Ka Nupepa Kuokoa, Volume LVI, Number 6, 8 February 1918 — Nuhou Kuwaho [ARTICLE]

Nuhou Kuwaho

AMSTERDAM f Feb. 2.—E hoakaka ana kekahi meahou maloko o ka Nupepa Berlin Tages Zeitung, he elua niau kanaka Pelekane lele i ka lewa i hoopa'iia e ka aha hookolokolo koa Kelemania he umi makahiki hoopaahao 110 ka hoohaule ana iho i kekahi mau kuahaua maloko o kekahi okana aina Kelemnia e ku-e ana ia Kelemania. EL PABO, Texas, Peb. 2.—Ua kiia e Felipi Alvarex, he kanaka Mekiko, i keia la a eha loa o Mrs. Trinidad Lucero, a pepehiia na keiki elua a keia wahine a make a hunaia malalo o ka hale kahi ana i hana ai i kana karaima. Hookahi haneri makai i hoopuni i ka hale a he mau kikipu ka i hauaia mawaena o Ah'arex ame na makai. • He nui na poka a ke kanaka pepehikanaka i ki mai ai. He makai a he kanaka okoa iho ka i make i kana mau poka, he eha mau auka kiana pauda i hoppahuia ae malalo o ka hale e na makai, a nahaha ka hale, a kiolaia ae ke kino make o ke kanaka pepehikanaka i ka lewa. AMSTERDAM, Feb. 2.—E hoakaka ana na nupepa mai Berlin o ka loaa ana mai ianei o ka hopena o ka haunaele i ala ae ai ma kekahi manawa i hala ko--Ite aku nei ka paa ana o. William Dittman, ke alakai o ka aoao Socialist, a o kekahi hoa o ka ahaolelo Kelemania i ka hopuia. ITa oleloia no ke kue o Dittman i ke aupuni ke kumu i hopuia ai, oiai oia e haiolelo aku ana imua o kekahi ahakanaka. LONDON, Feb. 3. —He kanakolu kaukani koa Polani, oia mau ko lakou hoakoakoaia ana, me ka nana ole i ke kukulu hou ia ana ae o kekahi mau pualikoa hou e ke aupuni Bolsheviki, i hooleia ko lakou hoi hou ana aku noloko o Polani, elike me ka lakou i makemake ai. Oke kumu i hoakakaia mai no keia hooleia aua e ke Kuhina Kaua Eukini oia ko na Kelemania ku-e ana aku i ka aeia o keia mau pualikoa e hoi hou mai iloko o Polani ma ke auo he mau pualikoa i hoakoakoaia, no ko lakou manao o lilo ia i alahele e ala mai ai he mea hoopilikia'i ke aupuni Kelemania knikawa o kela aupuni.

BĀN FRANCISCO, Feb. 3.—Ma ka la aku la i nehinei i hoolahaia ae ai e na luna o ka oihana leka e hookapu loa ia ana ka hoounaia ana mai o ka uala Hawaii maloko o na ekeleka mai ke Teritoi:e mai o Hawaii. No ka ikeia ana o na ilo iloko o ia mau ukana ke kumu i hoikeia mai no ka hoopukaia ana aku o kc kauoha. AMSTEBDAM, Feb. 4.—0 ka nuhoū no ke* alahou ana ae ona haunaele ololiani koikoi maloko o na palena.o na aupuni Mana Waena u hoea mai ia nei i keia la. Ua oleloia nīa ia lon,o he haunaele hou ka i ala ae ma ka Poaono ma na halehana ma Jena, kahi o ke kolu o na kanaka i haalele aku ai i ka hana, mai ka nupepa Berliner Tageblatt mai keia lono i loaa mai ai. TOKIO, Feb. 4. —0 ka mokuahi Tosho Mai-u i ai'e kona mau ona Kepani i ke aupuni Italia, ua hoopiholoia maloko o ke Kaiwaenahonua, elike me ka lono i hoea mai ianei i keia la. Ua kiia mai ia i ke topido e ka mokuluu, pela ka hoakaka ma ka lono, aohe nae he hoakaka no ka hopena o ua aliimoku ame na luina. RIO JANEIRO, Jau. 31.—E ike koke aku ana na mokukaua Brazil i ke kaua e ku-e aku ana ia Kelemania, elike me ka hoolaha i hoopukaia ae ina ka la i nehinei e ka Peresidena 6omes. Ua hoakoakoaia mai ke aumokukaua Brazil malalo o ka hoomalu ana & ka Adimarala Pedro Pronti a e holo koke aku ana ia aumokukaua no na kai o Europa, a malaila e hui pu aku ai me na aumokukaua a na Aupuni Hui ame ko Amerika mau moku. 0 na hana hoomakaukau a ka oihana koa kekahi i hoolaha pu ia ae a he lehulehu na pualikoa hou no na pualikoa Brazil i kahea ia no ke komo ana ae i ke kaua, a e ohi ia ana no ke a'oia mai. īna no ko Brazil makemakeia, e hiki ana iaia ke hoouna aku no ke kahua kaua no ka hakaka pu ana me na pualikoa o na- Aupuni Huiia, i kekahi mau pualikoa nui i a'oia a makaukau pono, a i hoolako pono ia me na lako kaua. Maloko o ke aumokukaua Brazil he elua mau mokukaua o ke ano hou loa, oia ka Minas Geraes ame ke Sao Paulo, ua hoolakoia laua me 12 mau pu kuniahi 12 inilia; elua mau mokukaua holo ma na kapakai i lioolak?>ia me 9.5 iniha mau pu kuniahi pakalii; ekolu mau moku holo loa, elima moku topido, 15 moku wawahi topido, a he eha mau moku topido o ka papa ekahi. O keia mau moku ae la apau e hui pu aku ana lakou me na mokukaua Pelekane, Palani ame Amerika a kaua aku i na mokuluu maloko o na kai o Pelekane ame Palani.

. Mamuli o ke apono ole ia ana o ka hoike a ke komite, ma ka halawai a na hoahanau o Kawaiahao ma ka po o ka Poalima aku nei i hala, eia kela ekalesia ke ku nei me kekahi kahu i maopopo ole.