Ka Nupepa Kuokoa, Volume LVI, Number 9, 1 Malaki 1918 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

"Aole o Robaka Kenala i noi mai i kekahi mea hoopaa, no ka uku pololei ia aku o kana mau kaukani dala he umi, aka he noka aie wale no, nolaila in a aole e hiki ana ia papa @ hookaa aku i kela huina dala mahuahua ana i aie ai, @ na ili mai maluna oʻu, ke koʻikoʻi o ka hoopau ana @ i kona mau pilikia; a o keia kekahi mea nana i hookau @ mai i kuu noonoo.

 

"No ka hoopokole ana mai nae i keia moolelo loihi, ke @ nei au ma ke ano nui maanei, o ia hoi, ua pololei ka @ o ko makou moku ahiki i ka aina i hoikeia maloko ka leka, a ua loaa iʻo ka pahu waiwai i piha i na dala gula. He pahuhao nui keia, i uhiia oloko me ka lole aila, a he o ia mau no kona paa, ame ka maikai, me he mea la o ke kanu @ ia ana aku no ia, he hookahi la, mamua aku o ka ioaa @ ia makou.

 

"Ua hele ua pahu nei a piha pono i na dala gula, a he keu aku no hoi a ke kaumaha, e hiki inoino ai i na kanaka eha ke hapai; a i hoakaka ae nae au, ua lilo kela pahu waiwai i kumu e hookaheia ai ke koko maluna o ka oneki o ka moku, a i kiolaia mai ai hoi au me koʻu mau hoa no keia aina waoakua.

 

"He ekolu la mahope iho o ko makou haalele ana aku i la aina i hunaia ai o kela pahu dala, ua ala ae la he haunaele iwaena o na luina o ka moku, me ka pepehiia ana o na aliimoku apau loa i ka make ; a he pau no ko makou i ka make, aka nae mamuli wale no o na hooikaika ana a ke kanaka a lakou i koho ae ai i alakai, o Kini kona inoa, ua hoopakeleia ae la ko makou mau ola.

 

"Ua hoomau mai la no ka moku i ka holo ana ahiki ma kekahi wahi mokupuni uuku, malaila i hookuu iho ai ka heleuma o ka moku, a hooleleia mai la moku iuka o ka aina, me ko lakou holo ana aku me ka waiwai, a lakou i aihue ai mai kuu makuakane aku.

 

"I kela poe kanaka nae i haalele iho ai ia makou, ua olelo ae o Mr. Kelekona, aole no e pomaikai ana kela poe kanaka no ka mea aole he hookahi o lakou i ike i ka hookele ana i ka moku, oiai o ke alakai mua o lakou oia o Kini, ua pepehiia @ lakou a make, ma ka manawa a lakou i hoolele mai ai ia makou iuka o ka aina.

 

"O keia Mr. Kelekona, he keiki oia na ka Haku Kelekona o Ladana, a i kekahi la, oia aku ana ka hooilina no ka waiwai nui hewahewa o kona ohana. He waiwai no kona ma kona inoa ponoi iho, a i kekahi la e lilo aku ana oia he Haku @ Enelani, a o ka mea ia nana i hookaumaha mai i koʻu @ no ka mea ua ike no oe i koʻu manao, no ka hopena o na kaikamahine Amerika, ka mare aku lakou me na kanaka hanohano a koʻikoʻi o kekahi lahui e. Ina no hoi paha he keonimana Amerika oia, aole aʻu mea e hoohalahala ai nona!

 

"Eia keia mea ano nui aʻu i ike, mahope iho o ko makou lele ana mai iuka nei o keia aina waoakua. Ma kela la mua no, ia auwana hele ana aku a papa me Mr. Pilipo noloko o ka ululaau, ua hoaa laua i kahi e hoea hou mai ai imua oʻu, me ko laua alualuia ana e kekahi liona.

 

"I hele aku hoi o Mr. Kelekona e huli ia papa ma, ua nalowale pu no oia iloko o ka ululaau, me kona alualuia ana e ka liona, no elua manawa ; a o ka mea oi aku a ke kupaianaha, o ia no ka hoopakeleia ana o makou apau e kekahi kanaka malihini, aʻu i ike ole ai, aka olelo mai nae o papa ame Mr. Kelekona, he kanaka ili keokeo maoli no oia, koe wale no he ulaula kona ili, he kanaka i like aku kona ikaika me ko ka elepani, a he mea paani wale no ka liona, iloko o kona mau lima.

 

"O keia kanaka aʻu e olelo nei, aole on a ike i ka olelo, a @ ka mea oi aku o ke kupaianaha aole on a noho kokoke mai ia makou, a i kona wa e lawelawe mai ia i kekahi hana ano nui no ko makou pono, e nalowale aku ana oia me ka palamimo loa, me he mea la, he uhane oia noloko o ka ululaau.

 

"He hoaloha hou ae no kekahi o makou, ka mea nana i kau i kekahi hoolaha mawaho o kona hale, me ka olelo ana, aole e hoopoino i na waiwai oloko, a o ka inoa o keia hoaloha oia o Tazana o na Mapu.

 

"Aole makou i ike iki iaia, ma koʻu manao nae, aia no oia iloko o ka ululaau kahi i noho ai, no ka mea, ma ka manawa @ kekahi o na luina i hoao mai ai e ki ia Mr. Kelekona me ka pu panapana, ua ku e mai la kona poohiwi i kekahi ihe, @ hooleleia mailoko mai o ka ululaau.

 

"Ua waiho mai no na kanaka okipuu he mau meaai na makou e hala ai kekahi mau la, a he hookahi a makou pu panapana me ekolu wale no poka i koe iloko, a no ko makou pono o keia mua aku, he mea pohihihi loa iaʻu ka hoike ana, maanei, aka nae wahi a Mr. Pilipo o ka olelo ana mai, ua hiki ia makou ke noho ma keia mokupuni no ka manawa @ me ka pilikia ole i ka ai, oiai ua nui na huaai oloko o ka ululaau ana i ike ai.

 

"Ua hele au a maluhiluhi loa, a ke hoolulumi mai nei ka makehiamoe, nolaila, e hoi ana au e hiamoe maluna o kekahi wahi moe ano e, he wahi i haliiliiia me ka mauu e Mr. Kelekona, a no keia mau la aku paha, e lawe hou mai ana au i ka mauu a halii ma koʻu wahi moe, i nolunolu ai ka hiamoe ana i ka po. Jene Pota."

 

No kekahi manawa loihi, mahope iho o ko Tazana heluhelu ana i ka manao maloko o kela leka, aole e hiki iaia ke hoomaopopo i na mea apau, aka nae ma kekahi mau mea, ua loaa no ka manao iaia ; nolaila e hoea mai ana i ka manawa ana e hoike okoa aku ai imua o kela poe, oia no o Tazana o na Mapu, aole hoi he mea okoa aku, elike me ka leka a Jene Pota ana i heluhelu ai.

 

Ua kukulu no o Tazana he papaʻihale nona maluna o ke kumulaau, ana e hiamoe ai i ka po, ma ke olokeʻa ana i na laau, a uhi iho oluna me ka lau o na laau, a malalo o kela wahi i hoahu ai oia i kekahi mau mea ana i lawe mai ai mai@ mai o kona hale, o kekahi o kela mau waiwai, he mau penikaia.

 

Lalau aku la oia i kekahi o kana mau penikala, a kakau @ la malalo o ka inoa o Jene Pota, maloko no o ka leka ana i lawe mai ai mailuna mai o ke pakaukau, a o keia na mea ana o ke kakau ana iho: "Owau no o Tazana o na Mapu."

 

Waiho malie aku la oia i kela leka me kana mau ukana e ae, a no na mea e pili ana i na meaai e pono ai kela poe, hooholo iho la oia, nana e hoolako i kela ame keia manawa.

 

Ma kekahi kakahiaka, he elua po mai ka manawa mai a Jene Pota o ke ala ana ae a ike, ua lilo kana leka i kekahi mea, ma ke ano pohihihi loa, ua ike hou aku la oia i ka waiho mai o kana leka, maluna o ke pakaukau me kona hoopiha loa ia mai i ka makaʻu ame ka weliweli, aʻiaia i wehe ae ai a nana aia hoi hikilele ae la oia, i ka ike ana iho, e kau ana ka inoa o Tazana o na Mapu, malalo pono o kona inoa ponoi.

 

Hoikeike okoa aku la oia i ua leka nei imua o Mr. Kelekona me ka i ana aku: "Ke hoomanao ae au, malia paha ua hakilo pono loa mai keia mea oiai au e kakau ana maluna o ke pakaukau i keia leka, ua hele au a piha me ka makaʻu."

 

"Heaha auanei kau mea e makaʻu ai, no ka mea ma koʻu manaoio, he hoaloha oia nou a no kakou no hoi apau ; o na hoike maopopo loa, no kona lilo i hoaloha, o ka mua, o ia no kona hoihoi hou ana mai i ko leka, a o ka lua, aʻu no e hooiaio nei oia ka mea nana ia hana, oia no kona lawe okoa ana mai a waiho i kekahi puaa na kakou mawaho nei o ka puka o ka hale."

 

No kela mau hoakaka a Mr. Kelekona, ua pau wale ae la no ka makaʻu o Jene Pota, no ka mea ana i ike mua ole ai, a i manao wale ai hoi he kanaka paha oia i like aku kona mau ano apau me ko ka mapu.

 

Mai kela manawa mai, aole kekahi la i nele i ka lawe mau mai o Tazana i mau meaai na keia poe ; i kekahi manawa he dia opiopio, i kekahi manawa no hoi he mau meaai i hoomoʻaia, o ia na meaai a na Paele i hoolako mau ai malalo o ke kumulaau na ke akua, ua pau mai ia Tazana i ka laweia na keia poe. O ka puaa no hoi, a i kekahi manawa he liona, a o na ano holoholona no apau e make ana iaia maloko o ka ululaau.

 

Me he mea la, iloko o ko Tazana ola ana iloko o kela mau la, he hana hauoli loa nana ka hele mau ana e pepehi i na holoholona ahiu, a lawe mai na kela poe, o ka mea oiaio no nae, aia ka hoohihi iloko ona, no ke kaikamahine opio, a no kona pono wale no, i lilo ai ka hana hahai holoholona iaia i hana hoihoi loa.

 

@ kekahi manawa e hoikeike okoa mai ana o Tazana iaia iho imua o na kanaka ekolu, me kona hooikaika nui ana, e hiki iaia ke kamailio, ma ka hoakaka ana i kona mau manao ma ke kakau, eia nae, aole e hiki i keia poe ke aʻo aku iaia, koe wale no o ka pane ana aku, ma ke kakau wale no, a ua lilo hoi keia i mea e hookaumahaia ai ko Tazana manao, no ka hikiʻole iaia ke kamailio i ka olelo a kona lahui ponoi.

 

No ke ano kamaaina ana aku o kela poe, ua lilo ka hele ana iloko o ka ululaau i hana makemake na lakou, o ka mea apiki nae, e hoaa mau ana ka Poropeka Pota ; o kahi wale no o kona pakele, o ia no ka makaala mau o Pilipo iaia.

 

He mahina okoa kela o ka hoohala ana o Jena Pota ame @ mau hoa, ma ko lakou home halihini, me ko lakou lako mau i na mea apau e loaa ai ke ala kupono ana i ko lakou mau kino ; ua hooholo iho la o Tazana i kekahi la, he mea pono iaia ke hele mai e hui pu me kona mau hoaloha hou, i ka wa ao.

 

Ma ka auwina la i hele okoa mai ai o Tazana no ka hui ana he alo a he alo me keia mau hoaloha, o kona manao nui no nae, e loaa he manawa pono e luana pu ai me ke kaikamahine opio ; ma ia auwina la hookahi no hoi, ua hala aku o Mr. Kelekona, no kekahi wahi kiekie, ma kela wahi i ku ai o ko lakou moku a hooleleia mai ai lakou iuka o ka aina, ua hoopuupuu oia i kekahi paila wahie a kiekie iluna, no ke kakali ana, in a no kona ike i ka maalo ae o kekahi moku i ka moana, alaila e ho a ana oia i kela paila wahie, wahi no ka poe oluna o ka moku, e ike mai ai, alaila holo mai no ka hoopakele ana ae ia lakou nei.

 

Ua hala aku no hoi ka Poropeka Pota ame Pilipo no ka aoao hema o ka aina, elike me ka laua hana mau o ka holoholo, a no Jene Pota hoi ame ke wahine Paele kauwa, ua hala aku laua i ko holoholo iloko o ka ululaau, no ka huli ana i mau huaai na lakou.

 

I kela hoea ana aku a Tazana no ka hale, he mehameha pu wale no, nolaila, ua hoohala iho la oia i kona manawa, ma ke kakau ana i kekahi leka na Jene Pota, he oki loa hoi kona noho wale iho no, a i ole hele aku paha e huli ia lakou.

 

Aole i maopopo iaia, e hiki ana paha iaia ke haawai aku i kana leka ia Jene Pota, aole paha, aka he hana hauoli no nae nana ke kakau ana i kona manao iluna o ka apana pepa, nolaila hoomaka aku la oia e kakau; a o keia iho kana leka.

 

"Owau no keia o Tazana o na Mapu. Ua makemake au ia oe; e lilo au nau, a pela hoi oe naʻu. Maanei kaua e noho pu ai maloko nei o kuu hale; a naʻu e lawe mau mai i na huaai ono loa o kela ame keia ano, e loaa ana iloko o ka ululaau; a i ono ae oe i na iʻo holoholona palupalu, he hana pokole loa iaʻu ka hooko ana aku i kou mau makemake apau. Owau hookahi wale no ka mea ikaika a kaulana iloko o ka ululaau, a ua makaukau hoi e hoopakele i kou ola, mai ka poe apau e hoopilikia mai ana ia oe. O oe no o Jene Pota, ua ike au i kou inoa maloko o ka leka au i kakau ai, na oe e ike iho ana i keia leka e hoomanao iho oe, nau ia a ua aloha aku o Tazana o na Mapu ia oe."

 

I ka paa ana o kela leka i ke kakau, puka mai la ua o Tazana a ku iho la mamua o ka puka o ka hale, me ke au hele ana o kana nana ana aku i o a ia nei, no ka manao ke huli hoi mai la paha ka poe ana i makemake ai e ike ; iaia no nae e ku ana me ka pololei, ua lohe aku la oia i kekahi nakeke i hele a kamaaiana i kona mau pepeiao, hoomanao koke ae la oia, he mapu nui aia iluna o ke kumulaau kahi i hele ai.

 

Ke ku malie la no oia hoolohe i ka nakeke ia wa i hoopuiwaia mai ai oia i ka lohe ana aku i kekahi leo kapalili ; a elike me kekahi pua i oili ae mailoko aku o ke kakaka, pela iho la no o Tazana i hoomaka aku ai e holo me ka puahia nui, a no kona makemake e hoea koke aku iloko o ka ululaau, ua kiola aku la oia i ka leka ana i kakau ai, aia ka pono o ka hoea aku i kahi o ka leo kapalili, mamua ae o ka poino ana o ka mea nona kela leo.

 

O Mr. Kelekona kekahi i lohe i kela leo kapalili, pela hoi me kona mau hoa me ko lakou holo ana mai me ka mama a hoea i kahi i ku ai o ka hale, ia nana ana aku nae iloko, aole o Jene Pota ame ka wahine Paele ; nolaila hoomaka aku la lakou e holo noloko o ka ululaau, me ka hele hoi a piha me na manao pihoihoi, i huipu ia me ka hopohopo, malia ua halawai ke kaikamahine me kekahi poino.

 

No ka hapalua hora kela hele ana aku a lakou iloko o ka ululaau, e noke mau ana no hoi i ke kahea i ka inoa o ke kaikamahine opio, aole nae he wahi mea a loaa iki mai o ka pane, a ma ka ulia laki wale no i loaa aku ai ke kino o ka wahine Paele e waiho maule mai ana iluna o ka honua ia Mr. Kelekona.

 

I kinohi, ua manao loa o Mr. Kelekona, ua lele ka hanu o keia wahine i kau a mea o ka waiho lolo, aole wahi mea a onioni ae, aka lalau aku la oia ma ka lima no ka haha ana i ka pana, a ike iho la aole ka i make, aka he maule wale no, ia wa i kahea iho ai oia me ka leo nui:

 

"Eia o Jene Pota ihea? Heaha keia pilikia nui i loaa ia olua? E wiki, e hoike mai i ka pilikia, i maopopo ka mea e hana aku ai?"

 

Onioni malie ae la ka wahine Paele me ke kaakaa ana ae o kona mau maka, a ike ae la ia Mr. Kelekona, a pela hoi me ka ululaau e hoo@uni ana iaia hoomaka ae la e kahea o ke ano uluahewa: "O, e Gaberiela!" alaila maule hou aku la.

 

@ key manawa, ua hoe mai la ka Poropeka Pota me Mr. Pilipo, a iloko no hoi o na manao pihoihoi, ninau koke aku la ka Poropeka Pota i ka i ana ae: "Heaha ka kakou me e hana ai e Mr. Kelekona? Ihea kakou i huli hou aku ai? Aole ke Akua i piha me na manao lokoino, ma ke kaila ana aku i kuu kaikamahine mai iaʻu aku iloko o keia manawa!"

 

"E hoala kakou ahiki i ka hoi pono ana mai o ka noonoo maikai o keia wahine, alaila noke aku i ka ninau iaia, no kahi i nalowale ai o Jene, pela wale no e maopopo ae ai kekahi mea ia kakou," alaila hooluliuli okoa ae la o Mr. Kelekona i ua wahine Paele nei ahiki i kona noho ana mai iluna me ka hoomaka ana mai e kamailio:

"O, e Gaberiela, ua hele au a makemake loa e make i keia manawa," alaila upoʻi hou iho la kona mau maka. "E hookuu mai oukou iaʻu e make ma keia wahi, he oi aku ia mamua o koʻu ike hou aku i kela helehelena ku i ka hoomakaʻukaʻu. Pehea oukou i ae aku ai i kela kepolo e hookokoke mai i ke kino o Emarada, (keia ka inoa o ua wahine Paele nei)? Aole au i hana hewa aku i kekahi poe; pela no me kuu hone, a pehea aku nei la oia?"

 

"Eia hoi paha o Jene Pota ihea? E hoike koke mai oe, heaha ka mea i hanaia aku maluna on a?" i hookikina mai ai o Mr. Kelekona, i ka ninau ana i ka wahine Paele.

 

"Aole anei o Miss Jene me oukou? Alaila ua laweia aku nei oia," me ka hoomaka okoa ana iho o ua wahine nei e uwe.

 

"Owai ka mea nana i lawe aku nei i ko haku?" i komo mai ai ka Poropeka Pota ma ka ninau ana, i wahi e maopopo ae ai kahi i nalowale ai o kana kaikamahine.

 

"Na kekahi pilikua nui i hele a puhuluhulu kona kino, o ka mea ia nana i lawe aku nei ia Miss Jene," wahi a ka wahine Paele, me ka hooi ana aku i kona uwe ana.

 

"Heaha ka mea loaa mai ia oe ma ka uwe ana e keia wahine! He gorila anei ka mea nana i lawe aku ia Jene?" i @omo mai ai o Mr. Pilipo ma ka ninau ana.

 

"Aole iʻo paha he kepalo ka mea nana i lawe i kuu haku, aka na kekahi mea puhuluhulu nui, ua pololei oe e Pilipo, na kekahi gorila pilikua, a he ku maole i ka hoomakaʻukaʻu me ka weliweli, ke nana aku i kona mau maka."

 

I ka loaa ana aku o ka pane maopopo loa, no ke kumu i nalowale ai o Jene Pota, hoomaka aku la o Mr. Kelekona e huli i ka meheu o ke gorila, aole nae he maopopo iki, oiai he paapu oloko o ka ululaau i ka nahelehele ame na laau liilii, aka pono hele wale aku la no lakou e huli, a hele no hoi ahiki i ka poeleele ana, aole he wahi moali a lakou i ike no kahi i laweia aku ai ke kaikamahine opiopio, nolaila huli hoi okoa aku la lakou i ka hale me ka manao kaumaha.

 

Aole he mea a ae i oi aku ke kaumaha no kela nalowale ana o Jene Pota, o kona makuakane wale no, aka he kanaka oia i ae ole e haawipio i kona mau manaolana, malalo o kekahi mau kumu kupono ole, nolaila mahipe iho o ko lakou ai ana i kekahi mau meaai mama ma ia ahia@ pan@mai la oia i kona mau hoa:

 

"E hookuu mai oukou iaʻu e hiamoe, a ma ke kakahiaka nui o ka la apopo e lawe aku ana au i kekahi mau moaai me aʻu, a hoomaka aku e huli ialoko o ka ululaau, ahiki i ka loaa ana o kuu Jene aloha, a e hoihoi mai ana au iaia imua o oukou me ke ola maikai."

 

Ke noho kukule wale mai la no na hoa o ka Poropeka Pota, ua piha no laua me na haawina o ke kaumaha, aka ua maopopo ia laua, ina e hookuu hookahi ia aku ana ka Poropeka Pota e hele iloko o ka ululauu, aole loa oia e huli hoi hou mai ana, aka e waiho ana kona mau iwi iloko o ka ululaau no ka hele naauauwa i kana kaikamahine.

 

I ka hala ana nae o kekahi mau minuke me ka hoopuka hou ole ia he hookahi huaoleleo, ia wa i hele mai ai o Mr. Kelekona o kau aku la i kekahi lima maluna o ka poohiwi o ka elemakule, a i aku la:

 

"Owau pu kekahi e hele aku ana me oe i ka la apopo ; a mai oleleo mai oe e kuu poropeka ma ke lehelehe wale no keia mau olelo, aka ua hoopukaia aku ia mailoko mai o ka puuwai ," wahi a Mr. Kelekona i pane aku ai.

 

"Ua maopopo mua no iaʻu, e olelo mai ana oe e Mr. Kelekona o oe pu kekahi e hele me aʻu i ka la apopo, aka ke kauoha aku nei nae au ia oe, e noho no oe i ka hale nei, he oi loa aku ia o ka pno, mamua o kou hahai ana mai iaʻu. Eia kuu Jene, ma kahi i hiki ole ai i kekahi mea kino kanaka ke haawi aku i na kokua ana iaia ; a o keia huakaʻi aʻu e hele aku nei, no ka halawai ana no ia me ko kakou Makua me ka lani, malaila e hui pu aku ana au me ka uhane o kuu Jene aloha he oki loa hoi ka waiho hookahi o kona kino maloko o ka ululaau.

 

"Ma kahi o ke kino o kuu kaikamahine i waiho aku la malaila aku no auanei koʻu kino e waiho ai a oiai ua hala e aku kona makuahine ma kela ao, e akoakoa pu aku auanei makou i kahi hookahi iloko o ka make, elike me makou i akoakoa pu ai i ka wa e ola ana.

 

"Owau hookahi wale no ka mea o kakou e hele e huli iaia ma ka la apopo, no ka mea o kaʻu kaikamahine hookahi wale iho no ia, a o ka mea hookahi hoi  aʻu i aloha ai ma kela ao."

 

"Me koʻu nana ole aku i kou hoole mai e hele pu aku ana no au me oe i ka la apopo," i pane hou aku ai o Mr. Kelekona, me ke kaumaha o kona leo.

 

Nana ae la o Poroeka Pota iluna i na maka o Mr. Kelekona ; me he mea la e heluhelu aku ana oia ma no maka o ua kanaka opio nei, ua haulehia oia i ke aloha no kana kaikamahine a o ke kumu nui ia o ka paakiki o kona manao e huli ia Jene maloko o ka ululaau.

 

Iloko o na la aku i hala aole i noonoo nui ka Poropeka Pota no kana kaikamahine me Mr. Kelekona me ke ano aia ka makemake ame ka hoohihi iloko o laua no kekahi i kekahi, aka nae iloko o kela manawa ana e nana mai ana i na ano maluna o keia kanaka opio, aole oia i hoohewahewa i ke komohia o na manao kaumaha a ehaeha iloko on a no kela nalowale ana aku o Jene a o ia kana i panehou mai ai:

 

"He nani ia ke paakiki mai nei no oe e Mr. Kelekona e uhai ma kaʻu huakaʻi aole aʻu mea hou i koe e kamailo aku ai, koe wale no ka hooko ana aku i kou manao."

 

"Mai manao olua, o olua wale no ke hele a haalele mai iaʻu mahope nei," i pane mai ai o Mr. Pilipo. "Owau pu no kekahi e hele aku ana."

 

"Auhea oe e kuu hoaaloha maikai aole oe e pono e hele pu me maua, e hoomanao iho oe, he bana ku i ka lokoino ka haalele ana i keia wahine mahope nei, e hakoko hookahi ae me na poino, a o ko kakou pau loa ana i ka hele ma keia @isiona huli ia Jene, he hana hiki no ia i ka mea hookahi.

 

"He nui a lehulehu wale na poino e waiho mai la maloko o ka ululaau a oiai he mau kanaka kino ikaika olua, a ua elemakule hoi au owau o kakou ka oi aku o ka pono e hele. Ua lawa keia ala ana o kakou e hiamoe kela me keia, me ka noonoo ole ae i kekahi mea, a na ka la apopo ia e hoike mai i na hana oia la."

 

MOKUNA XIX

 

LILO O TAZANA I MEA HOOPAKELE IA JENE

 

Ma ka manawa a Tazana i haalele aku ai i ka noho moi ana no na mapu, ka lahui i hanaiia ai oia a i holoholo pu ai hoi me lakou, mai kona mau la kamalii mai ahiki wale i ke kanaka makua ana ua pau ka ikeia ana o ke kuikahi ame ka maluhia iloko o kela lahui.

 

U ahoikeike mai o Takona, ko lakou moi hou i kona piha i ka lokoino me ka hoomainoino, a mamuli o ia mau hana, i haalele okoa aku ai kekahi mau mapu kahiko i ka noho pu ana, a lawe aku la i ko lakou mau ohana no na wahi a lakou e ike ai i ka noho oluolu ana.

 

No ka põe o lakou i koe aku, ua hiki hou ole ia lakou ke nana wale aku i na hana lokoino a ku i ka hoomainoino a ko lakou moi hou, aka hoakoakoa ae la lakou i kekahi la a he hookahi o lakou i hoike okoa ae i kona manao elike me na mea a Tazana i aʻo aku ai ia lakou, o ia hoi in a e hoao mai kekahi moi e hoopilikia i kekahi o kona mau makaaiana alaila he hookahi wale no mea e loaa aku ai laia kekahi haawina aʻo maikai loa o ia no ke alu ana aku o na mapu elua a eha paha maluna on a ua lawa ia no ka pepehi ana aku iaia a make e hiki ole ai i na moi lokoino o kela ano ke lanakila maluna o kona mau makaaina.

 

I ka lohe ana o ka nui o na mapu kino ikaika i kela mau hoakaka ua hoike mai la lakou i na manao lokahi e hoopilikia aku i ko lakou moi, in a e hoomau mai ana oia i kana mau hana hoopilikia ia lakou nei ; nolaila i kekahi la i ka wa a Takona i huli hoi mai ai imua o kona puulu ua lele aku la he elima mau mapu nunui maluna on a no ka pepehi ana i ko lakou moi a oiai he mapu hohewale kela, a ua maopopo iaia kona hopena ina e ku mai ana a paio me keia mau mapu elima, e alu aku nei iaia o ka hoomaka aku la no ia o Takona e holo elike me ka mama apau i loaa iaia, a kau ana iluna o ke kumulaau.

 

Ua hoomamao loa o Takona iaia iho no kekahi manawa, aka no kona makemake no e hoi hou mai i kona mau makaainana a e mau aku no hoi kona noho moi ana maluna o lakou, ua hooikaika oia no kekahi mau manawa elua e hoi mai, aole nae he hiki, no ka mea e noho makaukau mau aku ana na mapu ikaika no ka lele ana aku maluna ona, nolaila me ka piha i ka huhu ame ka hoonaukiuki, ua auwana hele wale aku la no o Takona iloko o ka ululaau, no ka imi ana i mau hoa hou nona e noho pu ai.

 

No kekahi mau la lehulehu kela hele ana o Takona, e hoonana ana i kona mau manao hoonaukiuki, a i ka wa e loaa aku ai o na holoholona uuku o ko lakou ikaika e pepehiia aku ana e keia mapu a loaa no hoi kana meaai.

 

Ma kela huakai hele a Takona o ka haalele ana aku i kona lahui, i hoea mai ai oia ma kahi a Jene Pota ame ka wahine Paele e hele ana iloko o ka ululaau.

 

Ua nanea loa o Jene Pota i ka hele me kona lohe ole ae i kekahi nakeke a eia wale no kona wa i ike ai i kela mapu a i ka haule ana iho mailuna mai o ke kumulaau ma kahi he mau kapuai helu wale no mai iaia aku.

 

Me ka hookaʻulua ole iho ua hele pololei mai la kela mapu a hopu i ka lima o Jene Pota, a hoomaka ae la ua kaikamahine nei e kapalili a nona hoi ke kahea he hookahi ka uwa like ana me ka wahine Paele, aohe nae he hooponopono iho o Takona, aka lalau aku la kekahi lima i ke kino o ke kaikamahine opio, a holo aku la noluna o ke kumulaau.

 

Oiai ua kailiia aku ka wahine mapu a Takona mai iaia ku e kekahi mapu okoa, nolaila hooholo iho la oia o keia kana wahine hou a me ka eleu nui, kiola ae la oia ia Jene mahope o kona kua a hoomaka aku la e hele me ka mama maluna o ke kumulaau aia ka pono o ke kaawale loa mai kela wahi pili kahakai aku.

 

Ua nalowale pu ka leo kapalili o Jene i ka leo uwa o ka wahine Paele a elike me ke ano mau o kela wahine he makaʻu wale nolaila iaia i ike aku ai i ka mapu i ka hopu ana aku i kona haku wahine ua maule iho la oia aole hoi he lawelawe aku i kekahi i kekahi mau hana e hoopakele mai ai iaia mai ka mana mai o kela mapu.

 

O kahi nae o ka laki aole i maule iki o Jene, aka ke kau maile la no oia maluna o ke kua o ka mapu me ka hoomanawanui i ka makaʻu ame ka honi ana i ke ea polopolona e puaʻi ae ana mai ka hanu mai o ka mapu a mai kona ili mai hoi.

 

Iloko o ka nihinihi o kahi a ka mapu e lawe la iaia he mea kau la a hoao ae ua o Jene e uwa, a i ole e kupaka paha ua noho malie loa oia ; a o kana nae e noonoo la, aia ka mapu ke lawe la iaia no na kapakai a ke uumi malie la oia i kona leo, ina no ka ike aku i kahi hale o lakou alaila e hoomaka ana oia e uwa me ka ikaika apau i loaa i kona leo, i hiki ai i kekahi poe o lakou ke hele mai e hoopakele iaia.

 

O ka mea oiaio nae, he wahi okoa loa ka ka mapu e lawe la iaia, ma kahi mamoa loa mai kapakai aku a iloko o ka hihipeʻa o ka ululaau ; in a paha no ka loaa aku o ka ike ia Jene ke laweia la oia i kahi mamao loa mai kona mau hoaloha mai, in a paha ua noke oia i ka hooikaika i wahi e hemo mai ai mai ka puliki ana a ka mapu iaia.

 

O kela leo kapalili nana i kono aku ia Mr. Kelekona a i ka Poropeka Pota ame Pilipo e holo aku no ka ululaau o ka leo kapalili hookahi no ia nana i alakai pololei aku ia Tazana a hoea ana ma kahi a ka wahine Paele e waiho maule mai ana, aka aole no kela wahine kana noonoo nui aka no ke kaikamahine opio no ia ; nolaila huli hele aku la oia @ moali, e hiki ai iaia ke maopopo kahi i nalowale ai o kela kaikamahine ana i hoohihi ai, a mamuli o kona kamaaina i na ano o ka mapu ame ko na holoholona ua koho koke iho la no oia aole i nalowale o Jene Pota ma ka laweia ana e kekahi holoholona ahiu a pau paha i ka ai ia aka ua lilo oia i ka mapu a maluna hoi o na kumulaau ka mapu i lawe aku ai iaia.

 

Me ka palamimo loa, lele ae la o Tazana a paa kekahi lala laau e luhe ana ilalo, o kona hoomaka aku la no ia e hele a mamuli no o kona kamaaina i na wahi a na mapu e hele ai ua kamoe pololei aku la kana hele ana ma kahi o na lala haahaa o ke kumulaau a he oiaio ua loaa pono aku la iaia nei kahi a Takona i hele ai, mamuli o ka mae o ka lau o na laau oiai nae he hana paakiki loa na kekahi kino kanaka ka hookolo pololei ana aku mahope.

 

O na mapu i ka wa a lele aku ai mai kekahi kumulaau @ i kekahi e hele ana lakou a na wahi i hui ai na lala, malaila e lele aku ai, nolaila ua hiki loa ia Tazana ke ike aku i ke ano o ka lau o na lala laau, a iaia e hookokoe aku ai ma kahi o ke kumu ua ike aku la oia i ke kakau mai o ka hulu ka mapu no ke kuwai ia ana aku i kona wa a hele ana, no ka hopu ana aku i kekahi lala laau oko.

 

Ma kela hookolo ana aku a Tazana mahope o ka meheu o ka mea nana i aihue i ke kaikamahine opio ua loaa aku la ma kekahi wahi ua make he peelua i hehi ia iho e ka wawae o ka mapu a hooiaio loa ia mai la iloko o kona noonoo a@a oia ma ke alahele pololei loa, e loaa pono aku ai ke kolohe iaia.

 

Ke hele la o Tazana maluna o ke kumulaau me ke mama palena ole a oiai aia ka makani mamua pono mai on a ua hiki loa iaia ke honi aku i ke ea o ka mapu no ka mea ua hele kona mau pukaihu a maa loa i ke ano o ka hohono o kela ame keia ano holoholona a ma kekahi olelo okoa ana ae no hoi, o ka ilio kona hoa e kohu ai.

 

Ua manao kekahi poe ua oi aku ka ike ame ke akamai o na holoholona i ka hookolo ana i kekahi mea, o ke kumu mai no o ka hoomaaia ai kona mau pepeiao pela ka ike a kona mau maka ka honi ana kona ihu a pela no me na mea apau i pili aku i ka holoholona a ua hoahanaia na aakoko apau iloko o kona kino a hui pu iho me ka noonoo i loaa iaia ua oi pakele aku kona ike imua o na holoholona apau o ka ululaau.

 

No ka pololei loa o keia hookolo ana aku a Tazana mahope o ka meheu o Takona ua loaa aku la ka lohe i ua mapu nei, he mea kekahi e uhai aku nei iaia, nolaila hoomahuahua loa aku la oia i kona mama, eia nae ke hookokoke mau aku la keia mea mahope on a, oiai ke lohe maopopo loa mai la oia i ka uuina  aku o na lala laau liilii, o ka hana pono wale no ma ko Takona aoao, o ia ka iho aku nolalo o ka honua a paio ku-e mai i ka mea e hoao aku ana e @aili i kela kaikamahine, ana i manao ai i wahine nana mai iaia aku.

 

He ekolu mile okoa keel a Tazana i ulai aku ai ahiki i ka loaa ana o Takona iaia me Jene Pota ; @ i ka ike ana aku o Takona i kekahi wahi ponaha uuku, iho pololei aku la o@a a hoea ilalo hookuu iho la i ke kaikamahine me ka paa no nae i kekahi lima alaila huli mai la ihope kakali o ka hoea aku o ka mea i hookolo aku mahope o kona meheu.

 

He manawa pokole wale no ia o ke ku ana iho a Takona iho ana no o Tazana mai kekahi lala laau mamua pono mai o kona alo, a i ka wa a ua o Takona i ike mai ai, eia ka o kona enemi kahiko no kela. koho koke i@o la oia, na Tazana ka kela wahine ana o ka aihue ana mai no ka mea ua like ko kela wahine ana o ka aihue ana mai no ka mea ua like ko laua ano. he kaokoa loa mai ko na mapu mai, nolaila hooi loa ia mai la ka makemake o ua mapu nei e hakaka aku me Tazana i lilo aku ai iaia kela wahine.

 

 

I ka manawa i ike aku ai o Jene Poa i ke ku ana mai o keia kanaka imua o kona alo, ua hoopiha koke ia mai oia me ke kahaha. elike no hoi me kekahi mea iloko o ke kulana kupilikii a pohala ae mai ka maʻi mai, i ka wa e loaa aku ai o kekahi laau hooikaika i kona kino, o ka haawina, hookahi iho la no ia i loaa hooikaika i kona kino, o ka haawina, hookahi iho la no ia i loaa aku ia Jene i ka ike ana aku, na kokoke loa mai ka hoopakele no kona pono, iloko o ka manawa ana i moeuhane mua ole ai.

                                                                        (Aole i pau).