Ka Nupepa Kuokoa, Volume LV, Number 34, 24 August 1917 — E PAU ANA NA HOOLIMALIMA O KEKAHI MAU AINA AUPUNI. [ARTICLE]

E PAU ANA NA HOOLIMALIMA O KEKAHI MAU AINA AUPUNI.

Maloko o hookahi a elua makahiki i koe e pau ana ka manawa o na hoolimalima o kekahi mau aina aupuni nui, a no ia ike i loaa aku i kekahi poe makemake aina ua hoalain ae ko lakou mau manao'e waiho mai i mau noi i ke keena aina aupuni i ka maheleheleia o ia mau aina i mau home hookuonoono, a ina no ka holopono o ia noi e ikeia aku ana ka loli nui ma kekahi mau mahiko nui lehulehu ma Hawaii nei.. 0 ka hoolimalima kokoke loa e halawai ana me ia hopena, oia ka pau o ka manawa o ka hoolimalima, oia kela apana aina o Wailua-uka ma ka Apana o Lihue, Kauai, e paaia nei malalo o ka mahiko o Lihue. 0 ka hoolimalima 0 ia apana aina a nona lioi ka huina rlala uku hoolimalima o $1200 no ka makahiki e ohi mau ia nei e ke aupuni, e pau ana ma ka la 1 o Okatoba e hiki inai ana. O ka ili o ia apana aina aupuni he 17,445 eka. līe ekolu mau ahahui i kukuluia ae 1 nei manawa ma Kauai, a ua hoouna mai lak'ou i na palapala noi i ke keena aina aupuni ame ka papa aina teritore e maheleheleia kela aina aupuni i kanawalu eka o ka apa'na hookahi, i hiki ai e loaa i apana aina no kela ame keia \ala c ua mau ahahui la. O ka lua tiku o na aina aupuni nui e pau ana ka manawa hoolimalima iloko o kekahi manawa pokole, oia kela aina o Waiakea, Hilo, Hawaii, nona ka ili he 95,000 eka, a nona mai ka loaa maleahiki o $500 e loaa ae nei i ke aupuni. Maloko pu o Hilo he aina aupuni nui hou aku no kekahi i hoolimalimaia aku a e paaia nei e John T. Baker ma Piihonua, nona ka ili he 56,700 eka, a nona ka uku hoolimalima makahiki i keia manawa o $2000. No ka hooliinalima o ka aina o Waiakea e pau ana ia ma ka la 1 o lune, 1918, a no ka hoolimalima o ka aina aupuni e Piihonua e pau ana ma ka la 21 o Maraki, 1921. Ina no ka \whe hamamaia o keia mau apana nui ma Hilo no ka hookuonoono, ua manaoia a ua nui no hi)i na mea i kamailioia, e lilo ana o Hilo i kulanakauhale nui iloko o ka manawa pokole ma nei mua aku e aneane mai ana, a i ole oi aku no paha mamua o Honolulu.