Ka Nupepa Kuokoa, Volume LVI, Number 8, 22 February 1918 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

            "Nolaila e kuu hoaloha, ua lohe pono aku la oe i ka'u mau mea apau i ike ai, a i hookomoia mai ai hoi na manao nu-ne iloko o kuu noonoo, a o ia ka'u e ui aku nei imua ou, e hiki ana anei ia oe ke hoopau mai i ko'u mau pohihihi, no kela wahine hololio hoopahaohao?"

            I ka lohe ana O Hawila i na hoakaka apau a ke Keikialii Morino, no kana mau mean i ike ai, a i lohe ai hoi, ia wa i loomaka aku ai oia e hoakaka e pili ana iaia ame ke U'i Magarita, me kona huna ole iho i kekahi o ka lua mau meahuna, a manaoio loa, iho la o Morino, aole kela he wahine okoa aku, aka o ka U'i Magarita no ia, e hele huli ana i kana mea i aloha ai aole hoi he kino no kekahi akua lapu hookalakupua.

            Oiai no nae laua nei e nanea ana i ka hele malie, a e walea ana hoi i ke ca huihui o ia kakahiaka, aia hoi ma kahi mamao mai ia laua aku, ike like aku la laua i kekahi kanaka o ke kulana naita e holo mai ana maluna o kona lio keokeo.

            Ua kahikoia oia me na makaukau apau o ke kulana naita oiaio, me ka hiki ole nae ia laua nei ke koho aku i ua naita malihini nei; e holo mai ana, aka nae i ka wa i hookokoke loa mai ai ia laua nei, akahi no a loaa mai ka ike ia Hawila, aola ka kela he mea e ae aka o kana aikane aloha no ia, oa

            Malavalia, nolaila nonoi aku Ia o Hawila i ke Keikialii Marino, e kala mai iaia, o kona holo okoa aku la no ia, no ka halawai ana me kana aikane, a he wa hoi ia i hoike ae ai pa mau kanaka opio nei i na manao hauoli o ka piha makee, no kela halawai hou ana o ke aikane me ke aikane.

            I ka hoea ana aku hoi o ke Keikialii Morino, hoolauna aku la oia ia Malavalia i keia hoaloha hou o laua, a lili like ae la lakou apau, he hookahi pana ana a ka puuwai, a he hookahi hoi kikoni ana a ka manao, ma ka lakou mau mea apau e hana aku ai no lakou iho.

            Elike no me ke ano mau, i ka wa e halawai ae ai kekahi hoaloha me kekahi, ua ninau koke aku la no o Hawila i kahi i hele mai ai o kana aikane, a hoike mai la no hoi o Malalia, mai ke kulanakauhale mai oia o Roma, a o ke kumu i pololei ai kana hookolo ana mai ahiki i ka loaa ana o Hawila iaia, mamuli no ia o ke kuhikuhi ana mai o na Kilokilo Sidia ame Leidenala, aia kana aikane maloko o na ululaau o Hunegaria kahi i auwana hele ai, noliala ua hele pololei mai oia ma kahi i kuhikuhiia mai ai iaia.

            Ua hoakaka hou mai la nae ua o Malavalia o na mea a na kilokilo wahine i kamailio aku ai iaie e pili ana no Magarita, aia ua u'i la o Rokenekai maloko o ka hale kakela Melodiana kahi i nanea ai, malalo o na kiai makaala ana a kekahi Kilokilo o Monika ka inoa, me ka naianu okoa ana mai hoi imua o ke Keikialii Marino, in a ua lohe wale oia no kekahi kakela iloko o na ululaau.

            O ua kakela nei, o ka mea kupaianaha nae, he kakaikahi loa ka poe i hoea no ua kakela nei, no ka mea he wahi ia i kau ia ka weli, mamuli o na hana hookalakupua a kela wahine kilokilo.

            Mamuli o key may hoakaka a Malavalia, a hui pu hoi me kona lohe mua ana mai ke Keikialii Marino aku, hooiaio loa iho la o Hawila. o Magarita i'o no ka kela naa i alualu mai ai mahope on a, oiai oia e kakali ana i kana aikane mawaho o kahi pupupuhale o ke Kilokilo Monika, a komo iho la ka manao kaniuhu iloko on a, me ke maumaha pu no ka hana aloha ole a Magarita iaia, me he mea la e i okoa ae ana no iloko o kona noonoo, i keia may lalani mele a ka poe iloko o na wiliau o ke aloha:

                        "Aole hoi oe pela mamua,

                        E ua hoa luhi nei;

                        Ua ku paha i ka lili,

                        I paweo ai oe puu ko nuku."

            Oiai nae na manao hakuko'i e hakoko la iloko o Hawila, no ka haua aloha ole a Magrita iaia; elike me kana e kuhihewa la, mamuli iho ia o ko Magarita mauao maoli, aole nae oia i hoikeike ae he wahi hiona maikai ole ma kona helehelena, aka ke nana mau mai la no oia maluoa o kona may hoaloha me ka helehelna olu waipahe, me ko lakou noke na ano hoi i ke kamailio me ka hoihoi a piha ohohia.

            Oiai lakou nei e noke nui ana i ke kamailio, i hoakaka okoa mai ai ke Keikialii Morino, i wahi e hooiaio ia ai ko lako lilo ana i mau hoaloha oiaio loa, a i mau aikane hoi, o ka make wale no ka mea e hookaawale ae ia lakou, kauoha mai la oia i kona mau hoa, maluna o ka lako mau pahikaua e hana ia ai ka hoohiki no ko lakou lilo he mau hoaloha oiaio, o ka wa no ia i hemo like ae i ka lakou mau pahikana mailoko ae o na wahi, a olapa ae la i na kukuna malamalama o ka la, a o ia ka ke Keikialii Morino i kalokalo ae ai me keia mau huaolelo:

            "Ke hoohiki nei kakou pakahi apau maluna o ka oi o na pahikaua a kakou, mai keia manawa aku, ahiki i ko kakou hooluolu ana, e lilo kakou i hookahi, ma ka haawi ana aku o kekahi i na kokoua ana i kekahi iloko o ko kakou mau hora o ka pilikia ame ka poino, a ke kalokalo ae nei hoi au ma ka inoa o na lani kiekie loa, e kokua mai ia kakou, ma ka hoopaa ana ia manao iloko o ko kakou mau puuwai apau," ia manawa i haawi like ae ai lakou i ko lakou ae, a hoohui ae la i ka welelau o ka lakou mau pahikaua i kahi hookahi, me ka haawi like ana ae hoi he ekolu mau leo huro o ka phia ohohia no kela lilo ana o lakou apau i may hoaloha oiaio.

            Oiai no nae lakou nei e ku ana i kahi hookahi, i hoea mai ai na kauaka o ke Keikialii Morino, a kaa aku la ma kona aoao ka hoolauna ana mai ia lakou imua o kona mau hoaloha hou, alaila kamoe pololei aku la ka lakou hele ana, no ke kahua hoomoana o ke Keikialii Morino, o ia no kela wahi a lakou i kakali ai no ka wahine hololio kamahao.

            Pela iki mai oe e ua hoa uhaiaholo nei o keia nanea, no ka mea e lawe hou aku ana ka mea kakau moolelo ia oe noloko o ke Kakela Melodiana, no ka makaikai ana i ka hana a ka U'i Magarita, ma kela manawa o kona huli hoi ana aku imua o ke alo o ke Kilokilo Monika.

            He mea oiaio, elike no me ka hana mau a ua kaikamahine nei, ma na manawa apau e hoea kau ai no ke kakela, ua hoi pololei loa aku la oia noloko o ka halelio, a iaia no a lele iho ilalo mailuna mai o kona lio, ua lilo aku la ka hooponopono ana mai i ka lio, malalo o ke kahi lio, a hoi pololei mai la no o Magarita noloko o ke kakela, no ka halawai ana me ke Kilokilo Monika.

            Maloko no o Monika o ke kakela kahi i noho ai, a i ka ike ana mai i ke komo ana aku o Magaritam mahamaha mai la kana kahea ana i kana kaikamahine hookama, a ninau koke mai la no i na meahou o kana huakai, a o ia ka Magarita i hoike aku ai, no kona alualu hou ia ana e ke Keikialii Morino, a pela kona hoohoka ana i ua keikialii nei; me kona kamailio pu ana aku hoi i kona kanaenae ana i kekahi mau olelo kaukau aloha no Hawila, a ua manao oia, ua lohe kela keikialii ia mau olelo, no ka mea ua ike oia iaia e ku ana mawaho o ka ululaau, i kona manawa i huli koi mai ai no ke kakela.

            O ka noke hoi ia o Magarita i ke kamailio ahiki i ka pau ana o kana mau mea i hoomaopopo no kana huakai hololio o ke kuluaumoe, ia wa i pane mai ai ke Kilokilo Monika:

            "Ua lohe kela keikialii o Hunegaria nei i ko leo kanaenae maloko o ka ululaau; a he hookahi wale no kumu o kona hoohokaia ana e oe i keia po, mamuli no ia o ka hookauia ana aku o ka weli i kona lio, a hookuli i ke kauoha ame ka makemake o kona haku; aka nae i hoike aku au ia oe ea, ua hui pi aku la ua keikialii nei me ka mea au i aloha ai, a ua hoea mai hoi o Malavalia, a aia lakou a ekolu maloko o ka ululaau i keia manawa, nolaila ke hookokokoe mau mai nei ka manawa e hookoia ai o kou iini e kuu kaikamahine.

            "Elike me kau i hooko mau mai ai i ka'u mau kauoha apau me ke kunukunu ole, i na la aku nei i hala, peia no au e olelo hou aku nei ia oe, e hoomau aku i ka malama ana i ka houmanawanui, e ike no@auanei oe, o ka iini ame ka makemake iloko ou, e hookoia ana no ia iloko o ka wa pono loa."

            I kela lohe ana aku o ka U'i Magarita i na hoakaka a ke Kilokilo Monika, kona hoaloha hoi a kokua iloko o na la o kona hoaoia, ua hiki ole iaia ke uumi iho, i ka nui hauoli iloko on a. me ka hele hoi o ka helehelena o ua kaikamahine nei a lamalama, no ka mea eia ka kana Hawila maloko o ka ululaau, a ua kokoke loa mai hoi i kona wahi e noho nei.

            No kela piha hauoli loa o Magarita no kana Hawila aloha, ame ka hoea mai hoi i ka hookoia ana o ka iini a kona puuwai, ua ninau okoa aku la oia i ua kilokilo nei:

            "E kala mai oe ia'u e kuu makua, in a e ninau aku ana au ia oe i kekahi ninau i ku paha i ka hookano ame ka hookiekie a o ia keia: Ke makemake nei au e ike, pehea la ka loihi a'u e kakali aku ai, alaila hoea mai i ka wa e hookoia ai ka iini a kuu puuwai, a e kono aku ai hoi au iloko o na hauoli ana o ko ke kanaka ola ana?"

            "He ninau maikai no kena e kuu keiki, a no ka'u pane ea, he mau la helu wale no koe a kaua e kakali aku ai, o ka olili mai no ia o ka malamalama o ka hauoli; nolaila e hoolohe hou mai oe i keia mea a'u e hoike aku nei:

            "He elua wale no la i koe, mai keia la a kaua e kamailio nei, e halawai pu ana oe me ka mea au i aloha ai, ia wa auanei e hoohala ai olua i kekahi manawa, ma ka hoike pakahi ana i na mea i pili ia olua, oiai olua e noho kaawale ana kekahi mai kekahi mai; a o ka mea ano nui e kuu kaikamahine, e lohe ana oe mai na lehelehe ponoi mai o Hawila, no ka hoohihi o ke kaikuahine o ke Keikialii Marino iaia e lilo aku nana.

            "Aole malarial wale iho la no pay na hana apuhi o kela keikialii, aka ke hoolala mai nei oia e malama aku i kekahi mau hana hookuku maloko o kona aupuni, a e konoia na naita ikaika a kaulana o na wahi apau e hoea ae no kela mau hookuku o na meakaua ma na ano apau, o ka manao nui maoli o ua keikialii nei ma keia hana, no kona makemake e pepehiia oe a make, oiai aole kona he manao maoli e haawi mai i kona kaikuahine i wahine na Hawila, aka e kii mai a kaili aku malalo o na hana epa o ke kolohe haahaa loa i ka mea a Hawila i aloha ai.

            "Eia hoi keia mea a'u e hoike aku ai ia oe e kuu kaikamahine ma keia ahiahi e hoea mai ana he malihini no ke kakela nei, o ua malihini la, he hoaloha oia nou, a mamuli o ke kuhikuhi a na Kilokilo Sidia ame Leidenala, pela auanei e pololei ai kana hele ana mai a hoea no kuu kakela.

            "Aia a hoea mai keia malihini no kuu kakela nei, ia wa au e kuhikuhi aku ai i ka olua mea e hana ai, no ka pono o Hawila, no ka mea ke ike e aku nei au iloko o ke akaku, i ka lana mai o kekahi moanawai koko, mahope aku o ke alahele o kau aloha.

            "O ka manao o keia mea a'u e kamailio nei ia oe, no kela moanawai koko, o ia no ka lolii ana o kekahi manao ino o ka hookahekoko iloko o kekahi mea, e ku-e ana i ka mea a kou puuwai i aloha ai, a na ia manao o ko Hunegaria nei, e ala mai a komo iloko o kekahi paio weliweli loa, e loheia ai ka pihe o ke kumakena mai kekahi pe'a a i kekahi pe'a o ka aina.

            "No ke koena aku o na mea i kow he wa okoa aku ia a kaua e kamailio ai, aka no keia manawa nae, e hele koke aku oe e auau, a e hoomaemae ia oe iho, a huli i ke Kilokilo Monika maloko o ka rumi.

            Mamua hoi o ka malama hou ia ana he mau kuka'i olelo ana mawaena o ke Kilokilo Monika ame Magarita, he mea pono paha i ka mea kakau moolelo ke hoakaka ae ma ka ano nui i ko Magarita ano maoli, mahope iho o kela noho ana aku maloko o ke Kakela Melodiana.

            Ma ka makaukau i ka hololio, ua maopopo mua ai nei kona kulana ia oe'e kuu makamaka heluhelu, no ka mea ua ku'i aku kona kaulana ma ia hana. ma na palena apau o Hunegaria, a ua kapaia mai hoi ka inoa hoohanohano maluna on a, ka wahine hololio kamahao oloko o na ululaau o Urania.

            No kona makaukau ma ka oniu ana i na mea kaua, a Monika i a'o ai iaia iloko o kela mau la a laua e noho pu ana, ua hiki loa i ka mea kakau moolelo ke kaena ae, @a helu pu ia ka U'i Magarita iwaena o na kanaka kaulana apau o kela aupuni, ma ka makaukau ame ke akamai i ka oniu ana i na maekaua a pela hoi pa pahuna ihe laumeki a ka lawakua.

            Ma ka pana pua, o kekahi ia o kana mau hana akamai loa, a ua like aku no paha me ka makaukau o kana aloha, aka na keia mua aku one o ka nee ana o ka moolelo e hoauhee aku i ko kaya may pohihihi apau.

            Ma keia wahi, e hoalu iki hoi ko kaua kamailio ana e ka makamaka heluhelu i na mea e pili ana ia Magarita, a e huli aku kaua a nana ia Hawila ame kona mau hoaloha hou, o ka halawai malihini ana maloko o ka ululaau.

            Ua ike mua ae nei kaua, i ka hoike ana aku o ke Kilokilo Monika imua o Magarita i ka halawai pu ana o Hawila me ke Keikialii Marino, pela hoi ka loaa ana mai ia Malavalia, me ka wanana ana aku o ua luahine nei, no kekahi hana ku i ka lokoino me ke aloha ole, e hanaia mai ana e ke Keikialii Marino, maluna o Hawila, no ka hoohihi wale mai no e lilo aku ka manu nunu ahiu o Rokenekai, i hoa kaunu no ua keiki nei.

            Ma kela hoea ana kau o Hawila ma, no ke kahua hoomoana o ke Keikialii Marino, ua hoomaha iho la lakou malila, no ka ai ana i ko lakou aina kakahiaka, a mamuli o ke kono a ua keikialii nei ia Hawila ma e hoi like aku no ke kulanakauhale, e hoohala ai i kekahi may la malaila, ua haawi aku la no o Hawila me Malavalia i ko laua ae, nolaila hoouna e ia aku la he elua mai naita e lawe e aku a hoike i ka lohe i ko ke kulanakauhale poe, eia ko lakou keikialii ke huli hoi aku nei, a e hoomakaukauia ma hoi na mea apau, i kupono no ka hookipa na aku i ko lakou haku ame kana mau aikane hou elua.

            I ke hohoke ana aku o na elele no ke kulanakauhale, a halawai pu hoi me na makaainana, ua kukala aku la laua, aia ka Naita Hawila a lakou i lohe wale ai i knoa kaulana, me ke Keikialii Marino, a e hoea mai ana laua no ke kulanakauhale iloko o kekahi manawa o keia la, nolaila e hoomakaukau na mea apaym no ka hookipa ana aku i keia naita malihini, me ka hanohano i kulike me kona kulana ame kona kaulana hoi.

            Ma na wahi apau o ke kulanakauhale, e kukala mau ana kela mau elele i ka manao o ka laua misiona i hoouna e ia aku ai e ko laua haku, a i ka wa i hoea aku ai no ke kulanakauhale, a lohe kolaila poe i keia nuhou, ua hoomaka koke iho la na hoonua ana no ka hookipa ana aku i na malihini ma ka halealii.

            Elike me kekahi makani puahiohio e pa ana me ka ikaika mai kekahi pe'a a i kekahi pe'a o ka aina, pela iho la i pahola aku ai ka lohe no ka hoea mai o ke Keikialii Marino me ka Naita o ke Kapakila Omaomao ame kana aikane me Malavalia, ke alii o na Uowa oloko o na Ululaau o Italia.

            Hoko o ka manawa pokole loa na huki ia ae la na have o na waihooluu like ole maluna o na pahuhae, a o ka helaalii hoi keia, ya hookiwahiwaia me na have, ame na lau u'iuli o ka wao, pahola pu aku la hoi ka lohe i na naita kaulana apau o Hunegaria, e kahiko mai lakou i ko lakou mau kapa klia o ka lakou orhana, a e akeakoa mai no ka halealii, o na kukaualii keia. ka poe maka hanohano o kela kulanakauhale, ua kauoha pu ia aku la lakou e hoea mai no ka halealii. me ko lakou mau aahu piha. i kulike me ko lakou mau kulana.

            No ke kaikuahine hoi o ke Keikialii Marino, aia kona mau lima palupalu ke hooponopono l ai ka hoonani ana ialoko o ka halealii, no ka mea o ka malihini a kona kaikunane e hoihoi aku la, he kanaka oia a lakou i lohe wale ai, i kona kaulana, aole wale ma ka ikaika ame ke akamai ma ka hoohana ana i na meakaua aka ma ka u'i ame ka huapala pu kekahi o kona helehelena. e hiki ole ai i kekahi kaikamahine u'i ke kupaa imua ona.

            I ka akoakoa ana kau hoi o na naia apau imua o ke alo o ka Moi Humera, haawi ae la oia i ke kauoha i na naita he kanakolu e haalele koko iho lakou i ka haloalii, a e uakali aku no ke alahele kuahiwi ahiki i ka loaa ana o ke Keikialii Marino me kana may malihini alaila huli hoi like mai no ke kulanakauhale, he hana hoolianohano kupono loa hoi a ka moi, i manao ai, ua kupono ia no ka hookipa ana aku i ka Naita Kamahao Waiwai a lakou i lohe nui ai nona.

            Na kela leo kukala mai ua elele aku no ke kipaia mai o ko lakou kulanakauhale e kekahi malihini kaulana loa, ua hele na huina alanui a piha i na kanaka, e kakali wale ana no o ka hoea aku o ko lakou keikialii me kana mau malihini, a he mea oiaio, oiai no na hana hoohiwahiwa e lawelaweia ana ma ka halealii, aia hoi, ua hoopaiakuliia ae la ka lewa me na leo huro o na kanaka, no ka mea ua hoea mai la o Marino me Hawila ma, ma na alanui mawaho o ke kulanakauhale, a ke ka'i aku la hoi ka huaka'i a ua keikialii nei me ka hiehie a ka launa ole no kahi i ku ai o ka halealii.

            He hookahi kumu nui o ka noke ana o na kanaka i ka huro me ka ikaika apau i loaa aku i ko lakou mau leo, no ka ike kumaka ana no ia i ke kanaka nona ke kaulana i hele aku apuni o Europa holookoa, a he pomaikai nui hoi keia i loaa aku ia lakou o ka ike maka ana iaia.

            Aia ka kakou koa opio ke haawi la i kona aloha imua o ua kaukani o na kaukani e haiamu ana ma na aoao o na alanui, ma ke kunou ana aku o kona poo, ke paa la hoi kona papale kila iloko o kona lima akau, a ke hoonuu mai la hoi kela lehulehu i kona helehelna huapala, ka mua loa o ke kanaka u'i a lakou i ike ai, i hiki ole i kekahi mea maloko o kela kulanakauhale ke ukali mai.

            O malavalia pu kekahi e haawi la i kana kunou ana imua o ka lehulehu, oiai aia oia mahope pono aku o kana aikane kahi i hele ai a mai ko lakou komo ana iloko o ke kulanakauhale ahiki wale no i ka hoea ana aku i ka pa'lii aole he manawa i meha iho ai kela mau leo huro, aka e kupina'i mau ana ia, o ia no oe o na kaukani o @ pukuniahi e kani hoomaha ole ana imua o ke kahua kaua.

            La lakou nei hoi i kono aku ai iloko o ka pa'lii, aia na pualikoa ke ku laina mai la ma kela ame keia aoao, me ua naita hoi i lako i na mea kaua maluna o ko lakou mau lio, a ma ke ano nui ke olelo ae ua like pu maoli o Hawila me kekahi moi hanohano loa, a i ole, ua like pu oia me kekahi hipa e laweia ana imua o ka mea nana e ako mai i kona hulu.

            Me ka hiehie loa i hele aku ai ke Keikialii Marino me kana mau malihini a ku mamua o ka halealii, ia wa i lele neui iho ai ilalo, a lilo aku la ko lakou nei mau lio i na kahulio o ka moi, o ke alakai aku la no ia o ua keikialii nei i kama mau malihini, a hoolauna pakahi aku la ia Hawila me Malavalia i ka Moi Humera. ka laui makuakane o Marino. pela hoi i know kaikuahine, ke Kamaliiwahine Violeta, ka mea i kapaia ka Pua Lilia o Hunegaria.

            Ua apoia mia keia mau malihini e ka makuakane ame kana mau keiki, me ka piha ohohia, a hoolauna pu ia aku la no hoi laua nei imua o na kanaka hanohano o ua kulanakauhale nei, oiai ua akoakoa mai lakea apau no ka halealii ma ka hoike pokole ana ae, ua like keia may kanaka opio me na moi hanohano o kekahi mau aupuni.

            Ma ia ahinhi ana iho, ua malamaia he my anaina lealea, aia hoi na meakani ke kani la, mai na puukani kaulana mai o kela kulanakauhale, na @ana puhiohe no hoi o ke aupuni o ka mua loa kela o kekahi anaina nui o ka hauoli i ikeia ma Hunegaria, no ka hoohanohano wale mai no keia i ka kakou koa opio ame kana aikane aloha.

            O ka hele hoi ia a ka hora umi-kumamalua o ka po, ua hookuuia aku la na mea apau e hoi no ko lakou mau home, a nohoalii iho la ka maluhia ma ka halealii, nolaila aole he hana aku i koe, o ka hoi wale aku no e hooluolu, mai na luhi mai o kela la.

            Hoi aku la o Hawila me Malavalia noloko o ko laua mau keena i hoomakaukau mua ia e na kauwa o ka lialealii, a haule aku la no laua hooluolu. aka aia nae maloko o kekahi keena maloko o ua halealii nei, aia ke Keikialii Marino ame kona kaikuahine ke malamalama mai la i kekahi anaina kukakuka malu mawaena o laua wale iho no, ka uiui ana aku o ke kaikunane i kona kaiuahine; pehea la kona manao no keia malihini ana o ka hookipa ana mai ma ko lakou home aia paha iloko on a, ka hoohihi ame ka makemake, e lilo i kane nana.

            Me ka hoonui olelo ole aku, a hoolauwili paha i kana kamailio ana, ua ninau okoa aku ia no ke Keikialii Marino i kona kaikuahine. i ka i ana aku:

            "Auhea oe e Vaioleta kuu kaikuahine, ke makemake nei au e ninau aku i kou manao, a mai huna oe i ka lioike ana mai ia'u i ka mea oiaio loa: Pehea la kou manaao no keia malihini a'u i lawe mai nei. ka mea hoi i kapaia ka Naita Kamahao. aole anei ua kupono kela kanaka kaulana e lilo i kane nau?"

            "No kau uinau e kuu hanaumua, i hoike aku au ia oe, o keia ka helu ekahi o ke kanaka u'i a buapala a ko'u mau maka i ike ai a o kana may hookaau olelo ana, he keu aku a ka oluolu o ka waipahe, a o kona may ano apau, ua hiki loa ia ke kaula'i aku i ke kupaa o kekahi kaikamahine opio."

            "Ua kulike loa kau mau mea i ike ai no keia kanaka kaulana, me ka'u mau mea i hoomaopopo aku ai nona, nolila aole a kaua kamailio hou ana no keia mea. aka e ninau hou aku no au ia oe, a e hoike mai no hoi oe i kau pane ma ka oiaio loa, a mai huna mai oe ia'u i ka mea oiaio iloko o kou puuwai. a o ia keia:

            "I kou ike ana aku i ka helehelena u'i a huapala o keia kanaka malihini. nona ke kaulana i ku'i aku apuni o Europa, a i lohe hoi i na olelo oluolu o ka waipa-he mai kona may lehelehe mai. aole anei. ua komohia aku iloko ao, ka manao hoohihi nona, e lilo mai oia i kane nau, a i wahine hoi oe nana"

            No kela ninau a kona kaikunane, kulou iho la ke poo o Vaioleta ilalo no kekahi mau sekona. a i kona aea ana mai iluna, nana mai la oia me ke paha'oha'o i kona hanaumea, a i ka hala hou ana he may sekona kakaikahi, ia wa i oeaka ae ai kona waha a pane mai la:

            "E Marino, kuu hanau mua he wahi hoomape wale no ka'u imua ou. Owai la iwaena o na wahine opio i like me a'u nei ke ano, i hiki ke kupaa imua o keia kanaka a ka u'i ame ka haupala maoli? Owai hoi iwaena o na wahine apau ma ka honua nei, i hiki i kona puuwai uahoa, ka nele ole o ka hoauhee ia aku o kekahi pale nana e paku ana, i ka hoohihi, ke ku mai imua on a, ke manao nei au, aole loa hookahi.

            "He nani hoi ia, ua ninau okoa mai nei oe e @uu kaikunane i ko'u manao no keia nana kaulana. aole he mea @'u e hilahila ai ka hoike ana aku imua @i, aole au i hoohihi wale aku no i knoa helehelena u'i; aku ua konoma maoli no ke aloha iloko o'u nina, a aole loa he mea hauoli e ae iloko o kuu uhane. o kona lilo wale mai no i kane na'u."

            "Aole he mea hauoli e ae iloko o kuu puuwai, o keia pane wale no ay e kuu kaikuahine i hoike mai la me ka huna ole aku i kekahi mea: a ua kulike iho la ko kaua manao, he oi aku ka pono e loaa kela naita ia oe, a e liho hoi oe i wahine nana, a o kekahi kumu e oi ai ka pobo o kou lilo aku i wahine nana, penei no ia:

            "Ke huomanano nei no oe, no kela huakai mua a'u o ka pii ana i ke kuahiwi, no ka hookolo ana aku no ia mahope o ka meheu o kekahi whaine hololio hoopahaohao o ka ululaau o Urania. I kinohi, ua manaoio maoli no ay he wahine kino uhane kela, ka mea nana i hookau aku i ka whli i na kanaka apau e like ana iaia e maalo ae ana iloko o ka ululaau, me he akua lapu la, aka nae ma keia huakai elua aku nei a'u akahi no a hoopauia ae ko'u mau phihihi apau, mmamuli o kekahi may hoike maopopo loa i halawai mai me a'u. eia ka he wahine maoli no kela, i like aku me oe e kuu kaikuahine.

            "Ua maopopo no ia oe e kuu kaikuahine ua hoohiki paa au e loaa kela whine ia'u in a paha he kino uhane kona, a i ole he kino maoli elike me ko kaua nei, a o ka elua no hoi keia o ka'u huakai iuka o no kuahiwi, a huli hoi mai nei me keia mau kanaka o ka loaa ana aku ia'u malko o ka ululaau. O kela wahine, elike me ia a'u i hooia mau aku nei ia oe, he kino maoli no kona, o ka U'i Magarita no ia, ka mea a kaua i lohe nui ai i kona kaulana ma ka wahine u'i @o Rokenekai ka mea hoi i oleoia aohe kiamanu akamai nana e hoohina i kona kupaa.

            "O keia u'i a huapala o ka U'i Magarita a kaua i lohe wale ai; he mea oiaio loa ia, no ka mea ua ike kuu mau maka nei, he helu ekahi oia o ka wahine huapala @ e elike no hoi me kau i hoike mai nei i kou haulehia ana i ke aloha no Hawila, pela no au e hooiaio aku nei imua ou e kuu kaikuahine, ua haulehia au i ke aloha no kela wahine opio.

            "O ka U'i Magarita a'u i haulehia ai i ke aloha, o ka ipo aloha no ia a ka Naita Hawila, a o ke kumu nui iho la ia o ka hookauia ana o kela naita maluna o ke kua o ka lio ahiu, m@@uli o ka loaa pono ana. eia ka ua lilo kahiko ka puuwai o kela kaikamahine i ua maita leaulana nei.

            "Aole wale no o ka Naita HAwila ka i kauia aku o na hana hoomaewaewa maluna on a, e ke kiaaina o Roma ame ko Rokenekai, aka ua hahao pu ia aku o Magarita iloko o ka halepaahao; aka nae mamuli o na ulia pomaikai, ua hemo mai oia mailoko mai o ka halepuahao. a hele kuewa aku la iloko o na ululaau. ahiki i ka hoea ana i ka hale kakela Malodiana, keia hale a kakou i lohe man ai no ke Kilokilo Monika.

            "He mea oiaio, ua haulehia oe i ke aloha no ka Naita Hawila, a pela hoi ai i ka U'i Magarita, o ka mea pohihihi nae a kaua e noonoa ae ai. pehea la, ua komohia aku anei ke aloha iloko o ka U'i Magarita no'u a pela hoi o Hawila nou? Ina ua nele ka loaa ana o ke aloha iloko o kela mau mea. alaila me ka hana nui no kaua e liana aku ai ahiki i ka hoea ana mai i ka hookoia ana o ka iini o ko kaua mau puuwai pakahi.

            "Eia nae ko'u manao ia oe, a i hoea mai i ka la apopo ea. e hoao aku oe, e hana elike me ke'akamai apau e hiki ana ia oe, ma ke pahele ana anky i ka noonoo o Hawila ahiki i ka hoohihi ana o kona naau ia oe alaila ka hui e hoea mai ana i kona lilo ana he kane mau. No'u hoi o kaua, e pii hou aku ana au nouka o ka ululaau. e uhai hele ai mahope e Magarita, a i ninau mai o Hawila ia oe i ko'u wahi i hele ai. olelo aku oe ua hele au e nana i ko'u mau pualikoa. ma ka aoao hema aku nei o ka aina. a e hala ana ia'u he eono la, mamua o ko'u liuli hoi hou ana mai no ka aina nei.

            "I hoao nae kaua ma na ano apau, a hooko ole ia ko kaua makemake alaila he hookahi a'u haua hope loa e lawelawe aku ana. o ia no ka pepehi ana ia Hawila a make, a mai hoahewa mai oe e kuu kaikuahine no ia mea, pela wale no e hookoia ai ka iini a kuu puuwai, e lilo mai o Magarita he wahine na'u a e hoomanawanui no hoi oe e kuu kaikuahine no ka mea he nui no na kanaka opio u'i, e noho mai nei, e loaa aku ai no ke kane kupono nau i kekahi la."

            I ka lohe ana o ke kaikuahine i na manao paa o kona kaikunane, ua komohia iho la na manao kaumaha iloko on a, a o kana i olelo wale iho ai no iloko ona, e hoao aku ana oia e pahele mai i ka noonoo o Hawila ahiki i ka hoohihi ana mai iaia e lawe aku i wahine nana. oiai pela wale no e pakele ai ko Hawila ola, a i maliu ole mai ua naita nei. alaila he hookahi mea maopopo loa, o ia no ke kau mai o ka make maluna on a, mamuli o na manao lili o kona kaikunane.

            O ka hoolala hoi ia o ke kaikunane me kokna kaikuahine, ma ka laua mau kuko palaualelo a Keinohoomanawanui ahiki i ka maopopo ana o na mea a laua e hana aku ai, haawi ae la ko laua aloha poeleele, a hoi aku la kela me keia no ko laua mau rumi pakahi. a no ka U'i Vaioleta hoi. ke hapahapao mau la kona houpo. i na li'a hakuko'i, no ka pili mai o kela naita kanaka u'i ma kona aoao.

            I kela hoea ana aku o Vaioleta no kona runi, ke noonoo la oia i kana hana mua e lawelawe aku ai. no ke pahele ana i ka noonoo o ka mea a kona puuwai i li'a ai. o kana mea i hooholo iho ai. o ia no ka hele maoli ana aku maloko o ka rumi o Flawila. a na kona may lima palu palu e lawelawe aku i na mea apau e pono ai ka malihini.

            Me kela manao iloko o Vaioleta no kana hana mua o ke kakahiaka aw. haule aku la oia himoe. nolaila aole a kaua noonoo hou ana aku nona. ke lilo ia oia i ka aina @@@euhane, a e nana iki ae hoi kaua no ke Keikialii Marino heaha la kana hana. ma kela hoea ana aku poloko o kona rumi moe.

            I ka haalele ana iho o ke Keikialii Marino i kona kaikuahine, hoi pololei loa aku la oia no kona runi, he mau minuke helu wale no nae kona o ka noho ana iho. haalele hou iho la a lele pololei aku la iaia iloko o kela aumoe o ka po. me ka hoike ana aku i knoa makemake e hookauia ka noko maluna o knoa lio no kona hele ana aku ma keikahi huakai.

            Oiai ke kahulio. e hauhoa mai ana i ka noho o kona lio, hoi hou mai la o Marino. a komo iho la i kona paalole hele kuahiwi. me ka lawe pu ana mai i kana pahikaua. mae kekahi mau meaai e lawa ai kana huakai. a i ka makaukau pono ana ia wa i oili aku ai hele no kahi o ka lio e ku mai ana, me kona mau makaukau apau.

            Haawi aku la oia i ke kahulio i ke kauoha aole e kamailio iki no kana wahi i hele ai. aka in a no ka nunauia mai iaia o kana wale no e hoike aku ai. ua hala aku kona haku no ka hui pu ana me kona mu pualikoa ma kekahi aoao o ka aina alaila kau ae la nialuna o kona lio, a pii pololei aku la nouka o ka ululaau.

            Ke ike ae la kaua e ka makamaka heluhelu, eia ke Keikialii Marino ke hoike okoa nei i kana hana o ke aloha ole i ka mea ana i lawe aku ai i hoaloha pilipaa nona. a i haawi ai hoi i ka hoohiki maluna o na pahikaua a lakou. e lilo lakou i hookahi ahiki i ka make ana, eia ka he hoohiki wale no ma ka lehelehe, ka mea hoi i holo i ke mele a ka poe haku mele:

                        "I mai hoi oe he aloha kou.

                        He aloha wale no i ko lehelehe.

                        Lehelehe akamai kou i ka pelo,

                        Opu lokoino he aloha ole."

            Ma keia pii ana o ke Keikialii Marino nuuka o ke kuahiwi, aole ia no ke alualu hou ana ia Magarita, no ka mea eia oia i ka pili o ke ao, e hele aku la iloko o ka ululaau. aka o kona manao maoli, o ia no ka hele ana a hoea i ke Kakela Melodiana. no ke ake no e hui kino me Magarita, a e pahele hoi i kona noonoo ma ka hoike ana aku i na mea hoopunipuni, e manaoio mai ai ua kaikamahine nei, ua lilo ke aloha o kana Hawila i ka U'i Vaioleta.