Ka Nupepa Kuokoa, Volume LVI, Number 10, 8 Malaki 1918 — HOPUIA HE KUENE NO KA HOOPAE OPIUMA. [ARTICLE]

HOPUIA HE KUENE NO KA HOOPAE OPIUMA.

Ma ka *p6 o ka Poaha o ka pule aku nei i hala, mamuli o ka hoao ana e hoopae mai i ka opiuma iuka uei a kuai aku i kekahi mau Pake, i paa ae ai o J. J. Richards, he kuene noluna o ka mokuahi Bhinyo Maru i ka .hopuia, aka nat, mamuli o ka loaa ana he mea nana e bona iaia, i hookuu hou ia aku ai, a huli hoi pu aku la me kona mokuahi, aia ahoea hou mai alaila hooloheia kona hihia. Oiai ka mokuahi e pili ana ma ka uwapo, he mau manawa lehulehu ka kelā kuene o ka lele ana mai iiika nei o ka aina, mo ka maopopo ole nae, ina paha he opiūma kekahi ana e hele pu aha ma ia mau manawa. Ma ke ahiahi ana iho nae, iaia i lele hou mai ai iluna o ka uwapo, a hele mai la no kahi a ke kiai o ka oihana kukeawa e ku aku ana, ua ike mai la o Mr. A. E. Mitchell i kekahi mea ana i hoohuoi ai aia maluna o ke kiuo o kela kuene, ia manawa i kauoha aku ai oia no ka huliia o kona kino, a he oiaio, ua loaa aku la na kini opiuma ua hunaia iloko o kona lole. Aole he hana hou aku ma ka aoao o ke kanaka o ka oihana kukeawa, o ka hopu wale aku no iaia, a laweia aku no ka hoopaa ana maloko o ka halewai, aka ma ka Poalima ae nae, ua hookuuia mai la' oia, ma o ka loaa ana o ka mea nana e bona iaia ahiki i ka wa e hooloheia ai kona hihia. Ua lilo ka paa ana o kela kuene i ka hopUia ,i mea e hoOkaumahaia ai kona mau hoaloha, no ka mea ua kamaaina loa oia i ka poe o ka oihana kukeawa, o ka iakou wale no nae i niinamina ai, o ia ka ae ana o kela kuene e lawelawe i ka hana, e hookomo atf\i ai iaia iloko o ka poino. Ma ka olelo a kela kuene, ua aolike oia me kekahi mau Pake, no kona lawe aku e haawi i na kini opiuma ia laua, a ua loaa māi hoi he eono haneri dala iaia.ma ke gula, pela iho la i komo aku ai oia iloko o ka poino.