Ka Nupepa Kuokoa, Volume LVI, Number 6, 8 February 1918 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo No Na

Hoahanau Ekolu

A I Ole O

Hawila Ke Koa ao Magarita ka

U'i ka manu Nunu Ahiu

He hiehie mo ke kulana o keia mau naita apau no lakou na kii e kau mai nei eia neia aole no i lihi launa mai ko lakou makulana i ko mea a kuu puuwai i aloha ai a @ ke au o ka manawa e hoawiwi mai oe no ka hoea mai i ka manawa e puili aku ai au me ka pulama ana i ka mea aʻu i @aia @ i loko o ks ululaau.

"E ke aheahe kehau e pa mai nei e lawe aku oe i kuu aloha a i halawa pu aku oe me kuu Hawila e honi aku ma @ona mau papalina a e hoike aku hoi iaia, eia au ma na kai-aulu aloha o ka Mauna Urania."

I hakalia no a pau kela kahoahoa ana ae a ua u'i la o Ita-lia ia wa i hele mai ai kekahi kauwa wahine, a olelo mai la i@ ia

I kii mai lau au ia oe no ka hoi ana aku noloko o kou @umi ma ka eheuakau o ke kakela nei a malaila oe e hoomaemae iho ai oe iho ma ka holoi ana i kou mau maka o ko Magarita ku ae la no ia iluna a ukali aku la mahope o kauwa a aole no hoi i i emo ihoia hele ana aku a laua nei hoea aku la noloko o kekahi keena nui me ke uhikuhi ana aku la noloko o kekahi keena nui me kuhikuhi ana aku o ke kauwa i ka rumi auau

Oiai ua awakea loa i kela manawa a ua pumehana hoi ka wai o ka hele kokeaku la no ia o ua o Magarita no ke keena auau a maloko o kekal@i nui i auau iho ai oia a iaia aku ana ke kauawa me na lole hou aohe no a Magarita hoole ana mai aka lawe mai la nooia i kela mau lole a komo iho la a i ka nana aku i na Manu Nunu Ahiu nei me he mea la aia no oia i na la ana e noho ana ma ke Kakela Mamiona i ka hele a makalapua.

O ke komo hoi ia o Magarita ahiki i ka makaukau ana o kona mau hemahema apau ia wa i kono mai ai ke kauwa iaia nei e hele laua i ka holoholo iloko o ka malapua a oiai o na pua kekahi mea hiialaai nui a Magarita ua ae koke aku la oia i kela manao o kona hele pu aku la no ia me ke kau-wa iwaho ma ia mau hora hikimua o ke kakahiaka.

Ke holoholo la ua o Magarita iloko o na malapua nani e kilohi ana hoi kona mau maka i na pua nani like ole a e hoonuu ana i ko lakou mau ala kupaoa e moani kololio mai ana i ke kaomiia e ke kehau a hoo@nao ae la oia no kana mau malapua a kona mau lima i m@liapa mau ai i ke kau ame kahooilo a iloko no hoi o ia manawa hookahi aia ke ke aloha o kana ipo ke hoonipo la iloko o kona puuwai me he mau opuu pua rose la e popohe ae ana e mohala i ke awakea.

Oiai nae na ala ku paoa o na pua e halihaliia mai ana e na ea waianuhea o ia kakahiaka ua lawa loa ia e haawi mai ai i ke ola hou iloko o kekahi mea i luaiele ole ia kona mau noonoo e na auiaui o keia ola ana aka nae mamuli o ke ku-peeia ana o ka U'i Magarita e kaaloha aole i lilo ke ala o kela mau pua i mea e hoomaaliliia mai ai kona mau manao ikiki o na hoonianao aloha ana no kana Hawila a o ia kana i puaua ae ai keia mau oleo

"O kuu aloha nou e kuu hawila Ua sila paa ia ia iloko o kuu puuwai o ka nani ame keala kupaoa o na pua he mau mea hooluolu mai ia i kuu manoa aka o kamea wale no e loaa ai ia'u ka maha o kou hoi mai a pili me a'u."

Oiai ua o Magarita e hele pu nei me ke kauwa wahine maloko o na malapua nani ke noke la oia i ka ninau i ka on a nona kela kakela ame na waiwai apau e hoopuni ana i kona mau aoao apau, a ma na mea apau a ke kauwa i hoike mai ai iaia, i loaa ai ka ike i ua o Magarita, eia ka o ke Kilokilo Monika ka on a nona ia mau waiwai, ka mea hoi a na kanaka noho kuahiwi i kapa aku ai i kekahi inoa kapakapa maluna on a, ka Ipu Momi o na Olelo Akamai. No ka hora hookahi paha kela hele holoholo ana a ua o Magarita, a o@ai ua pau ae la no kona makemake e makaimaki aku i na malapua ua koi aku la oia i ke kauwa e hoi laua no ke kakela.

Ia laua no a komo ana iloko o ke kakela, hoea ana no kekahi o na kauwa a kono mai la ia Magarita e komo aku iloko o ka rumi aina no ka mea ua makaukau na meaai no ia kakahiaka, a e kakali wale ana no o kona noho aku ma ka aoao o ke pakaukau.

Heaha auanei ka hookololohe hou ana iho, no ka mea ua hele a hakahaka oloko, o ka hoi aku la no ia o Magarita @oloko o ka rumi aina, a hoomaka aku la e ai, me ka noke ana i ka hoonuu i na meaai ono, e ahu mokaki mai ana imua o kona alo.

Ma keia wahi he mea pono i ka mea kakau moolelo e hoakaokoa aku i na wahi o ka kakou moolelo i mokumoku, a e kui hou ae i hookahi ke kaunu ana i Waialoha, alaila hele aku kakou imua ma ke alahele pololei.

Ma kela manawa a ka U'i Magarite noke la i ka hoonuu maluna o ka papaaina a na kauwa a ke Kilokilo Monika, i !anee mai ai imua o kona alo, o ka manawa hookahi no ia a na Kilokilo Sidia ame Leidenala e kamailio pu ana elike me ia a kakou i ike ae nei mamua, oiai hoi o Hawila e hiamoe ana malalo o kekahi kumulaau, no ka maluhiluhi o kona kino ame ka maopaopa o kona mau lala.

I keia manawa e hele manamana ana o ka kakou moolelo, aia o Mala@alia ke huli hoi pololei la no na wahi hoomoana o kona mau kanaka, no ka mea ua noke oia i ka huli i kana aikane a no ka loaa ole, ua hoopau okoa kona manao i ka hookolo hou ana aku mahope on a a oiai he kamaaina oia @oloko o na ululaau, he mea maalahi loa iaia ka huli hoi ana ma ke alahele pololei e hoea aku ai i kana wahi i makemake ai.

Nolaila ua maopopo ae la ia kaua e ka makamaka heluhelu na mea ano nui i pili i keia wahi o ka moolelo eia kaua ma ke kakahiaka o ka poaono e ike nei ia Magarita.

O ka ai hoi ia o Magarita ahiki i kona maona ana ia wa i alakai aku ai ke kauwa iaia noloko o ke keena hookipa no ka hooluana ana iho; he mau meakani lehulehu ke waiho ma@ ana maloko o ia keena a mahope iho o ka naua ana aku o Magarita i kela mau meakani, lalau aku la oia i ka pila @iolaume, a hoomaka aku la e hookani a i na kaula o kela pila e hone ana, malalo o na lawe palanehe ana a kona mau manamanalima i paila hou ia mai ai kona puuwai me ke aloha no kana Hawila no ka mea kau mai la na kahoahoa imua o kona noonoo, no ke keiki kiamanu nana i hoohi@a i kona kupaa, a lilo ana he ipo aloha na ka loea o na meakani ka kakou koa opio hoi oia o Hawila.

No ka hapalua hora paha kela hoonanea ana a Magarita iaia iho, ma ka hookani ana i ka violaume waiho aku la oia i kela pila a hoi mai la maluna o kekahi noho paipai nui a ia wa no hoi i hoea hou inai ai ke kauwa a ninau mai la iaia nei, in a he makemake kona e hele e makaikai ialoko o na rumi apau o kela kakela.

No ko ua o Magarita makemake e ike i ke ano o kona home hou, ua haawi aku la oia i ka ae i ke kauwa, a u haele aku la, malalo o ke pailaka ana a ke kauwa lawelawe. Ua komo hele aku la laua nei maloko o na rumi apau o ke Kakela Melodiana, mai na run@@ nunui ahiki aku i na keena lilii loa, a i ko laua nei hoea ana aku mawaho o ka puka o kekahi rumi ia wa i hoakaka mai ai ke kauwa, aole e hiki i kekahi mea ke komo maloko o ua rumi nei, no ka mea he rumi ia i waihoia ai na mea pohihihi apau a ke Kilokilo Mokina a oia hookahi wale no ka mea hiki ke komo maloko o kela rumi.

Hoakaka pu mai la ke kauwa he mau manawa lehulehu kana i hoomakakiu ai no ke ake no hoi e ike i na mea pohihihi i waihoia maloko olalla eia nae aole loa he hookahi manawa i @@@ launa iki aku ai oia i ka ike ana i kela mau mea pohihihi o kana wale no i hoomaopopo a i lohe okoa aku no hoi ma na manawa apau a ke Kilokilo Monika e komo ai maloko o ua keena nei o ia no na leo uwe o ke kanikau a i kekahi manawa e lohe okoa aku ana no oia i ke kani koele o na meakaua me he mea la he nui ka poe e paio ana ; e lohe ana no hoi oia i ke kani olowalu mai o ka leo o na moa me ka aoa mai o na ilio a ma ka hoohuihui ana i kana mau mea apau i hoomaopopo mailoko mai o ua rumi nei he ku maoli no i ka weliweli e hiki ole ai i kekahi mea e ae e komo aku iloko.

I ka lohe ana o me ka i okoa ana iho malia he mau hana ekaeka kekahi e lawelwe mau ia ana e ka kilokilo monika ka wahine hoi i ke kokua aiaio a kela wahine iaia nei ua wahine nei elike me na mea kupaianaha maloko o kela rumi a ke kauwa wahine i hoike aku ai iaia. 

            O kela rumi kapu o ke Kilokilo Minka, o ka hope loa no ia o na rumi apau o kela kakela, a oiai aole he wahi hou aku a laua e makakai ai ua huli hoi mai la laua a hoea i ke keena hookipa, malaila i haalele mai ai ke kauwa ia Magarita e noho hookahi oia, a e hele hoi ua kauwa nei ma kana mau hana.

            Ma kela noho hookahi ana aku hoi a Magarita, aole he mea nui e ae iloko o kona o kona noonoo, aka kau mai la hoomanao ana no kana Hawila aloha, ma kekahi ano, ua hoomamaia mai no kona manao, aka ma kekahi ano nae, ua hookaumahaia aku oia e hewa ole ai paha i ka mea kakau moolelo ke hooheno ae ma keia wahi i kano'ahuna nana i hookaumaha i ua u'i ne o Maniona Kakela:

            "Ihoao iho au e uumi e kaomi malie,

            Huekoni ana loko i ke aloha."

            E awiwi loa aku kaua e ka makamaka heluhelu a hoea ma ke kakahiaka ae o kekahi la, no ka mea, ma ke koena aku o kela Poaono, aole no he mau mea ano nui i halawai aku me Magarita, aka he maikai a oluolu kona noho ana, me ke kakali ana hoi o ka hoea mai i ka manawa e halawai hou ai oia me ka Kilokilo Monika.

            He oiaio ma kela manawa a ua wahine kilokilo nei i haawi mai ai i na a'o ana ia Magarita i kana mea e hana ai no ka hoi pololei ana no kona kakela, ua hoike pu aku no oia iloko o na le elua e hui a halawai hou ai laua no laila e awiwi koke aku kaua a hoea i kela wa o ka hui hou ana o Magarita me ke kilokilo wahine.

            Elike no me ka Margarita hana ma ke kakahiaka aku o ka Poaono o ia ka hele holoholo ana maloko o na kihapai pua pela no oia i hele holoholo aku ai ma ke kakahiaka ana ae o ka la Sabati aole no ke kilohi ana aku i ka nani o na pua a e honi aku hoi i ko lakou aala kupaoa e moani mai ana ma kona ihu aka no ka hoonana ana no ia i kona aloha no ka ipoahi; o kona hele hoi ia i ka holoholo a hala ka hapalua hora, ia huli hoi ana mai no ka hale, e noho aku ana ke Kilokilo Monika a halawai ae la laua nei iloko o na kupona waianuhea o ke aloha, me he makua la i kana keiki.

            Ua hoopiha loa ia aku o Magarita me ka hauoli no keia hui hou ana me ka mea ana i kapa aku ai he makua nona maloko o na ululaau, a ua loaa pu aku no hoi ia haawina hookahi i ka wahine kilokilo no ka mea ua hoea o Magarita i kahi e palekana ai oia, a e loaa ai ka noho oluolu ana.

            Ma kela ia holookoa ua hoakaka piha aku ke Kilokilo Monika i na mea a na anela i hoopaa ai no Magarita me ka hoike ana aku o ua luahine nei, e a'o aku ana oia iaia i ka makaukau ame ke akamai holo lio a e hoomaka ana i ko laua a'o ana ia Magarita ma ke kakahiaka mai o ka Poakahi.

            He mea oiaio i ke kakahiaka ana ae o ka Poakahi a mahope o ka paina kakahiaka ua hoomaka koke aku la no o Monika i ke a'o ana ia Magarita me ko laua kau like ana ae maluna o na lio, a hoomaka aku la e holo noloko o ka ululaau.

            No na la elima keia a'o ana a ke Kilokilo Monika ia Magarita i ka makaukau hololio, a he mea oiaio, ua loaa ia ike i ua kaikamahine nei, me ke ku'i koke ana aku o kona kaulana ma na kaiaulu apau o Hunegaria.

            O ka hihipe'a oloko o na ululaau me he alanui mania la ia i ua kaikamahine nei, no ka mea i kekahi manawa o ka maalo ka na kanaka e ike aku ai maloko o ka ululaau, ua nalowale aku la oia ma kekahi aoao, a i kekahi manawa hoi, o ka nu o ka makani, ka lakou e lohe aku me he wili ana la na kekahi makani puahiohio, ke nana aku nae lakou e oloio ana kekahi kaikamahine hiehie ma kona lio, a nalowalo koke aku la iloko o ka imo ana a ka maka a no keia hoina e halawai mau ana me kela poe kanaka ua hookauia aku ka weli maluna o lakou me ke koho ana iho he akua lapu ka lakou e ike mau ana o ka mea oiaio nae, e kono kanaka maoli aka he mau hana nae kana e hoopahaohao ia mai ai ka manao o na mea apau.

            Na ela põe kanaka i ike i ka maalo mau o Magarita imua o ko lakou mau maka maloko o ka ululaau, ma ke ano kupaianaha maoli i hookaulana aku ma Hungaria apuni no ka nohoia ana o ka ululaau ehoopuni ana ia Urania e kekahi akua lapu hookalakuua. Hoike aka la lakou no kekahi kino wailua he wahine opio u'i huapala i like ole mai ka u;i o na wahine apau a lakou i ike ai, me ka u;i nohea o kela kino wailua a ua kahikoia hoi oia me ka lole eleele a e kau ana oia maluna o kekahi lio eleele, a i ka hoohuihui ana i kona mau ano apau, he ku maoli no i ka maka'u me ka weli ke nana aku.

            Mamuli o kela kaulana i laweia aku a lohe kekahi poe e pili ana i ke kino hololio hoopahaohao o ka po, ua ulu maoli ae la kekahi manao iloko o lakou o ke Kilokilo Monika ponoi no oaha ka mea nana i kahea aku i kela kino wailua. e ala mai na ilina mai, i mea hoomaka'uka'u aku i na kanaka e hele ana iloko o ka ululaau.

            Oiai hoi ke kaulana e kuku'i ana apuni o Hunegaria no ke kino wailua hoopahaohao oloko o ka ululaau Uralia mai ka poe haahaa ahiki aku i na alii hanau o ka aina ua oili ae la kekahi lono no ka ikeia ana he naita me kona kapa kila omaomao e hele kuewa ana maloko o na ululaau e pili ana i na pae kuahiwi o Hiela he naita hoi i niha i ka oluolu ame ka waipahe ma na ano apau, a he luaole hoi kona akamai me ka mkaukau i ka lawelawe ana i na meakaua o na ano like ole me ka hiehie o kona kulana, i loaa ole mai i na naita apau i kaulana ma kela mau wahi.

            O kekahi mea kamahao i ikeia no kela natia kamahao o ia no kona akamai i ka himeni o ke kani o kona leo, ua like aku ia me ke kani kikiko'u ana o na manu oloko o ka ululaau, me ka pohai mau ia oluna o kona wahi e himeni ai e na manu he nui o ka lip waokele.

            Me kela mau ano kamahao nae he nui i ikeia no ua naita malihini la, o ke pookela o na mea i akenaia, ae nona, o ia no ka u;i ame ka hoapala o kona helehelena, a o ka helu ekahi hoi o ke kanaka u;i ma Hunegaria apani, aohe lua e like aku me ia.

            O keia mau mea kamahao o ko Hunegaria poe e noke la i ka nune aku a nune mai,  o na ipo aloha no ia i kanamaaina ia kaua e ka makemaka heluhelu oia hoi o Hawila ke koa ame Magarita ka U'i nohea o ka poe nae e noho ana ma kela aina i malihini loa ai a i hoea aku hoi kela mau opio imua o lakou manuli o na alakai ana a na anela elike me ka lakou i hoopaa ai, e hookau aku i kekahi hoopa'i maluna o laua pakahi, mamua ae o ka olino ana mai o na la o ko laua hauoli.

            No kela hele hoi o na akena i ke kino wailua a ka u'i ame ka pahaohao a lilo i mea paku'iku'i aku i ka noonoo o na kanaka ihpani oloko o na ululaau o Uraina, ua ulu okoa ae la ko lakou manao e hele aku e hakilo a e hookolo mahope o ka meheu o ua wahine holoho kamahao nei malia o paa ia lakou i ka hopuia in a he kino kanaka kona me ke kaena okoa ana iho o ua poe keiki nei he hookahi wale no kumu e pakele ai o kela wahine mai ka paa ana i ka hopuiae lakou ana wale no a he uhane lapu ia.

            I ka makaukau ana ua poe kanaka nei, no ka lakou huakahi. haalele iho la i ko lakou mau home a kamoe pololei aku la ko lakou alahele noloko o ka ululaau ma kahi e ike mau ia ai ka maalo o ke kino hoopahaohao i ka wa poeleele. i ko lakou hoea ana aku ma kekahi wahi a lakou i ike ai he wahi kupono ia no ke kakali ana o ka ike aku i ke kaalo ae o ke kino wailua hoopahaohao hoomoana nui iho la ua poe kanaka nei.

            I ka uhi ana mai o ke ano liu-la o ke ahiahi ua uhi paapuia ae la na kualona ame na puu e ka noe a ia mahie ana ae o ka ohu ua iho mai la ke kehau hu'ihu'i e iniki walania ana i ka ili, aka nae he poe kanaka wale no kela apau i maa i ka hele ana o ka nahele a ua kamaaina hoi i ke anu he wai auau ia no ua poe keikikane nei e kohu ai keia mau lalani mele a ka poe haku mele o ia au kahiko:

            "Mea ole wale no ia anu nui,

            O ke koi uilani a ka manao."

            Oiai ua hele mai la ua poe kanaka nei a pololi i ka piina aku o ia loa hoomakaukau iho la i mau meaai na lakou no ka paina ahiahi, a i ka maona ana ua kau nui ae la maluna o na lio a hoomau aku la i ka hele ana noloko o ka hihipe'a o ka ululaau, e alawalawa ana hoi na maka ma kela ame keia wahi, e hooolono ana na pepeiao o ka nakeke mai iloko o ka ululaau, he ole nae ko lakou ike aku, a lohe aku paha i kekahi mea ano e, he meha pu wale no oloko o ka ululaau a o ko lakou mau lio ponoi ke hooakeke la i na lala maloo o na laau e waiho ana iluna o ka lepo.

 

MOKUNA XXI.

 

            Oiai no nae lakou e hele ana me ka nanea a o ka hora unui paha ia o ka po, ia wai hoopuiwaia ae ai ua poe kanaka nei i kekahi halulu ano e, o ia no oe o ka pa ana a kekahi makani puahiohio ikaika, a ke alaalawa la hoi ka lakou nana ana ma o a maanei, a he mea oiaio iloko o ka manawa pokole ua ike aku la lakou me ko lakou mau maka ponoi i ka maalo ana ae o kekahi kino wahine o ke kulana hiehie e kau ana maluna o kona lio eleele, aole no hoi o ka holo ana ae nei a ka poe e maka'u ana i ka hooku'i aku i na lala laau oloko o ka ululaau aka e holo ana me ka puahia nui, elike me ka pa ana a ka makani puahiohio, ka maalo ae imua o ka maka, a nalowale aku ma kekahi aoao iloko o ka manawa pokole loa.

            O kela manao kona a maka'u ole o na poe kanaka nei o na olelo kaena a lakou i hoopuka ae ai no ka hopu a paa i kela wahine aole i ia me lakou iloko o ia mau minuke aka o ka maka'u ame ka waliwali ka mea i nohoalii iho maluna o lakou pakahi apau, me ka hooho okoa ana ae o kekahi he uhane lapu hoomaka'uka'u i'o no kela a he akua hoi noloko o ka ululaau, e hiki ole ai i kekahi mea ke hoaano aku e hookolo mahope o kona meheu.

            No ka manao o na poe kanaka nei e ike hou ana lakou i ka wahine hololio hookalakupua oloko o ka ululaau, hooholo nui iho la e hoomoana lakou ma ia wahi a e kakali hoi. malia o oili hou mai alaila e hoao maoli kekahi poe o lakou e alualu elike me ka mana i loaa i ko lakou mau lio o ka mea apiki nae ua kakali lakou ahiki i ke ao ana o kela po aole a lakou mea i ike o ke ano ka hu'ihu'i ame ka poili ka ukana o ia luhi o lakou me ke kuhukuku o ko lakou mae nanaina ke nana aku me ka hele hoi a ohea i ka loaa ole he hiamoe me keia po holookoa.

            Ua lilo ke mea a lakou i ike ai i mea kaao na lakou iwaena o lakou iho me ka hoopihoihoinui ia hoi o ka manao o ua mau lawai'a paoa nei i ka ai ole ia o ka makau e ka hauliuli.

            No kela halawai ana me ka ulia pakalaki o ia ka hooko ole ia ana o ka mea a lakou i kaena mua ai ua huli hoi nui aku la ua poe kanaka nei o kekahi poe a lakou ua hoi pololei loa aku no ke kulanakauhale, a o kekahi poe hoi ua hele auwana aku la no kekahi mau wahi oloko o ka ululaau a ua lakou i hookaulana loa aku a i hooiaio aku hoi i na lono mua no kela wahine hololio kamahao oloko o ka ululaau.

            No ka nui palena ole o na kamailio ma ka waha o na mea apau e pili ana no ka wahine hololio hookalakupua ua kupu ae la ka manao o ke Keikialii Morino o Hunegaria e hele oia e ike pono nona iho mamua hoi o ka noke wale iho no o na kanaka i ke kamailio eia ka hoi, aohe he oiaio, kaulana hewa ana nae kela wahine a hilinai kuhihewa wale aku ana no hoi oia i kela mau olelo haanui.

            Me kela manao iloko o ua keikialii nei e hele e ike pono i ka oiaio, ua kauoha aku la oia i kona mau naita he elima ka nui, e hoomakaukau ia lakou iho no ka ukali pu ana aku me ia no kana huaai iloko o ka ululaau, a i ko lakou makaukau ana haalele nui iho la i ke kulanakauhale, a pii pololei aku la no kahi i koikeia mai ai ia lakou malaila ka wahine hololio hoopahaohao e maalo ae ai i na hora o ka po.

            Me he mea la ma keia la a ke Keikialii Morino ame kona mau naita elima o ka pii ana aku noloko o ka ululaau o ka umi-kumamalima ia o na la o ko Magarita hele mau ana i ka hololio; a aia hoi ua poe nei ke hele la me ka hiipoi ana iloko o ko lakou mau houpo pakahi i ka manao e ike maka lakou i kela wahine hololio kupanaha, a in a iloko o ko lakou mana ka hiki ke hopu aku iaia a paa, alaila e hoihoiia mai ana oia no ke kulanakauhale, i mea e hookaulanaia ae ai ke Keikialii Morino, no ka paa ana o keia wahine hookalakupua o ka po iaia.

            O ka pii ia o ke Keikialii Morino me kona mau hoa, ahiki i ka hoea ana no ka ululaau, kauohe aku la oia i kona mau naita; e hoomaha lakou malaila, a lele nui iho la mailuna mai o ko lakou mau lio no ka hoomaha ana, a haule aku la malalo o ka malumalu o na laau oiai he wa wela ia o ke la i na hora o ka auwina la a no ka oluolu maikai o kela wahi i kau a mea o ka pa maikai mai a ka makani ua puana ae la ua keikialii nei o Hunegaria i keia mau lalani mele:

"Olu au i ke ahe makani,

Hu'ihu'i aala o ka ukua.

Ka makau malana'i aheahe,

He ani peahi mai ana,

E hoi maua e pili."

            I ke kau ana iho o ka nae o ua mau kamahele pii kuahiwi nei, hemo ae la ka lakou mau meaai mailoko mai o na paiki ili, pela hoi me na omole waina, o ko lakou noho nui iho la iho ia ai, a ia lakou e ai ana i kamailio aku ai ke Keikialii Morino i kona mau naita:

            "Auhea oikou e o'u mau hoa, ia'u i haalele aku ai i ko'u home ma keia huaka'i ua  hooholo iho ko'u manao, in a no ko kakou ike i kela kino wahine lapu maloko nei  o keia ululaau alaila e hookolo aku ana au mahope on a ahiki i ko'u hoea ana i kona he kupapa'u aka hoi in a he kino wahine maoli kona, elike me ko kakou nei he iw he koko ame ka i'o alaila aole e moe kuu mau maka nei ahiki i ko'u hoea ana i kona wahi i noho ai.

            "I hooiaio no ka pololei o keia mau olelo a u ke lawe nei au i kuu hoohiki paa maluna o ka oi o keia pahikaua i haawi makanaia mai ia'u e na Naita Rufeta ke weli o na kuahiwi.

            Ela mahope au o kela wahine e hookolo ae ahiki i ka akaaia ana o keia meahuna pohihihi ma no ia he mea no'u e halawai ai me ka make a e pakele mai ai paha kuu ole nei."

            I ka lohe ana o na naita elima i ka manao o ko lakou alakai, ua noke ae la lakou i ka horo no ekolu manawa, e wawalo kupina'i ana hoi ko lakou mau leo maloko o ka ululaau a ia meha ana iho o ia mau leo ia wa i hani like ae ai i na kiaha waina o lakou iluna, me ke kalokelo ana ae, e ukaliia ka huakai a ko lakou keikialu me na naawina po@@ kai o ka inu ae la no ia i na kiaha waina o lakou iloko o na manao ulumahiehie o ka piha haoli u koa ukaliia o ka lakou huakai e na pomaikai he nui a e huli hoi aku ai hoi no ke kulanakauhale me kekahi akana waiwai makamae.ke ike pu ae la nno kaua e kuu hoa ha'iha'i lauolelo o keia nanea i ka hoohiki paa a keia keikialo, a no ka hookoia o kona manao ame ka ole, na keia mua ia e hoike mai, e hoomanawanui iho no kaua pela, e kaomi malie ka ono, a hoea aku i ka wa pono.  

            O ka ai hoi ia o ua keikialii nei me kona mau naita ahiki i ko lakou maona ana hoihoi hou aku la i ke koena o na meaai a lakou maloko o na eke ili a oiai ua maha ko lakou mau lio, ia wa i kau hou ae ai maluna o ke kua o na lio, a hoomau aku la ka hele ana noloko o ka ululaau.

            Me ka malie wale no ia a lakou e hele la ahiki wale i ka uhi ana mai o ka po, a i ka manawa i nohoalii maoli iho ai ka pouli maloko o ka ululaau, ia manawa i lawe ae ai lakou i ke kulana makaala, ma ka naa ana a ma ka hoolohe ana, o ka nakeke mai o kekahi mea.

            Ua ma'u no kela hele ana aku a lakou noloko o ka ululaau, ia manawa i kaohi mai ai ke Keikialii Morino i kona lio a nona hoi ke ku he hookahi ke ku like ana o kona mau naili ia wa i lohe like aku ai lakou apau i ka uuina mai o na lala laau, a me he maalo ana ae na kekahi aka a nalo aku ua ike i'o aku la ua poe nei i ka wahine hololio oloko o ka ululaau me kona kulana hiehie apau i ka maalo ana ae mamua pono o lakou, a nalowale aku la ma kekahi aoao iloko o ka manawa pokole loa, a o ia ka ua keikialii nei i hooho ae ai me ka piha i ke pihoihoi:

            "O ka wahine hololio hookalakupua a kakou i ike pono aku nei, aole kela he kino wailua aka he mea kino oia i loaa ka iwi ka i'o ame ke koko elike me ko kakou."   

Hakalia no a pau kela mau olelo i ke kamailioia ae e ua keiki nei, o ka pahu ae la no ia i na kui ke-pa ma ka aoao o kona lio, me ka pane pu ana iho i keia mau olelo:

            "E Siama, kuu lio hoolohe kauoha, e ukali aku oe me kou mama apau mahope o ka meheu o ka lio nana e aha'i la i ka wahine kamahao me ka aahu eleele, a mai hooki i kou holo ana ahiki i kona paapio ana ia kaua." o ka lilo aku la no ia o ke Keikialii Morina, na ka lio ka hana, o ka kipu wale no kana i na kaula kaohii o Haleauau, he hookahi mea nana, o na laau oloke'a ae mamua o kona alahele.

            No ka Keikialii Morino hoi ka ukali mahope o ka wahine hololio o ke aumoe he uhai wale aku no ka naita elima mahope on a, aia ka pono o ka pili mau aku mahope o ke alakai o lakou.

            He mea oiaio nae, ma kela manawa a ke Keikialii Morino i ukali aku ai me ka mama apau i loaa i kona lio, ua hahani aku la ia mahope o ka lio o ka U'i Magarita, a ke hoomaopopo mai la ua kaikamahine nei, ke ukaliia aku Ia oia, o kekahi kumu o ka hahani ana aku o ka lio o ke keikialii. no ka nanea o Magarita i ka holo malie, aka nae iaia i hoomaopopo mai ai, e alualuia aku ana oia o ka manawa iho la no ia i ani ae ai ua kaikamahine nei i kana huipa i ka lewa no ekolu manawa a elike me ka olapa ana a ka uwila, ua lele aku la kona lio imua, i hooiia aku ka holo o ko ka manawa mamua iho, iloko o ka manawa pokole loa, ua kaawale loa aku la oia mai ke Keikialii Morino aku.

            Ke noke la ua keikialii nei i ka hookikino i kona lio, ke noke la i ka pa-hu i na kui ke-pa ma ka aoaoa, a ke hili okoa la no hoi i ka huipa, eia nae, i kela ame keia sekona, ke hoomamao mau aku la ka lio o Magarita, e hele aku ai ahiki i ka nalowale ana, e lihi launa ole aku ai ke keikialii o Hunegaria.

            No na naita elima aole o lakou ikeia aku, ua like ka mama holo o ko lakou mau lio me ka makehewa loa, a ke pono hou hele wale mai la no lakou iloko o ka ululaau, oiai aole he ikeia mai o ko lakou alakai, ua nalowale mai la oia iloko o ke hihipe'a o na laau.

            Ke nana aku ia Magarita iloko o kela po, ua like pu oia me ka alopeka e uhaiia ana e no ilio hahai holoholona, a ke ike aku oe e kuu hoa uhaiaholo o keia moolelo i ua Manu Nunu Ahiu nei, he mea ole ka hihipe'a oloko o ke ululaau. Nunu Ahiu nei, he mea ole ka hihipe'a oloko o ka ululaau, he kohu kaikamahine no Hanalei, he aloalo kuana no na la i ka hooilo a ke hoea ma kahi o na laau e alalai mai ana mamua o kona alahele, e hoolele okoa aku ana oiaio kona lio iluna a haule aku ana ma kekahi aoao a ma ke ano nui ke olelo ae, aohe awawa, aohe hoi he puu iaia, ua like wale no na wahi apau, me he kula manaia la, e noke ai i ke kuu i ka holo o ka lio, a luhi ke kino.

            Elike no hoi me ka Magarita hana i kona lio, pela no ke Keikialii Morio i hoohalike aku ai, eia nae aohe wahi mea a pilipili aina aku, a i ka hele ana a hoea i na hora o ka wanaao ia wa i kaohi mai ai o Magarita i ka holo o kona lio, no ka makemake e hoohaehae i ka mea e uhai aku ana mahope on a, he oiaio ua hoomau aku la no o Marino i ka holo ana o kona lio, ahiki i ke kokoke ana aku ma kahi o ka lio a Magarita e holo kainepu malie ana, a manao iho la ua keikialii nei, e paa ana ke kolohe iaia nolaila kuupau aku la oia i ka holo o kona lio, me ka manao in a no ka pili aku ma ka aoaoa o ka lio o ka wahine hololio hookalakupua. alaiia e hopu okoa aku ana oia i kela wahine, a kaili mai iaia. mailuna mai o ke kua o kona lio eleele.

            I hoonahoa aku nae ka hana o ua Marino nei, he poha ana no ka hu'a o ka huipa a Magarita aia hoi, ua hoohuli hope mai la oia i kona lio, a pulelo iho la ma ka aoao o Marino, a i alawa aku ka hana e pupuhi ana ka i'a o Uko'a i  ua eueue la oloko o ka ululaau wehe o Uwahi nalowale iloko o ka ululaau, a ku iho la hoi ke keikialii, paa i ka laau a Kekuokalani, ia Hoolehelehekii.

            Ma kela holo ana o Magarita ma ke alahele loa iloko o ka Ululaau he mau hana hoolalau wale no kela ana i wahi e hoohokaia ai ka mea e uhai aku ana mahope ona, a i kona ike ana, ua kaawale loa loa oia mai ke Kakela Melodiana aku ua hoololohi oia i kana holo ana ahiki i ke kokoke loa ana aku o ua kanaka nei mahope on a, ia wa oia i pelu hou mai ai ihope, a hoi pololei loa aku la no kona home, me ka hoaa a ku hoi i ka hoke o ke Keikialii Marino, e maopopo ole ai iaia kana wahi e hou hele aku ai iloko o ka naele.

            No kela nalowale nonua ana aku o Magarita me ka hikiwawe loa, ua hoololi ae la ua keikialii nei i kona manao mua a olelo iho la, aole  kela he kino no kekahi wahine maoli aka he akua lapu hoopahaohao, no kekahi mea paha i make maloko o ka ululaau, a o kona uhane kela e hoowalewale ana i ka poe apau e hele ana maloko o ka ululaau.

            No kela ku ana o Marino i kahi o ka hoka me ka hoaa ua mihi iho la oia no kona luhi makehewa o ka uhai ana mahope o kela wahine holuhi, nolaila ua hoi pololei aku la oia ma kahi no ana o ka hookolo ana mai mahope o ka wahine me ka aahu eleele.

            No kekahi manawa loihi kela hoi malie ana aku a ua keikialii nei me na manaolana polio, halawai aku la oia mekona mau naita elima, e imi mai ana no lakou iaia a o kahi no hoi o ka laki ua pololei loa kahi a kela poe e hele mai ana, i ko ia nei alahele, nolaila ua hoomaikai like ae la lakou i ka hu hou ana me ka maalahi, a pane koke aku la no ua keikialii nei i ka ninau ana aku i kona mau kanaka:

(Aole i pau).