Ka Nupepa Kuokoa, Volume LV, Number 29, 20 July 1917 — Ka Ma'i Laha Iwaena o Na Holoholona [ARTICLE]

Ka Ma'i Laha Iwaena o Na Holoholona

Jle mea hookahaha mai i ko kakou manao, ka oiliili mau ana ae o ka ma'i luku iwaena o na holoholona, mai ka uuku mai nei, ahiki i ka pahola holookoa ana ma na mokupuni like ole o keia 1 eritore; a mamuli 0 ka lehulehu wale o na hana hoopoino, a hoopilikia wale, o na ano like ole, e ikeia mai la maloko o Amerika, ua hiki ole ke alo ae, mai ke komohia ana aku o na īnaiiao hoohuoi iloko o kekahi poe o kakou nei, o keia kekahi hana a na akena o ka enemi 0 Amerika, e hana nei maanei, 110 ka hoopahu'a ana i ka holomua, o na keehina wikani a ko kakou aupuni, e makemake aku nei e hoopio i ka enemi. Ina he mau kumu hoohuoi oiaio keia, alaila ua hoea mai i ka manawa no ka hookaakaa ana i ko kakou mau maka, o ka oi loa aku ka poe hanai holoholona, ma ka hakilo ana me ka makaala, i na kiu i hoolimalimaia, ma keia hana hoopoino i na holoholona. >le oi aku ka pono, 0 ko kakou makaala ana i na enemi imua ponoi o ko kakou alo, mamua o ke kikoo ana aku i na enemi i kahi e .loa, no ka mea o na holoholona kekahi mea kokua nui mai, i ka hanai ana ia kakou; e pono ai e maweheia ae keia ninau pohihihi, nana e hoopioo nei i ka noonoo o na kanaka hanai holoholona, ame na luna oihana o ke aupuni federala ame Teritore o kakou. He hana naauao, a he hana makaala ka na lunanui o ka aina hanai holoholona o Parker ma Hawaii o ka lawe ana ae, ma ka hoonoho ana i mau kiai ma na wahi like ofe o kela aina, no.ka hakilo ana i ka poe apau e hele ana ma ke alanui aupuni; a ina pela na ona o na wahi hanai lioloholona apau e hana ai, ke manaoio loa nei keia pepa, e kau ana ka weli ame ka maka'u i ka poe manaoino (ina na lakou e hoolaha nei keia ano ma'i), e aa ole ai lakou e hookokoke aku ma na wahi i paa i ke kiaiia. () ka olelo kaulana a kahiko: "Aohe malama pau i ka iolej" pela no auanei e hoea ole ai ke kolohe ma na wahi i kiai niakaalaia, koe wale 110 a he hiamoe me ka nanea, pela e komo ai ka mea hoopoino, a i ole, aia 110 ke kumakaia iwaena ponoi iho o ka puulu o na kiai. Aole o ka nm'i luku iwaena o na holoholona, ua ikeia ae ia i ke" akea, a' ke lawelaweia mai nei na hana e kinai aku ana i kela ano ma'i, aole no he hewa o ko kakou kiai makaala mau ana ma na mea e ae he nui, no ka mea i ke ake ana mai o ko kakou enemi ? e hoopoino a e hoopilikia ia kakou, e hana mai ana ia, i na ano hana kolohe o na ano like ole, ma ka hoohiolo ana, a ma ka hoopau ana aku i na kumu o ko kakou ikaika ame ko kakou ola kupono ana.