Ka Nupepa Kuokoa, Volume LVI, Number 1, 4 January 1918 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

HE MOOLELO NO

TAZANA

A I OLE

Ka Hiena o na Ululaau Anoano

o na Kapakai o Aferika

            No na mea e pili ana i na laau kupono e hoolaia ae ai na eha o ke kino, ua noho naaupo loa na mapu, o ka mea hiki wale no ia lakou, o ia ka palu mau ana aku i na wahi i eha. ma ia ana iho la e palu mau aku ana o Kala i na eha o Tazana, a he mea oiaio nae, ma ia hana mau ana pela, ua hikiwawae ka hoola ana mai o na wahi apau i eha o Tazana.

            Hoko o na la mua, mahope mai o kela hakaka ana o Tazana me ke gorila, aole e hiki iaia ke ai i kekahi mau meaai a kona makuahine e haawi aku ana iaia, oiai ua nohoalii iho la ka ma'i @va maluna on a, o kana mea wale ne e noke mau ae ana i ke kahea i wai, a oiai he naaupo na mapu, o kahi wale no e loaa aku ai ka wai ia Tazana, mai ka waha aku no ia o Kala, iaia e hele ai e kii mai ke kahawai mai a hoihoi aku e hoohainu i kana keiki.

            Ke hoohalikelike ai i na hana a keia mapu, aole no ia i kaawale aku. mai na hana a kekahi makuahine, i makee a i aloha no kana keiki, pela iho la o Kala e malama la i kana keiki hookama.

            Mahope iho nae o ka hoomana wanui ana, ua auhee ake la ka ma'i @va. a pii liilii ae la no koi ko Tazana oluolu ; a oiai na hele ka ehaeha a nui i loaa aku ia Tazana, aole nae ia he mea nona e kaniuhu ai, koe wale no ka hoomanawanui ana. i na mea apau e hanaia aku ana e kona makuahine maluna ona

            Ma ke ano nui ke olelo ae, ua pakele mahunehune maoli no ko Tazana ola mai na maiuu loloa mai o ke gorila, no ka mea ua maiki pu ia kekahi i'o nui mai kona umauma aku, me ka haki ana o kona mau iwiao ekolu, i na pa'i mahanahana a kona hoa paio, a he mau i'o hoi o kona mau lima i nokeia i ke nahu e na niho nunui o ke gorila, a ma ka uila pomaikai wale no i pakele ai oia mai ka make ae.

            Hoko o kela mau la a Tazana e noo hoomanawanui ana i kona mau palapu, ua ku a hilahila maoli oia i ka noho kokoke mai ma kahi nui o na mapu, no kona makemake ole ike mai lakou i ko ia nei noke i ka uwe i ka eha, aka e hiamoe ai, a e uumi hoomanawanui ai hoi i kona mau ehaeha.

            Hoko nae o keia manawa a Tazana e waiho nei i kona eha, aia mau o Kala ma kona aoao i kela ame keia manawa, o ka manawa wale no e kaawale aku ai, o ia kona @ wa e hele ai e huli i ai na kana keiki, a e kii ai paha i wai i ke kahawai, aka i ka loaa ana mai o ka oluolu ia Tazana, akahi no a loihi akuu ko Kala manawa e kaawale ai mai iaia mai, no ka hele aua no e huli i mau meaai na laua, o ka nui no nae o ka ai na kana keiki, a he uuku loa na meaai e komo iloko o kona waha, a ma kela ano iho la, ua emi mai la ke kino nui o kala a wiwi maoli ke nana aku.

MOKUNA VII.

            He mau pule okoa kela waiho ana o Tazana iloko o kona pilikia, a ma ka ekolu mai o na pule. akahi no a hiki iaia ke ku ae iluna. a hele nona iho me ke kokua ole mai o Kala, a hele no hoi a piha ka elua mahina, ua auhee aku la kona mau pilikia apau mai iaia aku, a hoi hou mai la kona ano kahiko, me he mea la, aole loa oia i halawai iki me kekahi pilikia ma na lala o kona kino.

            Hoko o kela manawa a Tazana e waiho malie ana i kona pilikia, ke noonoo mau la oia no kela hakaka ana ona me ke gorila. a o ka mea nui wale no iloko ona, o ia no ka hoi hou ana mai o kela pahi. nana i pepehi aku i ke gorila a make. e lilo ai i mea waiwai loa nana e malama ai i kela ame kaia manawa, no ka halawai hou aku no me ua hoa hakaka. ua loaa kana mea e pepehi aku ai i ka enemi.

            I kela hoi pono ana mai o na ano kahiko o Tazana ua hooholo iho la oia e hoomau hou aku i kona hele ana no kela hale ana i ike ai i kekahi mau mea waiwai nui, nolaila ma kekahi kakahiaka nui wale, haalele iho la oia i ka nui o na mapu. a hele aku la no kahi  i waiho ai k@ kino o ke gorila. a oiai ke alua mahina okoa kela a oi, ua helelei na iwi o ka pilikua, a mahope o kona noke ana aku i ka huli me ka hoomanawanui, ua loaa aku la iaia kana pahu, ua hele no hoi a piha me ka lepo hao, i kau a mea o ka pulu i ke kehau  ame ke koko, aka ua hauoli nae oia i ka ike hou ana i kela pahi.

            Ua minamina loa ua Tazana i ka loli ana ae o kana pahi mai kona huali mai a i ka hapa'upa'u, o kona ike ole iho nae i ka mea e hana aku ai a hoi hou mai kona ano mua, ua malama iho la no oia i kela pahi, ke hona maka'u ole i halawai hou aku me na ano holoholona ahiu oloko o ka ululaau, a ua pau no hoi kona maka'u i ke kane Kala, no ka mea ua loaa kekahi mea nana e hookau aku i ka wli maluna o ka poe apau e hoao mai ana e ku-e iaia.

            Mahope iho o kela loaa hou ana o kana pahi, ua kamoe pololei aku la oia no kahi o ka hale. a oiai ua loaa iaia ka meahuna e pili ana i ke ano o ka wehe ana aku i ke pani puka. a iaia i komo aku ai iloko, o kana hana mua loa, o ia no ka nana pono ana i ke ano o ka laka. a mamuli o ka hoao mau ana mai maloko, me kepani ana mai i na manawa apau a paa, i noho hookahi aku o kekahi mea, i kona manawa e nana ana i na buke kii.

            He nui wale na mea a ua o Tazana o ke kii ana aku e nana, aka nae me he mea la, aia mau no kona noonoo nui ana i ka buke, nolaila waiho aku la oia i kela ame keia mea, a lawe mai la i na buke, me ka nana pakahi ana i kela ame keia buke, me ka maopopo ole no nae iaia o kekahi mea.

            Maloko o kekahi buke, o ia ke buke kumumua no ka poe akahi no a a'o i ka heluhelu, ke kii o kekahi keiki i like loa ke ano me ko ia nei, koe wale no nae he lole ko kela keiki maloko o ke kii. a he olohelohe hoi ko ia nei, aia hoi malalo pono iho o kela kii, ka husolelo keiki. a iaia o ka hoomau ana aku i ka nana ana ma na wahi e ae. e ike mau ana no oia i kela huaolelo  keiki malamo o ke kii o ke keiki.

            Ma kekahi wahi okoa aku nae, ike hou aku la no oia i ke kii o ke kaiki. me kekahi holoholona, a malalo hoi o kela kii. na huaolelo he keiki me ka ilio. Ke makemake loa la o Tazana e maopopo iaia ka manao o kela mau huapalapala like ole. he hana paakiki no nae ia. oiai aole he mea nana oia e kuhikuhi mai. a e a'o mai hoi i ka heluhelu ana, aka nae aia ka manao paa iloko on a, lanakila oia maluna o ke pohihihi, a e hooikaika aku ana oia ma na ano apau, ahiki i ka uwiuwiki liilii ana mai o  kauwahi malamalama no na mea waiwai maloko o na buke.

            Ma ke ano nui nae ke olelo ae, ua hiki loa ia Tazana ke heluhelu. a kakau me ka maopopo iaia o ka manao, aole nae he hiki iaia ke kamailio, mamuli keia o kona huli hoomanawanui ana i kela ame keia la, ahiki i ka piha ana he mau makahiki.

            I ka wa i piha ai ia Tazana na makahiki he umi-kumama-lua, a ma kekahi la, ua loaa iho la iaia he mau penikala, maloko o kekahi holowaa malalo o ke pakaukau kakau, a iaia i kaha wale iho ai no kekahi o kela mau penikala maluna o ke pakaukau, ua hoopiha loa ia mai oia me ka olioli, i ke ike ana iho i ke kohu iluna o ka papa ana i kaha iho ai.

            Ua hoomau wale aku la no oia i ke kahakaha ana, no kekahi manawa loihi ahiki i ka hele ana oluna o ke pakaukau a he eleele wale no i na kahakaha o ka penikala . Pau ae ana ke kohu o ia penikala, lalau aku ana he peni okoa, a hoomaka aku ana e kahakaha, e hoao okao ana hoi e hoohalike i kekahi mau huapalapala, aole no ia he hana maalahi, no ka mea o ke ano o kana paa ana i ka peni, ua like no ia me kona paa ana i ka pahi, a he paakiki moli no ke kahakaha ana iho, a kulike me na huapalapala.

            E hele mau aku ana o Tazana no kela hale i na mahina he nui mahope mai, a mamuli o ka hoao ana i ke ano maalahi o ke kakau ana, akahi no a loaa iaia ke ano maalani e paa ai i ka peni, ma ia ano iho la ua lilo i hana maalahi loa iaia ka hoohalike ana me na huapalapa apau ana e makemake ai.

            I ka piha ana o na makahiki he umi-kumamaono iaia, ua hiki maoli ia Tazana ke heluhelu ma ke kakau ana, a ua hoopau loa ia mai no hoi kona pohihihi no kona ano iho, a hoomaka aku la oia e kakau maluna o ka apana pepa:

            Aole au he keko, aka he kanaka au," a he nui wale aku kana mau mea i kakau ai, me na inoa pakahi o kela ame keia holoholona, elike me ko lakou mau ano maloko o ke kii.

            Hoko o keia manawa a Tazana e hooikaika ana e loaa ka ike ame ka makaukau iaia ma ke kakau ana ame ka heluhelu ana, ke hoomaamaa mau la oia iaia iho me ka ike hoohei e ke kaula, a pela hoi ka hoohana mau ana i kana pahi. Ua oi loa ae ka nui o ka ohana mapu a Tazana e noho nei i kela manawa, oiai. mamuli o ka noho moi ana a Keka, ua hookaawale loa aku kekahi mau puulu o na mapu ma kahi mamao loa, a ma ia ano i ka wa no e nunui ae ai o na mapu wahine, e lawe ae ana no na mapu kane kahiko, ia lakou i mau wahine, a in a. no hoi he mau mapu wahine hou e loaa aku ana ia lakou, e laweia mai ana i mau wahine na ko lakou moi, nolaila e pii mahuahua mau ana ka nui o kela puulu o na mapu, i kela ame keia makahiki.

            Hoko no hoi o na manawa hana ole, e a'o maoli ana na mapu hou i ka hakaka, mamuli o ka hele ana aku imua o Keka, e a'o mai ia lakou i na makaukau o kela hana, eia nae aole he hookahi o lakou i hiki e lanakila maluna o ko lakou moi.

            No Tazana nae, ua loaaa aku no ka ike i na mapu, aole oia he mea noloko o ko lakou ohana hookahi, a ua piha na mapu kane i ka hoowahawaha iaia, mamuli paha o ke kaokoa loa o kona mau ano mai ia lakou mai ; a in a aole kona mau ano eleu, ke akamai ame kona mama pu, me ka hui pu ana mai hoi o Kala, ma ke kiai makaala loa ana iaia, in a ua make kahiko ua o Tazana i ka pepehiia iloko o kona wahi wa uuku.

            Iwaena o na mapu apau, o ke kane wale no a kala ka enemi ino loa o Tazana, aka i ka piha ana nae iaia o na makahiki he umi-kumamakolu, ua pau loa ka hoao ana o kekahi mapu e hoopilikia mai iaia nei, mamuli o ko lakou ike maoli iho no, ua hiki loa ia Tazana ke hoopilikia mai ia lakou, me kona makaukau ma ka hoohei ana i ke kaula a ma ka hou ana mai paha me kana pahi loihi.

            Ma kekahi la. a elike me ke ano mau iwaena o ka puulu o na mapu, ua hoakoakoa ae la lakou. ma kekahi wahi ponaha iloko o ka ululaau, ua hoopuniia na wahi apau e na kumulaau, a o kahi kaawale e hiki ai ke holo, in a no ka hoopilikia mai, o ia no oluna o na kumulaau, nolaila he wahi maikai a kupono loa kela no na mapu e hooluana ai, a hana i na mea i maa ia lakou.

            O keia iho la kahi a na mapu e hoakoakoa mau ai ia lakou iho ; aia iwaenakonu o kela ponaha, malaila kekahi ipu nui, i hanaia noloko mai o ka lepo e na mapu, a o keia iho la ka lakou pahu e noke ai i ka hookani, a ua nui na kanaka kaahele o Aferika, i lohe i ke kani o kekahi pahu. aole nae lakou i ike i kahi o kela kani lakou e lohe ana, ame n ano hanakuli like ole, a o Tazana hookahi wale no ka mea i hui pu aku, a he hookahi ka hana like ana me na mapu.

            Hoko o ke ano holoholona o na mapu, aia no nae he mau hana a lakou e lawelawe ana i kulike aku me na hana a na kanaka, e laa ka hookani ana i ka lakou pahu, ka noke ana i ka hula, e noke ana i ka haa i o a ia nei.

            Maloko o kela ponaha i uhi paapu ia e na kumulaau ame na nahelehele loloa, i akoakoa aku ai na mapu ma kahi o hookahi hane@i a oi ka nui, e komo pu ana hoi me Tazana, a o ka manao nui no nae o ka hoakoakoa ana o na mapu ma kela wahi, a noke i ka hauoli, o ia no ka wa e kaa ai ka lanakila ma ko lakou aoao, mahope iho o ka paio ana me na enemi, a i ole, ka lawe pio ana mai paha i kekahi mea, a i ole, ka pepehiia ana o kekahi pilikua oloko o ka ululaau a make e lakou.

            Ma keia la nae, o ke kumu o ko lakou akoakoa ana aku ma kela ponaha, mamuli no ia o ka pepehiia ana o kekahi mapu pilikua o kekahi lahui e aku a make e keia poe mapu, a ia lakou no akoakoa aku ma kela wahi, ia wa i ikeia aku ai ka oili ana mai o kekahi mau mapu kino nunui, a e ka'ika'i ana hoi laua i ke kino make o ua pilikia nei.

            Lawe mai la kela mau mapu i ke kino make o ko lakou enemi, a waiho iho la ma ka aoao o ka pahu nui a lakou, a ku iho la laua malaila, ma ke ano he mau kiai, a naholo aka la hoi ka nui o na mapu iloko o na lau maloo o ka laa@ no ka hiamoe ana, ahiki i ka oili ana ae o ka mahina, o ka manawa ia a lakou e hoomaka hou ai i ka lakou mau hana hoohauoli.

            No kekahi mau hora, aole he loheia o kekahi nakeke ma kela wahi, aia ka maluhi ame ka anoano ke halii la maloko o na wahi apau o ka ululaau, aka nae i kela ame keia manawa, o ke ke'uke'u o ka leo o na manu, ka mea loheia aku, oiai he mau kaukani o lakou maloko o ka ululaau.

            I na mapu kiai no ka ike ke hoomaka ae la ka mahina e oili maluna o ka piko o na kumulaau, ua hoala aku la laua i ka nui o na mapu, a iloko o ka manawa pokole loa, ua akoakoa mai la lakou apau i kahi hookahi, no ka hoomaka ana aku i ka lakou hana o kela po.

            Mawaho loa o ka laina, malaila na mapu wahine ame na mapu opiopio, a maloko mai o lakou, malaila ka laina o na mapu kane, a mamua pono mai hoi o ka pahu lepo nui, malaila he ekolu mau mapu wahine aoo, a e paa ana kela ame keia pakahi o lakou he laau loihi ma kahi o ka umi-kuma-mawalu iniha.

            Ke noke malie la kela mau mapu wahine i ka hili i ka ipu me ka lakou laau. oiai ka malamalama o ka mahina e oili ae ana maluna o ka piko o na kumulaau, a i ke kiekie loa ana ae o ka mahina iluna. ua hooikaika loa iho la ua mau napu nei i ka uhau ana i ka lakou laau, ahiki i ke komo okoa ana mai o na mapu, he hookahi ka hanakuli like ana, e hiki ai ke loheia ko lakou mau leo uwa, ma kahi he mau mile ka mamao. O na mapu pilikua keia, e ku okoa iho ana lakou i kahi hookahi, me ke au hele ana  o na maka ma o a maanei. a e hoolohe ana hoi na pepeiao, no ka loheia aku o kekahi makeke mai kekahi enemi oloko o ka ululaau, e hookokoke mai ana ia lakou.

            Oiai kela mau hana hoohauoli e lawelaweia ana e na mapu, e kahea okoa ae ana kekahi me ka leo nui, e kauoha aku ana i na mapu o kekahi lahui e aku, e hele mai e hakaka, eia nae aole he loheia aku o ka nakeke mai o kekahi mapu, a i ole la hoi ia, holoholona ahiu paha.

            Ua ma'u no kela noke ana i ka hookani i ka pahu. a i ka hula hoi e haa ana me ke ku i ka hoihoi ole ia kaua ke nana aku, a i ka manawa i kuu iho ai ke kani ana o ka pahu, huli aku la hoi kona mau maka, nana i kahi o ka mahina e kau mai ana, alaila pa'ipa'i iho la i kona umauma, me ka noke ana i ka namunamu, me  he mea la, e kono okoa aku ana i ka poe apau e lohe mai ana iaia, ua makaukau oia no ka hakaka ana no ka make a no ke ola paha.

            No na manawa lehulehu kela noke ana aku o Keka i ke kahea iloko o kela mehamea o ka po, alaila kokolo iho la oia ilalo maluna o na wawae ame na lima, me ka hele kaapuni ana ae mawaho o ka pohai o na mapu he nui; alaila ku aku ana ua mapu hou, a hoohalike no me ka hana a ko lakou moi, a pela aku ana no, ahiki i ka piha ana oloko o ka ululaau i na lea o na mapu, e kono aku ana i na mapu e ae, e hele mai e hakaka me lakou.

            O ka hele hoi ia ahiki i ka pau ana o na mapu kane kino nunui i ke kaapuni i kela pohai, ia manawa i hoi hou mai ai o Keka, a ma kahi e waiho ana ke kino make o ka mapa a lakou o ka pepehi ana , lalau aku la i kekahi pauku laau e waiho kokoke mai ana, o kona hoomaka aku la no ia e hahau me ka ikaika maluna o ke kino make, me ka hoonunulu pu ana iho i kona leo, elike me ke ano mau o na holoholona i ko lakou wa e hakaka ana.

            He manawa kela i hooi ia ae ai ka ikaika o ka hookaniia ma o ka pahu, a e hele pakahi aku ana no koi kela ame keia mapu kane, e hahau i ka laau i ke kino make, me ka noke pu ana i ka lelele iluna.

            O Tazana kekahi e komo pu nei iloko o kela hana a na mapu, a ke noke la i ka lelele, a ke nana aku iaia, he kulana hiehie maoli no kona, i loaa ole mai i na mapu apau, elike no me ke ano e o ko lakou mau kino mai iaia nei aku.

            I ka nana aku, o Tazana hookahi ka mea hiki ole ke hoohewahewa ia aku i kona ikaika maoli ma ka hahau ana i ka laau maluna o ka mapu make, a o ia no hoi ka mea kiekie o kona lele ana iluna, i ka wa e hulahula ana; a elike me ka loihi aku o ka lakou hulahula ana, me ka noke ana i ka uwa. pela iho la ka nui o ka hanakuli oloko o ka ululaau, a ke nana aku ma ko lakou mau waha, ua hele maoli a hu'ahu'a, i kau a mea o ka noke mau i ka upaupa.

            No ka @o@a okoa kela noke ana a lakou i ka hulahula me ka lelele ana iluna, ia wa i kauoha okoa aku ai o Keka, e pau ka hookani ana i ka pahu, a he hookahi a lakou hana i koe, o ia no ka hoohana maoli ana aku i ko lakou mau niho i ka i'o o ko lakou enemi, pela iho la e ikeia ai na mapu koa.

            Elike me na ilio pololi paa kaula. i ka wa e hookuuia ae ia, e holo ana lakou a nahu aku i ko lakou enemi, pela iho la kela poe mapu kane i oho like mai ai no ke aki-ku ana i ke kino o ka mapu make, o ka mea nui no o ka ikaika. e nui ana kana apana e loaa, a o ka poe nawaliwali e pokakaa wale mai ana no lakou mawaho o ka poe ikaika, aia a koe iho i ka poe mua, alaila loaa aku ka lakou mea e ai ai.

            O Tazana pu kekahi i komo aku ma ka ai ana i ke kino o kela mapu, a oiai e noonoo kona i loaa ole mai i na mapu, o kona wehe ae la no ia i kana pahi mailoko ae o ka wa-hi o ka loaa ana iaia maloko o ka hale o kona makuakane, o ke kolo aku la no ia a malalo ae o Keka. oiai ua moi nei o na mapu, e noke ana i ka hoonuu, me ka nana ole mai i kona mau hoa. o ke oki aku la no ia a lilo mai la iaia nei he hookani lima holookoa me ke emi hope ana mai no kahi o na mapu e kakali aku ana, o ka loaa he manawa no lakou e hele aku ai e kii i ko lakou mahele o ka waiwaipio.

            Iwaena o kela puulu o na mapu e kuku mai la mahope o ke kane kekahi a Kala, ka enemi ino loa hoi o Tazana. Ua loaa mua no ko ia nei mahele, a ua emi aku oia ihope no ka ai ana. aka nae ua pau, a e holo hou mai ana oia imua, no ke aumeume ana no@e loaa aku i apana hoe o ka mapu make nana.

            Ua ike mai la nae oia i keia oili ana aku o Tazana me kekahi lima o ka mapu, a oiai he nui okoa kela e lawa ai ka ai hookahi anan, ua nana pono mai la oia, me ka manao maikai ole iloko on a no Tazana, aia hoi ke kuko iloko, no ke kii ana mai a kaili i kela lima mai kona enemi ino aku.

            Ua loaa e aku la nae ka ike ia Tazana, no kona enemi, ia manawa i holo aku ai oia iwaena o na mapu wahine ame na mapu liilii, me ka manao iwaena oia o kela poe e [ee  ai, i ole e hoopilikia aku ke kani a kona makuahine hookama iaia.

            I kela ike anan aku nae o ua kane nei a kala i ka holo o Tazana, o kona hoomaka koke aku la no ia e alualu, no laila he mea makehewa wale no ka pee ana iho o Tazana ma kahi e puuluulu ana o na mapu, aka hoomaka aku la oia e holo no kahi e ku mai ana o kekahi kumulaau nui, a he hookahi no ana lele ana ae iluna. ua paa aku la kekahi lima hoi, hookomo ae la i ka lima o ka mapu make ma kona mau niho. o kona hoomaka aku la no ia e pii noluna o ke kumulaau, me ka mama apau i loaa iaia.

            Aia no o Tazana mamua ke pii la noluna o ke kumulaau. a ke uhai aku la no kona enemi mahope aku on a. O ka hele nae ia o Tazana ahiki i ke kau loa ana iluna o ka piko o @e kumulaau, ua haawipio okoa aku la kona enemi i ke alualu ana iaia, no ka mea kau mai la ka weli. no kona haule mai ilalo. o ka make wale no ka hopena e kau mai maluna iho ona.

            He kanalima kapuai okoa kela mamao o Tazana mai kona enemi aku; a ke nana aku i kela mapu he keu a kona piha loa i ka huhu, a ke keka la hoi kona mau niho nunui, a me kona piha loa i ke kuaki, ame ka noke okoa ana ae i ke kuwo, ua hoi iho la oia noluna o ka honua, me ka holo hele ana aku iwaena o ka mapu liilii. e noke ana i ke nahu i ka poe apau e loaa aku ana iaia.

            Mailuna mai o kahi kiekie i nana mai ai o Tazana i na hana hoopoino a kona enemi, a ke puhee la hoi na mapu wahine me na mapu liilii noluna o na kumulaau, aole mae malaila wale iho ka no pau ka hoopoino ana a kela mapu. aka, ua holo okoa aku la no oia iwaena o ka mapu nunui o lakou, e nahu ana, a e uwau ana i kona mau lima loloa ma-luna o lakou, a i wahi e hoopikoleia ai kela hana, ua naholo like aku la na mapu apau. a nalowale aku la iloko o na wahi pouliuli o ka ululaau.

            Ua pau nae na mapu i ka holo, a kow hookani wale no o Kala, a i ka wa i ike aku ai o kana kane iaia. ua hoomaka mai la e alualu, a oiai ua ike no o Kala i ke kumulaau i kau ai o kana keiki hookaa, ua holo pololei aku la oia no kela kumulaau, a hoomaka aku la e pinana elike me ka mama apau i loaa iaia, aia no hoi kana kane mahope aku on a kahi i alualu aku ai, in a no ka loaa aku, he make wale no kona hopena.

            I ka manawa a Tazana i ike mai ai i ka poino o kona makuahine, ua iho koke mai la oia mai kona wahi mai e kau ana, e lele ana mai kekahi lala a i kekahi lala, a oiai na kokoke loa o Kala e pili ai iaia. ua noho malie loa iho la ua o Tazana a kakali aku i ka hopena o kela heihei mawaena o ka wahine ame ke kane.

            Ua hele no hoi o Kala a kau pono maluna o kekahi lala laau maluna pono ae o Tazana, ua haki iho la kela lala laau, a haule mai la oia a kau pono iluna o kana kane, a he hookahi ko laua haule like ana aku nolalo o ka honua.

            Elike me ka hikiwawe o ko laua haule ana, pela iho la no ka hikiwawe o ko Taana iho ana aku maluna o na lala laau a ku ana oia imu ao kona mau makua hookama; a ua lilo hoi keia hoea ana aku o Tazana i kela manawa i mea hoohauoli loa aku i ka manao o kona enemi. a hoohuli koke mai le oia i kona noonoo maluna o ke kanaka opio, me ka @aalele ana aku i kana wahine, e lilo i hoike no kana mau hana. maluna o ke keiki ili ulaula.

            Oiai o keia kekahi o na manawa maikai loa i loaa aku i kela kane a Kala, no ka hooko ana mai i kona inaina maluna o Tazana. ua hoomaka mai la oia e lele malna o ke kanake opio, eia nae ua paa e aku la kona kania-i i ko hopuia e kekahi o na lima wikani o Tazana. a me kekahi lima i hou aku ai oia i kana pahi ma ka umauma o ua mapu nei, e amaamau ana hoi ua haule aku la ke kino o kona enemi ino loa. maluna o ka honua make loa.

            Elike me ke ano o ke kanaka i lanakila maluna o kona enemi , pela iho la o Tazana i keehi iho ai i kona wawae akau maluna o ka a'i o ka mapu nana oia i hoopilikia mau mai, alaila huli aku la kona mau maka nana i ka mahina, me ka noke ana i ka uwa, elike me ka hana mau a na mpu, a na kela leo hooho o Tazana i kono aku i na mapa e ae e iho mai ilalo mai ko lakou mau wahi i pee ai, a hoopuni nui ae la i keia mapu ili ulaula o lakou. me ka piha i ke kakaha, no ka hiki ana iaia ke pepehi aku i kela pilikua a make.

            I ka akoakoa ana mai nae o na mapu apau i kahi hookahi, ia manawa i huli pono aku ai o Tazana imua o lakou, a hooho ae la i keia mau olelo:

            E ike oukou apau, owau keia o Tazana. ka weli oloko o keia mau ululaau; a e loaa ka manao maikai iloko o oukou no'u ame kuu makuahine me Kala. Iwaena o oukou apau, aole loa he hookahi mea i oi aku kona ikaika mamua o Tazana nei; nolaila in a he mau enemi kekahi o'o iwaena o oukou, e akahele loa oia, o loaa pu aku auanei ka hoopa'i. elike me keia hoa o kakou e waiho oni ole nei."

            Ua kamailioia aku kela mau olelo a Tazana, ma ka olelo a na mapu, me ke kui'o maoli. me ka haka pono ana aka hoi o kona mau maka, maluna o Keka ka moi o na mapu. alaila pa'ipa'i ae la i kona mau lima a elua ma kona umauma, a hoomaka hou aku la e uwa me ka leo nui, e kalahea ana hoi i na mea apau, aole e hoao e hoonahoa mai iaia.

            MOKUNA VIII.

            I ke ao ana ai ma kekahi la mai, ua hoomaka ke kaawale ana a kela puulu o na mapu no na kapakai, me ka waiho malie ana i ke kino make o ko lakou hoa, no ka mea aole o lakou ai i ko lakou puulu ponoi iho, he kanawai paa ia iwaena o ka lahui mapu, aia wale no a he poe no kekahi lahui e aku. malaila lakou e ai ai, elike me ia a lakou i ai ai, i ka mapu i make ai ai lakou i ka pepehiia.

            Ua hoohalaia kekahi manawa nui o keia huakai a no mapu, ma ka huli ana i mau meaai na lakou, e laa na huaai, na manu no hoi. me ka hua a na manu, he nui loa ia mau mea maloko o ka ululau.

            Ia lakou maloko o ka ululaau. ua halawai aku la lakou me ka liona. a o kahi wale no o ka plaekana. o ia ko lakou holo ana iluna o na kumulaau. a i ke kaalo pono ana ae nae o ua liona nei, malalo o ka lala laau a Tazana e kau hoola'i mai ana. ua nou mai la oia i kekahi hua o kela kumulaau, a pa pono aku la maluna o ke kua o ka enemi o kona lahui kanaka. ia manawa i ku malie iho ai ka liona, a leha ae la kona mau maka iluna. me ka ike ana aku hoi i ka mea nana i nou aku a pa kona kua.

            Me kona helehelena e hoike okoa mai ana i kona piha i ka huhu, ua noke ae la kona poo i ka luliluli, me ke kidelu pu ana o kona mau wawae ilalo o ka honua, me he mea la e kono okoa mai ana ia Tazana e iho aku ilalo no ka hakaka ana me ia.

            Aole nai he manao iloko o Tazana e iho mai ilalo, mai kona wahi mai o ka planekana, aka noke mai la oia i ka hoohaehae eline me ke ano hana mau a na mapu i ka liona, a ua hooi loa ia aku hoi ka huhu o kela holoholona ahiki i kona holo okoa ana aku iloko o ka ululaau.

            Aia kekahi mau hana nui iloko o ko Tazana noonoo kahi i hana ai. Ina ua hiki iaia ke pepehi aku ke kane a kona makuahine hookama a make, kekahi o na mapu pilikia i kau nui ia la weli e na mapu apau, aole anei he hana hiki wale no iaia ke pepehi aku i kela liona a make?

            Aole nae o kela wale no na mea iloko o kona noonoo, aka ke ike la no oia, he mea pono e loaa he aahu no kona kino, ua hoomaopopo oia ma o na kii la ana i nana ai maloko o ua huke, ma ka hale o kona makuakane, aole oia he mapu, aka he lahui okoa no kona, a o na mapu wale no ka poe aole o lakou mau lole, aka nae, pehea e loaa mai ai he lole no@a, he ninau ia ana e mawehe aku ana iloko o ka m@nawa kupono.

            O kekahi o kona kumu makemake loa ana e loaa je lole nona, mamuli o kona makaoio ana, he hoailona ia no kona pookela maluna o na holoholona apau, a oiai aole oia he holoholona, he mea pono no e hookaokoa oia iaia iho, ma ke ano e ike maole ia mai ai oia ke kanka, aole hoi he mapu.

            No kane nae e loaa mai ai kona lole. iloko o kela wa ana i ike aku ai i ka liona wahine, akahi no a komo iho ka manao iaia. in a e make ana kela liona iaia, alaila o kona ili kana e malama, a hoaahu mai maluna one, aole hoi e hele olohelohe mau, elike me na moo; aka nae he hookahi mea ana i haahea loa ai, o ia no kona oili ana mailoko mai o kekahi lahui kanaka ikaika, a loaa pu iho la no koi iaia ka ike, a hele olohelohe mua no kona lahui elike me ia. mamua ae o ka hiki ana ia lakou ke imi aku i kekahi ano lole, no ka uhi ana i ko lakou mau kino olohelohe.

            Ma kela nalowale ana aku o ka liona iloko o ka maele o ka ululaau. ua hoomau hou aku la no na mapu i ke kaahele ana, aka iloko nae o ka noonoo o Tazana. he hookahi wale no mea nui, o ia no ke alaele e hiki ai iaia ke pepehi aku i ka liona a make, i loaa ai kona ole. No na la lehulehu mahope mai. o kela hookahi wale no ka mea iloko o kona poo, aole o na mea e ae.

            Oiai nae lakou e kaahele ana. a ma kekahi po, oiai no na mapu e hiamoe ana malalo o ka lau maloo o na laau, aia hoi, ua loke aku ia o Tazana i kekahi mea halulu mai kani mamao mai. e hookokoke mau mai ana i kela wahi a lakou e hiamoe nei. a he oiaio, o na kumulaau keia, ua hooluliluliia ae la i o a ia nei. e lohe maole ia aku ana no ka uuina mai o na laau, i ka hakihakiia e ka makani ikaika.

            Hoko o kela manawa hookahi no hoi. olapa mai la ka uwila, ku'i iho la ka hekili, a haule mai la na pakaua me ka ikaika loa, e kahe ana na kahawai, a i palekana ai ko lakou nei mau ole. ua pupue wale aku la no kela ame keia ma na lala o na kumulaau.

            No na hora kakaikahi wale no nae kela hana ana iho a ka ino, a i ka olino ana mai o ka la ma kekahi kakahiaka ae, ua nohoalii hou mai la ka malie, a manao ae la ka palekana o ka mapu, mai ka opili mai i ke anu.

            Na kela ino nae i hooi loa aku i ka makemake iloko o Tazana. e loaa he kapa nona e malu ai, a in a no ka make o ka liona iaia, ehia ka hoi mea pomaikai, o ka loaa o kona kapa. e palekana ai oia mai ke anu mai. a mai na pilikia e ai no hoi. ana i hoomanawanui ai no na makahiki lehulehu.

            Ma keia huakai a Taznaa ma, ua hoea hou aku la oia no ka hale o kona mau makua, he mau mahina ko lakou hoohala ana iloko o ka ululaau ma kela wahi, me ko Tazana hele mau no nae iloko o ka hale, e huli ai me ka ikaika o kona noonoo i na mea @ohihihi oloko o na buke; a ma kona mau manawa e hele ai malono o ka ululaau, e paa pu ana oia i kana pahi ame kana kaula.

            He nui wale kana mau manawa i hoohei ai i na holoholona liilii e maalo ae ana malono o ka ululaau me kana kaula, a ua lanakila mau oia maluna o lakou. me ka holopono no hoi o kana mau hana; aka nae i kekahi la. ua halawai iho la oia me kekahi puaa ahiu nui i hele na niho a wanao'a iwaho a elike no me kana hana mau i na holoholona e ae. ka holewalewa ana i kana kipuka ma ko lakou mau ai, pela no oia i hana aku ai i kela puaa, a i ke komo ana no ma kona a-i. o ka hoomaka aku la no ia e huki me ka ikaika, a oiai aole i paa ke kaula i ka nikiiia i ka lala laau, ua huki pu ia aku la o Tazana a haule ana iluna o ka honua, a me ka eleu, ua apakau hou ana iluna o ka laau, aohe manawa a moke aku i ka puaa, aka he haawina a'o nae keia i loaa aku iaia, e hoohemahema hou ole ai oia ma ia hope aku.

            Ua mihi loa ua o Tazana, in a o ka liona kela ana o ka hoohei ana, a pela kona hemahema, ina ua make oia, a ke minamina pu la no hoi ua o Tazana i ka lilo ana aku o kana kaula loihi i kela puaa, e luhi hou aku ai i ka hana i kaula hou nana.

@(Aole i pau.@