Ka Nupepa Kuokoa, Volume LVI, Number 3, 18 January 1918 — HE HOME KUPONO E MALU AI [ARTICLE]

HE HOME KUPONO E MALU AI

'Ma kekahi manawa ae nei i hala, ua hoikeike aku r ke Kuokoa nei imua o kona poe heluhelu, o ka o\ loa aku i na kaikamahine ame na wahine opio e noho nei ma keia kulanakauhale, a e hele nei i ka hana, aole he wahi kupono a maikai e ae no lakou, 0 ka Lanakila Home wale no, e ku nei mauka o Palama. a no ka lua o ka manawa i kono hou ia mai ai keia pepa, e uwalo hou aku imua o lakou, ua hamama na ipuka o kela home no ke apo ana mai i ka poe apau e manao ana e loaa he wahi kupono a maluhia n'o lakou e noho ai, i kaawale hoi mai ka noho huikau ana, a mai ke alakoia aku, ' iloko o na hana nana e alako nei i keia lahui ilalo. Eia he helune nui o na kaikamahine opio ame na wahine opio ke noho nei maloko o na hale hoolinialima o ke ano huikau, e hoomanawanui ana i ke ano o ko lakou noho ana, mai na hana kupono ole a ko lakou maū ohana, a inai na hana hoowalewale a pahele noonoo mai, e hoopuni ana ia lakou; no keia poe la, e pau ka noho hoopili wale ana malalo o ka ohana, e pau ka huikau ana aku iioko o na anaina a ka poe i makemake wale mai I no, e hoolilo i na kaikamahine ame na wahine opio, 1 luahi no ka lakou mau hana pauaka; a e ku ae iluna me ka maloeloe. a hoi ae ma keia Home e noho ai, e olelo iho-ai ke kaikamahine ame ka wa-J hine opio. ua loaa he puuhonua nona, e hoopuniia ana hoi e na hoaloha i makaukau mau e haawi mai i na lima kokua o ke aloha hoa kanaka iloko o ko lakou wa o ka pilikia. No ka moe ana, ka ai ana, ame na mea e ae apau e pono ai ka noho ana ma keia Home, he keu aku a ka oluolu loa, e hiki ai i ka mea uuku o kana wahi loaa o ka pule, ke uku i kona mau hoolilo ponoi, me ke koe nui o kana mau loaa, no kona mau hemahema pili kino, a mau makemake paha, a o ka.mea oi loa aku, ua hoopakeleia oia mai kona lilo ana i mea auwana, a noho paha iloko o ka huikau, e hiki ole ai iaia ke ku aku imua o na hoowalewale he nui, e maaloalo niau ae ana imua o kona mau maka. 1 keia la. ua hele na hale hoolimalima loloa e ku nei ma kela' ame keia wahi o ke kulanakauhale a piha i ha kanaka; ke lawelaweia nei, a ke malamaia nei na hana haumia maloko o kela mau. hale, elike me na mea oiaio i huliia, a i ikeia e ke kiure kiekie o ke. Teritore; o ka noho ana aku o na kaikamahine ame na wahine opio ma kela mau hale, he hana paakiki na lakou ka hoao ana e hoopakele

ia lakou iho, mailoko mai o ke komo pu ana aku iloko o kela ano hana, oiai he nui na mea e paheleia mai ai o ko lakou noonoo, e hiki ole ai ke kupaa, a no ka hoopakele ana ae ia lakou, a no ka makee ana no hoi e lilo na kaikamahine opio i poe maikai, a i |poe ,kupono e Tjaaheb a,i kakou ma ke ano he lahui, j pela keia pepā e iini nei e hoi ae ka poe apau i loaa ole ka noho oluolu ana Tne ko lakou mau ohana, ma keia Hoilie, aia malaila na hoaloha, na lakou i e haawi mai i ,na kokua ana, Nohea mai ka heluna nui o na kaikamahine opi.opio na lakou i hoopiha aku i ke Kula Hoopololei o īla Kaikamahine ma Kamoiliili i keia la? Me ke kanalua ole ke olelo ae, o ka elua-hapakolu o kela miau kaikamahine, ua lilo aku lakou ilōko o na hoowalewāleia, mamuli mai o ko lakou kulana noho huikau, me ka maikai ole o ko lakou noho ana me ka keia pepa e manaoio nei, ina i hoi kela poe kaTkamaTvine maloko o ka Home Lanakila e noho ai, mahope iho o ka ike ana, ua kupono ole loa ko lakou noho. ana ma ke ano huikau, i keia la aole lakou māloko v o kela kula, aka ke noho hana nei lakou, a ke malama nei ia lakou iho malalo o na ano kupono; a o kk-ike e loaa ana ia lakou no ke ano o ka malama amd ika noho ana o ka Home Lanakila, ka mea nana e Jhoomahuahua ae i ko lakou kupono. Aole no na kaikamahine" ame na wahine opio wale no oloko iho nei o keia keia Home i manaoia, aka no kosia : ipuāaina poe mai kekahi, i loaa ole he mau wahi Jcu|)coao e noho ai; ua hiki ke hoi ma kela wahi e e hoohala ana i kekahi manawa ma Hoiloiūlm nei, aole nae ia ma ke ano e noho wale aku no, ak"a me ka uku ana i kekahi mau hoolilo emi loa, i emi iho, mamua o na hoolilo ke noho pu me ka ohana. .. Malia paha, mamuli niai o ka maopopo ole, kumu o ka noho pohihihi o kekahi heluna nui na kanaka Hawaii no keia Home, in.a pela, alaila e hoopauia ana ia pohihihi, ma keia hoakaka ana, a i halawai me kekahi pilikia ma keia mua akū, e manao iho ke kaikamahine a wahine opio paha, aia he puuhonua nona, i makaukau mau e hoopakele ae iaia, mai na poino 'mai o keia noho kino ana: a ku ae iluna me ka maloeloe a hoi ae ilaila, me ka hoikeike aku i na pilikia imua o ka poe na lakou e malama nei i kela Home. Ke manao nei ke Kuokoa, eia maloko nei o ke kulanakauhale i keia la he nui o na kāikamahine ame na wahine opio i halawai mai me ria pilikia lehulehu o keia noho ana, i nele hoi i na hoopakele kupono ana no ko lakou pono, no ia poe ka keia pepa e makee nei e lilo ka Lanakila Home, i wahi no lakou e noho ai, a e hooponopono ai ia lakou iho, e pii ae a kau ma na anuu kiekie o ke ano kupono o ke ola ana, a e kaawale aku ai hoi na noonoo pilihua mai ia lakou aku.