Ka Nupepa Kuokoa, Volume LV, Number 42, 19 October 1917 — UA OI LOA AKU KA PONO E HOOPAU [ARTICLE]

UA OI LOA AKU KA PONO E HOOPAU

Mamuli o ka pii loa o ke kumukuai 0 ka waiona iloko o keia manawa, elike me ka pii o ke kumukuai o na mea e ae, ua oi loa aku ka pono, e hoo-) pau ka inu waiona ana, a- e nana aku i na pono oi ae o ka noho ohana ana, mamua o ka hoolilo ana i kekahi mau dala mahuahua no ka waiona. Malia paha e olelo mai ana kekahi poe: Heaha ke kuleana.o kekahi mea e kamailio wale aku ai no i ka inu waiona o kekahi, oiai oia ponoi no ka mea nana e uku aku ana i ka waiona ana e inu ai; a nana ponoi no ke dala i hooikaika me ka hou o kona lae, no ke kuai ana i ka waiona? O kekahi keia o na noonoo lalau loa iloko o kekahi mea inu waiona, no ka mea, o ke dala i manaoia 110 ka pono o ka*noho ana o kona ohana, o ke dala a ia mea i hele ai e hooikaika ma ka hana ana aku a hala ka pule, o na dala ia e hanaiia aku ai ka wahine ame na keiki me na meaai kupono, a e hoaahuia aku ai me na lole maemae; i ka hooliloia ana aku 110 ka waionā, o kela mau dala apau, a o kekahi mahele paha o ia mau dala, aia iho la ihea ka lawa kupono o kona ohana? Aole anei i loihi ka manawa a ka mea inu waiona i ike ai i ka nui hewahewa o kana mau dala i hoolilo aku ai no ka wa.iona; me ka loaa ole mai he pomaikai iaia, e koi ia mai ai oia iloko o kela wa kupilikii o ka noho ana, e haalele aku i ka 'waiona; a e makee i ke ola kupono ana o kona ohana? E aho iki paha ka poe nui o ka lakou loaa, ua hiki ia lakou ke hoolilo i kekahi mau dala mahuahua a lakou, no ka waiona, me ka hoopilikia ole ia aku o ko lakou ohana, no na kanaka Hawaii nae, ka poe e paakiki nei ma keia hana, 110 lakou keia uwalo a ke Kuokoa, e hookanaka mai ka noonoo, a e ho-ano hou i ke ola ana, oiai he mau la ino keia, a e nana aku ia mua o ka nee ana o ke au o ka manawa. Ke pii mai nei ka i'a, ka poi, ka lole ame kekahi mau mea e ae e pono ai ka ohana, aole anei hoi e lilo keia mau kumukuai pipii i mea a'o mai ia kakou na Hawaii, e hoopau ka uhaai wale ana, ka lu wale ana i ka waiona, no ke ola maikai ana o ko kakou mau ohana?

E hoomanao e ka poe e kuai mai nei i ka waiona i na koa ma ke ano malu, eia ke kanawai ke kau nei maluna o oukou i na manawa apau, a ina 110 ka loaa pono mai o kela hana hakihaki kanawai i na luna aupuni federala, aole o na koa, ke auamo ana i na hopena ehaeha a ke kanawai, aka o ka poe 110 e ku-e ana j ke kanawai; nolaila e iiookaa-» wale ia oukou iho, mai ka poino mai, a e hhomanao hoi, o na dala uuku i loaa mai, ma ke ano hewa, aole ia e hiki ke hoopakele ae ia oukou, mailoko mai o ka halepaahao!

Eia ke lalapa nei ke ahi o na manao ohohia iloko o na makaainana o Honolulu nei iloko o keia mau la. no ke kuai ana i na Bona Aie Kuokoa, a i kela ame keia la, ke pii mau ae nei ka mahuahua o ka huina dala a Hawaii nei ,e kokua aku ana i ke aupuni. Eku mai imua a hoike ia kakou iho ma ka hana, aole hoi ma ka olelo wale noJ