Ka Nupepa Kuokoa, Volume LVI, Number 1, 4 Ianuali 1918 — IMUA O KO KE KUOKOA POE HELUHELU [ARTICLE]

IMUA O KO KE KUOKOA POE HELUHELU

Ma keia puka ana aku o ke Kuokoa, o ka hoomaka ana ia o ka helu mua loa o keia makahiki 1918, a o ka poe apau e noho aie nei, no ka makahiki i hala aku la, i hoomanao ole mai i ko lakou aie, ke noiia aku nei ko lakou oluolu ,e hoouna koke mai i ko lakou koena aie, a e hoomanao pu mai no me ka auhau o ka lakou nupepa no keia makahiki e nee aku nei. , Aole he mea niaa ka hoouna ana aku i ka nupepa me ka uku ole ia mai o ka auhau mamua, a oiai he rula paa ia no keia keena pa'i nupepa a no ke Kuo - koa hoi, nolaila ke makemake nei makou e hoopakele ae i ko makou poe lawe Kuokoa, mai ke komo kuhohonu ana aku iloko o ka aie, ma ka hoeueu .ana aku ia oukou, e hoouna mai i ko oukou aie kahiko, pela wale no e hiki ai e hoomauia aku ka hoouna ana i ka nupepa, a o ka hoohemahema ana ma ko oukou aoao, e konoia mai ana makou e hoopau i ka hoouna ana aku i ka nupepa. Ke manao nei makou, ua lilo ka Nupepa Kuokoa i ipukukui hoomalamalama no na liome Hawaii; a ua hoolawa aku hoi ia i ka makemake o ka poe heluhelu, elike me ka mea hiki; me ka'nui pu o kona mau aoao, me na mea heluhelu i oi aku imua 0 na nupepa e ae, e hoohewahewa ole ai kona poe 'heluhelu no ka makepono maoli o na dala elua i kakiia aku no ka makahiki hookahi, a makou e hewa ole ai ke olelo ae, he hookahi no kumu hi.<i ole i kekahi poe ke hoomanao mai i ko lakou aie, mamuli no ia o ka hoopalaleha. Ua lioao makou ma kekahi mau makahiki ae nei 1 hala e hoomanawanui i kekahi poe i kakau okoa mai i keia keena, e kakali ahiki i kekahi wa kupono alaila hookaa mai lakou i ko lakou aie, o ka hopkp ana mai nae ia-manp, ua lilp i hana paakiki, a ua paa pkpa ia ka lakou nupepa, a no ka poe i minamina maol'i, ua wikiwiki i ka hookaa mai, me ka ili } ana mai nae o na poho maluna o makou; e loaa I aku ai ka ike i ka poe heluhelu, ame ka poe e lawe nei i keia nupepa, o ke kahua nui iho la no ia e holomua ai ka oihana pa'i nupepa, o ia no ko oukou uku pololei ana mai i ko oukpu aie, pela iho la lioi e hiki ai ke ukuia aku na limahana ame na hoolilo mau o ka oihana pa'i.

Mamuli o ka nui o oa hemahema ma ke kakau ana o na makamaka i na pala e hoounaia mai nei ma keia keena no ka lioopuka ana aku, e laa< ka hoomaopopo ole ia o na rula o ke kakau ana, ua konoia mai makou e kauleo hou aku i na makamaka, e akahele, a e makaala hoi i ka lakou kakau ana. Ma na hoomaka ana apau foa o kekahi manao, e kakauia me ka hua nunui; e hookaawale no hoi i kekahi pauku mai kekahi mai; e kau i na hua nunui ma kahi o na inoa a pani inoa paha, na kpnin ma kahi o na koma, pela ke kikokahi ma kahf kupono. E kakau i hookahi wale no aoao, aole. e kakau ma kekahi aoao mai o ke kanana hookahi!