Ka Nupepa Kuokoa, Volume LVI, Number 3, 18 January 1918 — MANAOIA UA AI MAOLI I KA LAAUMAKE. [ARTICLE]

MANAOIA UA AI MAOLI I KA LAAUMAKE.

O ka make ana 0 Kapena Green maloko o ka hokele 0 Waialua, ma ka po o ka Poalima, a ao ae ka Poaono aku nei i hala, ua lilo ia i kumu e ala mai ai o na hoohuoi ana, a ua manaoia, mamuli inai 0 ka ai ana i ka laaumake, i make ai oia, aole hoi mamuli 0 ka ma'i puuwai. O kekahi kumu nui 0 ka hookahuaia ana o kela manao, ua ai maoli no o Kapena Green j ka laaumake, 0 ia uo ka hoikeia ana ae 0 kona hoea ana aku no ka halekuai laau 0 Benson Smith, ma ka la 9 0 keia mahina, he la.hoi inamua ae o kona waiho ana aku i kona palapala waiho oihana, ma ke ano he poo no ka papa 0 ka poe kupono i ka oihana koa, a kuai aku la i kekahi laau no ka hoomake ana i ka popoki. Ua hoea aku oia no kela halekuai laau, a ninau aku la i kekahi 0 na kupakako oloko, e haawi mai iaia i kekahi laāu, e hikiwawe ai ka make ana o ka popoki, me ka olelo pu ana aku hoi, he popoki kekahi ana, ua kahiko, a ua makemake loa oia e pepehi i kela popoki a make, ma ke ano maikai, aole hoi ma ke ano ku i ka lioomainoino. No ka manaoio 0 ke kupakako he oiaio kela mau olelo a Kapena Green, ua haawi mai la oia i ka laaumake i manāoia ai no ka popoki, me ka hoakaka pu ana mai i na ano e hoohanaia ai 0 kela laau; a i kulike ai me ka hana mau a ka poe apau e kuai ana i na laaumake, ua kakau aku la 0 Kapena Green i kona inoa iloko o ka buke, alaila huli hoi aku la no kona home, me ka nanea pu o na mea apau, i ka manao maoli o kela laaumake ana i kuai aku ai. O kona make ana maloko 0 ka hokele o Haleiwa he maoawa pokole mahope mai o ke kuai ana i ka laaumake no ka popoki, ka mea nana i haawi aku i na noonoo ana iloko 0 kekahi heluna nui 0 na hoaloha o Kapena Green, ua lawe okoa ae no oia i kona ola iho, i pakele ai oia mai na kumu hoopii e ku-e ana iaia no ka hewa lawe i ka waiwai i waihoia aku malalo o kona malu; a i pakele pu ai no hoi oia, mai ka hilaliila mai e kau aku ana maluua ona.