Ka Nupepa Kuokoa, Volume LV, Number 33, 17 August 1917 — HOALOHALOHA NO MISS MARY HALAKI WERNER. [ARTICLE]

HOALOHALOHA NO MISS MARY HALAKI WERNER.

Mr. Lunahooponopono o ka Nupepa Kuokoa, Solomon Hanoliano, Aloha oe: —E oluolu oe e ae mai kou ahonui i kahi kaawale o ka kaua hiwahiwa, ke Kilohana Pookela o ka Lahui Hawaii, a nau hoi ia e uwila aku ma na pe'a apau o ka aina, i ike mai ai na kini makamaka mai ka la puka mai ma Kumukahi a ka welona o ka la i Lehua; oiai ua oluolu i ko kakou Makua Lani ka lawe ana aku i ka. hanu ola mai ke kino ae o Miss Mary Halaki Werner, ma ka la 24 o lulai. O makou o na lala o ka Ahahiii Aloha ona Wahine v o Hanalei, ke komo pu aku nei makou me olua, na makua i hooneleia i ka olua mea aloha he kaikamahine e auamo pu i na kaumaha ame na luuluu o keia ola ana, a oiai o Miss Mary Halaki Werner, o ia kekahi lala o keia ahahui, nolaila, ke noi ae nei makou i na mana Lani e hoomama mai i ko oukou mau luuluu ka ohana, oiai Nana no i haawi māi a Nana no 1 lawe aku, e hoomaikaiia Kona inoa. O makou no ka Hui Aloha o na Wahine o Hanalei, ma o na komite la, i[RS. LAHAPA KANAMU. MRS. FANNIE K. BAMUEL, MRS. JULIA KUM ING,