Ka Nupepa Kuokoa, Volume LVI, Number 1, 4 January 1918 — E PANE I NA HAINA ME KA POLOLEI [ARTICLE]

E PANE I NA HAINA ME KA POLOLEI

Ua hoounaia aku he pepa ninau i kela ame keia mea i hoopaa ae i kona inoa, no ka lilo ana i koa iloko o ka oihana koa o Amerika liuipuia, a ua makemakeia kela ame keia e pane i na ninau apau maloko o ia pepa, ma ke kakau, a hoouna pololei aka i ke aupuni, maloko o ka wa-hi leka, i hoomakaukauia no ia hana, a maloko o na ninau apau, ua makeinakeia na haina pololei wale no, aole hoi o na iiaina pololei. ole, me ka manao e pulapu aku, i wahi paha .e pakele ae ai mai ke kikooia ana mai e komo aku iloko o ka oihana koa. Ua makemakeia ka poe apau i hele ae e hoopaa i ko lakou mau inoa, ma ka la 31 o lulai aku nei i hala, ma na wahi lehulehu i hookaawaleia no kela hana, e hoop.ihapiha iho i na haina apau no na ninau ma ko lakou mau home ponpi, ina ua hi|ci ia lakou ke hana, me ka maalahi loa; a o ka poe i hiki ole ia lakou ke hoppih&piha, he mea pono ia lakou ke hele ae ma na wahi a lakou i hoopaa ai i ko lakou mau inoa, iloko aku nei o ka mahina o lulai, malaila e loaa ana ia lakou kekahi poe, ua lakou e kokua mai ma ka hoopihapiha ana i na pepa ninau; īio.laila e hoomaka ana ma ka Poakahi ae nei, ka la ehiku o īanuan nei, ahiki i ka la iwakalua-kuma • mahiku, e hamama ana na wahi' hoopaainoa apau, no ka hoea ana aku o ka poe i hiki ole ia lakou ke pane i na ninau me ka maalahi, malaila e loaa ana he poe kokua, i hoonohoia no keia liana nui a ke āupuni i makemake ai e hookoia me ka pololei. Mai hoopalaleha i keia hana., no ka mea he hoopa'i ko'iko'i ka i hoakakaia e ke kanawai/ no ka poe e hooko ole ana, ma ka hoopihapiha ana i na haina apau o na ninau i pili loa aku ia lakou, a i wahi e pakele ae ai mai ia hoopa'i mai, a e auamo ole ai hoi i kekahi hopeua awahia, aole he hana nui ka hoopihapiha ana, a ina paha ua maopop.o ole i kekahi poe ke ano o ka pane ana, alaila e ninau aku i kekahi pōe i maopopo; a o ka oi loa aku no o ki pono, o ia ka hēle ana aku imua o ka poe i hoonohoia ae ma na wahi i hookaawaleia, no ke kokua ana mai ma ka pane ana i na haina pololei.