Ka Nupepa Kuokoa, Volume LV, Number 32, 10 August 1917 — E Akahele i Ole e Loaa na Ulia [ARTICLE]

E Akahele i Ole e Loaa na Ulia

Ma ka pule koke aku la no i hala, he elua mau ulia kaa kukonukonu loa i ikeia, a o ka hopena o ia mau ulia, o ia 110 ka make ana he ekolu mau koa o Leilehua, me ka poino pu hoi o ko lakou mau kaa.

He hookahi o kela mau ulia ma ke alanui no ia ma Waialua, a o ka lua hoi o na ulia, ma ke alanui ma Moanālua, a ma na mea i hoomaopopoia no kela mau ulia a elua, o. ka holo nui me ka paukiki maoli, ke kumu o ka poino.

Ma ka ulia kaā ma ke alanui o Waialua, ua hooku'i ke kaa otomobile me ke kaa mokokaikala, o na koa e kau ana maluna o ke kaa mokokaikala ka i 'make mamuli o ke kiolaia ana mailuna aku o ke kaa, a loaa na poino kukonukonu i ko laua mau kino. E manaoia, aia no na ahewa ana maluna o ke kiakaa o ka otomobile, a pela pu no maluna o na mea e hookele ana i ke kaa mokokaikala, o ia ka holo paukiki loa, o ke ano heihēi, no ka mea ina me ke kupono nei ka liolo ana o kela mau kaa, e hiki loa ana ke hoopaaia iho ka holo ana o kela mau kaa pakahi, i ka wa e aneāne loa āna e hooku'i i kahi hookahi, aole nae pela ka mea i ikeia, ua lele ka mokokaikala i kahi e, a pela»na mea e kau ana maluna olaila.

O ia ano hookahi no na ano i hoomaopopoia ma ka make i loaa i ke koa ma ke alanui o Moanalua, ua ikaika maoli ka holo ana o ke kaa otomobile a hooku'i i ka pali, a mailaila ae a haule i ke awawa, o ka hopena, o ia no ka huli pu ana o ke kaa, a make kela koa malalo.

Ina e hookele mau ia na kaa apau me ke akahele, me ka noonoo mau e hoopakeleia ae mai na ulia poino mai, ke manaoio nei ke Kuokoa, he kakaikahi loa na ulia kaa e ikeia ma Honolulu nei.