Ka Nupepa Kuokoa

KE KILOHANA POOKELA NO KA LAHUI HAWAII.

 

 

HE MOOLELO NO

TAZANA

-: A I OLE :-

Ka Hiena o na Ululaau Anoano

o na Kapakai o Aferika

 

            Hakalia no nae a pau ke kamailio ana aku a ua moi nei o na Paele, o ka manawa no ia i lokeia aku ai ka nakeke mai oluna o ke kumulaau, i nana aku ka hana o ua poe Paele nei iluna, e haule iho ana ke kino make o ka Paele nona ka moolelo a lakou e kamailio ana, a i ka wa i haule iho ai ilalo, ma kahi e kokoke ana ia lakou, ua ku ae la na mea apau iluna, a hoomaka aku la e holo, me ka mama apau i loaa ia lakou, aia ka pono o ka nalowale aku iloko o ka ululaau ma kekahi aoao o na kauhale o lakou, a i ka ike ana hoi o Tazana, ua mehameha na kauhale, o kona iho iho la no ia ilalo mai ke kumulaau mai, a loaa kana pu-a pua, ai pu aku la no hoi i na meaai i waihoia malalo o ke kumulaau, o kona kii aku la no ia i kela kino make, a lawe aku la a hookukulu ma kahi o ka puke-pa, me he mea la e nana aku ana ma ke alanui a na Paele o ka holo ana aku noloko o ka ululaau.

            I kela lawa ana no o na mea a Tazana i makemake ai, o kona haalele iho la no ia i kela kauhale o na Paele, a huli hoi malie aku la no kona home, me ka huli ana nae i mau meaai nana maloko o ka ululaau.

            O ka noho hoi keia o na Paele a hala kekahi manawa loihi maoli, ua huli hoi nui mai la no ko lakou mau kauhale, a i ka wa nae i ike mai a ii ke kino make o ko lakou i ka maka’u, a mahope iho o ka hoao ana no kekahi mau  manawa lehulehu, e komo mai iloko maka’u, akahi no ua poe Paele nei a hoea no ko lakou mau home, a kanu aku la no hoi i kela kino make; a i ko lakou wa i ike ai ua lilo hou na pua, a ua pau hoi na meaai i waihoia malalo o ke kumulaau i ka ai ia; akahi no lakou hoa, aku ua halawai maoli no oia he kino a he kino me ke akua lapu nona kela ululaau, a o ke kumu ia o kona make, elike me ko lakou manaoio mau, ma kela ano hoomanamana o lakou.

            Ua hooholo nui iho la no hoi ua poe Paele nei, o ke kumu i make ai o kekahi poe e ae o lakou, mamuli no ia o ka ike pono ana i kela akua lapu, a o ka poe no i ike ole iaia, aole he poino maluna o lakou; nolaila ua hooholo iho la ko lakou moi, e hoolako mau ia kela akua me ka pua i kela ame keia manawa, a e  waihoia malalo o ke kululaau, e waiho mau ia ai o na meaai.

            Mai kela manawa mai, a hoea wale i keia wa, ina e hoea ana kekahi mea ma na kapakai o Aferika, e ike ana no oia aia ma kekahi wahi hale uuku i kukuluia, e ku kaawale ana mai ka nui aku o na kauhale o na Paele, e ku mau ana he ipuhao, i piha me na meaai, a ma kona aoao hoi, e waiho ana he pu-a pua, elike me ka keia poe i hana ai, mamuli o ko lakou manaoio mau, aia he akua lapu i kuleana ialoko o ka ululaau, e pono ai e waiho mau ia aku na mohai imua ona, i kela ame keia manawa.

            Oiai nae o Tazana e hookokoke aku ana no kahi i ku ai o kona home, ua hookahaha loa ia mai kona noonoo, i ka ike ana aku, ma kahi kaikuono, e lana malie ana o ke kai, e ku mai ana kekahi moku nui a iuka hoi o ka aeone kekahi waapa, i hukuua aku a kau i kahi maloo, a o ka mea nana i hookahaha loa mai i kona noonoo, o ia no kona ike ana aku i kekahi poe kanaka ili keokeo, i like loa ko lakou ano me kona, e holoholo ana mawaena o kahi o ka waapa ame kona hale.  Ke hakilo pono loa la oia i kea no o kela poe kanaka, ua kulike loa me na kii maloko o kana mau buke, nolaila ua piha maoli keia me ke kahaha, a ke hookokoke mai la hoi oia ia lakou, maluna o na kumulaau, me ka makaala loa ana o ikeia aku auanei oia e kela poe.

            He umi ka nui o kela poe e akoakoa ana ma kahi o ka waapa, a e holoholo ana hoi mai ka waapa mai, no kahi e ku ana o ka hale, no kekahi manawa ko Tazana noke ana aku i ka hakilo i ka hana a kela poe, ua akoakoa nui aku la no kahi o ka waapa, a malaila i noke nui a ii ka hoopaapaa, a i ka hala ana o kekahi manawa, ia wa i hookau mai ai kekahi kanaka kino uuku i kona lima maluna o ka poohiwi o kekahi kanaka kino loihi, a ia huli ana mai no o ke kanaka kino loihi, a ka wa ia i unuhi ae ai o ke kanaka uuku, he pu panapana mailoko ae o ka pakeke o kona lolewawae, a ki aku la i ka mea loihi a hina aku la ilalo make loa.

            O keia ka makamua loa o ka lohe ana o Tazana i ke kani o kekahi pu, a o ka mea nana i hookahaha loa aku i kona noonoo, o ia no ka hina koke ana aku o ke kanaka kino loihi ilalo a make loa, iloko o ka manawa pokole, eia nae, me he wahi mea ano ole la, kela kani ana o ka pu panapana ia Tazana, aole ia he kumu nona e maka’u ai, a hopo iho paha i kela poe kanaka.

            O kekahi mea nana i hookahaha loa aku i ka noonoo o Tazana o ia no kea no o kela poe kanaka, a mihi loa iho la oia i kona hoike ole ana mai iaia iho imua o kela poe kanaka ina  paha, ua ki koke ia aku oia i ka pu panapana a make, a hoomanao iho la keia, ua like no ka na kanaka me ka holoholona, he mea kau la o ka ike ana mai i ko lakou poe ponoi, a lilo ia i mea nui, eia ka aole.

            No kekahi manawa ke ku malie ana o ua poe kanaka nei, alaila pa’i mai la kekahi o lakou ma ka poohiwi o ke kanaka uuku, me ka pu panapana e paa ana iloko o kona lima, ia wa i noke ae a ii ka akaaka, me ke kamailio ana mai hoi ma kea no oluolu loa, a mahope iho o ka noke nui ana mai i ke kamailio, ua haaleleia iho ke kino make o ke kanaka loihi e waiho malie ana iluna o ke one, o ka pane nui aku la no ia i ka waapa noloko o ke kai, a huli hoi aku la no kahi o ka moku e ku mai ana.

            Ke ike aku la no hoi ua o Tazana i ka holoholo mai o kekahi poe iluna o ka moku, a oiai ke hookokoke aku la ka waapa e pili ma ka aoao o ka moku, ua hoi iho la ua o Tazana ilalo mailtina mai o ke kululaau, a hoi mai la no kahi i ku ai o kona hale, no ka nana ana i ka hana a kela poe kanaka, a iloko o kona piha hoonaukiuki loa, ua komoia kona home e kela poe, a ua nokeia hoi na ukana oloko i ka lolelole.  O kana mau buke keia, me na penikala, e ahu mokaki ana maluna o ka lepo, o kana poe pua keia me na pana, ua lele liilii i o a ia nei.

            No kona noonoo nu ii kana mau waiwai makamae, ua hele aku la oia e huli ma kana wahi i waiho ai, a iloko o kona hauoli palena ole, ua loaa aku la no iaia kahi pahu kini, i waiho ai ke kii o kona makuakane.

            No kona lohe ana aku i ke kani ana mai o kekahi mea, ua kieie aku la oia ma ka puka aniani, aia hoi, ua hookuu hou ia iho ke hookah waapa hou iloko o ke kai, a he elua mau waapa e pili mai la ma ka aoao o ka moku, a ke ike la no hoi oia i ka iho mai o na kanaka a kau maluna o kela mau waapa elua, a hoomanao iho la keia, e lele mai ana  kela poe nouka nei o ka aina, a e hoi mai ana paha malako o kona home e noho ai.

            Ke ike aku la no hoi oia i ka hookauia ana iho o ma pahu nunui maluna o na waapa, a aole oia i haalele iho i ka nana ana aku mai ka puka aniani mai ahiki i ka wa i haalele aku ai o kela mau waapa elua i ka moku, no ka holo ana mai iuka o ka aina, akahi no oia a lalau aku i ka peni, a hoomaka iho la e kakau maluna o kekahi apana pepa, me ka hele ana aku a kau ma ke pani o ka puka, me ke kakia ana aku i kekahi mau laau liilii i paa ai, aole hoi e hemo mai i makani.

            Iloko o ka manawa pokole loa, ua hoakoakoa mai la oia i kana mau pua, na pana ame kana mau waiwai makamae apau, o kona oili aku la no ia iwaho, a holo awiwi aku la noloko o ka ululaau, mamua o ka hoea ana mai o kela poe malihini e ikeia ai keia maloko o kona home ponoi.

            O ka holo mai la ia o kela mau waapa elua ahiki i ka pili ana i kahaone, ua lele mai la na mea apau iuka o ka aina, a o ko lakou huina apau loa, he iwakalua ka nui , he umikumamalima nae o lakou, he poe wale no me na’ helehelena o ka poe i maa i na hana karaima, a he elima hoi o lakou i kaokoa loa ko lakou mau ano, mai ko kela poe kanaka mai.

            Iwaena o kela poe elima, he hookahi o lakou he kanaka aoo, i hele kona lauoho a keokeo, o kona lole e komo ana, he lole ia o ka poe hanohano a waiwai, eia nae ua hoju ole loa ia lole maikai i kela aina waoakua o Aferika.  Mawaho ae o kela elemakule, he elua mau kanaka hou, he hookahi kanaka opiopio, me hookahi mea aoo; a o kekahi mau mea aku i koe elua, he mau wahine laua, he hookahi he wahine Paele kino nui, a he kaikamahine opiopio hoi, ma kahi o ka umi kumamaiwa makahiki.

            I kalele ana mai o na mea apau nouka o ka aina,a hoolele pu ia mai la no hoi na pahu ukana lehulehu, ua hele pololei nui mai la ua poe nei no kahi e ku ana o ka hale o Tazana, aia hoi na kanaka ke hapai la i na pahu@ukana, a mahope loa mai kela poe elima kahi i hele mai ai me ka malie loa.

            I ka hoea nui ana aku no kahi e ku ana o ka hale, aia hoi ua halawai aku la ka ike a kekahi mau kanaka me ka palapala e kau ana ma ke pani o ka puka, a o ia ka kekahi i kamailio ae ai:

            “Ke ole au e kuhikewa, aole he pepa ma keia wahi i ko makou wa mua loa i hoea mai ai ma keia hale,” alaila akoakoa nui ae la, ua poe kanaka nei ma kahi o ka apana pepa, a oiai he poe kanaka hupo wale no kela, aole he ike i ka heluhelu, ua kakali iho la lakou ahiki i ka hoea ana mai o kela kanaka elemakule, me ka papale biva am eke kuka puapuamoa, alaila ninau aku la kekahi o ua poe kanaka nei:

            “E ka poropeka, e heluhelu mai hoi oe i ka manao o keia hoolaha, i ike aku ai makou i kakauia maloko o ka apapna pepa?”

            Kau ae la ke kanaka elemakule i kona maka aniani, a nana aku la ma kahi o ka apana pepa a Tazana i omou ai paa ma ke pani o ka puka, a mahope o kona nana ana no kekahi manawa, ia wa i hoopuka ae a ii keia mau olelo:

            “Ea, he keu ku ka hoi keia a ka mea kamahao maoli!” alaila hoolalau wale aku la no oia, me ka hoakaka ole aku imua o na kanakaluina i kana mea o ka heluhelu ana.

            “E huikala mai oukou ia’u no ko’u poina ana, eia ka hoi la, e hoike ae au i ka’u mau mea i ike, ia’u hoi keia, ua palaka pu ko’u noonoo,” alaila hoi hou mai la oia a kahi o ka apana pepa e kau ana hoomaka aku la e heluhelu me ka leo nui, a mai haalele honua no oia i kana heluhelu ana, o ka paa wale ana mai no o kekahi luina ma kona mau poohiwi, pela iho la oia i hoomau aku ai, ahiki i ka pau pono ana o ua huaolelo i ka heluheluia eia.

            Penei iho na olelo i kakauia e Tazana maluna o ka apana pepa ana o ke kau ana mawaho o ka puka o kona hale:

            “He hale keia no Tazana, ka weli o na holoholona ahiu amen a kanaka eleele,  Mai hoopoino i kekahi mau waiwai maloko o keia hale, he mau waiwai makamae loa lakou ia Tazana, a ken oho mai nei no oia me ka hakilo ana i na mea apau.  Owau iho no o Tazana o na Mapu.”

            “Heaha iho la kea no o keia mea?  Owai ia mea o Tazana o na Mapu?” i pane ae ai kekahi o na luina.

            “O kela mea i kappa iaia iho o Tazana, he kanaka oia i hiki ke kamailio i ka olelo Enelani,” i pane ae ai hoi ke kanaka opio ma ka aoao o ka poropeka.

            “Heaha hoi paha ka manao o keia mea i kappa iaia iho o Tazana o na Mapu?” i ninau ae ai ke kaikamahine opio.

            “He mea hiki ole ia’u ke pane pololei aku i ka haina o kau ninau e Miss Pota,” wahi a ke kanaka opio o ka huli ana aku a kamailio imua o ke kaikamahine opio.

            “He hookah wale no mea hiki ia’u ke olelo ae, malia paha o keia kakahi o na holoholona, oloko o ka pa hoikeike o na holoholona ma Ladana, a ua a’o ia oia i ka olelo a akamai, a i kona manawa i pakele ai ua hoi pololei mai la oia no keia wahi; aka nae heaha kou manao e Mr. Pota,” me kona huli ana mai imua o ke kanaka poropeka.

            “Owau no kekahi i hoopohihihi loa ia mai, ma o kea no la o na mea i kakauia maluna o keia apana pepa, a no kau ninau no ko’u manao e pili ana i keia mea o Tazana o na Mapu, aole loa e hiki ia’u ke pane aku,” wahi a ka Poropeka Pota, me ka huli ana aku e hele noloko o ka ululaau.

            “Pela iho hoi paha e papa, alia oe e hele e aku, e hoakaka mai oe i kau mea i manao ai no ke kanaka nana i kakau i keia hoolaha,” wahi a Miss Pota, alaila ku mai la kona makuakane a pane ae la:

            “Mai hoopilikia wale i kou noonoo no kela mau hauolelo.” ma ku huli hou ana aku hele noloko o ka ululaau, me ke kulou ana hoi o kona poo ilalo o ka honua, aia hoi kona mau lima ke pe’a la mahope o kona kua.

            “He keu no paha he ike kela kanaka elemakule, makehewa no ka inoa poropeka o ke kapaia ana maluna ona.  Manao au, ua ahona na luina moku imua o kekahi kanaka elemakule hookohukohu wale iho no, elike me keia,” i pane mai ai kekahi luina ma kea no kikoola o kana mau olelo.

            “E noho malie kou waha e keia kanaka lapuwlae,” i pane aku ai ke kanaka opio me ka piha i ka huhu.  O oe ame kou mau hoa, ka poe na lakou i pepehi i @a aliimoku a pau i ka make, a o oukou no ka poe na lakou i hoolele mai nei ia makou ma keia wahi me na manao lakoino iloko o oukou.  Heaha la hoi, eia makou apau iloko o ko oukou mana, aka nae ina e hoopuka oe i na olelo kupono ole e hoinoino ana ia Mr. Pota ame kana kaikamahine nei, aole loa e hiki ia’u ke ku aku a nanamaka me ka hana ole aku i kekahi mea e hoohamauia ai ko waha.

            “Mai manao oe i kou lako ana i ka pu, a maka’u aku au ia oe aole loa ua hiki loa ia’u ke uhaki aku i ko a i me kuu mau lima nei,” me ka wiliwili okoa ana aku o ke kanaka opio i kana puupuu imua o ke kanaka luina, a oiai he elua mau pu panapua iloko o na pakeke o kona lolewawae, me hookah pahi loihi ma kona puhaka, aole oia i hoao mai e hoaano imua o keia kanaka, aka ua kuemi hope aku la oia he mau kapuai ke kaawale mai keia kanaka opio aku.

            “He keu aku oe a ke kanaka hohewale!  O kea no o na kanaka elike me oe ea aia a huli kea lo o kou enemi i kahi e, o kou wa ia e ki aku ai iaia i ka pu, no ko maka’u o hiki ole auanei ke holopono ka manao pepehikanka iloko ou.  Ina paha he manao kou e pepehi mai ia’u e hana koke mai ia hana i keia manawa.” alaila hoohuli mai la i kona kua i kahi a ka luina e ku aku ana, me ka hele ana aku no kekahi wahi.

            Ma kela manawa a ke kanaka opio o ka hoohuli ana mai i kona kua, i kona hoa olelo, ua hoomaka ae la ke kanaka luina e unuhi i kekahi o kana mau pu panapana a paa ana iloko o kona lima, aia kona mau hoa luina ke ku mai la a nana i kona hooko aku i ka manao pepehi i ke kanaka opio.

            Mailoko mai o na lau o na laau e ulu kokoke mai ana, aia na maka hiaa o Tazana elua ke haka pono mai la me ka maopopo iaia o na mea apau.  Ua ike mai oia i ka piha kahaha o keia poe malihini i ka hoolaha ana i kau ai mawaho e kona hale; a oiai aole he hookah o na olelo i kamailioia ae e lakou ana i lohe aku ai, ua hiki no nae iaia ke hoomaopopo aku ma kea no o ko lakou mau helehelena, no ka piha o kela poe me ke kahaha.

            Ua ike pono o Tazana i ka pepehiia ana o kekahi kanaka kino loihi a make e kela kanaka poupou, o ka hoopaapaa ana me ke kanaka opiopio kulana keonimana, no ia kumu, aia ka hoowahawaha iloko ona, no kela kanaka poupou.

            Aole i maopopo ia Tazana na ano i pili aku i na pu, koe wale no kana mau mea i ike maloko o na buke a kona makuakane, aka nae mamuli o ka make ana o ke kanaka loihi, mai ka pu aku iloko o ka lima o ke kanaka poupou, ua lawa ia no ka haawi ana aku iaia i ka ike, aia he poino iloko o ka pu.

            No ka manao o Tazana e hooko aku ana kela kanaka poupou i ka mea ana i hookau aku ai maluna o ke kanaka loihi, he mau minuke wale aku no mamua i keia kanaka o ke kulana keonimana, nolaila wehe ae la oia i kekahi pua mailoko ae o kana eke, a omou mai la i ke kaula o kana kakaka, a no ka nui loa nae o na lau laau, e lilo a ii mea akeakea no ka lele pololei ana aku o ka pua, no kahi i makemakeia, ua waiho hou ae la oia i ka pua ame ka pana, a lawe mai la i kekahi ihe loihi, a paa ae la iloko o kona lima, me ka makaukau e hoolele mai a loaa ka mea ana i makemake ae e pepehi aku a make.

            Aia ke kanaka o ke kulana keonimana, a nona hoi ka inoa o Kikila Kelekona ma kahi he mau kapuai helu wale no ke kaawale mai ke kanaka poupou aku, a o Poropeka Pota hoi, ame kekahi keonimana aoo e iho, o Pilipa kona inoa, ke hookokoke aku la laua e komo iloko o ka ululaau; no ka wahine Paele hoi ke kauwa a Miss Pota, ke hooponopono la oia i na ukana o kona haku wahine, e ahu mokaki la mawaho o @a @ane; ua hoomaka aku hoi o Miaa Pota e hele mahope o Kikila Kelekona, o ka manawa no ia i hoopuiwa kokeia mai ai oia i ka lohe ana mai i ka leo uwe o ke kanaka poupou, me ka kani ana ae o kana pu panapana.

            Ua huli ino mai la o Mr. Kelekona ihope, a ike mai la i kekahi ihe loihi e paa ana ma ka poohiwi akau o ke kanaka luina poupou, a o ke kumu o ke kani ana o ka pu panapana, mamuli no ia o ke ku ana mai o ua kanaka ne ii ka ihe, me ka pololei ole nae o ka lele ana aku o ka poka o ka pu panapana e loaa ai he poino i kekahi mea.

            Ua hina aku ka luina poupou ilalo, aia no hoi ka ihe loihi ke paa la ma kona poohiwi, a ua haule aku kana pu panapana ilalo mai kona lima aku, a o ka nui o na luina, ke ku wale mai la no lakou nana, me ka piha i ke kahaha, me ka huli okoa ana aku o kekahi poe o lakou nana iloko o ka ululaau, ua lalau malu aku la o Kelekona i ka pu panapana e waiho ana iluna o ke one, a hookomo mai la me ka palanimo iloko o kona kuka, a hoolalau wale aku la no kana nana ana iloko o ka ululaau.

            Aia ke kanaka poupou ke noke la i ka wili i o a ia nei, i kau a mea o ka nui o ka ekaeka i kau aku malunaona, a holo mai la hoi o Miss Pota a puliki aku la i kekahi lima o Kelekona me ka ninau ana aku:

            “Owai la ka mea nana kela ihe o ke kiola ana mai nei a paa ma ka poohiwi o keia luina?” wahi ana me ka piha i ka maka’u.

            “Me ke kanalua ole au ke olelo ae eia o Tazana o na Mapu ke makaala a ke hoomakakiu mai nei, ma kahi a kakou i maopopo ole ai.  Ina no ke kanaka poupou i’o kela ihe i manao maoli ia ai, alaila, ua pomaikai kakou, ua loaa he hoaloha a he hoopakele ma ko kakou aoao, ma keia aina malihini.

            “Eia aku nei ko makuakane ihea?  Eia ihea ia kanaka o kakou  Me ke kanalua ole ke kaho aku i keia manawa, aia he mea maloko o ka ululaau i lako me na meakaua, he hananaaupo loan a kekahi mea, ka hoao ana e hele aku me ka hemahema,” alaila hoomaka okoa aku la o Kelekona e kahea me ka leo nu ii ka Poropeka Pota ame Pilipo, aole nae he pane i loaa mai, no ka mea, ua komo loa aku kela mau kanaka iloko o ka ululaau.

            “Heaha la ka kakou mea e hana ai e Miss Pota,” i hoomau hou aku ai no ke keonimana opio i ke kamailio ana, me ka luliluli pu ana iho no hoi o kona poo.  “Aole e hiki ia’u ke haalele hookah iho ia oe iwaena o keia poe kanaka okipuu, a oki loa aku hoi ko’u ae ana aku e hele pu oe me a’u iloko o ka ululaau e huli a ii kou makuakane, aka he mea pono nae i kekahi mea e hele e huli iaia, o nalowale aku auariei iloko o ka ululaau, a i ole pau mai paha i ka ai ia e na holoholona ahiu.

           

            “Ua maopopo ia’u ina no ka halawai o kou makuakane me kekahi poino, aole e hiki iaia ke ku aku a paio nona iho, pela no hoi kona kokoolua, he mau kanaka elemakule like no laua a elua, o ka hoea wale no o kekahi mea imua o laua, a a’o aku e akahele a e makaala mai ka auwana hele ana aku iloko o ka ululaau, o ka mea wale no ia e palekana ai, no ka mea eia kakou apau ma kekahi wahi poino a piha i na popilikia.”

            Ua kulike loa ka ko’u manao me kou e Mr. Kelekona, a ma ko’u kamaaina i kuu makuakane, oia kekahi o na kanaka paakiki loa ma kana mau mea apau e manao ai, a o ke kumu wale no paha e hiki ole ai iaia ke hookiekie mai, ma keia hope aku, o ia no ka hauhoa ana iaia a paa ikekahi kumulaau,” i komo mai ai o Miss Pota, ma ka hoakaka ana  koma manao.

            “Akahi ka hoi a pono, ua ala mai ia kekahi manao iloko o’u pehea he hiki no nae paha ia ke k ii ka pu panapana ea?”

            “He hana hiki ole auanei kekahi i ka wa o ka poino!  Heaha iho la ke kumu o kou ninau ana mai ia’u i keia mea?”

            “Ua lilo mai nei ia’u he hookah pu panapana a Sanaipa, kela luina i hoao mai nei e ki ia’u i ka pu, a o kona manao.  Me keia pu panapana, ua hiki ia o eke noho me ko wahine Paele, me ka hopohopo ole i ka poino, me ko olua hoi ana aku noloko o ka hale e noho ai, a pani mai i ka puka a paa, a owau hoi ke hele aku e huli i ko kakou mau hoa a hoihoi mai’ mamua o ko laua komo loa ana aku iloko o ka naele, e hoaa a ii kahi no laua e oili hou mai ai iwaho nei.”

            Ua maikai keia mau hoakaka a Kelekona i ka manao o Miss Pota, haawiia aku la ka pu panapana iaia, a hoihoi aku la no hoi o Kelekona iloko o ka hale, a i ka manawa i paniia mai ai o ka puka a paa maloko mai, ua haalele aku la o Mr. Kelekona i ka hale, a hele mai la no kahi e akokoa ana o na kanaka luina e noke ana i ka wehe  i ke ihe mai ke kanaka mai a lakou i nana aku ai he alakai no lakou.

            I ka hoea ana aku o Mr. Kelekona no kahi e aloakoa ana ua poe luina nei, noi aku la oia e haawiia mai kekahi pu panapana iaia, no ka hookolo ana aku mahope o kona mau hoa iloko o ka ululaau.  Ua manao no na luina e ae, he mea kupono ka haawi ana aku i kekahi pu panapana, aka nae oiai aole i make ko lakou alakai, a i ka wa i ike mai a ii ke ku o Kelekona, ua noke mai la oia i ke kamailio i kekahi mau huaolelo hailiili, me ka hoole paakiki ana mai, aole e loaa kekahi pu panapana iaia.

            Oiai o keia ke alakai hou o na kanaka luina, ma kahi o ko lakou alakai i pepehiia a make e keia kanaka poupou, aole e hiki i kekahi o lakou ke hookiekie mai, a hoole paha i kana kauoha, nolaila aole he mea hiki i kela poe luina ke hana mai, a oiai nohoi he mea makehewa ka noke ana aku i ke noi hoomano imua o kela poe kanaka oki puu, o ka lalau aku la no ia o Kelekona i ka ike o ka weheia ana ae a hemo mai ka poohiwi mai o ke kanaka poupou, a hoomaka aku la oia e hele pololei noloko o ka ululaau, no ka huli ana i ka Poropeka Pota ame Pilipo.

            I kela ame keia manawa e kahea mau ana o Kelekona i na inoa o na kanaka ana e huli nei, a ke lohe aku la @ Miss Pota ame kana kauwa wahine i kona leo, mai ka @ kaka mai nae ko laua lohe ana, ahiki i ke koli’uli’u loa a@ a pau aku la ko laua lohe hou ana i kona leo, no ka mea ke komo loa aku la ua o Kelekona iloko o ka naele @ ululaau.

            O ka mea oiaio maoli, ma kela manawa a ka Poropeka Pota ame kona hoa o ke komo ana aku noloko o ka ululaau, ua nanea loa laua i ka hele ahiki i ko laua hoaa ana i k@ alahele pololei e huli hoi mai ai no kahi o ka hale i ka ai ma kapakai, o ko laua hoaa ana i ko laua alahele pol@ huli hoi mai ai no kahi o ka hale i ku ai ma kapakai, @ laua ma ka aoao komohana o kela mokupuni, ina ma ka aoao hikina ka laua o ka hele ana, ina ua hoea laua iloko loa o kahi in oho nuiia e na holoholona ahiu,  I ko laua @ana no kahakai aole he ike ia aku o kela hale a laua i h@ lele aku ai mahope; alaila noke iho la laua i ke kukakuka i ka laua alahele e hookolo aku ai ma kapakai a hoea i ka@ a lakou o ka lele ana iuka o ka aina.  Ma kela kukakuka ana a ua mau kanaka nei, hooholo iho la laua, e he@e ma ka h@ ka mamao ma ka hema ku o kahi a Miss Pota me ka wahine Paele kauwa e noho ana.

            Ina n ohoi paha no ko laua kahea ae, malia he mea i@ e loheia mai ai ko laua leo, a maopopo kahi o ko laua mau hea in oho ai, aole nae pela, ua hopu aku la e hele no ka hema@ hoomamao loa ana ia laua mai ka hale, o ka mea mua l@ a a @a wahine Paele i noonoo ai, o ia no ka hana ana aku i ka puka a paa, i hiki ole a ii kekahi mea mawaho mai ke komo aku iloko e hoopilikia ai ia laua.

            Oiai nae oia e huli hele ana i kekahi mea, e kipapa mai a ii ka puka a paa maloko mai, halawai aku la ka ike a ko@ mau maka, me na iwi kanaka i ka waiho mai, a no l@ piha loa i ka maka’u ua holo mai @ o’a a puliki i kona haku wahine, a i ka ninau pono ana aku o Miss Pota i ke kumu o ka maka’u o kana kauwa, kuhikuhi ae la ka wahine Paele i kahi i waiho ai o ka iwi kanaka, a ike i’o aku la no hoi ke kaikamahine opio, i na iwi maluna o ka lepo, a maluna ke kahi o kahi moe, a he mau iwi liilii hoi kekahi e waiho mai ana maluna o kekahi wahi i hanaia no ka bebe.

            “He keu i’o aku ka keia a kahi maikai ole no kaua e noho ai,” i pane ae ai ke kaikamahine opio i kana kauwa Paele eia nae aole he ano maka’u iloko o kela kaikamahine elike me ia i loaa i kana kauwa.

            Hooikaika ae la o Miss Pota e kaawale mai, ka puliki ana a ka wahine Paele iaia, a i aku la:

            “E hoopau koke oe i kou uwe ana, aole keia he manawa no ka uwe, aka he wa keia no ko kaua imi i na alahele e palekana ai ko kaua mau ola, no ka mea aole ko kaua mau hoa maanei nei, e hiki ai ia lakou ke kokua mai.  Aole au i ike i kekahi mu olelo a Miss Pota i hoopau okoa ae i ka uwe ana a ka wahine Paele.

            Hele aku la ua o Miss Pota e nana pono i kea no i hanaia ai o ka puka, a iloko o kona hauoli, ei aka he pauku laau nui kekahi i hanaia e lewalewa ana ma ka aoao maloko o ke pani puka, nolaila ua hooikaika laua ma ke kula’i ana i kela pauku laau ahiki i ke komo ana ma na manamana laau elua i hanaia ma kahi o ke kikina puka, akahi no a manao ae ko laua palekaua, a o keia no hoi ka manawa mua loa o ka haule hou ana o kela pauku laau iloko o kahi i hanaia nona, mahope iho o ka make ana aku o Mr. Kelekona ame kona ohana maloko o kela hale.

            I ka pau ana aku o ka puka hoi mai la ua mau wahine nei a ma kekahi hikiee u noho iho la, me ke kahali ana aku o ka huli hoi mai o ko laua mau hoa.

 

MOKUNA XIV.

 

LILO O TAZANA I MEA HOOPAKELE.

 

            Ma kela haalele ana aku a Kelekona i na kanaka luina ua noke nui iho la ua poe kanaka ne ii ke kukakuka i ka lakou mea pono e hana aku ai, a o ka lakou o ka hooholo ana,  he oi aku ko lakou pono, e haalele koke iho iauka o ka aina, a e hoi aku nolun@ o ka moku, me ka hoomaka ana e holo no kekahi wahi okoa aku, mamua o ka ka loaa ana mai i kekahi moku okoa, a o kekahi kumu na o ko lakou makemake ole ana e hoomau i ka noho ana iuka o ka aina, no ka maka’u o pau lakou i ka make, i na kanaka hihiu oloko o ka ululaau, elike me ka lakou i manaoio ai, ua piha kela ulu laau i na kanaka ahiu.

            Nolaila i kela manwa a Miss Pota ame kana kauwa e noke ana i ka hooikaika ma ka hookomo ana i ke kua o ka puka iloko o na laau manamana, aia no luina hohewale o ka moku Aro, ke hoe la i ko lakou waapa no kahi o ka moku i ku ai.

            O ka hoea ana o keia puulu kanaka maluna o kela ai@a malihini amen a mea i lawelaweia e lakou, ua hoopiha loa ia aku ke poo o Tazana me na mea hookahaha he nui, a o ka oi loa aku o ka mea nana i hookahaha aku iaia, o ia no kona ike ana mai i ka helehelena u’i o kekahi kaikamahine opio.

            Ua hooiaio loa o Tazana iloko o kona noonoo, o keia kona lahui hookah.  Ua lilo no hoi i mea ho@ kahaha i kona manao, ka ike ana mai, aole na hana pepehi wale a luku hoomainoino iloko o keia poe, elike me na Paele ana i hoomaopopo ai, a pela hoi me kela poe kanaka o ka huli hoi ana aku noluna o ka moku, o kana wale no nae i koho iho ai, he hookah paha kumu o ka hiki ole ana i keia poe ke hoopilikia aku, mamuli no ia o ko lakou nele i na meakaua.

            Ua ike pono mai ua o Tazana i kela hopu ana iho a ke kanka opio i ka pu panapana i haule ai mai ka lima aku o ke kanaka poupou, a hookomo iloko o kona poli, pela hoi ka haawi hou ana aku, ua pohihihi loa ia ia Tazana.

            Ma kekahi ano ua loaa na manao oluolu iloko o Tazana no ka puulu o ka noho ana aku la iuka o ka aina, a hoowaha waha hoi no kela poe i huli hoi aku ai a kau noluna o ka moku, a i kona hoohuihui ana ae i kela ame keia mea, hooholo iho la oia, he enemi kekahi puulu no kekahi, nola@la e hakilo pono loa ana oia i ka hana a keia poe o ka hoea ana aku no kona aina, a noho hoi maloko o kona hale.

            Ua hookahahaia aku no ko Tazana noonoo, no ke kumu o na kanaka aoo elua, a pela hoi me ko ke kanaka opio hele ana noloko o ka ululaau, a aole hoi he wahi noonoo iki iloko ana, no ka nalowale o kekahi mea iloko o ka ululaau, mamuli no o kona maa iaia iho, ua like pu oloko o ka ululaau iaia me he mau alanui akea la, e moe ana ma ka aoao o kekahi kulanakauhale nui.

            Iaia i ike aku a ii ka pili ana o na waapa elua i ka moku, a pela hoi ka palekana o ke kaikamahine opio ame ka wahine Paele maloko o ka hale, hooholo iho la ua o Tazana e ho@ kolo aku oia mahope o ke kanaka opio, i maopopo ai ke a@ o kana hana, o ka hoea ana iloko o ka ululaau.

            Me ka hoohakalia hou ole iho, o ka haalele iho la no ia o Tazana i kana wahi e noho ana, a hoomaka aku la e hele maluna o ke kumulaau, ma kahi ana i ike ai i ke komo a@ aku o ke kanaka opio iloko o ka ululaau, a he manawa p@ kole wale no ia ana o ka hele ana aku, lohe ana no oia i ka leo o ua kanaka nei e kahea ana i kona mau hoa, a o keia no hoi ka manawa mua loa ana i lohe a ii kekahi leo kanaka i kamailioia ae e kona lahui ponoi.

(Aole i pau.)