Ka Nupepa Kuokoa, Volume LV, Number 29, 20 July 1917 — E Makaala i Na Keiki Ma Na Alanui [ARTICLE]

E Makaala i Na Keiki Ma Na Alanui

Ma ka pule aku nei i hala i halawai ae ai he keiki Pukiki o umi-kumamalua makahiki me ka make ma'uwale, mamuli o ka pii ia ana e ka huila o ke kaa otomohile halihali ukana; ka mea nana i kono mai i keia pepa e kauleo aku, aole wale no i na makua meakeiki, aka i na keiki pu no kekahi, e makaala i na ulia poino, i ka wa e hele ai ma na alanui. Aole ke alanui he wahi paani no na keiki, ua hookaawaleia na wahi paani, na wahi i kaawale loa mai na kaa aku, o na alanui, he wahi ia no ka hele ana, a no na kaa 110 lioi e holo ai, e konoia ai kela ame keia mea e hele ana maluna o ke alanui, e makaala mau, i ole ai e lialawai me ka poino, mai na kaa mai. 0 ka make ana o kela keiki Pukiki, elike me na mea i hoomaopopoia, o ia no kona holo, me ka hoomaopopo ole iamua o kana wahi e holo ana, oiai kona mau hoa e alualu aku ana iaia, ma ke ano paani, a hooku'i aku la me ke otomobile halihali ukana, a oiai he niii na keiki i hoolilo i na alanui i wahi no lakou e paani ai, e pono na makua e a'o ikaika ia lakou, e hookaawale mai na hana mai e poino ai. 1 ka hele ana no hoi ma na alanui, e hele me ka makaala, aole o ka pono hele wale iho no, me ka noonoo ole; he mau keiki liilii no i poino na ola ma keia ano iho la, ma kekahi mau manawa aku nei i hala, a ina e akahele mau ia ka liele ana, a e malama pu ia no hoi na rula o ke alanui, e na kiakaa o na otomobile ame ka poe helewawae, me ke kanalua ole ke olelo ae, he kakaikahi loa ka nielnawa e ikeia ai o na ulia ! elike ae la me ia i kau aku ai ka poino maluna o ke ! keiki Pukiki.

O ke kaua i konoia niai ai kakou e ku aku imua o Kelemania ma keia mua iho; he kaua ia, aole no ke ake ana i ka hanohano, ka waiwai ame ka inoa, aka he kaua ia no ke kinai i na manao hookiekie oka hookelakela; a e kau aku ko kakou mau manaolana, no ka hoea mai i ka manawa, e hoohioloia ai ka mana o na moi hooluhi o Europa, a e kukuluia ae na hookele aupuni kuokoa ana, e haawi ana i ka hookele ana o na aupuni iloko o ka lima o na makaainana, a e hoohiolo loa ia hoi na mana kakau-ha o na moi, ka poe i nana mau aku ai na makaainana o ko lakou aupuni pakalii ilio, me ka weliweli. Ina ua hoea mai i ka manawa e mokumoku ai na kaulahao o ka lakou mau hana hooluhi, alaila e uku pono ia mai ana ka kakou mau hooikaika ana apau.