Ka Nupepa Kuokoa, Volume LVI, Number 9, 1 March 1918 — HE KANAENAE ALOHA. [ARTICLE]

HE KANAENAE ALOHA.

Me ka luuluu o ka naau no kuu Haku Lani, uā hala i ke ala hoi ole mni, nou e George Dwight, he lani, he , hanaumua o na 'lii o Maui, he ewe a he j plko no Kokau'ike (li) ame Kekuiapoi- ' wanui (w), ua laua i hanau mai o Kn-mehameha-nui, i hanaiia i ka luau, ame Keaka (w), he he wohi, he kapu. Na Keaka (w) i hanau mai o Kapaliauwaeloa, oia hookahi wale iho no. Oia hoi ka i noho aku ia Luukia (w) ' hanau mai la o Palemo Kalaninuiwahiikamoku, lie hookahi tvale iho no hoi ia. Nana inai hoi/me Kekio i oili mai ai i keia ola ana o Kaaiakawahā (w). Hoo- | hihi ia nei la lilo i ka ili puakea o Maleka, he haole o Dawson. ka inoa, a na laua mai he mau kaikamahine, o Kekui kaakapu ame Pehikulani Halekii. j Noho ae hoi o Kekukaakapu ia Norton, he haole no, a na laua mai na keiki 0 George Kanaina, Sarah Kiope, Ellen Hooipoinapahuelua ame Eliza Kekukaakapu. Noho ae hoi o Ellen Hooipoinapahuelua ia Charles Bishop Dwight o ka moku o Hina, a hanau moi la na laua na keiki lehulehu o na kane ame na wahine a o George Kaiwalani kekahi o lakou. Ua bala e aku ka hanau mua no kekahi mau makahiki lehulehu i hala ae, a haalele iho la hoi o Kaiwalani, na kaikuahine elua ame na pokii ekolu. Ua haehae ka houpo i ke aloha no kuu Haku Lani, a no ka Mama hoi i luulun a mokumokuahua ka naau no ke keiki, ka manaolana o ka makua. Aka ua niau aku la ka uhane, ua molia aku la 1 ke kino no ka pono o ka aina. Ua haalele i ka makua ame ka ohana e paiauma aku ana nou e Kaiwalanialii o Liloa, na Umi i hanau puka-mai ai he maka alii r he lau alii. Ua waiho iho ke kino lehu o Kaiwalani, aka, e welo niau aku ana ka hae o ke aupuni nui o Amerika ma kalii ona e waiho ai, a na na eheu auanei o ka īnanuaeko e kiai maluna ona a ala hou mai ia. E Molokai-nui-a-Hina e, he pua alii nau ua oili pulelo aku la i ke ala polij kua a Kane, ke koele wawae la paha i | ka uka o Pakaikai, i kahi o Kupuna i hanaiia ai. He aloha me ka luuluu no kuu Haku Lani. K. W. M. ULUKUKUI. Lanikaula, Molokai, Feb. 16, 1918.