Ka Nupepa Kuokoa, Volume LVI, Number 4, 25 January 1918 — LOAA PONO IA PIKO PAU IOLE. [ARTICLE]

LOAA PONO IA PIKO PAU IOLE.

Mahope iho o ka lilo mau ana o na dala a ka poe e hele ae ana maloko o ka hale o ka Y. M. C. A. e malama ai i na hana hooikaika kino mailoko aku o na wahi waiho lole, no na pule ekolu a eha ae nei i hala, i paa ae ai he keiki opio o umi-kumamaono wale no makahiki i ka hopuia, a nona hoi ka inoa o James Davis, ma»ka Poalima aku nei i hala. He keiki opio keia e hele ana ma ke Kula McKinley, a nona hoi na makua ma Hawaii, a ma ka oleloia, ua loaa pono aku kela keiki i kekahi o na kakauolelo -o ka Y. M. C. A. e hoao ana e lawe i na dala mailoko aku o kekahi wahi waiho lole. Ua hoike koke ia aku la ka lohe i ka oihana makaikiu, e hoouna mai i kekahi makai, no ka lawe ana aku i ke keiki opio e hoopaa nialoko o kahi hoopaa lawehala, a i ka hoea ana mai o ka Makaikiu Silva, ma ka oleloia; ua ae okoa aku kela keiki imua ona, no ko«a lawelawe ana i kekahi mau aihue lehuleuh, maloko o na walii waiho lole o ka Y. M C. A. iloko aku nei o na p,ule i hala. Ma ka oleloia, ma kekahi manawa, he iwakalua-kumamalima dala, i lilo mailoko aku o kekahi wahi waiho lole, o kekahi o na lala paainau o ka Y. M. C. A., a ma ka manawa i huliia aku ai ke kino o kela keiki, i loaa aku ai he elima ilala ma ke gula, ine kekahi mau dala keokeo, a ua loaa pu aku no hoi me kekahi uwalei gula, nona ka waiwaiio i kohoia ma kahi o ke kanalima dala.