — KA HANA NUI NO KAKOU APAU [ARTICLE]

KA HANA NUI NO KAKOU APAU

Ia kakou e noho nei iloko o ka maluhia, a e lawelawe nei i ka kakou mau hana i kela ame keia la., e kukulu mai imua o ka kakou mau hoomanao ana aia ko kakou poe koa Amenka ma na kahua kaua o Luropa e make ana i kela ame keia minuke, no ka hoopakele ana ae i na hana apau o keia au malamalama mai na hana mai o ka pouli a ke aupuni o Kelemania ē ake nei e noho rula mai maluna o ke ao holookoa. No ke kupale aua i ka hanohano ame r.a pono pilipaa o ke aupuni o i hookahe aku ai ko kakou mau pualikoa i ko lakou mau koko. a e molia aku ai no hoi ko kakou mau kanaka (, pi° ponoi iko lakou mau ola; ano ia hana hookahi no. i komo aku ai ko kakou poe koa iloko o ka opu o ka moana, ma na kai o ka Akelanika.

Aia lie mau liana nui i hookauia mai maluna iho o kela anie keia pakahi o kakou 110 ka hooko ana akiu a ma ke ano auanei a'kakou e hooko aku ai ia mau hana, i kauka'i ia mai ai ke ola o na kaukani o na kane ame na wahine, ka pono o na lahui kanaka he nui ame ka lanakila o ka pono ame ka malamalama'; a elike auanei me ka hikiwawe ame ke kui'o o ko kakou lawelawe ana aku i ka kakou mau hana i pili loa aku i keia kaua, e hoea mai auanei i ka noholii ana mai o ka maluhia, a e hoopakeleia ae hoi he heluna nūi o na kanaka o ka oihana koa ame ka oihana kaua mailoko mai o na auwe ame na poino; pela pu hoi e loaa ai ka nohona lanakila ana i na lahui e paa mai nei malalo o na kupee ana a ka make maluna o lakou. Ma'ka hana kino ana, ma ka hoomakaulii ana, ma ke kokua ana 'aku .i ke aupuni ma na mea pili dala, he mau hana ia i kau mai ai ke ko'iko'i maluna oka lahui i keia la a i ke ao holookoa; a he hana hoi ito ka pono o ko kakou poe koa ma ka aina a ma ka moana, e. moli.a mai la i ko lakou mau ola no ko lakou aina ame ko lakou hoa kanaka. Maluna o kakou apau, ka hooko ana aku i ka kakou mau hana me ke kui'o, elike m-e ka hiki ia kakou ke hana!