Ka Nupepa Kuokoa, Volume LVI, Number 11, 15 March 1918 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NAHA KE KINO, KA HALE A KE ALOHA, AHU IHO LA KA PUA I WAHAWAHA

            E Mr. Lunahooponopono o ke Koakoa; Welina kaaua: Oluolu mai oe i kahi kowa kaawale o kau hiwahiwa, ke kelekalapa ahailono mama nana e uwila aku kau wahi puolo, a na kou ahunui hoi ia e hoahola ae, i ike iho ai ou mau kini, mai ka la puka ae ma Makanoni, a i ka welona a ka la i ka mole olu o ka waihuna a ka Paoo.

            Me ka maau i nipoa e na kipona a ke aloha, me na manao i awaiauluia e ke aloha, me na manoa i awaiuluia e ka minamina, pela iho la i konoia mai ai au e hai ae me ka lihaliha.

            Nihi kolonahe i ka lipo o ke ao,

            ka hoea ana mai a ka halia i ke alo,

            E niniau ae aua e hoopa wale aku.

            Ihea ka hoei oe iau i anei? 

            ika hora 5:30 poniponi o ke kakahiaka o ke Sabati, Feberuari 10, 1918, i newa aku la i kipa mai ai me ka palanehe, ka elele hooko kauoha; a kaili aku la i ke kukui mai ka hale aku o Mrs. Annie Kalaiakamanu Gill, ma kahi noho o kona mama nei, ma Waikiki, Oahu.

            Ua hanauia kuu kaikamahine aloha ma Kawahanaenae, Halawa, Ewa, Oahu, i ka la 5 o Maraki, 1879, mai ka puhaka aku o John W. Williams Sr. ame Mrs. Kahalauaola Ulaula Williams.

            He kupa a he ewe kuu kaikamahine no Kaiahamauleo, mai ke awa lau o Puuloa, ahiki i ka makani kaumuumuu a paakea o ke one kuilima laula o Ewa.

            I kona mau la opio, ua lawe hanai ia e J. W. Koakamu, he kaikunane no kona mama, a pela i au ai i na ale hulilua o Kaiwi, no ka hoi ana o ua makuakane hanai nei on a i ka aina hanau o kane wahine i Maui o Kama o Makua hine hoi o kuu kaikamahine.

            Pela i ewe ai kuu kaikamahine, a lehulehu mai ka moku kele o Hawaii, a i ke one aialii o Kakuhihewa, a mailaila i hoi ami ai me kona mau kahu hanai, a noho paa ia Kakuhihewa moku, a na ka make ana o kona kahuhanai wahine i hoi hour mai ai i ke alo o kona mama nei, ahiki i kona hala ana aku la.

            Ua waiho iho oia iau kona makuahine, kona makuakane, ke kaikunane,, ke kaikamahine hanai, ke kane, na pilikana, ame ka lehulehu, ma ka aoao o kona makuakane; oiai, he ohana nui, me kou ohana no hoi, me ka lehulehu o kona mau halekipa, e u a e paiauma aku nona, ma keia aoao; a ko ae la ka ka Palapala.

            No ka mea, ua ike mai Oia i ko kakou ano, ke hoomanao ne no hi, he lepo kakou, o na kanaka, ua like ko lakou mau la, me ka mauu. Me ka pua hoi o ke kula, pela no kona pua ana no ka mea pa mai la ka makani maluhaona, a ua ole ia. Aole e nana hou mai kona wahi iaia.

            Ma ka hora 1:30 p.m. o ia la no i kaahele mai ai oia iau, i malamaia ai kona anaina hoomauao hope, ma Waikiki no, e ia makamaka maikai, Peter N. Kahokuoluna, imua o ka lehulehu o ka ohana i akoakoa mai, a me na hoaloha e hoopuni ana, iloko o ka malie ame ka maluhia.

            I ka hora 3 a oi p.m. iho, i kaa aku ai malalo o ma hooponopono ana, a H. H. Williams no ka hoomaemae ana, a ma ka auwina la o ka Poakehi mai, Feb. 11, i hoihoi ia aku ai kona kino lehu no Halawa, Ewa a hoomoe pu ia me kona kaikaiua i hala mua, Miss Hattie Williams, ma ke alahele aku o Kapukaki.

            Pela iho la e hoomanaoia ai ka ka Buke o na Buke: "E hoi ka lepo i ka honua elike me ia mamua, a o ka uhane e hoi  ia i ke  Akua Nana ia i haawi mai."

            E na wehi a Kamaluikeao, kahi a kuu lei i laukaha ai, aole o Kalaiakamanu e hoohie hou ana ia oukou; e na hunakai o na nalu kaulana o Uo, ua oki kau mau pehi ana ini. E na ale kuehu o Kaiwi, e hamau kau hooni iaia.

            E ka uluwehi o ke kaona, e haohao ana oe nona; e ka ohu o Moanalua, o kou mau ea kupaoa, e nele ana i ka pehi ana i kuu lei; e ka nani o Papakole, aloe oe e hehi hou ana, a o na ui o Leilono, me oe no kou mau luhiehu.

            A o na makalapua, o Kinimakalehua, me @ mau aku na oia, e ka ua waahila o Halawa, aole oe e hehi hou ana i kuu lei, a e kaMoaeku o Ewa loa, e hamau ana kau pa ana makuna ona.

            Ua hala a ua hele loa kuu lei, aole ana wae mukiki hou ai i ka waihui o Kahuawai; e ke one wali o Kapuaikaula ame ka ma-a-a, no olua kana mau hookaukaunu, a o ko ka home mau wehi @ mau no lakou.

            Pela au e houpu ae nei:

Aloha ka Waikoloa iniki ili,

Ka elele kapa kehau o ka wehe kaiao;

Ka ahailono o ke kiu i Kaala,

E i mai ana he anu eia ke kapa;

He hui, he maeele ka hoopa a ia eu,

He mau maka kuihouhou i ka poli.

E hoiloli, e hoolaau ae ana ialoko,

Hookahi no kapa e mahana ai o ka ipo,

O ka hana ia a ke kino ia kahuli,

A huli mai oe i ka po, e mahana ai nei

            anu.

            I ka hooki ana iho, ke haawi aku nei i kau mau hoomaikai nui palena ole i kela ame keia i haawi mai i na kokua ana mai, ma kela ame keia ano, me ka nonoi nui aku, i ka oluolu o ka oukou lawe ana aku, a na ke  Akua nui plaena ole auanei e hoomama mai i ko kakou mau u.

            Iloko auanei o Kona lokomaikai e hoopiha mai ai Oia i ka oukou mau waihona o ka maikai; a kela ao, iloko o na oni ana auanei o ka manawa, ke haawi aku nei ia haawina like i ka lunahoopo-

NA LEI ALOHA A MAUA  UA HALA MA O.

            Mr. Lunahooponopono o ka Nuapepa Kuokoa, Aloha oe:----E oluolu mai oe e hookomo iho i ka maua wahi puolo wai maka a ke aloha maloko o na kolamu o kau nupepa in a he wahi kaawale kekahi, a nana hoi ia e ahai mama aku ma luna o na ale apiipii o ka moana mai ka hikina a @ la i Kumukahi a ka welona a ka la i ka mole olu o Lehua.

            Ua oluolu i ka Makua Lani ka lawe ana aku i ka hanu ola mailoko aku o ka hale kino o na lei aloha a mua iloko o ka la hookahi, a he mua hora wale no ke kaawale mai ka make ana o kekahi ame kekahi, a waiho iho la i ke kino lepo na maua ame ka ohana e paiauma aku ma keia aoao o ka muliwai eleele o ka make, Luuluu wale!

            Ua hanauia na lei aloha a mua ma Hauula, mai ka pukaha mai o Mrs. Kaluailahaina (w) ame Mr. George; he keikikane @a o Edward Kalahikiola, i Maraki 14, 1916, a make aku la i Feb. 23, 1918, he hapaha koe kani ae ka hora 12 awakea.

            No ke kaikamahine hoi ua hanau ia o Miss Harriet i Ianuari 19, 1918, a make aku la i Feb. 23, 1918, hora 5 ahiahi. a oiai ka mai e hekau ana maluna o laua, ua umiia ke ola i ke kauka o honolulu, a ua loaa mai no ka laau, aka, ua hiki ele i ka mana hoola o ka laau ke hoopakele ae i ko ola o na lei aloha a maua, no ka mea, ua paa loa ko ke Akua Nana mai ia, Nana no i haawi mai a Nana no i lawe aku. E hoomaikaiia ka inoa o Iohova.

            Maluna ae o na mea apau, ke haawi aku nei maua i ka hoomaikai i na makamaka ame na hoaloha i ku kiai pumai ma kela po Poaono, a ao ae Sabasi, no ka maua mau mea aloa i hala aku la, ake haawi pu aku nei no hoi maua i ka maua hoomaikai a nui loa i ke komike o ka Ekalasia o Hauula ame Kahuku, Re. G. M. Kauaulalena, ame kana mau luna ekalesia, S. W. Kahele, S. W.Kauhi, no ka hoomaikai ana aku i ke Akua no na kamalei aloha a maua, e waiho oni ole ae ana; ame ka Lunahooponopono ko maua aloha, ame na keiki oniu hua melata o kou papapai ka welina.

                                    MR. AME MRS. GEORGE.

                          Hauula, Feb. 27, 1918.

 

KUU WAHINE ALOHA UA HALA.

            Solomon Hanohano, Esq., Lunahooponopono Nupepa Kuokoa; Aloha:----Eoluolu mai hoi kou lokomaikai ame kou ahonui nou hoi kekahi o kou mau koramu i ike mai ai na ohana, na makamaka ame na hoaloha o kuu wahine aloha i pauaho mai i keia ola ana, e noho mai nei mai ka pukana a ka la i Haehae a ka welona a ka la i Lehua.

            Me ke kaumaha âme ka ehaeha kupouli o ka noonoo i ke alhoa paumako no Mary K. Baole, kuu wahine, kuu hoapili hoi o na kau a kau i pauaho mai i keia ola ana ma ka hora 11 o ka po Poalima, Feberuari 22, 1918, a haalele iho ia iau hookahi, ke kane  ma keia ao e alo aku ai i na inea o kei noho ana.

            Ua hanauia o Mary K. Bacle, kuu wahine aloha ma Pohina, Kau, Hawaii, ma ka makahiki 1857, a piha iho la iaia na makahiki he 61 o kona hanau ana i na ea o keia ao.

            Ua mareia maua ma ka la 15 o Maraki, 1895, a piha iho la na makahiki he 23 o ko maua mau makahiki o ka noho ana ma ka berita maemae o ka mare.

            He puuwai hamama, he lokomaikai, he heahea kau wahine, a he makee i na hana o ko ke Akua  aupuni. O kuu wahine aloha kekahi o na lala o ka Ekalesia ma Koloa nei, e hana a e lawelawe ana i na hana C. E. ame kekahi mau hana e ae e pili ana ilaila, a ma o kona hookaawale ana aku la, ua hooneleia iho la o Koloa nei me kekahi o kona kakoo ikaika ma na hana e pili ana i ko makou Ekalesia.

            Oiai, ma ka haalele ana iho la o kuu wahine aloha iau, ua hamau, ua puanuanu, a ua hooneleia ka home i ka makua ole, kuu mea hoi au i upu mua ole ai e haalele koke mai ana kuu wahine, kuu makua hoomanawanui wale iloko o ka wa loaa ame ka wa nele, kuu hoapili  hoi iloko o kou mau pilikia apau. "E mama Mele e auhea iho nei oe"

            Ua hele aku la oe i ke ala huli hoi ole mai, i ke ala polihua a Kane. Auwe kuu aloha paumako ia oe e!

            Ke haawi nei au i kau mau hoomaikai palena ole o ke aloha pumehana i ka ohana, na makamaka ame na hoaloha i haawi mai i na makana pua ame ke komo pu ana mai me au iloko  o ka luuluu ame ke kaumaha no kuu wahine aloha hele loa e!

            Owau no iloko o ka luuluu,

                                    WILLIAM BACLE.

            Koloa, Kauai, Mar. 1, 1918.

            WASHINGTON, Mar. 4-----Ua kauohaia e hopu i ka poe hoohaunaele apau oka lahui enemi ma ka Pakipika Komohana-Akau. Ke hoolaha mai nei kela poe hoohaunaele ma o a maanei, i na ao hewa a ke hoalaala mai la i na hana hoohaunaele a anki. Oke keena oihana o na limahana ka mea iaia ka hana o ka hopu ana ia poe a ua hoopukaia aku na kauoha ma o a maanei o na lahui enemi e hoolaha a e ao aku ana i na hana hoala kipi e hopuia lakou, in a he mau lala lakou no ka I. W. W. a  aole paha , a e hoopaaia lakou no ke kipakuia mai ka aina aku.

 

nopono, âme na lima hei o kau papapai.

            Owau iho no ne ka haahaa,

                        MRS. K. U. WILLIAMS

            Waikiki, Oahu, Feb. 14, 1918. 

PEHEA NA HAWAII MA KA HANA KOKUA?

            I ka Lunahooponopono o ke Kuokoa: -----Ua konoia mai au e  ninau aku ia oe, heaha la ka na ahahui o na Hawaii e hana la ka na ahahui o na Hawaii e hana nei ma na hana kokua no ke Kea Ulaula, ka hoeueu no ke Poo Kaua ame kekahi mau hana koukua e ae i ke aupuni @ Aole au i makemake e nema aku ma kekahi ano, no ka mea ua ike no au, he poe aloha aina na Hawaii ma kolakou ano he mau makaainana Amerika; o kou manao maoli, ma ka lakou mau mea apau e hana ai, he mea pono no e ikeia ae imua o ke akea ma na nupepa; ua nana no hoi au maloko o ke Kuokoa aole ou ike iho i kekahi mau mea e pili ana no ka lakou mau hooikaika ana maluna o keia mau haua.

            Ke noi aku nei au i kou oluolu e Mr. Lunahooponopono, e lilo oe i mea hoeueu ikaika no ka pono o ka lahui, mana hana kokua pili i ke Kea Ulaula, ke Poo Kaua ame kekahi mau hana kokua e ae, maloko o kau nupepe.

            Ua haawi ae na mai o ke Kahuamai ma Molokai i ka lakou kokua i ke aupuni ma ke kuai ana i na Poo kaua maluna aku o ka $4200, he Hawaii ka hapanui o lakou; a ma ia hana, ua kukuolu mai lakou ; kekahi hana kilakila loa, e kau aku ai na mahalo ana, aole maluna o lakou wale no, aka aluna o ka lahui holookoa. He hapa uuku wale no kela o na Hawaii, pehoe hoi na Hawaii e ae ma na wahi like ole o keia Teritore@

                        Me ka mahalo nui,     

                                                APANAKO.

            Honolulu, Maraki 6, 1918.

                        ---------------------------

NA HUNAHUNA O KE KOOLAU.

--------

            Mr. Lunahooponopono o na aupuni huiia, ka haawi kauoha i kou mau lukanela o ka papa hoonohonoho o ka oihana kaua moana aluna o kou papapai, a konane o na pu kani alapine e lohe ai o Kauai i ka uina o na hunahuna meahou o na Koolau i kaukemio pu ia iho e na Koolau i kaukemio pu ia iho e na keiki lima lawe palanehe o na huakepau o ke Kuokoa; pela i mauaki mau ai na keiki o ke koolau nei, i na anae holo o Kaihaupalai, mai ke awalau o Puuloa mai.

            A aurea aku nei la hoi o Sam M. Nihipali o ka ua Maakua? A pehea hoi ka amaama momona a kaua o Molokai, ka ia kalaau o ko aina hanau? O ia ka ke Koolau e hoomaoe mau ae nei, o ka ike ana mai no ka ia, pau ka oe hana!

            Ke pipii mai ne ka poi o Honolulu, eia ka mea apiki, nui ka popo o ke kalo o na Koolau, aia no ke kaua i ka hapa poepoe hikina, pii pu me ka ia o Hawaii nei, nui ka epa!

            I ka uaukiukiu o Makawao aku nei na keiki nounou pohaku o Laie, a make a lilo mai la na eka aina he 57, a ia N. Mahoe he 18 eka ko i ulu mua no Honokaa, Hawaii.

            Ua ike ia aku ka nui pono ole o na kaa holohau, paikikala, otomobile holoholo a poaiapuni o ka la o Keoki Wakinekona ma na Koolau nei, no Honolulu.

            Pa ka makani Kona, ka makani malualua pu mai no, kuehu hoi ka makani kipu o ke Koolau, i ka po ana iho hoi kela huluhulu kaulana moe kehau o Milolii, e pili pu la me ka wai kuauhoe a ka lawaia i ka pali lauae o Makana. Ma kekahi po kehau huihui loa o ke Koolau i elua i ka hipuu o ka berita o ka mare o Likeke Jr. o na Hono o na Moku o na kupuna i hanau pu ia me ke ala lipoa o puukolu, o ka aina i ka eheumanu, Laie, me ka Miss o na Kona kaiopua i ka maie mai, i ke kahuna, i ka hoopaa ana iho a paa, oia kau i hoomanao ae ai i kau wahi himeni i paanaau loa i kou mau la ae, oia keia:

                        Kuwiliwili iho au,

                        He mapu maoli no;

                        i ka hanu aala kuu ipo,

                        Kuwili o ka pili aumoe.

                                    J.A. KAHIONA

                        ----------------------------

HOOMANAO IUBILE.

---------

            Ma ka Poaono i hala, Maraki 2, 1918, i piha ai he 50 makahiki ia John Pikiui, he keiki kupa a kamaaina oia no na kaiaulu o Kalehuawehe, i na aekai o Waikiki-kai.

            Ua haawi ae oia he paina luau piha pono oluna o ka papaaina me na ono like ole a kaua e ke kamahele e iini ai ia mau mea maikai, i hoomakaukauia e ka mea nona ka la hoomanao o 30 makahiki i loaa iaia.

            Ma o ka lokomaikai o ko kakou Makua Lani i ka haawi ana mai i ke ola kino maikai ame ka ikaika iloko o kona kino, e hoomaikai ia ka inoa o ko kakou Makua mana loa, iloko o ka lani,  a ua konoia kona mau hoaloha ame kona mau hoa hana ame kona ohana apau i pili iaia o ia hoi kona kaikuahine, kana mau keiki, kana mau hunona ame na moopuna.

            Ua noho na mea apau maluna o ka papaaiana me ka mea nona ka la hoomanao, a na ka Makua S. eli Kekipi i hoomaikai i ka papaaina me na leo pule pokole, i ka pau ana, ua hookomo mai la kowaho ahiki i ka lawa kupono ana a ka malihini e hoohalahala ole ai.

            Ua ai a lawa a ke haawi nei au io ka hoomaikai palena ole i ka mea nona ka la iubile o 50 makahiki ame ka ohana apau o ka home no ka maikai o ka hookipa me ka mahalo nui, a ke hoomaiaki nei au i ka Lunahooponopono ame na keiki onui hua metala o ke Kilohana.

            KEAWE KALA.

Dowsett Lane.

PAUAHO MAI O KALE HAPAKINI I KEIA OLA ANA.

-----------------------

            Iloko o na manao puiwa me ka hikilele o kona mau hoaloha lehulehu, i pahola ae ai ka lono kaumaha ma ke kakahiaka o ka Poalua aku la i hala, i ka pauaho ana mai o Mr. Charles L. Hopkins i keia ola ana, ma kona home ma ka Helu 1650 Alanui Young, ma ka hora eono no o kela kakahiaka.

            He kulana ola kino naikai ko Mr. Hopkins iloko o na la mamua aku o ka hoea ana mai i kona hopena, aka nae he mau hora lehulehu mamua ae o kona make ana, ua loaa oia i ka lolo, me ka nui o ka pilikia ana i hoomanawanui ai, ahiki wale i ka make ana.

            He maheleolelo o Mr. Hopkins no ka aha kiekie no kekahi mau makahiki loihi, a he kanaka Hawaii hoi i mahalo nui ia ma kona mau ano maikai a oluolu, e na Hawaii ame na haole pu.

            Mamuli o ka pauaho ana mai o Mr. Charles L. Hopkins i keia ola ana, e ha'o ana ka ikeia o kona helehelena maloko o na keena hookolokolo o ka aha kaapuni, kahi i halawai mau ai oia me ka lehulehu apau o ka poe e hoea aku ana no ka aha hookolokolo, a e hui kukakuka pu ai me lakou iloko o na manao ohohia me ka oluolu o ka launa hoa kanaka ana.

Kona Hahauia Ana

            Ua hanauia o Mr. Hopkins ma Koolau he kanaonon-kumamaha ae nei makahiki i hala; a maloko no o na kula aupuni kona wahi i hoonaauaoia ai me ka hooikaika ana e loaa ka makaukau ma ka olelo Beritania ame ka olelo Hawaii, a me he mea la iwaena o na kanaka Hawaii kahiko o ko lakou mau makahiki, o Mr. Hopkins hookahi ka mea i kamaaina i na kanawai Hawaii, ame na olelo Hawaii pohihihi ame kekahi mau mea e ae he nui i pili ia Hawaii nei.

            Iloko o ka makahiki 1883, i kohoia ai oia i kakauolelo poo na Mr. W. C. Parke, ka ilamuku o ke aupuni o Hawaii nei ia, manawa, malalo o ke aupuni moi, mai kela kulana, mai kona pii malie ana ahiki i ke kau ana i ka hope ilamuku, a mailaila ae a i ka noho ilamuku maoli ana no ke aupuni.

            I ke au e noho moi ana ka Moi Kalakaua no Hawaii nei, e noho ana no oia he ilamuku no ke aupuni, a oia ka mea nana i kukala ae, mahope e ka make ana aku o Kalakaua, i kapii ana ae o ka Moiwahine Liliuokalani ma ka noho kalaunu o Hawaii nei.

            @ makahiki 1892 ua kohoia oia i hoa no ka ahaolelo, ka ahaolelo hope loa malalo o ke aupuni moi, a i ka nalohia ana aku o ke aupuni moi, ua kohoia oia no hookai kau, i lunakanawai hoomalu no Honolulu nei.

            No kekahi manawa he maheleolelo oia noloko o ka ahaolelo, a o kana hana hope loa no na makahiki lehulehu ahiki wale i kona make ana aku la, he maheleolelo noloko o ka aha kaapuni.

            Ma ka hapalua o ka hora ekolu o ka Poakolu nei i malamaia ae ai kona anaina hoolewa, mai ka home aku, no ka ilina o Makiki; a no ka hoike ana ae i na manao makee no kekahi o na makaainana i mahalo nui ia o Hawaii nei, i ukali aku ai he heluna nui o kona mau haloha mahope o kana huakai hele loa, me ke komo ana o Henry Smith, Konela C. P. Iaukea, ka Lunakanawai Whitney, ka Makai Kiekie W. P. Jarrett ame na Lunakanawai Kaapuni Ashford me Heen, ma ke ano he poe hapai pahu.

            HOOKUI NA KAA OTOMOBILE A EHA KEKAHI WAHINE.

            O ka hopena poina i moeuhane mua ole ia i halawai me Mrs. Mary A. Harris ma ka auwina la o ke Sabati iho nei oia ka haki ana o kona lima ame kona wawae mamuli o ka hookui ana aku o ke kaa a Mr. ame Mrs. C. A MacEachern, he luna no ka mahiko o Ewa, ma kahi he mile ka mamao mai Aiea aku, ua mku laua me ke keiki i na aniani nahanaha i lele mai. He kaa otomoblie e ae e kalaiwaia ana e kekahi aliikoa o ka oihana koa ka i holo aku a hookui i ko lakou kaa. He 62 makahiki o Mrs. Harris.

            E hole like ana na kaa otomobile a elua no Leilehua. Ua hoao ke aliikoa e kaa kona kaa mamua o ke kaaa e kau ana o ka ohana MacEachern, ma ia ho ao ana i komo aku ai ka huila mua o kona kaa i ka huila hema hope o ka otomobile a ka ohana MacEachern a oiai ua ikaika ka kola hookui ana aku, ua kaiaia aku la ke kaa otomobile a ka ohana MacEachern mahai o ke alanui a o keia ae la ka poino mauwale i ikeia.

LAWE MAI I NA MEAULU NO KA HOIKEIKE ANA.

--------------------

            O ka paa koke ana mai nei no ia o kekahi buke nona na aoao he iwakalua i ke paiia, no ka haawi wale ana aku imua o ka lehulehu ma na wahi apau, maloko o ua buke nei, na hoakaka piha e pili ana i ka hoikeike o na meaulu ame na meakanu, e malamaia ana ma ka hoikeike fea Teritore malalo ae nei o Aala Paka, mai ka la 10 aku o Iune ahiki i ka la 15.

            O ka nui o keia buke, ka mea nana e hoike mai i ke akea ame ka laula o keia hoikeke. Ehoikeikeia aku ana na ano neaulu apau i hoouluia ma hawaii nei i aiia e na kanaka ame na holoholona, a e haawiia aku ana na makana i ka ooe maikai loa o ka lakou mau mea hoikeike o kela ame keia ano. Ma ke ano hoohalike, aia he iwakal@a ano maia i hoouluia ma Hawaii nei; aia he mau wahi i hookaawleia no k hoikeike ana no kela ame keia ano maia pakahi, a he ekolu hoi mau makana e haawiia ana no kela ame keia ano maia pakahi, ua like ia me kanaono ka nui o na makana ma ka hoikeike wale no o na maia.

            O cela âme keia mea e hooulu ana i na meaai, na meaulu a mau huaai paha ke konoia aku nei oia e hookomo mai i kana mau meakanu iloko o ka hoikeike me ke kau ole ia aku o kekahi uku no ka hoikeike ana.

            Ua hiki no i na ona na lakou ia mau mea hoikeike ke kuai aku ia hai iloko o ka manawa e hoikeikeia ana, a no ua kuai la, e laweia ae ana he elima pakaeka, e ka papa fea, no ka holo ana aku iloko o ka waihona fea, ma ke  ano he waiwai no ke aupuni Teritore. Ke ole e hoakaka maopopoia mai e ka poe hoikeike ma kehai ano, alaila e kuaiia aku ana ka lakou mau mea hoikeike ma ke @ akea ma ka la hope o ka fea, a e holo aku no na pomaikai apau no ka waihona o ke Kea Ulaula.

            O ka põe apau e makemake ana e waiho mai i mea hoikeike, ke konoia aku nei lakou e hoike mai i ka lohe i ke kakauolelo, C. R. Willard, P. O. Box 253, Honolulu, ma ka la 10 o Mei, i hiki ai ke hooponoponoia kahi kupono no ka hoikeike. He mea pono e hoea na mea hoikeike ma Aala Paka ma ka la 8