Ka Nupepa Kuokoa, Volume LV, Number 39, 28 September 1917 — E NOIIA MAI ANA KAKOU E KOKUA [ARTICLE]

E NOIIA MAI ANA KAKOU E KOKUA

Eia ko ke kulanakauhale nei poe he nui ke hoolala mai nei i kekahi liana, no ke kokua ana aku i ko kakou mau koa e hoomoana mai la ma na kahua kaua, ma ka loaa ana aku o na mea e hoohauoliia ai ko lakou manao iloko o ko lakou manawa e noho ana iloko o ka pilihua, a no ia hana, e konoia mai ana kakou, ma ka la apopo, e haawi aku i na kokua no ko lakou pono, ma ka lilo ana i mau lala 110 ke Ke'a Ulaula. E hoea mai ana he poe komite i kohoia imua o kela ame keia pakahi o kakou, a ina ua loaa kela manao kokua i'o ia kakou, a ua hiki hoi ke haawi aku i kekahi kokua ana, me ka hoopilikia ole ia mai o ko kakou noho ohana ana, alaila e haawi me ka minamina ole, a e hoomanao hoi, o na wahi kokua liilii a kakou e haawi aku ai no ka pono o na koa, aole ia i lihi launa aku i na mea a na koa i hana aku ai no kakou o ka wa i hala, a e hana aku ai no hoi ma keia mua aku no ko kakou mau pono. He heluna mahuahua o na makaainana Amerika maloko nei o keia Teritor<j, i liiki o.le ke hooko aku i ka liana i kau iho maluna o lakou, no ka pono o ko kakou aina, o keia wahi hana uuku nae, a kakou e kokua aku ai 110 ke Ke'a Ulaula, e lilo ana«.ia i hana n«i loa, ma o ko kakou haawi ana aku me ka minamina ole, a ma o ka loaa pu ana o na manao makee iloko o kakou, no ka hauoli, a no ka pono hoi o na koa.

Ina eia kekahi poe kanaka Hawaii ke hoolako mai nei i na koa me ka waiona iloko 6 keia manawa, i hookapuia mai ai ka waiona ia lakou, ano ka manawa e waiho aku ai ia hāna, no ka mea he hopena awahia ke kau mai ana maluna o ka poe e ku-e ana i ke kanawai federala. Ua.hoike okoa ae kā lunakanawai o ka aha federala maanei nei i kona manao me ka hookamani ole, ina e loaa 'aku ana he kanaka e hoolako ana i na koa me ka waiona, a laweia aku kona hihia imua ona, e hookau mai ana oia i kekahi hoopa'i kanono maluna ona, no ia kumu, mai makee i na wahi dala uuku e loaa mai ana mai na koa mai 110 ka waiona, no ka mea he oi pakela aku ke ko'iko'i ame .ka ehaeha o ka hoopa'i e kau mai ana maluna o ka poe e ku-e ana i ke kanawai O ka lohe ke ola, a o ke kuli ka make, nolaila e hoolohe, i ole ai e komo iloko o na auwe ana!

Ua haawi ae ka Lunakanawai Kaapuni Heen i ke kauoha i ke kiure kiekie ,e huli a e noii pono aku ina wahi e malamaia mai nei na hana haumia; i ka nana aku, he wahi hana pohihihi no ka loaa pono ana o na punana o ka poe hakihaki kanawai, he hookahi wale no alahele e auhee aku ai na wahi o keia ano, o ia ke komo kino ana aku o ka oihana makai, a hooko i ke kanawai, me ka hoopilimeaai ole.