Ka Nupepa Kuokoa, Volume LVI, Number 6, 8 Pepeluali 1918 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
CLOTHING FOR MEN & YOUTHS ON CREDIT THE MODEL FORT ST. NEXT TO CONVENT
Kauka T. Mitamura
Keena Hana: 1412 Alanui Nuuanu. Kihi Alanui Vinia. Tl. Keena, 1540; Tel. Halenoho, 2613. Pahu Leta, 842.
He mea Malama Ma'i o ka Halema@ o ke Kula Kiekie o Kyto ka i hoolima @@maia no ka hoohanau keiki ana, @a hiki no e hoolakoia he rumi hoohanau keiki. 3501
WILLIAM KAUHI POAI.
Agena Hoaie Dala, Agena Kukulu Hale, Mea Imi Aina, a he Mea Kuai Aina. Keena Oihana, ma ka Waity Building, Rumi Helu 3, Alanui Moi, mawacua. o Alanui Betela ame Papu.
MA KE KAUOHA
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka HAWAIIAN ISLANDS PACKING COMPANY, LIMITED.
OIAI, o ka HAWAIIAN ISLANDS PACKING COMPANY, LIMITED, he hui is i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ko kanawai i hoomakaukauia ma na hana o keia ano, ua waiho ia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka no apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pouo e waiho mai i na ku-e ana no ka ae ia aku o ka palapala noi i oleloia maloko o keia keena, mamua ae a ma ka hora 12 awakea o ka la 19 o Maraki, 1918, a o kela ame keia kanaka e makemake ana e hooloheia aku maluna o ia mea, he pono e hoea kino ae ma ke keena o ka mea nono ka inoa malalo iho maloko o ka Hale Mana Hooko, Honolulu, ma ka hora 12 awakea @ ka la i oleloia. a e hoike mai i ke kumu, in a he kumu kekahi, i wahi e ae ole ia aku ai ka palapala noi i olelia.
C.J. McCARTHY,
Puuku, Teritore o Hawaii.
Honolulu, Dekemaba 28, 1917.
6276--Jan. 4, 11, 18, 26; Feb. 1, 8, 15, 22; Mar. 1, 8.
TERITORE O HAWAII.
Keena o ka puuku, Honolulu, Oahu.
Ma ka hana e hopau ana i ka WAIMEA PINEAPPLE HUI, LIMITED.
OIAI, o ka WAIMEA PINEAPPLE HUI, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kauawai i homakaukauia ma @a hana o keia ano, ua waiho ia mai iloko o keia keena he palapala i hooiaioia i hoohui pu ia me ia ,elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka no apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-o ana no ka ae ia aku o ka palapala noi i oleloia maloko o keia keena, mamua ae a ma ka ho@a 12 awakea o ka la 5 o Aperila, 1918, a o kela ame keia mea e makemake ana e hooloheia aku maluua o ia mea, he pono e hoea kiuo ae ma ka keena o ka mea nona ka inoa malalo iho maloko o ka Hale Mana Hooko. Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.
C.J. McCARTHY,
Puuku, Teritore o Hawaii.
Honolulu, Ianuari 4, 1918.
6277---Jan. 11, 18, 25; Feb.. 1, 8, 15, 22; Mar. 1, 8, 15.
OKI HE KEPANI I KONA PUU ME KA PAHI.
Mamuli o ka hiki ole e loaa he hana iaia. no kekahi manawa loihi, i hoao maoli ae ai he Kepani e lawe i kona ola iho. ma ke oki ana i kona puu me ka pahi, ma ka Poakahi nei, eia nae na ko ole ia manao on a, mamuli o ka ike koke ia, ana, a mamuli o na hooikaika ana a ke kauka o ka halema'i o na ulia poino, e hoopakele iaia.
Ua loaa aku kela Kepani maloko o koua rumi, ma ke alanui Moi me ke alanui McCully, aole oia i make aka e ola aua no, me kona a i ua moku i ka pahi.
Me kahi manaolana uuku i loaa i ke kauka no ka palekana o kela Kepani, ua hoomaka aku la oia e humuhumu i kahi i moku i ka pahi, ma ia hana ana nae, ua kamau mai ke ola o kela Kepani u@ kekahi mau hora.
Ma kekahi palapala i kakauia e kela Kepani, i maopopo ai ke kumu o kona oki ana i ka puu me ka pahi, mamuli mai no ia o ka loaa ole he hana nana e lawelawe ai. He umi-kumamahiku makahiki ae nei i hala, ua haule mai kela Kepani mai ka papahele eha mai o ka Hokele Young, a i kona ola ana ae, ua loaa ke ki-na iaia, pela iho la i lo@a ole ai kekahi hana kupono nana e lawelawe aku ai, i wahi e pono ai kona ola ana.
HOOLAHA AINA AUPUNI.
NA AINA AUPUNI NO KA HOOKUONOONO.
WEHE ANA I NA AINA AUPUNI NO KA HOOKUONOONO ANA MA KA MOKUPUNI O MAUI.
Ma keia ke haawiia aku nei ka hoo@aha o ka aina aupuni e hoakakaia aku ana mahope ae nei e weheia aku ana ia no ka hookuonoono ana elike me keia; i kulike ai me ke kanawai, me ke kuleana e unuhi hou mamua o ko lakou kohoia ana:
1. Kahi i Waiho ai o ka Aina. ---- O ka aina e weheia aku ana aia ma ka Mokupuni o Maui, a i ikeia ka Aina Ilookuonoono o Waiakoa Mauka, ka Aina Hookuonoono o Waiakoa Makai Ame ka Aina Hookuonoono o Alae 3 ame 4, ka Mahele Waena, aia apau loa maloko o ka Apana o Kula.
2. Ke Ano o ka Aina. ---- O ka aina maloko o keia mahele aina he aina mahiai me ke kula.
3. Na Kumu Aelike me na Ano o ka Hoolilo Ana. ---- O ka poe i kuleana e lawe i ka aina i oleloia, e hooholoia no ia ma ka huki ana a i ole ma ka hoonohonoho ana paha. Ua hiki i ke kanema@e a i ka wahine mare paha, aole o laua like a elua, ke waiho mai i palapala noi no ke komo pu ana iloko o ka huki ana.
Ua hiki i kela ame keia mea ke lawe i hookahi apaua. E laweia keia mau apana ma ke auo Pono o ka Hoolimalima Kuai wale no, o na kula@a o ka hoolimalima elike no ia me ia i kauia e ke kanawai.
E haawi koke ia no ke kuleana e noho, koe na Aina Hookuonoono o Alae 3 ame 4, Mahele Waena, e haawiia aku ia mahope aku o Aperila 3, 1918. O na hookoe ana ame na hookaawale ana e hanaia no ia no na hawai e ku ana, na auwai, na luawai hooki'o, na kahawai, laina uwea me paipu, na alanui, moali alanui ame na alahao. Aole e kuaiia kekahi apana ma ke ano he mau aina wai, me ka loaa o ka pono wai. Ua hookaawaleia na wai no ka pono ame ka pomaikai o ka lehulehu.
4. Palapala Noi no ke Komo Pu Ana ma ka Huki Aina. ---- O ka poe apau i hookuponoia e lawe i na aina hookuonoono, ua hiki ke waiho ae ma ka Poalua a mamua ae paha o ia manawa, Maraki 5, 1918, ma ka hore 4 p.m., aole mahope mai olaila, imua o ke Komisin@ o na Aina Aupuni, Honolulu, ma ka lek@ maamau nei, aole ma ka lawe kino ana ae, a i ole ia ma ka leka i hoopaaia, @ ma kekahi ano e ae paha, i na wa-hi leka i silaia, maloko olaila ka loko@ mau palapala noi no ke komo pu ana iloko o ka huki aina i hoakakaia maloko olaila; aka nae aole kekahi wa-hi leka e oi aku mamua o hookahi palapala noil, a i ole pepa e ae paha mawaho o ka palapala noi, a aole hoi e waiho mai kekahi mea a oi aku mamua o hookahi palapala noi uo keia huki ana.
E hanaia na palpala noi apau maluna o na pa'ihakahaka i hoolakoia aku e ko Komisina o na Aina Aupuni a e kona akena paha, a he mea pono e hoike i ka inoa piha, kahi e hoouna ai o ka leka, ka makahiki, ke kiekie, ke kaunaha ame ke kama o ka mea noi, a ina paha he mea mare ole oia (kaue a wahine paha) a i ole mareia, a e hoohikiia eia, (kane a wahine) imua o ka hope akena o na aina aupuni, noteri no ka lehulehu, lunakanawai, a luna oihana e ae paha i hoamanaia no ka lawe ana i na hoohiki, a he pono ke hoonaia ma ka ekeleka moloko o na wa-hi leka i hoolakoia aku e ke Komisina a o kekahi paha o na akena.
O na wa-hi leka apau e pa'iia maluna o lakou kahi noho o ke Komisina ame na huaolelo ''Palapala Noi, Huki Aina no ka Apana o ………….., '' o kahi waiho hakahaka me ke kaunakoma e hoopihaia iho me ka apana i waiho ai o ka aina i makemakeia; a aole kekahi wa-hi leka e hoike i ka mea nana ia i waiho mai a i hoouna mai paha ma ka leka, a e hoike ana paha i kekahi ma-ka e hiki ai ke ikeia iho. E silaia na wa-hi leka apau me ka paa, a e kauia hoi na pooleka kupono, mamua o ko lakou hookomoia ana ma ka leka.
O kekahi mea e waiho mai ana a oi aku mamua o hookahi palapala noi no keia huki aina ana, a o kekahi palapala noi e ae paha ma ka inoa o ka mea okoa mawaho ae o kona inoa oiaio, aole e ae ia e komo pu ma ka huki aina a@@. O na wa-hi leka apau e hoike mai a@@ i ka poe na lakou i waiho mai a i ole hoouna mai ma ka leka, e wehe koke ia no i ka we e loaa mai ai, a e hoihoi ho@ ia aku ka palapala noi maloko olail@, i ka mea noi.
5. Ka Huki Ana ame ka Haawi Ana i ke Ano e Wae Ai. ---- I ka manawa e loaa mai ai o ka wa-hi leka i kakau pololeiia a i kakaukua pololei ia elike me ia i koiia mai ai elike me maluna ae nei, e hookomo aku ke Komisina ia mea maloko o kekahi wahi waiho kupono, iloko olaila wale no, e waihoia ai na wa-hi leka apau i kakaukua pono ia no ka huki ana; a e hanaia kahi waiho a e malamaia m@ ke ano e hiki ole ai ke laweia na wa-hi leka i hookomoia iloko olaila, me ka ike ole ia, ahiki i ko lakou wehe akea ia ana ma ka la e hanaia ai ka huki ana ame ka hoonohouoho ana.
Ma ka hora 9 a.m. ma ka Hale Kapitala, Honolulu, ma ka Poakolu, Maraki 6, 1918, a i ole mahope koke mai paha elike me ka mea e ikeia ae, ana, e wehe akea ia kahi waiho ua ka hu@@ aina ana, a e hoohuikau pono ia na wa-hileka apau maloko olaila, alaila e laweia ae i hookahi i ka manawa, ma ke ano pololei a hoopilimeaai ole, mailoko ae o kahi waiho, a o na palapala noi maloko o ia mau wa-hi leka, in a ua pololei ma ke ano ame ka hanaia ana, e kau helu ia ma ke ano ka'ilike, ma ke ano i laweia ae ai lakou, e hoomaka ana me ka helu ekahi. a o na helu i hookaawaleia, pela iho la no ka hooholo ana i ke ano a ka poe no lakou ka inoa i hoikeia maloko e wae ai a e lawe ai i na apana.
E kauia ka papainoa o ka poe noi i haawiia aku ai ua helu, e hoike ana i ka helu i haawiia aku ai ia lakou pakahi, a e hoolakoia aku i ua nupepa no ka hoolaha ana ma ke ano he meahoua, a e hoounaia aku no ka hoike no ka helu i haawiia ame ka manawa ame kahi aua e hoea ae ai no ka wae ana, ma ka leka ma kahi noho elike me ia i hoakakaia maloko o ka palapala noi a kela ame keia mea i haawiia ka helu.
O na palapala noi apau loa i pololei ole ma ke ano ame ka hana ana, e makaia no ''Hooleia, Pololei ole ka hanaia ana,'' a e waihoia aku no ma ke ano i hooleia ai lakou, a e hoikeia ak no ka hoolaha no ia mea i ka poe na lakou i waiho mai ia mau palapala noi.
6. Ka Wae Ana i na Apana. ---- E ho@maka ana ma ka ho@a 12 awakea, ma ka Poaono, Maraki 23, 1918, ma ka Hale Hookolokolo, Wailuku, Maui.
O ka poe e paa ana he mau helu i haawiia aku ia lakou, no kekahi o keia mau huki aina ana, ua hiki ke hele ae e wae i ua apaua i weheia no ka wae aua a i makamakeia e lakou ma ka ano i kau helu ia ai ka lakou mau palapala noi no ka wae aua.
Ina e hiki ole ae kekahi mea i haaw@ia aku he helu ma ka huki aina ana, a hana i kana koho, i ka manawa e hoea aku ai i kona helu, a ua kaheaia mai hoi kona inoa, e hala kona kuleana koho, ahiki i ka pau ana o ka poe noi e ae i haawiia aku ai ko lakou mau helu, ia manawa e kahea hou ia ai kono inoa, a in a aole oia e hoea ae ana a koho, e manaoia ua haalele oia i kona pono e koho.
7. Hooiaio ma ka Manawa o ka Wae Ana. ---- Ma ka manawa e hoea ae ai oia no ka wae ana i kona apana, e hoomakaukau kela me keia mea noi e hoike mai i kona mau hookupono no ka hiki e lawe i aina hookuonoono, ma ka palapala hoohiki ma ke ano i hoakakaia e ke Komisina, a ma kekahi ano okoa ae paha. Ina aole he makaainana kekahi mea noi no Amerika Huipuia ma ka hanau ana, he pono oia e waiho mai ma ia manawa hookahi, in a paha o ka palapala kumu, a i ole o ke kope i hooiai@, o kona manao e lilo i makaainana, a i ole, ke kauoha paka a ka aha e ae ana iaia i makaainana; a in a e koi mai ana kekahi mea i hanau ole maloko o Amerika Huipuia i ka pono makaainana, mamuli o ka hookupaia ana o koua makuakane, oiai oia malolo o ka iwakaluakumakahi makahiki, he pono iaia ke waiho mai i kekahi kopo i hooiaia o ke kauoha a ka aha, e ae aua i kona makuakane i makaainana.
8. Na Pa'ihakahaka, Palapala Aina, Hoakaka. ---- E loaa no na pepa pa@ihakahaka o na palapala noi, na pa'ihakahaka o na palapala hoohiki hookupono, na pa'ihakahaka kupono e ae ame na hoakaka e pili ana i na aina e weheia aku ana me na kumu aelike e laweia aku ai lakou, mai ke Komisina aku o na Aina Aupuni ma Honolulu, a i ole mai ka Hope Akena aku, W. O. Aiken, Paia, Maui.
APANA O KULA, MOKUPUNI O MAUI.
Apana Helu Iliaina, Eka (Oi aku a emi mai) Waiwaiio i Kohoia
Aina Hookuonoono o Waiakoa, Mauka.
39 18.15 $91.00
41 18.12 91.00
42 19.90 100.00
44 14.15 71.00
48 21.04 105.00
49 21.21 101.00
51 11.43 57.00
Aina Hookuonoono o Waiakoa, Makai
8 41.00 410.00
10 28.70 287.00
Na Aina Hookuonoono o Alae 3 me 4, Mahele Waena.
Mahope aku o Aperila 3, 1918, e haawiia aku ai no ka noho ana.
8 32.90 494.00
9 39.50 474.00
10 36.00 432.00
11 31.60 316.00
12 42.60 426.00
13 37.40 337.00
14 39.10 352.00
15 39.00 351.00
B.G. RIVENBURGH,
Komisina o na Aina Aupuni.
Aponoia:
LUCIUS E. PINKHAM,
Kiaaina o Hawaii.
Honolulu, Dekemaba 22, 1917.
6276 ---- Jan. 4, 18; Feb. 8, 22.
HOOLAHA.
I na On a Kuleana o Honuaula, Maui.
O ka põe apau he mau kuleana ko lakou a i kuleana paha iloko olaila, maloko o ka Apana o Honuaula, Maui, ke noiia aku nei e hele mai e ike, a i ole e kakau mai ia.
J.M. MONSARRAT,
Loio ma ke Kanawai, 501 Hale Stangenwald, Honolulu. Kelepona 5889.
6275 ---- tf.
HOOLAHA MANAO PANIKU AME KUAI A KA MEA PAA MORAKI.
Mamuli o, a i kulike ai me ka mana ame ke kuleana i paa maloko o kela moraki i hanaia ma ka la 19 o Augate, 1905, e David P. Kaiena ame Kaui Kaiena, kana wahine ma@e, ia William R. Castile, Kahu, ua kakau kopeia hoi ua moraki la maloko o ke Keena Kakaukope maloko o Honolulu, T. H., maloko o ka Liber 275, ma ka aoao 208, ke haawi aku nei o William R. Castile, Kahu, i oleloia i ka hoolaha, a ma keia ke haawi aku nei i ka hoolaha, ua manao oia e paniku i ka moraki i oleloia, no ua kumu aelike i uhakiia, e hoike ana: Ka uku ole ia o ke kumupaa ame ka ukupanee.
Ke haawi pu ia aku nei no hoi ka hoolaha, o ka waiwai i hooliloia ma ka moraki i oleloia, e hoolahaia aku ana ia no ke kuai, a e kuaiia aku ana ma ke ku@ala akea ma na Keena Kudala o James F. Morgan Company, Limited, ma ka Hale Star, 125 Alanui Kalepa, Honolulu T. H., ma ka Poaono ka la 23 o Februari; 1918, ma ka hora 12 awakea o ka la i oleloia.
Na kumu aelike no ke kuai: Kuike, ma ka Dala Gula o Amerika Huipuia. Ma ka aoao o ka mea kuai mai ka lilo o ka palapala kuai e hoomkaukuia ana e na loio o ka mea Paa Moraki.
No na hoakaka aku i koe e noi ae ma ke keena o ka Mea Paa Moraki ma ka Hale Star i oleloia.
O kela mau pahale apau ma Mokauea, Kalihi, maloko o Honolulu i oleloia, o ia na Apana 7 ame 8 maloko o ke Kuea 8 o ka Apana Kaiulani, i hoakakaia elike me keia:
E hoomaka ana ma ke kihi komohana o ka Apana 7 maloko o ke Kuea 8, o ke kihi hema no hoi ia o ka apana 6 maloko o ke Kuea 8 i oleloia, a e holo ana elike me keia, o ia hoi:
1. He. 28 59' Hi. 100 kapuai ma ke
Alanui H;
2. Ak. 61 1' Hi. 100 kapuai ma ka
Apana 9, Kuea 8;
3. Ak. 28 59' Ko. 100 kapuai ma ka
Apana 11 âme 12,
Kuea 8;
4. He. 61 1' Ko. 100 kapuai ma ka
Apana 6, Kuea 8,
ahiki i kahi i hoomaka ai, nona ka iliaina o 10,000 kapuai kuea, oi aku a emi mai paha, a o ia no hoi ka mahele o ka pahale i hoakakaia ma ke ano he apana 2 o ka Palapala Sila Nui 2509 maluna o ke Kuleana 6450 ia Kaunuohua no Moehonua, o ka pahale no hoi i hooliloia aku ia David P. Kalena i oleloia e William R. Castle, Kahu, ma ka palapala kuai i hanaia Augate 18, 1905, i kakau kopeia maloko o ka Liber 269, ma ka aoao 426.
Hanaia ma Honolulu, T. H., i keia la 18 o Januari, 1918.
WILLIAM R. CASTLE.
Kahu.
6279 ---- Jan. 18, 25; Feb. 1, 8, 1918.
MA KA HANA E PILI ANA I KA PALAPALA NOI A REV. JOHN ELI KEKIPI, JR., NO KA HOOLOLI ANA I KA IONA.
Ma ka noonooia ana o ka palapala noi a Rev. John Eli Kekipi, Jr., o ke kulanakauhale a Kalana o Honolulu, Teritore o Hawaii, no kekahi olelo hooholo kanawai e hoololi ana i kona inoa o Rev. John Eli Kekipi Maia a ua loaa ka hoomaopopo ana ia'u, aia he mau kumu kupono no ka ae ana aku i ka palapala noi i oleloia;
NOLAILA, ANO, mamuli o ka mana i haawiia mai ia'u e ke kanawai, a i haawiia mai ai hoi ia'u e kokua aku, Owau o Lueius E. Pinkham, Kiaaina o ke Teritore o Hawaii, ma keia ke kau oha aku nei a ke hooholo nei, e hoololiia ae ka inoa o Rev. John Kekipi, Jr., a ma keia e hoololiia o Rev. John Eli Kekipi Maia, a e hoopukaia ka hoolaha o keia olelo hooholo no eha pule neepapa maloko o ke "Kuokoa" ame ka "Pacific Commercial Advertiser," he mau nupepa nui o ka pahola ana maloko o ke Teritore o Hawaii, i hoopukaia ma Honolulu, maloko o ke Teritore i oleloia.
Hanaia ma Honolulu i keia la 9 o Januari, A. D. 1918.
LUCIUS E. PINKHAM,
Kiaaia o Hawaii.
6278 ---- Jan. 18, 25; Feb. 1, 8.
MA KA HANA E PILI ANA I KA PALAPALA NOI A REV. JOHN KEKIPI, SR., NO KA HOOLOLI ANA I KA INOA.
Ma ka noonooia ana o ka palapala noi a Rev. John Kekipi, Sr., o ke Kulanakauhale a Kalana o Honolulu, Teritore o Hawaii, no kekahi olelo hooholo kanawai e hoololi ana i kona inoa o Rev. John Kekipi Maia, a ua loaa ka hoomaopopo ana ia'u, aia he mau kumu kupono no ka ae ana aku i ka palapala noi i oleloia;
NOLAILA, ANO, mamuli o ka mana i haawiia mai ia'u e ke kanawai, a i haawiia mai hoi ia'u e ke kanawai, a i haawiia mai hoi ia'u e kokua aku, Owau o Lucius E. Pinkham, Kiaaina o ke Teritore o Hawaii, ma keia ke kauoha aku nei a ke hooholo, nei e hooloiiaae ka inoa o Rev. John Kekipi, Sr., a ma keia e hoololiia o Rev. John Kekipi Maia, a e hoopukaia he hoolaha o keia olelo hooholo no eha pule neepapa maloko o ke "Kuokoa" ame ka "Pacific Commercial Advertiser," he mau nupepa nui o ka pahola ana maloko o ke Teritore o Hawaii, i hoopukaia ma Honolulu, maloko o ke Teritore i oleloia.
Hanaia ma Honolulu i keia la 9 o Januari, A. D. 1918.
LUCIUS E. PINKHAM,
Kiaaina o Hawaii.
6278 ---- Jan. 18, 25; Feb. 1, 8.
Mau Apana Aina Kuai
Ma Kapahulu, Kaimuki, Palolo ame Kalihi no ke kumukuai oluolu loa.
No na mea pilikia aina, waiwai o ka mea i make e loaa no na hoakaka maikai ia oukou.
He hana au i na palapala kuai, moraki, kauoha hope loa a hooilina ame ka hooiaio ana ma ke ano noteri.
Hele mai oukou apau loa i o'u nei!
PAULO KALAUKA
(P. E. R. Stra@eh)
Waity Bldg. Helu 74 Alanui Moi
He Mau Kaukani i Pau I ka Hoolaia
B.B.C.
He Laau Kamahao Hooulu Kino
Laau no ka Opu ke Akepaa me ka Puupaa. He Laau Hoomaemaekoko Pookela. Hiki e Hoohemo i na Ko'e mai ka Opu aku.
Ma na olelo hoike he nui mai waena mai o ka poe maikai o Honolulu, ka mea nana i hooiaio maopopo mai, ua oi aku ka hana ana a ka B.B.C. mamua o kana i koi mai ai no ia mea. ---- Eia me makou he mau kaukani o na olelo hoike a na kanaka o na wahi apuni ke ao nei, a ka B.B.C. i hoihoi hou mai ai i ke ola ame ka ikaika ---- Aka kakaikahi ko makou hoohana ana maanei nei. Ua hoike aku makou ia oe i na inoa o na kamaaina ame ka poe mahaloia e noho ana maanei nei au i ike ai a i halawai ai i kela me keia la, nolaila aole he kanalua ana, no ko lakou oiaio a pololei maoli. E hoohana ia mea a e manaoio. Aole he alekohola ---- Aole he Mau Laau Waiawa ---- Aole Hoopii i ke Kumukuai. $1.00 o ka omole; kumukuai hoolaha kuikawa, 6 no $5.00. BEN BRUNS, akena, ma ke kihi o na Alanui Kekaulike me Moi. mauka o ka makeke Kuai I'a, mai ka hora 9 a ka hora 5 o na la apau, no ka wehewehe pono ana mai i ka laau B.B.C. ame ke ano e loaa ai na hopena maikai. Na kuhikuhi piha ana, ma na olelo apau. Ua lako na Halekuai Laau ame na Halekuai o na Mahiko i keia wa i ka Laau B.B.C. no ke kuai aku, a i ole, e hoouna mai i ka Bila Haleleha. a na'u e hooili aku ia oe, na'u e uku i na hoolilo no na kauoha apau o $5.00 a oi aku. Kakau mai, BEN BRUNS, Honolulu, Hawaii.
Ke Kanaka Laau B.B.C., ka mea nana i hoolilo i ko Honolulu nei, i poe kamailio mamuli o ke ola i hanala e kana Laau Kamahao B.B.C.
Ke kii kahiko o Bro. Benjamin, ka moa naua i hana i ka B.B.C., e ikeia no ma na ope apau.
NA MEAHOU O KA UAKEA O HANA
E oluolu mai e ka Lunahooponopono o ke Kuokoa, e ae mai i kauwahi kowa kaawale o kau wahaolele, ka Nupepa Kuokoa no na meahou o ka Uakea o Hana a nona hoi keia mau lalani mele e hooheno ia nei:
Noenoe Uakea o Hana,
Hoa pili o ka Malualua,
Elua maua i ka piko,
I kolu i ke ala lipoa.
No na alanui aupuni o Haua, ma ka ike, a ma ka hoomaopopo ana i na ano o na hoohana ana o na alanui o Hana nei he mea na ka uaau e hauoli ai, a me na malihiui e kaahele ana i ka ike iho, he u'i maoli no, ua hanaia me ka paa loa, a ua ailaia aku me ka aila e hanaia nei i ua alanui, ke @a@a iho oe e ka mea e holo ana maluna o ka lio, a me poe e kau ana maluna o na kaa he pakika hoi kau i ke alahao, aole mea e kuia ai kou wawae ke hele wawae oe i ka pouli nui.
No na kaa otomobile, ua nui na kaa o keia ano ma Hana nei, no ka maikai o ua alanui. oluolu ke kino ke kau ilu na o keia kaa, he uauea hoi kau i ka hana nowelo a ka mikini, he lilo hoi kau i ke kehau, a o ka mea oi loa aku. aole mau @@ia poino i ikeia ma o na kalaiwa kaa la, a oiai he maala loa na kalaiwa i ka pono o ka lehulehu.
Ua nui na halekuai, ua hale inu kope, ka hale pahupahu hoowalewale, ua hoomaka mai na halekuai mai ke awa mai o punahoa, o ia ke awapae o na waapa, a o ia no hoi ka uwapo kumoku o Hana mauka mai olaila hoomaka ua halekuai e kuku ma na aoao o na alanui, ahiki i ka halekuai nui o ka mahiko, a ma ia halekuai aku, holo komohana aku ka holo ana o ke alanui ahiki i ka pa luakini o Wananalua, hoomaka hou ke ku ana o na halekuai ma ka aoao makai o ke alanui, ahiki i ka pa, ma ka aoao makai o ka halewili e ku nei i ka paa i na hale.
Ma ia wahi aku, aneane 200 kapuai oi aku, a emi mai paha, hoomaka hou ke ku o na halekuai, na hale inukope, ka halekuai pipi ame kekahi hokele nui i kukuluia e kekahi kepani, mailaila ka paa i na halekuai ahiki i ke ahua o Kalanihale, mauka o ke alanui, ka paa i na hale a pela no me ka aoao makai o ke alanui ka paa pono i na halekuai o na mea kauai like ole.
Ma keia wahi hookahi no, ua kukulu a hoala ae kekahi mau makamaka haole, he mau kanaka koikoi iloko o na oihana like ole o ka mahiko, a ua laua i kukulu i ka hale hanahau a ke ku nei, a ke ai hau nei o Hana i keia wa; ua hoopau aku ka poe makemake i ka hoouna i Honolulu i na pahu hau i keia wa.
Mai keia mau haole no i hoala ae a kukulu i hale kii onioni, a eia ke ku nei, a ke hana nei i ka hana: auwe no hoi ka u'i, ke au holomua hoi a'u e ike nei he mau mea i ike ole ia mamua.
Ma keia wahi no he hale pahupahu, no kekahi Kepani keia hale, e komo ana na lahui like ole iloko o keia lua mimilo, me ka ehaeha kuu naau i na lohe maopopo loa mai ka poe kiu mai. Ke a'o nei keia peni mai keia la aku mai lawelawe, mai iniki, a mai hoopa. He kuli ka make, a he lohe ke ola.
Me ka oiaio i na wa apau.
MR. R. PUNAHOA, Jr.
Hana. Ianuari 16, 1918.
HE MEA E HOOMANAO AI.
I ke kuai ana i laaua kunu no na kamalii e hoomanao iho, o ka Laau Kunu a Chamberlaiu, ka laau maikai loa no ke anu, ka nae ame ke kunu kalea, a aole he mau mea hoopilikia iloko olaila. Eia ke kuaiia nei e ka poe kuai laau apau, o Benson, Smith & Co., na akena no Hawaii. ---- Hoolaha.
HOOMAKAUKAU NO MUA AKU NEI
E Hoao e Hoomakaulii Ano --- E malama i ke Dala e wehe i Buke Banako Hoahu me ke
CHINESE-AMERICAN BANK
A NANA AKU I KA ULU O KAU DALA
NA PAHU DALA $1.00 no ka Wehe Kihi o ke Alanui
no ka Hoolimalima Ana i ka Hoahu Mei me Nuuana
Na Makou e Hoolako i kou Home ma ka Uku Liilii Ana
OAHU FURNITURE CO.
Na Lako Hale, Moe, Pilina, Moena Halii, Etc.
Nui na Lako Hale Hou loa.
1310 Alanui Nuuana. Mauka o ke Alanui Kukui.
Kelepona 2805.
HENRY F. TAM, Lunanui.
KakelameKuke
(KAUPALENAIA.)
Poe Kalepa ma ke Komisina
---- A HE ----
Poe Agena ao na Mahiko Lehulehu
LOAA KA MOMI ILOKO O KA PAPAUA.
Malalo ae nei o Heeia, Koolau, i ka like ai me ka hoike a ka nupepa Kepani, ka Hawaii Shinpo, mailoko mai o na papaua eono a kekahi Kepani o ka luu ana iloko o ke kai, he mau la aku nei i hala, ua loaa he elua mau pohaku momi iaia.
Ma ka oleloia, he Kepani maa no ka kela i ka luu iloko o ke kai no ka hui ana i na pohaku momi, a o kona wahi i maa ai i kela hana, ma na Kai o ka Hema, kahi ana i hoohala nui ai i kekahi manawa, ma ka huli ana i ka momi iloko o na papaua.
Iaia ka i luu ai iloko o ke kai ma Heeia, aole i lilo i hana nui, nana ka huli ana aku i na papaua, aka ua loaa mai la he eono mau papaua me ka maalahi loa, a i ka nanaia ana iloko o lakou apau, he elua o kela ma@ papaua he momi koloko, a ua nele hoi ka loaa ana he momi iloko o na papaua eha.
Ma na Kai o ka Hema, wahi a kela Kepani, he kakaikahi loa ka loaa ana o na pohaku momi iloko o na papaua, a mailoko mai o na papaua he hookahi haneri, he elua wale no pohaku momi e loaa.
Ma kona manaoio nae, ua kaokoa loa na papaua maanei nei, mai ko na kai mai o ka He@@a, a he manaoio kona, in a e hoomauia aku ana ka luu ana i na papaua maanei nei, alaila e loaa nui mai ana na pohaku momi, e lilo ai ia hana i mea e pomaikai ai kekahi poe.
WILLIAM C. ACHI, Jr.
(WILE ACHI)
Loio ma ke Kanawai imua o na Aha apau o ke Teritore.
Rumi 301 Kauikeolani Hale.
Hui Alahao ama Aina o Oahu
MANAWA HOLO
MAI HONOLULU AKU.
o Waianae, Waialua, Kahuku ame na wahi hoolalu a ke alahao ---- *9:15 a. m., *3:20 p.m.
o Pearl City, Ewa Mill ame na wahi hoolulu ma ke alahao ---- 7:30 a. m., *9:15 a.m., *11:30 a. m., *2:15 p. m., * 3:20 p.m., *5:15 p. m., 9:30 p. m., 11:15 p.m.
MAI WAHO MAI.
Ku i Honolulu mai Kahuku, Waialua ame Waianae ---- *8:36 a.m., *5:30 p. m.
Ku i Honolulu mai Ewa Mill ame Pearl City ---- 7:45 a. m., *8:36 a. m., *100:02 a.m., *1:40 p.m., *4:26 p.m., *5:31 p.m., *7:30 p.m.
Ku i Honolulu mai Wahiawa ame Leilehua ---- *9:15 a.m., *1:53 p.m., *3:59 *7:10 p.m.
O ka Haleiwa Limited, he kaa o elua hora (o ka poe wale no o ka papa ekahi) e haalele ana ia honolulu i na Sabati apau ma ka hora 8:30 a.m. no ka Hokele haleiwa; hul@ hoi mai, hoea i Honolulu ma ka hora 10:10 p. m. Ma Pearls @@ wale no e ku ai ame Waianae.
*Kela âme keia la
Koe ke Sabati
Sabati wale no.
NUPEPA KUOKOA
No ka Makahiki (One Year) . . . . . $2.00
No Eono Mahina (Six months) . . . 1.00
O na Dala ame na Hoolaha Apau e hoouna Pololei mai i ka HAWAIIAN GAZETTE COMPANY, LTD. wale no P. O. Box 208, Honolulu, T.H. Enteered at the Post Office at Honolulu. T. @@., Second Class Matter.
CHARLES S. CRANE . . . . . LUNA NUI