Ka Nupepa Kuokoa, Volume LVI, Number 9, 1 March 1918 — KA HOIKEIKE FEA O KE TERITORE [ARTICLE]

KA HOIKEIKE FEA O KE TERITORE

He ekolu mahina i koe mai keia mahina aku, e lioea mai ai ka manawa 110 ka hoikeike fea o ke Teritore maloko nei o keia kulanakauhale, he mau mahina ia no ka hoomakalikau ana o na makaainana no ka waiho ana ae i ka lakou mau mea hoikeike o na ano like ole imua o ke akea; mai na holoholona, na meakanu, na hua o ka honua ame na hanalima akamai, o kekahi ia o na hoikeike i kono ikaikaia ai ko Hawaii nei poe e haawi ae i na koklia no ka holomua o keia hana.

O na kanaka mahiai o na kuaaina, ka poe hanai holoholona, na kanaka he mau haitalima akamai ka lakou, na wahine no hoi me na hanalima akamai, no lakou keia hoikeike fea i makemake nui ia ai, e lawe mai i ka lakou mau mea hoikeike, aole wale no, ke alualu ana i na makana helu ekahi no kela ame keia mahele o na hana hoikeike, aka no ka ana mai kekahi i manawa maikai e ikeia aku ai ka lakou mau huaai, na holoholona, a man hanalima akamai paha, a ma ia ano, e hiki ai ia Hawaii nei ke hoike ae iaia iho, no kona mau oihana mikiala; a e hiki ai hoi ke malama iaia iho iloko o keia wa kupilikii o ka aina. O ka poe he mau mea hoikeike ka lakou i manao ai e hookomo mai, ke konoia aku nei lakou e hoouna mai i ko lakou inoa ame na mea hoikeike, > ke kakauolelo a ke komisina fea o ke Teritore me ka hoohakalia ole aku, i hiki ai ke hoonohonohoia na mahele like ole o na hana hoikeike iloko o ka manawa nui kupono, mamua ae o ka hoea ana mai i ka wa e weheia ai kela hoikeike fea.