Ka Nupepa Kuokoa, Volume LV, Number 47, 23 Nowemapa 1917 — KA PALAPALA KAUOHA HOOILINA A KA MOIWAHINE [ARTICLE]

KA PALAPALA KAUOHA HOOILINA A KA MOIWAHINE

Eia ka palapala kauoha hooiljua hope loa a ka Muiwahine Liliuokalani inma o ka aha kaapuni e waiho mai nei i keia manawa, pela hoi me kana palapala kauoha o ka īnakahiki 1909; he mau palapala keia e ku-e ana ka manao o kekahi i kekahi; o ka j hiki ana e hooiaioia ka mana artie ka pololei o ka palapala kauoha hope loa. o ka hiolo ana ia o na palapala kauoha apau i hanaia mainua aku e ka Moiwahine Liliuokalani. Aia he mau kumu kanalua no ka mana o ka palapala kauoha hgoilina hope loa, i hanaia he ekolu wale no mahina ae nei i hala; a e hahana aku ai na paio ana maloko o ka aha hookolokolo, o ka mea 'wale no nana e hoauhee aku i na hoopaapaa apau, o ia no ka hiki pono ana ke hooiaio, he palapala ia i hanaia mamuli o ka makemake ponoi o ka Moiwahine, aole hoi mamuli o ka onoonou ia aku, a alakai hewa ia aku paha kona noonoo. Ina he palapala kauoha hooilina pololei i'o kela, ma kona mau aoao apau i hanaia, me na manao maikai o ka Moiwahine, me kona maopopo hoi i kana mau mea e hana ana, he kuleana ko krf lehulehu e ike ai ia mau mea; a ina hoi ua hanaia ma ke ano ku ole i ka pololei, alaila ke aka nei ka lehulehu e hua'i ia ae ka epa, a e kukuluia ae ka oiaio imua.

He mea hookahaha mai no»i ko kakou noonoo ka make ana o David Luhi, ka makai kaulio, mawaho ae nei o Kamoiliili, oiai ma kahi o kana liana, o ka hoike nae a ke kauka o ka halewai. no ka make ana o kela makai ma ke ano maamau o ke kanaka, ka mea nana i hoauhee aku i na kumu hoohuoi no kona powa maoli ia ana. Ina i hookoloia ke kumu o ka loaa ole ana mai o ka hoike a kela makai i ka halewai, mahope iho o ka hala ana o ka manawa e waiho mai ai i kana hoike ma ke kelepona, malia ua hiki .no ke hoopakeleia ae kona ola, ina nei no ka loaa aku i ka wa kupono, e kamau ana kona ola.