Ka Nupepa Kuokoa, Volume LV, Number 28, 13 July 1917 — NUI KA WAIONA E HOOLAKOIA NEI I NA KOA. [ARTICLE]

NUI KA WAIONA E HOOLAKOIA NEI I NA KOA.

Ua lilo ka loaa nui aua aku o ka waiona i na koa, i kumu e ala niai ai na aliikoa, na luua aupuni federala me teritore, a hakilo pono, i na wahi e loaa aku nei ka waiona i na koa me ka maalahi loa. Mawaho ae uei o ka Papu Ruger, ma Waikiki, he nui ka poe koa i pau i ka ona, me ka ikeia ana, 'he hookahi haole nana e hoolako aku ana i ka waiona ia lākōu ,a malalo o na kumu hooliuoi, i ■ paa ae ai he hookalii koa i ka hopuia, ma ka po o ka Poaono aku nei, ka niea i manaoia, ua komo oia i ka lole o na makaainana me ka manao, pel?. wale no e loaa ai ka waiona iaia me ka maalahi, a hoopukapuka aku, ma ke kuai ana i na koa. Ua manaoio na aliikoa, he poe kekahi, na lakou e hoolako ana i ka wai>ona i na koa,, ma ke kuai ana ma ke ano malu; ma ka po nae o ka Poalima 0 ka pule aku nei i hala, ua loaa aku la ka lohe i na aliikoa, na kekahi mea e komo ana me ka lolewawae bolu, ame ka papalekapu, e hoolako .ana i na koa 1 ka waiona. Ma ka po o ka Poaono mai, ua loaa hou aku .la no na hohhalahala i na aliikoa, mai ka ? pioo aku e noho kokoke ana ma Kaj|olaiii Paka, no ka nui o na koa ona, •'i ka hele ana mai nae o kekalii o na aliikoa, e nana, ua pau aku na koa i ka puhee, aka nae, iaia i liuli hoi.hou mai ai, ua loaa mai la iaia he hookahi koa, e komo ana he lolewawae bolu, me ka papalekapu, o kona paa iho la no ia i ka liopuia. 0 kekahi lohe i laweia aku a hoike i na aliikoa, o ia no ke kuai nui ana o kekahi mea, i na omole liilii, mailoko mai o kekahi o na halekuai kukaa o ke taona nei, a hoopiha'aku la i kela mau omole me ka wisake, a kuai aku i na koa, no ke kumukuai o hookahi dala me ka liapalua. 1 ka .manawa i hopuia aku ai o kela koa, i loaa aku ai ka lolewawae bolu, malalo o kona malu, a ua liele no hoi *a kahioAiio, ua hoole ae oia, no kona pili ana i ka hewa kuai waīona, me ke kuhikuhi ana ae nae, he mea okoa no, ka ona nona kela lolewawae, aka imua nae o ka aha hookolokolo koa, e maopopo ai ka ona oiaio. Ma ka olelo a ke konela, o kela pualikoa, e hoomoana nei ma ka Papu Ruga, e laweia ae ana na keehina wikani, ma ka makaala ana i ka poe apau e ku-e nei i ke kanawai, a i ka *wa e loaa pono aku ai, e hopuia'.aku ana lakou, a ina no ke ka liewa, e hookauia aku ana he hoopa'i kanoho maluna o lakou. Mauka ae nei o ke alanui Liliha, ma ka po o ka Poaono nei, he nui okoa na _kpa ,o kekahi hale kalii i inu bia ai, a o kahi i loaa nui aku ai o ka bia ia lakou, he uinau paakiki ia, koe wale no, ke komō ana o kekahi i ka lole o na makaainana, a me ia ano e hele ai maloko o na liale inurama, e kauoha ai i bia, a i ole, na kekahi poe paha e kauoha i ka bia, no ka law'e ana ma kekahi wahi e lioahu ai, a liele aku na koa, ilaila e noke ai i ka inu.