Ka Nupepa Kuokoa, Volume LVI, Number 8, 22 Pepeluali 1918 — E HOOHELELEIIA ANA KA LEHU MA WAIKIKI. [ARTICLE]

E HOOHELELEIIA ANA KA LEHU MA WAIKIKI.

Ma ha aekai o Waikiki, kabi i umeia aku ai na manao hoohihi iloko o ka mea naua i. haku i kekalii himeni "Ou the Beach at Waikiki'' (Ma ka Aekai o Waikiki), ke niele nana i hookaulana aku ia Hawaii nei apuni ke ao holookoa, inalaila e hoohelele 'iia aku ai ka lehu \ o, Kauka G. H. Stover i make, a o ka mea hoi nana i haku i kela himeni, ma keia Poalima, ka la hanau o Keoki Wakinekona. 0 keia ke kauoha hope a kela kauka, mamua o kona make ana, akahi no nae a hookoia, no ka mea, akahi no a loaa he mea nana e lawe kino mai i ka lehu o kona kino, no Waikiki, kahi nana i kaili i kona mau manao hoohihi no Hawaii nei. No ka hooko ana aku elike me ka makemake o kela kauka, ke kanaka hoi" nana i haku i kekahi o na himeni, a ko ke ao holookoa e mele mau nei i keia manawa, ua hoea mai la kona leliu no keia kulanakauhale i?ei ma ka Poakahi aku la, a ma keia Poalima, e laweia aku ana ia nowaho o ka aekai o Wraikiki, kahi a Kauka Stover e walea ai, ma ka hoolohe ana aku i na keiki Hawaii e liimeni ana, a e hookani ana i ka ukulele ame ke gita, oiai hoi ke kai e owe malie mai ana i ka pu 'eone. Ua make o Kauka Stover ma Denver, Colorado, iloko o ka mahina o Mei o ka 1915, ua puhiia kona kino i ke ahi, a malamaia kona lehu iloko o kekahi ipu, me ke kakali ana aku o ka hoea mai i ka manawa e hookoia aku ai ka makemake o kela kauka. e nee ana ke au o ka manawa imua, ua miare hou iho la ka wahine a kela kauka i ke kane, i ka makahiki aku nei i hala; aia mau no nae ke kauoha a kana kane mua, ke paa la iloko o kona noonoo, no ka hoihoi ana mai i ka lehu ma kapakai o Waikiki. Ma ka ulia laki nae, ua holo mai la he kanaka opio o J. Herriek o Denver, no Honolulu nei, a iaia i haawi mai ai ka wahine a kela kauka i make, i ka ipu lehu, me kekahi leka i kakauia, no na mea e liana aku ai no kela lehu, me ke kauohaia ana mai nae i keia kanaka opio, aole loa oia e wehe i kela leka, aia a hoea oia i ka moana, a e kokoke ana hoi i Hawaii nei. He mea oiaio, ua hooko pono keia kanaka opio i na kauoha e pili ana i ka lekp, a i kona wa i wehe, ai e nana ma ka moana, ike iho la oia i kekalii hana ano uui loa i hooiliia mai maluna iho o kona hokua, e hoakaka ana kela leka, e lawe mai oia i kela ipu a wailio aku imua o ka lunanui o ka Moana Hokele, a imua ponoi o na hoalolia o Kauka Stover ame kana wahine e lu heleleiia ae ai ka lehu, a na ka makani mailuna mai o Puuohia e puhi aku ma ka Aekai o Waikiki.