Ka Nupepa Kuokoa, Volume LVI, Number 9, 1 March 1918 — HE HOOMAIKAI NUI [ARTICLE]

HE HOOMAIKAI NUI

I na hoaloha, na makamalea amc ka. lehulehu apau o na Kona, ka poe i l<omo pu mai me a.'u iloko o ko'u mau hora o fce kaumaha, mamuli o ka haln ana aku o ka'u kane aloha .7ohn D. Paris; i haawi mai hoi i ka lakou mau hoohiwahiwa apa iho me na pua inaluna o kona kino wailua, a i ukali aku.mahope o kana huakai hele loa, ke haawi aku nei makou apau, ka ohana o Mr. John D. aPria, i na hoomaikai palena ole ia oukou apau, a ia oukou pakalii, no na mea a oukou i hana mai ai no ka makou mea aloha. Ke nonoi aku nei makou me na manao kui'o makee o ka hoomaikai nui iloko o ko makou mau puuwai pakahi, e lawe aku oukou i keia wahi hoomaikai ma ko makou aoao, a na ko kakou Makua no ma ka lani haawi mai ina hoomaikai oi ae mailuna mai, a Nnna no iloko o Kona aloha palena ole, e hoomama mai i ko kakou mau manao kaumaha, a pilihua, a e holoi ae hoi i ko kakou mau waimaka o ke aloha ame ka minamina no ko makou makua ma ke kino. O makou iho no me na naau ehaeha, MBS. HANNAH J. D. PARIB, Me ka Ohana. Honolulu, Feb. 25, 1918. Ma ka Poaha o ka pule aku nei i hala i hanau mai ai na ka wahine a Mr. Sōlomon H. Kaaiai, he wiliki no ka halepaahao o ke Kulanakauhale a Kalana o Honolulu nei, he ekolu mau keiki, he elua mau kaikamahine, a he ho«kahi keikikane, eia lakou apau ke ola mai nei me ka maikai, a he maikai pu no hoi ke ola kino o ka makuahine.