Ka Nupepa Kuokoa, Volume LV, Number 51, 21 Kekemapa 1917 — E AUAMO I NA KO'KO'I O KANA HANA HEWA [ARTICLE]

E AUAMO I NA KO'KO'I O KANA HANA HEWA

Ma ka pule aku la i hala i hoihoi ae ai ke kiure kiekie o ke Teritore he hoopii hoahewa, e ku-e ana ia Kauka Haye.s no kona hooko ana aku i kekahi hana i papaia e ke kanawai. maluna o kekahi wahine opio, o ia ka haawi ana i kekahi laau hoomake. ame ka hoohemo atia i ka bebe mailoko aku oka opu o kela wahine upio; no ua hana la, i lalau aku ai na lima o ke kanawai iaia, a ke waiho mai nei kona hihia imua o ka_aha i keia manawa. Ua hoikeia ka inoa o ka wahine opio maloko o ka palapala hoopii hoahewa a ke kiurc kiekie,- a o ke kanaka nae nana i hookomo aku i kela wahine opio iloko o ke kulana a i kono okoa aku hoi i ke kauka e hoopakele ae i ka wahine opio mai ka hilahila ae. ua hamau loa ke aupuni ndna. O ka hilahila, ua kukuniia aku ia maluna o ka wahine opio a Kauka Hayes o ka hoohemo ana i kana bebe; a ua ili iho ke ko'iko'i maluna o kela wahine. ka hoike ana ae i ka inoa o ke kanaka nana 1 hoopoino iaia, e pono ai e hoikeia ae koua inoa i ke akea. me ka nana ole ia o kona kulana ame kona inoa maikai, aka i hookahi kona auamo pu ana i ka hoohilahilaia, a e auamo hoi oia i na ko'iko'i apau o ka hewa ana i hana aku ai. Ina e hjki ana i ke aupuni ke hooiaio no ka pili 0 Kauka H ay.es i ka hewa, elike me ka hoopii hoahewa e ku-e ana iaia. aole malaila iho la lawa ka makemake o ke kanawai, aka e kikoo loa aku ia t a loaa ke kanaka nana i hoopoino. a i hoohaumia aku 1 ka wahine opio, ke kumu hoi o ka hoohilahilaia o kela wahine. a i hookomoia aku ai ke kauka iloko o ka pilikia. Ua hala ka wa no ka huna ana iho i ka hilahila, ua ku imua o ke akea. e kau mau ana na alina o ka hoomaewaewa maluna o kela, wahine opio, e ae ana anei oia e hoopakele ae i ka inoa o ke kanaka nana i pauaka kiia, a lilo i mea hoowahawahaia? Ma ka aoao o ka lehulehu. ke koi mau nei ia e lanakila ke kanawai ame ke kaulikq, a no ka pono o kela wahine opio i hana hēwa ia. he mea pono e huaiia ae i ke akea ka inoa o ke kanaka nana i hoopoino i kela wahine, a ma ke kau ana aku o na hoopa'i maluna ona. e hookoia ai £ kaulike o ke kanawai.